元朗燒賣皇后妙舒 (Closed)

好多人都大讚呢間野掂，今日facial前就買左兜黎醫肚。買左個孖寶 （招牌香菇豬肉燒賣 x 自製白魚旦）加咗辣椒油，惹味好多！白魚蛋超級彈牙！燒賣真材實料！好有肉感，比魚肉燒賣飽肚得多！

今次落開灣仔就去皇后度買咗幾包急凍燒賣閒時返屋企都可以蒸返黎食返到屋企存喺冰格然後拎出黎稍為解凍之後隔水蒸15分鐘就有得食呢個燒賣係豬肉燒賣唔係平常買個種白色魚肉燒賣蒸熱咗之後好大陣冬菇味撲出嚟咬落去都比魚肉燒賣有口感太多了試過返唔到轉頭食叮叮點心燒賣去鋪頭我比較喜歡椒鹽炸燒賣（不過屋企冇氣炸鍋）配埋個辣椒油可以足不出戶宅在家原汁原味都好夠不過我唸佢冇防腐劑唔會擺得好耐？所以每次只係買幾包細包既希望下次開大食會有機會買大包裝

朋友話呢間舖響元朗好有名，而且豬肉燒賣好好食。豬肉燒賣，除左酒樓一向好少舖有賣，所以今次見到灣仔有開左一間就入去食。見到menu有白魚旦，加上推介嘅燒賣，所以就叫左魚旦拼燒賣，咖哩汁。白魚旦，以前響旺角及其他地方食過，所以完全無驚喜。其實佢個白魚旦同其他地方一樣，應該都係人地交來嘅大路野，只係個汁唔同，但都好食。主打嘅香菇豬肉燒賣，香菇有咬口，但豬肉好乾好硬同好“鞋”。以呢個口感，比魚肉燒賣，以及唐記嘅點心都差。整體來講，不值得一試。

結婚前住上水成日落元朗食燒賣皇后，搬左沙田之後少去好多，知道灣仔開左分店，所以之前去書展再去幫襯下啦～燒賣皇后除左招牌香菇豬肉燒賣好食之外，佢地既醬（香辣、咖哩、沙嗲）都好好食。魚蛋、燒賣孖寶 （香辣）招牌香菇豬肉燒賣既香菇有粒粒碎菇，而且好足料，而白魚蛋好彈牙，冇腥味，我就加左皇后香辣油，香辣油一定唔係BB辣，但係個辣真係好吸引，令你不停追食但又要飲水😂😂。炸魚蛋、燒賣孖寶（沙嗲）另外叫多多份炸既，雖然炸左但都有香菇味，炸左既燒賣不會太乾，裏面仍然軟，沙嗲醬唔會好辣。咖喱五寶有魷魚、牛柏葉、豬皮、魚蛋、蘿蔔，咖哩濃同埋都有辣度，牛柏葉、豬皮吸哂咖哩汁好惹味，魷魚又有咬口，最正蘿蔔勁淋冇渣。瑞士雞髀都好大隻又入味，雞肉唔鞋肉。皇后碗仔翅都好足料，有黑木耳、粉絲、冬菇、肉絲，不會太杰變左一patpat，又不會太稀變水狀。我仲買埋皇后香辣油返屋企。

身為一隻大西北牛，其實我平時成日經過佢地嘅元朗本店，不過因為唔鍾意食魚肉燒賣，所以都無諗過試佢地，點知呢日去佢地呢幾個月新開嘅灣仔店，先發現原來我錯哂！原來佢地嘅招牌燒賣係街頭小食少見嘅豬肉燒賣黎🤣🤣🤣真係一個天大嘅誤會！🐶魚蛋燒賣孖寶（香辣）$20/12粒孖寶可以揀香辣/咖喱/沙嗲三隻味，我就揀左用佢地招牌皇后辣椒油整嘅香辣味，食落未辣到食唔到，但都要飲返幾啖水💦魚蛋係白雪雪大大粒個種（我最憎食陳皮魚蛋😆）食落都幾彈牙；招寶香菇豬肉燒賣個皮唔會好硬好厚，豬肉味唔算好突出，但配埋個辣油都幾惹味，而且食到入面有粒粒菇肉🍄都幾足料！以街頭小食黎講係幾特別！聽講佢地嘅椒鹽燒賣先係最好食，下次經過元朗店應該都會試下😗🐶咖喱五寶（豬皮、蘿蔔、魚蛋、魷魚、牛柏葉）$35佢地個咖喱都係辣辣地嘅，但都係接受範圍之內😗佢睇落唔算好大兜，不過配料嘅份量都幾平均，食呢啲咖喱乜寶最怕就係成碗野得豬皮🥶今次唔洗跌入豬皮煉獄👍🏻魚蛋都係白魚蛋，基本上配咩醬都好食；豬皮、魷魚、牛柏葉都係街頭小食水準，唔會好有驚喜，但就係你預期食到嘅個隻味；值得一提嘅係佢地嘅蘿蔔！煮得好淋，食到蘿蔔味，而且有少少🤏甜味，好夾個咖喱汁

