光榮冰室 (鴻威大厦)

Open Now

Now Closed

「又好食, 又抵食, 又親切, 香港人嘅食堂!」食評一開始, 先來一個總結。疫情嚴重, 街沒什麼人, 很多公司都不用上班, 又因為剛好中午12點, 未到繁忙時間, 難得不用排隊就可以食到光榮冰室。未到繁忙時段, 自然食客食得輕鬆啲, 侍應又做得「他條啲」。這點大家是明白的。光榮快餐 B 一份: 蔥油雞扒飯 + 凍檸檬茶($45)。蔥油加特製豉油汁, 光榮嘅招牌其中一部份, 味道不容置疑! 飯質軟硬適中, 又香又夠熱! 大大塊的炸雞脾, 外香脆, 內嫩滑, 用料又新鮮, 份量充足, 一般OL食客很難獨自完成。凍檸檬茶, 正常水準, 茶味略為「澀」。另外點了「全日特餐」: 蜜汁叉燒通粉 + 火腿奄列 + 牛油麵包 + 熱奶茶($45)。蜜汁叉燒很有驚喜, 叉燒肥瘦勻稱, 充滿蜜糖及燒烤香味, 非一般貨色。通粉及湯底, 水準以上。 火腿奄列都好味, 蛋異常香濃, 火候剛好, 內裡是流動的蛋汁, 可惜「薄」了一點。牛油麵包, 正常, 新鮮。熱奶茶, 屬於同區的頂級。「又好食, 又抵食, 又親切, 香港人嘅食堂!」總結, 再講一次。

疫情期間, 4人一台,  等左15分鐘先入得不過唔緊要 排得隊 應該無走雞'一坐後 見到牆身      三眼仔雞扒飯MENU都無睇 就直叫 依個餐$49 包凍飲一黎到 真係好大份塊雞扒唔記得影但3隻蛋都遮唔哂塊扒, 咩SIZE自己諗下味道正常, 大路茶記野 多甜醬油是常識吧  食飽, 去槍街睇錶先 

「光榮冰室」最近雖然把分店事務擴張至到「旺角」，在「旺角」「花園街」開了新分店。不過「旺角」分店「光榮冰室」跟「尖沙咀」分店有個明顯的分別，就是「旺角」分店未有製作提供「煲仔飯」食品。不過，即使「旺角」分店「光榮冰室」沒有製作「煲仔飯」，仍然能夠吸引大量年輕的食客，慕名在「花園街」「光榮冰室」店門外面苦苦排隊等候，直到「光榮冰室」侍應安排入座為止。另一方面，食客雖然光顧「旺角」分店「光榮冰室」，還是無可避免地需要跟其他陌生食客「搭檯」，但是起碼「旺角」分店「光榮冰室」，至少還懂得在餐檯之間加插大型透明塑膠膠板，讓食客衛生得到最基本的保障。須知道在現在的香港環境局勢下，跟陌生食客「搭檯」同檯對食，本來就是十分危險的行為。如果食店能夠在餐檯用餐環境，加上適量的保護衛生措施，能夠讓食客食得安心一點，即使「搭檯」不是享受，起碼不用擔驚受怕。當我在「旺角」分店「光榮冰室」排隊的時候，無意中發現「旺角」「光榮冰室」推出了一個，名稱叫做「三眼仔雞扒飯」的食品套餐，令我的興趣大增。由於「光榮冰室」沒有製作和提供，可以讓食客同時食到牛扒跟雞扒的「鴛鴦扒飯」，導致我需要在光顧「光榮冰室」之後，在其他旺角食

旺角食咩好？又想平又想快最好食茶記！旺角茶記一般都要$50起食個午餐，光榮冰室又平又抵食，最衰係要等位，因為太多人食吧！午餐有四款，款款都係$50內包凍熱飲品。我通常都係食開尖沙咀嗰間，今次喺旺角試吓佢好唔好食啊！ 叉燒炒蛋飯，最重要係個雞蛋唔可以老，叉燒唔可以太肥亦唔可以太瘦，食落去，雞蛋汁同豉油汁混合起一齊，感覺都幾好，我會比90分。我見隔離枱食個蔥油雞扒飯，又大塊又好食咁，下次一定要試吓。飲咗杯凍檸茶，佢係英國紅茶底，同平時茶餐廳有啲唔同，個人就唔太喜歡。佢侍應唔多大家要俾啲時間等嘢食到

佢其實就好似其他茶餐廳咁，會有好多menu係牆上面，你可以睇下個期有咩推介。佢地嘅嘢食價錢唔高，但十分足料。蔥油雞扒飯（$45）你見到塊雞扒就大過個碗，就知佢塊雞扒係幾咁大啦，佢雞扒係有炸過嘅，因為外面有層脆脆嘅炸皮，所以你一食落就知道係咪即刻整嘅。佢就冇炸過龍，所以唔會好鞋。份量好大，我只係食到一大半已經好飽☺️沙嗲牛肉包（$25）麵包係用熱狗既包，加上好多汁既沙嗲牛肉係上面，真係啖啖都有肉。不過我覺得個沙嗲汁太重花生醬味，就有少少怪。套餐全部都有嘢飲，仲要凍飲都唔使加$3😀

