八妹車仔麵 (Closed)

今日推介俾大家一款好味嘅文昌🐔飯😍餐廳@八妹車仔麵 位於南港島鴨俐洲，可能對大多數人黎講好偏遠🤭🤭。但有機會真係好值得一試🥰🥰🐔招牌文昌雞飯配秘制醬汁 6️⃣2️⃣呢款文昌雞喺採用走地雞，咬一啖已經吃得到同出面嘅飼料雞好大分別。肉質緊緻嫩滑😍，雞有雞味，而且很少多餘嘅肥油，肯定係一隻成日運動嘅走地雞🐔😄有啲似係鄉下先會食到嘅味道🥰🥰，十分正宗💕💕😍最愛嘅係佢地嘅秘制醬汁(圖片中黑色果份)。我細個嘅時候曾經隨屋企人返過大陸鄉下🚉，當時果邊有一間餐廳裡有一款令人深刻嘅醬汁淋上腸粉一起吃，到宜家都難以忘記的好味💕。估唔到喺呢度食🉐️返呢個記憶中嘅味道❗️內心很驚艷也很感動🥺。配上正宗嘅走地🐔真喺不枉山長水遠入黎一趟👌推介指數⭐️⭐️⭐️⭐️⭐️歷史小知識: 海南雞嘅原型係文昌雞。喺中國海南島並沒有海南雞，當地人都叫文昌雞。上世紀30年代，一名叫王義元嘅海南人到新加坡謀生，擺攤賣雞飯。後來生意越做越大，海南雞飯就從新加坡走向了東南亞，甚至遍佈了世界各個角落嘅中餐館。

呢排都係港島區做野，日日周圍搵野食，過到黎海怡，食左幾日都唔知食咩好～跟住今日見到車仔麵就諗住試下啦😬就黎左食八妹啦～八妹車仔麵整體氣氛都幾懷舊下，不過好整潔舒服。而大食一族唔洗諗直接食八餸大碗麵＋咸檸碧真係好大碗，好多料，食落又唔錯，我自己最鍾意佢蘿蔔，好甜好有味，豬紅雞翼尖都唔錯食～咁樣食埋單74蚊，略貴不過還可以接受。呀姐仲比我哋試佢個新醬，對於淨係鍾意辣嘅朋友黎講，佢唔鍾意，但係我呢啲鍾意麻辣嘅就覺得幾好食下😬

店舖裝修都吸引 大大個嘅八妹霓虹燈招牌 仲有大大隻歡迎光臨嘅招牌 盡顯懷舊風📼如餐牌嘅設計都有少少跟返裝修嘅style 有心思的🕑我專登等兩點嗌下午茶 抵好多🥰🍜兩餸大麵 $37 （肥牛+美味齋+油麵+腩汁)🥢腩汁湯底就冇乜特別 未食到平時有啲車仔麵舖頭做到嘅香濃腩汁味道🥢開頭以為美味齋係黃色嗰隻齋，但係原來呢度嘅美味齋係酸齋😂😂唔緊要嘅，都好食🤣份量多，酸酸甜甜，索埋腩汁好入味🥢肥牛份量都多，唔會過份韌，合格☑️$37碗呢個質素，可以接受。

今日有啲事你都海怡半島做嘢，周圍大多數都係連鎖餐廳，嚟到呢間見街坊推薦嘅八妹車仔麵呢間車仔麵店，裝修好有特色，行懷舊香港風格，但位置舒適，環境闊落車仔麵最少兩餸起跳，今日叫咗韭菜餃配滷水豬腩肉，麵就要左粗麵韭菜餃：皮薄餡靚，韭菜份量好足，味道好夠，好食👍🏻👍🏻滷水豬腩肉：滷水味夠入味，腩肉肥瘦均半，肥膏入口即溶，高質👍🏻👍🏻另外仲叫咗個炸雲吞，雲吞炸得夠脆，入面鮮蝦足料，必叫😆😆整體來講質素唔錯，有機會嚟到海怡半島必食❗️❗️

