八仙餅家

Open Now

Now Closed

公司有同事請我地食南乳花生, 個個試食完之後勁讚,即刻搵人出去順路買, 一包細細地 HK$4.5 好抵~味道不太鹹, 感覺新鮮又脆!!回家再問家中長輩, 先知道原來呢間餅店好出名,真係失敬失敬~不過放在門口的糕點對正大馬路, 個人覺得有一點不衛生,所以我自己會淨係買獨立包裝的食物~

今日,路過南昌街,就幫襯呢間好似都幾老字號既餅店買左半磅蛋糕仔$15 剷左一殼ONLY真係估唔到D蛋糕仔咁重身賣相好差,霉哂,唔知係咪隔夜色水又唔靚..個面又唔夠啡食落先知中伏勁實,勁硬就比佢賴天氣凍但係味道都勁差冇牛油味 但勁重椰子味頭兩啖食唔到甜味,食哂先有( 我係一個唔好甜食既人,我都覺得唔夠甜 )絕對是失望的其他野我冇試就唔知LA但我就絕對唔推薦佢D蛋糕仔PS. 阿姐D態度都麻麻地

深水埗實在太多傳統美食，特別是我最愛的糕餅類，今次終於輪到八仙餅家~唐餅之中，我比較喜歡合桃酥，不過坊間素質參差，要做到有牛油香、鬆化、甜度適中不膩亦非易事。同事買了3款，當然包括此店有名的合桃酥~ ^^老婆餅：皮不算易散，但略為厚了點，冬瓜蓉很香甜，夠煙韌，雖及不上恆香皮薄餡靚，但都算不錯~雞仔餅：一咬便知水準不夠，硬得難以咬開而非軟腍中帶脆，南乳味不夠香濃，唯獨是豬油香較突出，食了半塊便放棄了=_=合桃酥：果然是此店的名物，總算為其挽回點面子。香脆鬆化，充滿牛油香，甜而不膩，一口氣食了三、四個，和我喜愛的台灣蜂大咖啡各有千秋，後者的偏硬身和焦脆一點，同樣好食~是日下午茶食了不少反式脂肪，為了滿足口腹之慾，代價便是要努力做運動了~

記得細個亞爺非常鐘意食呢間雞仔餅送燒酒食親都一定醒件比我記憶中既雞仔餅有好香南乳五香味 煙煙韌韌 同埋裡面有一大舊肥豬膏點知而家既雞仔餅完全唔係那回事硬到甩牙 (如果當年既雞仔餅係噤 我呢個豆丁棚乳齒點可能咬得開??)南乳味無乜 杏仁味非常搶舊肥豬膏相信亦因為現代人要食得健康而縮水了大失所望可能往事真的只能回味

係Openrice地圖找不到呢間餅店，惟有Seach 店名，唔知點解寫住"裝修中", 但係呢間餅店是正常營業！所以出番個Post, 等佢現番身！今日本來想去深水埗掃街，第一站"美味餃子店", 跟住去"八仙餅家"買餅，點知撞岩今日係電腦節，條街好多人，所以去完"合益泰"食腸粉就走人！皮蛋酥超大隻 _ 十元好抵食, 真係成隻皮蛋係入面, 好好味，正！迷李合桃酥好鬆化，甜左少少，但黃綾就麻麻地！去到見到雙黃蓮蓉月，順便買左一個，只係28元，好味又抵食！

去到即時有得食, 今日趁電腦節, 走去附近行下, 見到好多人讚合桃酥好吃, 所以買了六個, 6.5HKD, 都幾好吃, 同榮華中桃酥味道一樣( exactly係咁既味道,一樣咁脆) 稍嫌有D甜, 吃幾個已經漏到吾得, 又買了兩個老婆餅4蚊, 超好吃, 鬆脆, 暖暖地, 吾知係太陽曬到佢咁暖, 定係出爐時既餘溫...總之個老婆餅好吃, 但合桃酥稍甜, 淡少少健康D好D

問過身邊一些80後90後的年青朋友對中式餅的看法，答案大概是「老土」、「冇人食架啦」。不過，大部份的中式餅，對我這個老餅來說，是絕對的吸引。我想，我真的老了！今次買些雞仔餅給同事做下午茶。雞仔餅有好香的南乳味，口感煙煙韌韌，裡頭有點芝麻和五仁，香口又唔黏牙，是高水準之作。除了雞仔餅外，合桃酥、皮蛋酥和燒餅等都非常好吃，是值得專程來的地方。

