光榮冰室 (鴻威大厦)

Open Now

Now Closed

擁有咁多間分店嘅光榮冰室，有夠黃，又有良心，又抵食，又好味，大家仲唔快啲幫襯？今次因為堂食太多人，所以叫咗外賣三萬（鰻）完蛋飯同埋開心浩園餐（三蛋雞扒飯），分量十足，味道都非常野味

排隊黎食，疫情中食飯，見到佢個隔住的膠牌，即刻加分，好穩陣，又唔怕對面陌生人的口口噴到，希望疫情過後都保持住。我們叫點了出名的三眼仔雞扒飯同三鰻完蛋飯配咖啡奶茶。雞扒炸得太硬，不過個豉油好味，蛋有3隻，估佢唔到咁多。而飯很很很大堆頭，應該叫少飯。三鰻完蛋飯，鰻魚普通，不過多，蛋也滑，普遍來說唔錯。其實呢個價錢，呢個食物質素來說已超值，最深刻係估唔到咁大份。侍應態度幾好，可能係新開張及光猛，入去感覺乾淨，沒有mk茶記那股污糟up味。

三萬完蛋飯冇食到因為🧒🏽唔可以食饅魚呀sad，所以我就叫左常餐既叉意同奄列，個奄列既蛋係超級好食好高汁呀真係好正，而👦🏻就叫左佢一直都好想食既蔥油雞扒飯 ，嘩真係好不得了呀，個蔥油好好好香呀，連🧒🏽唔食蔥既都食左幾啖哈哈🤣雞扒又大塊又脆又juicy ，而且份量都仲好夠 ，加埋甜豉油撈飯食到👦🏻lamlam脷呀😋講真佢地既凍啡都真係好正，唔係普通hea沖，真係飲得好開心，仲要佢地既凍飲係唔洗加錢呀，講真仲邊有咁好咁有良心既，咁就緊係撐啦哈哈哈🤗🤗🤗

今日特登去幫襯三萬完蛋飯外賣，下午6:00左右去到，除咗Order咗三萬完蛋飯，仲叫咗個蔥油雞扒飯。兩個飯連兩杯凍齋啡，$100有找。三萬完蛋飯有差唔多有半條鰻魚份量切成4大塊，配上又香又滑，生熟程度啱啱好，食落一啲都唔老嘅滑蛋。鰻魚尚算厚身，口感十足，鰻魚油香同醬汁味濃。蔥油雞扒飯，十分之有驚喜，雞扒醃得非常之入味，有啲似香茅味，而且唔係一般煎雞扒，應該係炸嘅，但係一啲都唔油膩，食落香口，啖啖juicy十足，配上蔥油同豉油汁，送飯一流！齋啡都值得一提，咖啡☕️味香濃而唔苦，aftertaste後勁十足。無限支持，價錢相宜貼地，食物質素唔會將貨就價！香港人嘅食肆！

今晚嚟到光榮冰室食晚餐，餐廳同一般嘅茶餐廳冇分別，係有一種懷舊嘅特色，裝修都算係好嘅，但係唔知係咪因為想間餐廳個位置容納到更加多人，所以佢中間嘅圓枱都係坐摺櫈嘅，所以如果係話想追求坐得舒服嘅話呢間餐廳可能唔係好適合你啦。另外餐廳職員都好好咁幫我地抹好張枱，但係唯獨是因為肺炎關係，佢中間會有塊膠板隔住，個原意都係想搭枱嘅食客避免有太多嘅接觸，但係就因為可能接待嘅客人都有啲多，所以膠板都有上一手客人濺上嘅食物醬汁，感覺上就好似有啲唔衛生，但係可能因為客人比較多，服務員做到小小手忙腳亂，呢個瑕疵我覺得係可以接受嘅！首先嗌左個常餐，$45就可以食到一個茶餐，當然凍飲要另加錢，多士都要加一蚊，但係呢個時勢來講$45食到個茶餐我覺得都算係對得住個價錢，另外佢係可以免費轉出前一丁同辛辣麵，用料咁好，$45真係合格有突啦！另外個炒滑蛋真係做到好滑，唔似其他餐廳咁落好多嘅忌廉同牛油，搞到個炒蛋本身變到好油膩，個多士做到好彩，而且上面查嘅牛油都好多，唔似其他餐廳咁淨係比得個少少你，根本食唔出咩味道，所以呢間餐廳嘅質素都做得好好嘅。另外一個叉燒滑蛋飯，之前都食過一次，個炒蛋係炒得好滑，另外豉油都好食嘅，叉燒

