八號餐廳

Open Now

Now Closed

我住得幾遠，但兩年將前嚟過覺得好正好回味，今次係專程嚟嘅。香港好少有呢一種真正舊香港休閑格調嘅餐廳，我上網睇搜尋過，關於呢間餐廳嘅資料唔多，只有食評，無太多媒體報導，令人感覺呢間餐廳一士都只係喺度低調地存在，為區內街坊提供好嘅飲食選擇。講返食物，我下午茶時間嚟，但正如上面講我係專程嚟，所以叫咗份西冷，配咗個乾蔥汁，好入味，牛味都好出色。另外餐湯都好唔錯，裡面有火腿同粟米粒，好傳統港式味道。食物質素好好，我好少機會嚟到但一定會再嚟。

呢間餐廳係大埔開業多年，裝修唔算新淨，但係勝在兩旁有兩排大嘅落地玻璃，採用自然光投入餐廳內，環境十分舒適。餐廳嘅食物主要以港式西餐廳食物為主，一個午餐包含餐包，餐湯及主食以及飲品。價錢親民非常合理，附近有小學及中學，深受一班學生及家長歡迎。餐包係一般港式餐包配上牛油，餐湯就同一般餐廳嘅選擇一樣，可選擇紅湯或者白湯。主食方面有好多唔同嘅選擇，有港式茶餐廳嘅炒粉麵以至扒餐都有，可以話係任君選擇，味道正正常常，但價錢就$60左右，一個餐嘅價錢算係非常抵食。

朝早行過呢間小店，心諗咗好耐都想試吓佢哋嘅三文治，終於得閒嚟嘆一嘆。揀咗個角落坐低，享受陽光灑落來嘅溫暖，好有得嚟較既感覺！點餐後唔太耐，三文治已經熱辣辣送到面前。一舊舊厚切嘅吐司夾住煙三文魚、美生菜同心太軟滑嘅炒蛋，仲有啲脆炸嘅番薯條幫襯，真係一絕！咬落去吐司嘅酥脆同炒蛋嘅滑潤真係絕配，個煙三文魚又夠鹹香，啱啱好配埋啲新鮮爽脆嘅生菜，正爆！番薯條外脆內軟，又有啲自然嘅甜味，唔係嗰種會過於油膩咁樣。最好嘅係，飲料可以自己當嘅。一邊嗌咖啡，一邊睇吓書，感覺真係悠閒得滯，完全唔洗急。服務員嘅態度又好，感覺好親切，唔會令人有壓力。依家溫馨又好味嘅早餐體驗，真係會令人想日日都嚟! 👍🌞🥪

✨係屋企附近經過感多次，終於有一晚入去試下味喇🤗✨餐廳的外觀可以睇得出年代感，內部裝修感覺都幾舒適。不過梳化同餐檯就有d磨蝕🥹✨店員都好nice，我地慢慢坐佐好耐都冇趕客，而且因為我地胃口細，點一份e餐share，店員都話ok，真係好感度100分👍✨叫佐一份e餐，加凍檸茶🍋，一共150hkd。肉眼扒🥩分量足，而且肉質唔柴又唔會韌，好好味😋虎蝦🦐肉質緊緻，仲有d鐵板燒嘅風味，好正！✨一份餐真係岩岩好，吃得飽又唔會過量，而且餐廳整體氛圍坐得好舒服。老店能夠堅持的確有d料到！以後絕對會多d幫襯👍

媽媽話想鋸扒 平平地又唔差嘅呢間懷舊風街坊西餐廳 門面搶眼燈飾兩母女撐枱腳✌🏻✨ 二人套餐 (包：餐包+湯 及 餐飲)頭盤 (4選1) // 炸蝦炸粉厚薄適中 蝦肉新鮮彈牙條蝦尾都炸到脆卜卜 我食埋🤣識落唔會覺得好油 仲伴有酸甜千島醬主菜 (3選1) // 西冷牛扒配 薯菜因非鐵板上 所以叫7成熟中間嫩嫩的 幾厚身又夠腍牛味ok濃有咬口又多汁👌🏻配搭嘅洋蔥汁唔會太咸 可解肉膩主菜2 (2選1) // 白汁海鮮飯食完牛扒其實已經8成飽🤣料幾多下 又青口、魷魚、蝦等海鮮爽口彈牙無乜腥味炒飯底粒粒分明唔會好硬白汁分量剛好 整體唔差👍🏻指定甜品 // 焦糖布甸(?)外表似焦糖布甸 食落似焦糖燉蛋口感細滑但略嫌太甜😅整體來講💁🏻‍♀️要求唔高又想平平地據下扒 都可以考慮價錢都算平民質素唔差 服務態度都ok

「晨早流流食早餐」系列之熱咖啡像阿姐為你斟到瀉~話說有親朋至遠方來, 不亦吃乎, 呢兩日就帶佢去呢間好悠閒、好舒服既西式餐廳嘆個靚早餐 ; 對胃食貓黎講, 每間餐廳/ 食店都應該有佢既優勝之處 ; 而呢度吸引貓貓成日黎既閃光點就係環境 + 自助添飲水吧 + 簡單既食物 ; 由落地玻璃、舊式籐椅、懷舊音樂、到自行添飲 (有咖啡/ 英式茶/ 花茶/ 檸檬水/ 蘋果茶), 舒舒服服同身邊人傾計都唔會有人催你賣單, 呢個咁悠閒舒服既環境, 係香港真係好珍貴 ; 呢度既食物 (如豬柳漢堡, 煙肉, 牛扒) 全部都唔會過咸, 又唔會食完口渴 (感覺冇/ 好少味精), 可以放心帶老人家黎食, 多士夠熱又夠脆, 加埋杯無限添飲熱咖啡, 仲唔快啲黎「斟到瀉」?