過日經過,聞到一陣飄香,好香的奶香買左一打小核桃酥,好酥化,不過,我覺得偏甜左少少,唔多適合老人家食```

一向對老婆餅、合桃酥同埋蛋糕仔極之鍾意既我，今日覺得自己好幸福!!因為男友再一次去八仙度買番黎俾我食~老婆餅︰佢個皮好薄，唔會成吋咁厚!!~ 我鍾意佢唔學d細餅舖咁，唔落糖冬瓜，亦係我buy佢既最大原因~佢唔會太甜，所以細size食4至5隻我都ok架！太愛了！合桃酥︰兩個字︰「鬆化！」好正呀！又唔實，唔會勁難咬開，入口前重會聞到好香tim！蛋糕仔︰佢個cake好有咬口，絕對唔係食空氣，而且佢有好重既牛油味，個面重要係有d脆脆地既感覺！令我即刻諗起細細個成日都會食到蛋糕仔既日子!~ 可惜，而家好多地方都唔賣，如果搵到而又鍾意食，真係要好好記住呢！

It will never be enough eating for 2 fat people!!!We kept on eating in Sham Shui Po after all the good food!Next station, we came to this famous cake shop. We saw a lot of reminiscent and tasty food.We ate azuki bean cake, egg jolk pastry and walnut pastry!azuki bean cake : very soft and not very sweet! egg jolk pastry : like eating mooncake, but it's a taste-good mooncake.walnut pastry : crispy!!! full of taste of walnut!!! great!!!!

以往黎八仙一定係買佢嘅合桃酥，不過適逢新年，於是就買其他賀年食品試吓！買了薄脆、笑口棗、炸油角同花生金絲糖。薄脆最好味，有南乳味，炸得香脆唔油膩。相反，笑口棗就超肥膩，d油入晒個中心...好肥，可能係熄咗火先畢起，所以d油 sok 番入笑口棗度。油角又係唔掂，唔係肥，而係實，好實好硬，少點牙力都咬唔開。餡料不足，又唔夠甜。花生金絲糖好食，香脆多餡又夠甜。

見好多人話合桃穌好食,於是專登行去買!買左半打,味道真係幾好,好鬆化!仲買左脆角,第一次買仲係暖0既,好食,有d豬油味,好香!不過第2次買唔係岩岩出爐,係凍晒0既,呢次就唔好食,好硬!所以大家去買記得一定要係盤上面,未入袋那些,已入好袋0個d唔好新鮮的千祈唔好買呀!另外想講0既係呢間餅店好多店都放晒係門口,前面係人來人往的南昌街,我見有盤蛋糕仔冇羅野蓋,咁岩有個男人係正上方打乞次,我相信有唔少細菌同口水噴左落d蛋糕仔上,嚇到我都唔敢買啦!

十一月上旬‧陰天喜歡吃燒餅，其軟糯煙韌的口感，最得我心。是日往黃金買外置硬碟，乘小巴早了一點下車，途徑此地，見大大盤燒餅在此，十數三件，又買幾件來吃吃。燒餅的外皮是用糯米搓成的，軟熟糯口，非常不錯。內裡的是弄沙餡，香甜美味，未行到幾個街口，已全部吃清。值得一吃的。

次次經濟附近都聞到好香，但次次都人頭湧湧，所以遲遲都未試。咁岩同同學經過見唔係太多人，就買左6個合桃酥試下...幾香，幾鬆，幾香~不過甜左少少...第2次買返去同阿媽一齊食，都係買左合桃酥...本身想買鮑魚酥，但可惜冇得賣。就退而求共次，買左馬仔。但D馬仔就真係麻麻，好甜，好腍，咬落口都幾膩下...不過$5/3舊，都唔可以要求D咩既...下次有機會試下光酥餅先~

一直想找的八仙餅店原來就在往耀東街途中, 既然遇上就不要錯過, 記得數十年前這間餅家應位處熱鬧的長沙灣道,印象中也跟媽媽去買過月餅,那時仍未變身的月巴人還由媽媽拖著自己小小手.......簡單帶暗沉的店面放置了種類繁多的老式餅食,如芝麻餅、杏仁餅、合桃酥、雞仔餅甚至月餅,種類琳瑯滿目,首先吸引我的還是那盤小小蛋糕仔, 繼而發現大大個古式皮蛋酥, 還有看來鬆化的馬仔, 買買買!蛋糕仔質感實實, 絕不是軟綿綿海綿蛋糕那種口感, 這就是小時候吃過的蛋糕仔感覺,自此之後總覺得蛋糕仔應是吃來實在的才正宗! 以心型小紙托盛載的小蛋糕很有牛油香,當中又帶點椰子香,多變的味道!蛋糕帶油潤不會乾乾的,只是真的很吸口水,請準備飲料。皮蛋酥面層酥脆, 從膠袋中不時透出新鮮酥皮香氣,體積比一般皮蛋酥大, 一整個溏心皮蛋藏在薄薄酥皮裡, 還有丁點甜滑蓮蓉, 喜吃甜餅的大人相當合意。個別包裝的馬仔充斥在不少油份,從外表看來油油的,小粉糰炸得很鬆,大人沒有說好吃,應該水準一般。買餅時見到師傅從後面餅房拿出幾盤新鮮出爐餅食, 原來製餅師傅是個年紀不大的年青人, 以他的年紀都懂做那麼古色古香的老餅, 也不可少看。