✋🏻🤟🏻👧🏻八妹車仔麵早幾日去朋友屋企玩佢就話一齊食車仔麵啦呢個地磚 呢個燈牌實在係太有香港特色啦佢哋仲有一個香港加油嘅掛布係個廚房位真係一睇就知佢哋咩料啦今次同朋友Order咗三碗疫情關係買左番佢屋企食等外賣既時候都有位可以坐而且等得唔算耐細心位係麵同湯分開避免左個麵浸到淋晒最愛佢地嗰個蘿蔔炆到好淋好入味豬大腸都好夠味 好正而且加辣個隻辣 辣得好爽湯底都幾濃幾入味美中不足就係個牛腩唔夠淋啦下次再試下其他先！

近呢幾年其實我覺得買車仔麵為主嘅舖頭開始越來越少，可能係因為舖頭需要準備好多唔同種類嘅食材等客人挑選，相比起普通粉面店，不論準備功夫同埋成本都比較多，所以就買少見少 。今日想介紹一間鴨脷洲嘅車仔麵舖頭，等大家有機會過嚟都可以去食下！呢間舖頭其實裝修都有落心思，店舖係想重演返以前街邊賣車仔麵嘅感覺，我覺得都幾得意。佢裏面嘅餸菜都好多選擇，大路嘅各種丸類牛腩豬手雞翼尖，甚至佢哋自家製嘅美味齋滷水雞蛋腩肉都有齊。我呢啲有選擇困難症嘅人，當然就叫多幾個餸去試吓啦！我同同行嘅朋友叫咗一碗貢丸腩肉生根河粉，同埋一碗豬扒魚皮餃牛腩河。河粉入口滑溜，貢丸嘅冬菇味都好突出，滷水豬腩肉略嫌滷水味唔係好夠重，不過勝在大舊，牛腩五香味濃郁都不錯吃。佢嘅豬扒係即時炸起上枱，入口熱辣辣都好香脆。重點推介佢嘅香辣醬，雖然有d辣,但係好香口同埋惹味，配合加入腩汁嘅湯底都係相得益彰，大家如果經過都可以試吓。

裝修新，坐位算舒服，重點食物不了。蘿蔔牛柏葉無調味，招牌腩汁湯底淡而無味，58元包熱飲，出面街舖牛腩湯底比佢好食好多。希望老闆自己試吓菜，無難道嘅車仔麵都做唔好，裝修都白費。

好耐都無食車仔麵，因為哩區確係唔多選擇。今日做運動去到海怡，見到哩間鋪就外賣試下，一試真係不得了！飯同麵都好好食！叫左個牛腩飯 牛腩好多 大男人都食唔曬，牛好軟又好入味 羅白都好甜 好味！車仔麵就叫左比較少有既伊麵，配上牛腩汁，加酸齋 豬腩肉 仲有魷魚。酸齋酸酸地 好味 不過只有兩舊 唔夠喉喔！豬腩肉鹵汁夠入味 肉好軟 正！ 魷魚好彈牙 好新鮮！食完好滿足！收銀既年輕人服務態度好好！好好笑容又好禮貌，裝修都好新 堂食都坐得舒適！下次一於試下堂食先

#香港加油兩餸車仔麵 $40-50 非常大份，牛腩好入味腐乳通菜，鹵水豬耳+鹵水蛋都好大份而且幾好食。環境舒適，乾淨，有80年代裝飾同電影海報。店員服務幾快手。非常推薦Found this newly opened restaurant at South Horizon. Stand with Hong Kong Car Noddle with two food costs $40-50 HKD. The beef brisket is very full of taste. Tung Choi with fermented tofu and Lou Mei pig ears and eggs are of large portion.

新開的麵店，菜單總類繁多。味道不過不失，價錢略貴，普通女生胃口吃完了有點不飽。牛腩 鴨胗 墨魚頭魷魚🦑紫菜 米粉腩汁湯底環境裝修有地點老香港🇭🇰的感覺店員友善，下單後也很快就會送上。

最近商場多了很多新食肆，這間是其中一間，有車仔麵和飯，今次先试車仔麵，牛腩水準ok, 牛肚及牛柏葉略嫌未夠入味，伊麵就不過不失，汤底味不会太濃，好像沒放或很少味精。以車仔麵的湯底來说，会較獨突。如抱着食傳统車仔麵的期望去食，肯定会失望，因这店是走健康型的。其待下次试食饭類。