今日去旺角 當然要支持黃店光榮門口貼滿哂 依家食飯防疫措施要做到足都系入門口探熱 兩個人食飯有板格住 搭枱都安全啲 我同男朋友兩個都叫快餐 我叫叉燒炒蛋飯 男朋友叫豬扒飯 上菜速度快叉燒半肥瘦 好味道 炒蛋應該有兩粒 最少有少少smooth 我幾鐘意食呢種蛋 個飯唔林 粒粒分明 落左少少豉油 以快餐形式性價比高男朋友話佢個餐都幾好食😋 豬扒大塊 脆脆地評分會俾4/5 值得既系佢凍同熱野飲都系跟餐送 唔會加收兩蚊🤗 可惜男朋友睇漏左 不來有個餐多4蚊 但系個豬扒飯上面會多三隻蛋正正正 下次再去試下

非常好味的茶記，推薦👉🏻 叉燒滑蛋飯半熟的滑蛋加上叉燒， 十分簡單但非常好食😋， 而且份量足夠男仔食完都夠飽，推薦👍🏻👉🏻三眼仔雞扒飯三隻半熟蛋加上面般大的雞扒💯（但人比較多，等待需時）備註：新出的「三鰻」飯可惜已經售完， 下次一定再試😆

黃到發金既光榮💛見到佢既三萬完蛋飯好吸引鰻魚同滑蛋好夾好配合再加上甜醬油鰻魚都有好多 又好大舊滑蛋就必定無死啦最緊要係黃又黃又好食😋同路人一齊支持下黃色經濟圈💛

今日又來到光榮冰室啦，本身一心黎到想食個三眼仔飯，但最終竟然好過份地賣曬！！唯有食番快餐算，咁黎到梗係唔可以唔食佢個炒蛋😂一於食叉燒炒蛋飯😋😋叉燒炒蛋飯 $45炒蛋炒得好滑好香，一如以往咁保持住心準，未食過既，記得蛋係呢度最出名既野😂😂😂厚切叉燒大大舊，份量又多，加埋炒蛋係絕配👍🏻👍🏻👍🏻👍🏻成個飯都只係$45，大大份，平過好多冰室同茶餐廳❗️❗️❗️當然黎到一定要似茶走，茶走即係奶茶但係落煉奶，平時其他餐廳可能落好少，但呢度落勁多煉奶，好好飲，一試便愛上👍🏻👍🏻

之前去過荃灣店嘅光榮冰室，對佢地印象唔錯，剛好今日出旺角，經過光榮，於是又入去支持下。今次唔肚餓，叫個下午茶醫下肚算。沙嗲牛肉公仔麵配火腿蛋沙嗲牛肉味道算濃身，整體上算合格。例牌光榮冰室做法，調味料，麻油自行落。但店員，可唔可以唔好用掟嘅方式掟過嚟呢.......？我明白想做到好隨意嘅茶記感覺，但掟過嚟嘅方式，相信更差嘅茶餐廳都唔會咁樣做掛....另外，呢日安排到後門第一個位，所以好多時佢地要掉垃圾，都要經過我背後先到後門。由落單到埋單，已經多次垃圾同紙皮跌落我背脊，即使紙皮佢地抽起拎，但變相誇過我頭頂走。我覺得如果依衛生上，絕對唔衛生，因為一直放響地下嘅紙皮箱，點可以響食客頭頂飄走，細菌咪周圍跌落我碗麵度.....雖則黃店，但都希望保持該有嘅服務態度，同該以食客角度出發。