Are you a big fan of siu mai? If so, you should try out The Queen of Siu Mai 👑 Unlike normal siu mai served at food stalls, they are using pork instead of fish as the main ingredient with mushrooms which add extra texture and flavor to their siu mai 😋 It’s actually similar to those at Chinese teahouse but bite-sized 😛 When you order the steamed version, don’t forget to ask for a few drops of their chili oil made with secret recipe - it can bring it to another level 🌶 Wanna try out their fish bal

🍴招牌香菇豬肉燒賣（8粒） HK$20菇香爆棚，豬肉腍滑，足料啖啖肉，魚肉燒賣同佢絕對無得比。🍴炸魚蛋、燒賣孖寶（12粒） HK$22自製白魚蛋香甜彈牙，燒賣非常脆皮，落埋椒鹽更香更惹味。🍴瑞士雞翼（4隻） HK$22鹹甜適中，夠入味。🍴魚肉碗仔翅 HK$25魚肉香滑彈牙，湯鹹咗少少。🍴咖哩五寶 HK$35五寶有魷魚、牛柏葉、豬皮、魚蛋、蘿蔔，咖哩香而不辣，最正係蘿蔔，入味無渣。🍴皇后炸乳鴿 HK$48留到最後先食，仲係熱辣辣，鹹香醃料加上鴿肉本身甘甜，就算唔落淮鹽、喼汁都夠滋味，可惜乳鴿唔夠肥美，爆唔到汁。📍元朗燒賣皇后妙舒灣仔灣仔道181A-181G號長春大廈地舖

💛元朗燒賣皇后妙舒💛• 今次嚟到位於灣仔嘅元朗燒賣皇后妙舒✨相信如果鍾意食燒賣 一定會知道呢間舖頭！🤤知道佢喺灣仔開咗新店之後😍佢整嚟試吓！————————————————❶ 招牌香菇豬肉燒賣 $12/5粒質素照保持到✨每粒燒賣都真材實料 食到粒粒香菇 咬菇去唔會有粉粉地嘅感覺而且好香！豬肉似半肥瘦 有啲似酒樓燒賣🤣但佢冇咁油膩同埋有咬口🤤佢地仲要用左自家製辣油添😚❷椒鹽炸燒賣 $15/5粒燒賣都係用招牌香菇豬肉燒賣✨不過用咗另一個方式烹調🤤炸完夠哂惹味😍再用椒鹽灑上面頭 唔會過鹹 岩岩好😋就算炸完都夠彈牙 但係略嫌有少少乾身！❸自製白魚蛋 (沙嗲味) $12/8粒有八粒炸白魚蛋 每一粒都爽滑彈牙✨食到有魚味但一啲都冇魚腥味！加上沙嗲汁好濃郁😍辣辣地好惹味😚配埋一齊食就好夾✨————————————————推薦指數: 🌕🌕🌕🌕🌕🌕🌕🌕🌗🌑| 8.5/10環境指數: 🌕🌕🌕🌕🌕🌕🌕🌗🌑🌑| 7.5/10回訪指數: 🌕🌕🌕🌕🌕🌕🌕🌗🌑🌑| 7.5/10

由細到大都好鐘意食街邊小食,出名既元朗燒賣皇后開到去灣仔超開心,以後想食都唔洗特登山長水遠走去元朗食啦,今次我趁去行書展過來食返一轉!!叫得燒買皇后這裡最賣得一定係燒買,而白魚蛋係自家製,所以都一定要試,另外我仲點左瑞士雞翼撈麵同魚肉碗仔翅!!炸魚蛋燒買孖寶既然燒買同魚蛋都咁想食,緊係點孖寶一次過食哂2款啦!!呢度除左有普通既蒸,仲有炸既,炸到金黃色既燒賣,食落去都唔會覺得好乾身,外脆彈牙又實身,食到豬肉,魚肉同香菇,表面灑左少少椒鹽,佢個椒鹽調味得好好,食起來好香口,而魚蛋雖然細細粒但非常彈牙,純白既魚蛋比人感覺好健康,入口仲食到魚肉香,真係好好味!魚肉碗仔翅碗仔翅入面都幾足料,食得出係素翅既口感而唔係粉絲,仲有好多冬菇絲,木耳絲,肉絲,魚肉大舊又彈牙,湯羹順滑,而且杰得剛剛好,唔會好似飲水咁!瑞士雞翼營多撈麵4隻瑞士雞翼配撈麵,雞翼既醬汁好濃味,睇得出D瑞士汁應該煮左好耐先可以令到雞翼咁入味,甜中帶香,加埋撈麵一齊食好正!!實在仲有太多小食仲未食,下次一定要再食過!

