元朗合隆潮州粉麵 (創德樓)

Open Now

Now Closed

之前喺灣仔食過另一間分店，今日咁啱見到呢一邊都有呢一間餐廳，所以就同朋友即刻入去先！呢一間餐廳主打胡椒湯真係非常好食🙈🙈 而且真係材料非常新鮮，每一次都可以揀到唔同嘅選擇，今次我就揀咗墨魚頭牛脷同埋牛肉餅！我就食米粉今日🙈🙈 個人嚟講鍾意食佢嘅菜普，非常好食，而且香口！墨魚頭非常爽口彈牙食得出餐廳嘅材料真係非常新鮮，另外每一次我都叫牛脷同埋牛肉餅，呢兩個真係呢一間餐廳嘅鎮店之寶，牛肉餅非常出色，咬落去仲有少少juicy! 👍🏻

佢墨丸真係非常高質，每一粒都非常彈牙，食得出餐廳係用新鮮嘅墨魚滑製造，果然朋友都想話打邊爐嘅時候都幫襯佢嘅墨魚丸，味道真係非常好食，冇得輸！牛脷嘅味道亦都非常好食，佢嘅厚切，所以食得出本身成個牛脷嘅口感，而且味道都非常好食，加埋佢嘅胡椒湯，簡直冇得輸！牛肉餅都係餐廳其中一個出名嘅菜式之一，牛肉餅加埋少少芫荽，成個口感都幾好味，而且我同朋友都幾鍾意佢本身牛肉餅嘅口感，味道亦都做得唔錯米粉嘅份量，雖然正正常常，但係再加埋胡椒湯，簡直就係另一個好食嘅味道，鍾意食辣菜譜嘅朋友都可以食佢餐廳提供嘅免費菜譜，而且餐廳嘅辣椒油亦都非常出色，鍾意食辣嘅朋友都不能錯過！

試咗呢一間裝修幾有特色嘅麵店，第一次幫襯梗係試下佢啲招牌嘢。鮮牛肉沙茶醬撈麵配紫菜黑豚肉餃湯。牛肉質素唔錯，係個沙茶醬比較普通，最主要係唔夠香。紫菜黑豚肉餃湯亦都冇乜特別，感覺就係味精湯加啲紫菜加啲黑豚肉餃咁啦，不過啲餸又算係多嘅。不過我覺得成件事最奇怪就係作為一間麵店，呢個撈麵竟然係用即食麵而唔係用啲傳統嘅廣東麵，即刻扣咗分。另一樣叫咗柱侯炆牛腩配米粉，跟餐會連一碗紫菜支竹魚蛋湯。牛腩入味好食，個湯同之前一樣只係配料唔同。另外仲叫咗個白蘿蔔小食，都係正常嘢，雖然應該加咗冰糖落去煮，不過唔係溏心白蘿蔔就唔係，扮唔到嘅。仲飲咗支豆漿仔。

呢間舖頭真係值得最少一個星期食一餐今日同同事又過嚟食，點咗恆常嘅胡椒豬肚湯，配搭豬肺，豬脷還有豬大腸。胡椒豬肚湯一如既往咁好味，白胡椒嘅辣度啱啱好，唔係好似辣椒咁辣，但係充滿咗白胡椒嘅香味，我懷疑佢炒過，再研磨碎，配搭柔軟香滑又有點咬感嘅豬肺，洗得好乾淨嘅豬大腸，間唔中一啖米粉，一啖豬脷，一啖湯，真係好爽。不得慨嘆一下，冬天寒冷嘅天氣過嚟食返一碗胡椒湯底嘅米粉，真係過冬天除咗煲仔飯另一個好選擇

啱啱去完尖沙咀，突然醒起附近開咗呢一間店，就過嚟食個下午茶。咁就點咗牛肉餅同埋鮮牛脷，見佢好似豬什出名咁就嗌咗個豬潤試埋。啲嘢食一嚟到梗係打咗卡先啦，但係打卡嘅時候發現佢啲銀針粉上面有一條頭髮，侍應話係豉油，再俾佢睇真啲真係頭髮，佢都有換。跟住試咗一啖胡椒豬肚湯，都幾夠胡椒味。跟住個牛肉餅都幾彈辣同埋多汁，食得一陣係個鮮牛脷真係幾好食又彈牙，但係個豬膶就錄得嚡咗啲，食到一半嘅時候再食豬膶發現有一舊係酸嘅，以為錯覺咁就冇特別理啦。跟住碗嘢食得七七八八嘅時候，再食多兩嚿豬膶，其中一嚿都係微酸嘅。咁就食返件牛脷當清一清個口啦。跟住最後剩返一塊，搏一搏，都係出咗事，呢一件係超酸嘅。跟住出去收緊嘅時候，同佢反映返個情況，佢話早啲出聲換俾我，但係都食到7788純粹俾返個意見佢，可能呢兩日天氣特別熱，就叫佢哋注意返處理食物嘅過程。不過個豬油撈汁又幾好食豬油好香冇益味，豉油亦都唔會太鹹，淡淡地啱啱好。