喜見「光榮冰室」生意愈做愈大，在旺角、九龍灣、荃灣甚至深井都大展拳腳，分店愈開愈多。旺角店對我來說最為就腳，就找了一天去支持支持它。店中的一款「三眼仔雞扒飯」（$49）有一個名字特別，饒有深意的「開心浩園餐」，其實即是三蛋雞扒飯，只要想像一下三隻煎得像是太陽一樣明亮的的荷包蛋加上一塊美味的煎雞扒，便不難覺得它吸引。不過一次過吃三隻雞蛋對我來說實在是生命中難以承受的重，還是留給更適合的人吃吧！沒吃「三眼仔雞扒飯」，這天的快餐中卻有一款對我這個愛吃蔥油汁的人更加適合的「蔥油雞扒飯」（連冷或熱飲，$45），那便以之作為代替品吧！這「蔥油雞扒飯」水準奇高，實在令我喜出望外。煎雞扒大件肉厚，舖滿整碟飯面，把底下早已淋上了蔥油汁的飯完全遮蓋，大量蔥油堆在雞扒之上，一片青綠，顏色極為吸引。雞扒的雞皮雖稍軟而不脆，仍覺可口，雞肉嫩滑而仍能保持肉汁，蔥油汁更是味道甚好，令飢腸轆轆的我開胃非常，不需多時便把雞、飯、蔥油全部一掃而光。在這段疫境中，「光榮冰室」的生意仍能不受太大的影響，客人不少，著實不易。但風雨過後的陽光最是燦爛，黑暗過後的晨曦最是光明，戰鬥過後的勝利最是難得。香港人最緊要團結一致，終有一天

我自己係好鍾意食茶記嘅，因為價錢平之餘，都好難會中伏。而我覺得由沙嗲牛肉可以睇得出一間茶記到底係好唔好食因為呢樣簡直係茶記基本menu，如果連基本都做唔好，其他菜式點會好食？而光榮冰室嘅沙嗲牛肉係完全冇令我失望！我叫咗個特餐，包飲品、奄列或炒蛋同埋一碗麵。我揀左炒滑蛋配沙嗲牛肉米粉。沙嗲牛肉米粉個汁好好食，係有微微嘅辣同埋有花生味嘅餘韻。其次係佢個牛肉同出面d茶記唔同，佢係冇用到鬆肉粉，所以食落去比較有咬口同埋充滿牛味。而且仲要俾咗好多牛肉，真心抵！我男朋友叫咗沙嗲牛肉飯，點知啲牛肉係多過飯真心超級抵，下次會再來過！P.S. 繁忙時間可能會比較多人，有機會要搭枱

今晚一嘗良心小店💛聽網上講呢間餐廳嘅快餐唔止快 食物嘅質素仲相當一流 令人食過返尋味😋係旺區仲要用相當親民嘅價錢仲要包埋嘢飲 咁有良心嘅餐廳 點都要光顧一下🍽--葱油雞扒飯配凍檸水 $45🍗我就叫咗最中意食嘅雞扒飯配搭上葱油 葱油落得幾多下 每一啖都食到葱油嘅香味🤤塊雞扒仲要成隻手掌嘅大🖐🏻真係相當抵食 而且味道好好 夠哂肉汁 下次仲會試吓其他款式--叉燒滑蛋飯配凍檸茶 $45🍳以女朋友就嗌咗個滑蛋叉燒飯🍚啲滑蛋同叉燒嘅份量一樣多 滑蛋滑得嚟又好香 🥚叉燒嘅味道更加冇得彈😋每一啖都可以食到滑蛋同叉燒 --📍 光榮冰室 (旺角)旺角花園街3-5號鴻威大厦地下12-13號舖

今次係食咗咖喱雞飯外賣帶走返公司覺得份量好足夠而且菜都比較多但係咖喱方面就比較淡啦如果可以再鹹少少就比較好～感覺上冇乜味⋯⋯可能呢個唔係佢哋招牌下次都係食返招牌比較好嘅感覺等嘅時間都係好快5分鐘左右就可以帶走唔驚遲到啊！下次都會想再過嚟支持老闆分店咁多都好方便可以攞走味道方面可以再改良一下相信會有更加多人過嚟支持！而家外賣咁方便唔一定要坐低都可以食！而且價錢又實惠～下次都會再外賣返去試下唔同款式希望味道方面會再改善一下啦咁就非常好啦～

全日消費黃色經濟圈冇問題! 直落晚飯光榮快餐，蔥油雞扒快靚正，蔥油撈飯夠惹味，連野飲檸茶都係$45，太抵了，買杯h啡都40。中意足度既氣氛，侍應到客人都好輕鬆咁講嘢。#test_mk______________________________🏠 光榮冰室💛📍旺角花園街3-5號鴻威大厦地下12-13號舖💸 $45‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾#黃色經濟圈 #旺角美食 #香港美食 #hongkong