/ /平民價出色燒賣！呢間燒賣皇后成日都經過見到佢咁多間分店都未試過🙈今日咁啱經過灣仔呢間就決定入去試吓當嘆番個下午茶先，估唔到咁有驚喜！咖喱沙嗲五寶 $35呢個五寶入面有魚蛋、蘿蔔、陳皮、魷魚、牛柏葉，啱晒我呢啲咁貪食嘅人🤩佢個咖喱沙嗲汁幾好食，唔會太辣魷魚夠哂彈牙！食落都好大碗魚蛋燒賣孖寶 $20呢個真係必食！魚蛋好彈牙呢個燒賣同出嗰啲好唔同佢係香菇豬肉燒賣，食落好香香菇味👍🏻碗仔翅 $20估唔到碗仔翅都咁足料！仲加咗辣椒油🌶️胡椒粉，食落更香口

燒賣皇后嘅招牌香菇豬肉燒賣一直係我嘅燒賣排行榜number 1🏆，最近見佢哋進駐埋灣仔區真係超興奮啊，完全造福我呢啲港島人。依家仲有唔同嘅小食set，行過肚餓幫襯就fit晒。🍝瑞士雞翼營多撈麵 $28每次食營多撈麵，腦海就會自動響起「營多麼需要你~」🤣，最鍾意呢種熟悉的味道。值得一提嘅係啲雞翼，皮滑肉嫩，啲肉一咬就甩骨，而且夠晒入味呀！👅評分：8.5/10🐟魚肉碗仔翅 $25一見到碗仔翅，啲童年回憶返曬嚟😍！哩度啲碗仔翅非常足料，有粉絲、黑木耳絲、香菇、肉絲等等，啲肉絲仲超大舊🍲，真係令人啖啖回味呀👍🏼👅評分：9/10👯‍♀️魚蛋燒賣孖寶 $20孖寶有三隻味揀，為咗就唔食辣嘅男朋友就揀咖喱味🥘，味道香而不辣。白魚蛋彈牙爽口，而招牌香菇燒賣就喺蒸籠入面熱辣辣咁夾出嚟，保持到一貫水準，真係超正。👅評分：9/10💬後記：燒賣皇后灣仔店最近仲同附近兩間黃茶飲店合作，憑單去茶星人或丸茶·手作買嘢飲，會有現金折扣㗎💛！

平時落灣仔都係趕頭趕命補鑊送貨，之後趕番公司繼續做野，從來無辦法靜靜坐底嘆番個LUNCH 😞今日經過發現💛「 元朗燒賣皇后妙舒 」🎊 終於開到落灣仔喇👏🏻👏🏻YEAH～～ 🦖肚仔餓買啲小食剛剛好 🤭 🤭 🤭 🌼 炸魚蛋、燒賣孖寶 $22-· · · 6粒魚蛋 + 6粒香菇豬肉燒賣· · · 即叫即炸🔥新鮮熱辣🔥要等都覺得好應份· · · 💛香菇豬肉燒賣(超級推薦) 💁🏻‍♀️店員話灣仔街坊好養生，普通蒸燒賣最受歡迎👏🏻。 但我一喺唔食，一食就置生死於度外✌🏻無有怕！金黃色嘅表面，再均勻潵上椒鹽粉 💛 勁惹味 😋 · · · 第一口原粒啪，外脆內軟，滿口都喺香菇味，充滿驚喜🎉。 第二口咬開一半，就喺想睇清楚內𥚃有咩成份🧐 果然！好重手，一粒外表平庸嘅燒賣，竟然偷偷地收藏幾顆香茹粒，咁真材實料，難怪完全無乜油膩感 😳 忍唔住想食完又食，😾 可惡！🌼 咖哩五寶 $35-· · · 五寶：魷魚、牛柏葉、豬皮、魚旦、蘿蔔· · · 魷魚、牛柏葉、魚旦🧐 普通～ 無咩特別驚喜· · · 極為欣賞💛豬皮正常厚度，軟得嚟又帶點爽口彈牙· · · 蘿蔔💛本身就已經煮到𥚃𥚃外外好入味，又無渣，四個字😌入！