光榮試業第二日就算排隊都要去食🤣🤣🤣排隊嘅時候開心浩源餐已經賣晒食食吓連雞扒都售罄 真係好誇張😂😂坐喺度見到個餐牌一個早餐蕃茄排骨薯仔通粉包嘢飲$23 咁平去邊度搵呀 🤩🤩🤩平價早餐推介 麥當勞你食個包都$16-20 加多幾蚊有通粉食🥳今日食咗茶餐系列 沙嗲牛肉出前一丁 出前一丁唔使加錢 勁驚訝 😱😱 牛奶炒滑蛋超級多 我懷疑佢用咗三隻蛋🙈🙈🙈仲要係好食 蕃茄薯仔排骨粒通粉 個湯一啲都唔鹹 冇咩味精 食完成餐都唔覺得口渴 超加分 另外蔥油豬扒飯 勁香勁吸引 🤩🤩🤩

旺角的光榮冰室應該無尖沙咀的人多,所以今天中午來吃午餐,等了10分鐘左右就有位,環境超多文宣,不算大間,偏向舊式的茶餐廳沒有裝修,所以價錢可以調低吸引客人消費,定位正確。加上老闆超黃背景支持香港人,一定要去一次。開心浩園餐  3/5分   49元1. 賣相吸引,三隻雞蛋在一塊超大的雞扒之上,價錢實惠2. 油分太多,吃到一半已經受不了,雞蛋不算有蛋味(雖然多),是相對較普通的蛋3. 雞扒沒有調味,直接沾上炸粉,確實好大塊,但感覺像吃沒有味道的雞扒4. 想用醬油調味,可惜依然不甜,少許奇怪叉燒炒蛋飯  3.2/5分   49元1. 叉燒好正常,像常餐意粉的叉燒,比較瘦2.  炒蛋奇多,都是沒有蛋味,油分依舊好多3. 味道正正常常,還好價錢公道,甚至便宜,份量夠大,有冷熱飲品,超級黃店的背景,覺得可以支持!

食lunch時間，等了 10分鐘，等5-10個人路過旺角支持下光榮我一個人食，一張檯已經迫滿4個人，有膠牌分隔4個唔識的人 ，安全夠衛生食物方面，叫了一個特餐44蚊，都抵食！ 叉燒米粉： 無咩味道，好普通。西班牙奄列： 我問侍應什麼是西班牙🇪🇸奄列？ 原來係蛋入面有香腸同茄汁豆竟然好好味 凍檸檬茶：茶記味道，大杯！正！ 總結：滿意但人多，坐得好迫，好多客人都拍攝打卡。 茶餐廳味道，不能期望太高！ 所以我都俾高分！ 推介俾朋友！

喺旺角食Lunch，選擇懲罰黃店嘅機會大咗好多，今次揀咗間大牌 - 光榮冰室。雖然今次好早到，但11點左右已經啲外賣Order做過不停，每個人都做緊最正確嘅事。一般茶餐廳裝潢但配上各種各類嘅文宣，非一日之寒，香港人會睇得好清楚。今次揀咩食，梗係最開心嘅「開心浩園餐」(雞扒三蛋飯)，上到枱一刻，畀佢嘅份量嚇一嚇。.開心浩園餐 (雞扒三蛋飯)評分：🌟🌟🌟🌟份量十分出色，覆蓋3/4隻碟嘅炸雞扒，3隻好靚嘅太陽蛋，而佢嘅飯當然係茶餐廳最熟習嘅豉油撈飯。雖然佢哋嘅炸雞扒冇好脆嘅口感，好彩雞扒裏面一啲都唔乾同唔嚡。篤爆蛋黃再撈埋啲豉油飯度食係好有屋企感覺。.跟餐一杯凍熱飲品，我杯凍奶茶係一般凍奶茶嘅水準喇！

終於到我光榮啦💛見到身邊嘅朋友又三眼仔又鰻魚又滑蛋 個個都讚 我身為一個麻甩長老實在心急如焚朋友一早已經揀定三眼仔 而我本身想三鰻thx 點知阿姐同我講三鰻thx已經落咗畫 好彩記得朋友話過叉燒滑蛋都好正 就呢個啦媽啊 兩個飯都好好味啊 由於我本身係蛋怪 對蛋嘅要求都係奇高 我無諗過喺冰室茶記都食到咁重蛋味咁滑嘅蛋架 而三眼仔下面塊雞扒仲大過塊面 我死都要我個fd分比我食🤪連埋凍飲一個餐都唔洗$50 超值又理想 要encore啊📣