係尖沙咀嘅元朗合隆潮州粉麵，我試咗佢哋嘅柱候炆牛筋腩油麵，每一啖都充滿濃郁嘅風味同細緻嘅手工。首先，講下佢哋嘅牛筋腩油麵。牛筋腩炆得腍滑入味，每一塊肉都浸透咗柱候嘅濃郁香氣，而且肉質鮮美，完美地融合咗潮州烹飪嘅精髓。油麵本身彈牙有嚼勁，同牛筋腩嘅腍滑形成咗鮮明嘅對比，每一啖都令人回味無窮。湯底選擇嘅係馳名嘅白胡椒湯，呢個決定真係太對路。湯底濃郁香辣，白胡椒嘅溫和辣味同牛肉嘅鮮美完美結合，喺品嚐油麵嘅同時，暖胃又提神。到咗午市時間，元朗合隆總係吸引唔少食客，證明咗佢哋嘅人氣同食物質素。即使係人多，店員嘅服務都保持咗效率同親切，確保每位客人都能享受到愉快嘅用餐體驗。環境方面，元朗合隆嘅裝潢簡潔而，保留到潮州餐廳嘅傳統氛圍，令人喺品嚐美食嘅同時，亦能感受到一份文化嘅底蘊。

🤰🏻豬油撈🫃🏻【 花雕鮮醉雞 （撈針） 】▸ 　高質懷舊小食▸ 　豬油撈已經罕見，仲有難得見到嘅銀針粉！▸ 　本身以為叫撈就冇得試佢個胡椒湯（掙扎咗好耐究竟要湯定係撈），點知佢會另外上一碗俾你！▍味道▸ 　豬油味唔夠英記香，但食完冇負擔（我估應該係撈左其他成份嘅油？）▸ 　醉雞非常推薦！酒美極濃郁不涸喉▸ 　個辣菜莆堅係勁，食咗一粒之後流咗半餐眼淚▸ 　辣油好香，加埋落去銀針粉超惹味▸ 　撈針（銀針粉）調味唔太鹹，枱頭可自己加魚露調味▸ 　高胡椒湯好正好正，好重口！（本身唔係好食芫荽，但係如果唔抗拒嘅話建議唔好走，一齊飲，個風味幾唔同！）▍環境新裝修嘅佐敦店，麵店嚟講算係闊落▍麵店英雄必爭之地▸ 　附近有幾間本身好出名嘅麵店，連夏銘記都搬咗過嚟！呢幾條街已經成為高質麵店基地！

天寒地凍，想食啲暖笠笠嘅嘢。但又已經食左好幾日燒肉同打邊爐。唸起呢間新鋪，係時候試下啦。入到去，感覺真係好舒服。地方乾淨又光猛。 啲坐位真心鬆動。檯面阿姐親切有禮。最開心嘅係目測職員唔多，但全部都係真香港人。落單同溝通都快趣直接乾淨俐落。難得嘅係佢地對住遊客都係咁熱心。個種街坊嘅感覺番番哂呢啦。叫左一個飯同一個銀針粉。個爆汁牛肉餅好食，啲蠔仔又鮮甜。豬肚爽口，腐竹又有豆味。料多又新鮮。重頭氣係個個湯底，我地兩個都揀咗胡椒豬肚湯。兩口子食到舔舔脷。加分位係有銀針粉食，仲要食得出好新鮮。提一提大家，個辣椒油好得，小心啲個辣菜譜，一個唔小心一啖食落去，辣到打思噎。但真係好味又刺激。作為呢區嘅街坊，我應該會長期幫襯🤭

經過見到呢間粉麵店應該係新開張，所以走入去試吓，估唔到咁好食，可惜唔記得影相。三個人，一個嗌咗白胡椒豬肚湯兩個餸嘅河粉+　底（+$5)，一個嗌咗豬骨清湯，豬大腸，黑豚肉餃子河粉。第三個人嗌咗豬骨清湯，羊肉片，墨丸河粉。 豬大腸黑豚肉餃子羊肉片樣樣都好食，墨丸就好似淡咗少少。一個豆漿兩個五花茶，埋單190幾蚊。湯好好飲，河粉好滑，啲餸樣樣都好食，價錢唔貴，幾十蚊一個人，加底一定好飽，唔加底就OK啦。可能新開，所以好乾淨企理。經過一定要再試👍🏻

筆者一向麻甩性格，元朗人氣豬什開到佐敦，中午搵飯吃，於是過來麻甩一下⋯⋯點餐紙簡單清楚，有點像點車仔麵。原先打算過來吃潮州牛肉餅，殊不知未有貨，留待下次吧！豬什米粉~豬什撈針$58.~依碟銀針粉真係唔講得少，甜甜嘅醬油，加點點豬油香，不知不覺很快吃了一整碗，很飽肚。魚皮~整包上，好似外賣咁，多有趣。