港島區嘅朋友有口福了 元朗燒賣皇后現已駕臨灣仔💛之前係元朗國試過佢哋嘅蒸燒賣 念念不忘 今次就試吓另一種做法 炸魚蛋燒賣孖寶 🤩 今次揀左椒鹽 亦都可以揀咖喱或者沙嗲😗 招牌香菇豬肉燒賣 一貫真材實料 雖然燒賣炸左但都唔會乾爭爭 半肥瘦豬肉咬落好有肉汁 粒粒冬菇有咬口🍄 自製白魚蛋有魚味又彈牙 炸到脆卜卜 配椒鹽粉好香口😋 $22 有成12粒好抵食!其實燒賣皇后除咗燒賣好食之外 仲有提供其他香港街頭小食㗎🥳其中一樣我最愛嘅就係生菜魚肉 好足料好多鯪魚肉 食極都仲有😂 魚湯都唔錯飲完唔會好口渴 加埋麻油同胡椒粉 正正正🐟仲有瑞士雞髀撈麵 隻雞髀超大隻🍗瑞士汁都夠入味 啖啖嫩滑雞髀肉 加埋最愛嘅營多撈麵 滿足des～

好耐之前💭帶個住港島既朋友係元朗食過🥢佢食完之後同我講點解佢屋企附近冇😩好羨慕🥺大西北既我，喂🙋🏻‍♀️朋友，依家你唔洗過海食啦🎉📣📣灣仔有分店呀🎊~•~•~•~•~•~•~•~•~•~•~•~•~•~•~•~•~•~•~• ▪ 炸魚蛋 燒賣雙拼 ($22) 好大碗🤗勁抵食🤑成1️⃣2️⃣粒▫️炸燒賣 其實比起🐟魚肉燒賣，我更鍾意食🍄🐷冬菇豬肉燒賣，雖然炸左🔥，但冬菇味都仲係好出，好香🤎同蒸♨️既比各有各好食😝如果怕炸會熱氣，就揀蒸啦🤪👆🏻即叫即炸，外層炸到脆卜卜💥熱辣辣🔥表面椒鹽落得均勻🧂唔會一D鹹一D唔鹹👇🏻▫️炸魚蛋🐟魚蛋夠彈牙，唔係一ᏢᎪᎢ粉個種😌.▪ 碗仔翅 ($20) 🍲好足料👏🏻冬菇 • 木耳 • 翅 • 肉，舀落🥄啖啖都食到料😍唔會🙅🏻‍♀️水了了，拎上手時熱辣辣🔥本身味道都好夠，再加埋胡椒粉 • 麻油 • 紅醋♥️味道更豐富🥰加左醋🤏🏻少少酸仲開胃😌(💁🏻‍♀️有冇人同我一樣，鍾意♥️加紅醋🙌🏻).▪ 沙嗲 / 咖喱五寶 ($35)有2️⃣款汁可以揀 💁🏻‍♀️ 沙嗲汁 / 咖喱汁。我就揀左沙嗲🤎 味道唔會好辣，但好香花生味🥜五寶有：魷魚🦑 • 牛柏葉🐂 • 豬皮🐖 • 白魚蛋⚪️ • 白蘿蔔🤍每款

我鐘意食燒賣小食，少時去元朗探親一定幫襯燒賣皇后，食美味的本港製招牌香菇豬肉燒賣和白魚蛋。朋友快移民，今日去灣仔道探他，竟然發現有燒賣皇后的分店，真令人喜出望外。分甘同味，即刻買些小食給朋友做手信。魚蛋燒賣孖寶必食。自製白魚蛋爽口彈牙，甜甜地好味，無腥味。招牌香菇豬肉燒賣菇味突出，成份有豬肉，鲮魚肉等，有質感，好食。加埋咖喱醬更惹味。陳皮牛肉球都好食，結實無騷味，加喼汁更好吃。咖喱五寶有鱿魚，牛柏葉，豬皮，魚蛋和蘿蔔，各有特色。一次食哂五樣，滿足。皇后炸乳鴿個子細細，但食落又幾好味喎。瑞士雞翼一份4隻。瑞士汁甜甜地好味，雞翼夠味不肥腻。皇后碗仔翅好足料，湯底甜，有肉絲，木耳絲，冬菇絲，粉絲等。加麻油，胡椒粉和醋更鮮味。我和朋友吃得很開心。他感嘆移民後無機會食這些地道美食，我無奈地叫他走前吃個夠!