相信唔少香港人都認識光榮冰室，我聽就聽得多，今次係第一次幫襯，同先生行過附近，見好多人排隊，行近一望原來係鼎鼎大名嘅光榮冰室，當然要幫襯下。餐廳入面冇乜特別，係舊式茶餐廳嘅格局，食物亦係大路嘢，價錢合理。有幾款出名嘅飯餐係特別吸引，四十幾蚊包飲品，相當抵食。本來想試下大受歡迎嘅三萬完蛋飯，但一早已經售罄，唯有轉戰同樣出名嘅雞扒飯，我揀咗蔥油雞扒飯，而先生就揀咗三眼仔雞扒飯。雞扒份量超多，有成兩大塊雞扒，非常慷慨！雞扒外皮香脆，啖啖肉，肉質唔會好乾，仲保持到鮮嫩嘅肉汁，質素唔錯。雞扒再好都需要薑蔥油扶持，薑蔥油簡直係成個飯嘅靈魂，鹹淡適中，薑蔥嘅香味好特出，令成個飯變得非常惹味！另外白飯亦係粒粒分明，飯味突出，齋用薑蔥油撈飯已經令人滿足！凍奶茶雖然稱唔上香濃，但質素尚可，四十五蚊包飲品，凍飲仲要唔使加錢，夫復何求呢？先生叫嘅三眼仔雞扒飯比我嘅多咗三隻太陽蛋，價錢都係差四蚊，的確係無懈可擊，蛋仲要煎得幾靚，一啲都冇揸流攤。凍檸水亦非常正路，慳返三蚊覺得零舍好飲。親身體驗完終於明白點解大熱天時都咁多人排隊，食物質素的確係唔錯，特別係蔥油雞扒飯，成個組合都冇得彈，價錢又實惠，真係抵佢咁多擁躉！

ᴄʜᴀ ᴄʜᴀᴀɴ ᴛᴇɴɢ💛.每次喺旺角行街經過 都見到好多人排隊🧐早啲去 就唔洗等位同冇咁迫🤪啲嘢食真係相當抵食 碟碟都勁滿 份量十足🤩不過服務態度就真係比較差☹️.蕃茄湯排骨粒通粉 + 西班牙奄列🍳 $45 每次去茶餐廳都一定係食全日特餐🍴最鐘意就係蕃茄湯🍅估唔到呢到咁足料 有勁多配菜仲有半個蕃茄喺入面😍湯底唔太酸 係甜甜地帶辣嘅羅宋湯🧐佢似係用左豬軟骨唔係排骨 一啲都唔鞋口😋第一次食西班牙奄列 幾特別😛入面有茄汁豆同埋廚師腸🙈蛋唔算太滑 不過配埋包食真係好正💓牛油方包(一開二嘅薄切方包🍞)+$1可以轉多士(半塊厚切方包)麵包一定要烘到脆卜卜窿窿地先正🤩.咖哩豬頸肉飯🍛 $45豬頸肉真係好厚切又夠大塊 飯又夠多😍四十幾蚊一碟 真係好抵食‼️我妹一個人食唔晒 所以我食埋佢🤫第一次見豬頸肉係成舊上 唔係一片片🤣不過可能因為太大舊 煎得唔夠香🥺食落冇平時一片片咁好食🙈肉質雖然好嫩滑 但係偏肥 食得多都真係幾膩🤢咖喱汁都幾多 建議可以叫佢少汁🤏🏻.鮮茄豬扒飯🍅 $46豬扒相對冇豬頸肉咁大件 佢比較薄身 不過都差唔多成隻碟咁大🤤肉質都好腍好嫩😚但係都係煎得唔夠香😫茄汁嘅蕃茄味唔太濃 太多芡汁😪

未試過可以喺茶餐廳食大大塊鰻魚！大大碟，啲蛋又香又滑，鰻魚無骨又好食！仲有食左佢個叉燒炒蛋飯同咖喱豬扒飯都好好食！香港最出色的係有人情味的餐廳，茶餐廳係代表，而呢間茶餐廳係出色！一定要試佢個鰻魚蛋飯！推介！

三萬完蛋飯係勁受歡迎，除咗名字盞鬼之外係因為真係有三塊肥厚大鰻魚同多多滑蛋！啱啱出個陣即刻搵日嘅中午去咗試，後尾有晚想食再去話售完就以為太夜啦，點知最近再lunch time 再去都已經無賣嚕，都唔知係咪唔再出添！好彩有試到一次姐！咁唔緊要，試佢另一個招牌：叉燒炒蛋飯！嘩啲叉燒肥瘦厚道係剛剛好，啲蛋又完全唔會炒到好乾，而個鼓油真係好開胃，就算勁大兜都好食到停唔到！重點係大家都知光榮黃到金，呢個價錢支持下其實唔難！

Delicious lunch for sure! And only for 45 bucks you get a main and a ice cold drink. I order the scrambled eggs with bbq pork on rice. The the eggs are silky smooth and custardy. And with the soy sauce it is a match made in heaven. It is not your typical soy, it sweet salty and full of umami. Definitely try it. And plus it is owned by locals and support democracy. As a Hong konger it definitely feels good