叫得做Sunshine下午茶係因為呢間餐廳有塊落地大玻璃係向西嘅，所以食下午茶嘅時間啱啱曬住，有好多人怕曬，但係我就鍾意呢種可以坐喺室內有享受到陽光嘅地方，所以如果嚟呢間餐廳食Tea我都會選擇坐大玻璃旁邊嘅位享受吓陽光。因為夜晚約咗人食大餐所以今日三個人叫咗兩個下午茶餐share。兩個下午茶餐分別係一個類似All Day Breakfast嘅餐，入面有漢堡豬柳、法式腸香腸、煙肉、煎蛋，再加多士兩片。另一個餐就叫咗法式果醬西多士。飲品就試咗一杯特飲，就係熱嘅薄荷朱古力。最估唔到嘅就係杯特飲係第一樣嘢到，仲以為呢啲冇乜人叫嘅嘢要整耐啲添。呢份就係嗰個All Day Breakfast，個樣同味道都係hea hea地。果Jam西多士就正正常常啦，欣賞佢我係炸嘅。

 偷得半日空閒,來個輕鬆下午茶大埔呢度有間餐廳環境幾好FEEL 開左好多年,提供輕食,類似港式茶餐廳又有西餐食大落地玻璃透光入室內環境,一邊食一邊欣賞對面花園環境好似睇緊以前電影咁,有D歷史感,但呢D餐廳反而買少見少話明輕食,都唔預食D咩特別野啦,叫左份烘芝士火腿三文治加凍咖啡另一份叫左件芝士蛋糕加檸檬梳打咖啡色深味濃,帶點苦澀味,唔會太重奶味,幾香濃,唔錯芝士蛋糕係焗過個種,芝士味突出濃香,簡單輕食合格有餘芝士加火腿一定好食,烘過既芝士慢慢溶緊,個麵包外層微微焦香,伴碟仲有沙律菜環境加食物,平平地都唔錯平均消費$45評分7/10八號餐廳

個肉眼扒好正喎 78蚊 幾抵食 不過呢餐湯定餐包麻麻地 我好多時番工 食晏都會去呢間食 都幾好味 坐得又舒服 都建議大家去既 始終食物唔太貴 質素又ok 果度waitor服務熊度都唔錯

初四都有茶餐食，見環境闊落，唔洗排隊，就試下啦叫左焗雞扒飯，熱咖啡 $40雞絲炒烏冬，熱華田 $40飲品先上，華田好難飲，好稀，冇落夠粉！！咖啡唔掂，啡好熱，奶係另上，俾你自己加，係凍奶焗雞扒飯，熱辣辣，d蕃茄汁超難食，係好hea既味道，雞扒有陣味，唔知係咪雪味炒烏冬，熱辣辣，冇咩特別，得咸味環境舒服，櫈係藤椅，牆油左黃色油，侍應都算有禮，有少少去左黃金海岸感覺，但食物質素真係好差搞到心情好差寧願一個餐50幾蚊拉番高個質素，真係冇下次

食早餐如果想好似飲早茶咁無限添飲，就要黎呢間八號餐廳了。佢既早餐花茶是無限添飲的，不過同中茶唔同，是甜的，女士飲太多小心會變肥勒。而呢次我食左个沙律早餐，个早餐凍凍地，然後杯花杯香香暖暖的，別有一番風味

節日淡淡的過，近近地揀咗呢間餐廳。平日路過都見好多食客，所以今次嚟試吓。餐廳好有懷舊嘅特色，以我印象中呢間餐廳已經喺大埔好多年了，啲餐枱餐椅都真係好似90年代初嘅感覺。個餐包上枱嘅時候仲係熱嘅，識落軟綿綿，呢樣幾有驚喜因為我哋嚟得晏，所以餐湯就得返蕃茄湯揀了成個餐包餐麭、餐湯同餐飲，感覺係咪有啲似以前年代啲人落去食個貴價餐呢？男友點的美國T骨牛扒（$148），男朋友話呢道牛扒算正常，好過早兩日食果間。我點的百里香蒜茸汁燒羊扒（$138），睇落好大份好似好吸引，但係切開竟然係仲有好多血水流出來😨（熟度是廚房預設），都幾肯定未去到啱食用嘅程度。同店員講收咗我碟嘢，等多十幾分鐘，都只係俾返同一塊扒我（咁何解要咁耐呢？），而今次就太熟，變到浪費唔塊扒了。可能做節實在太多客人所以先有出錯，希望下次有所改善吧！

8號餐廳是一間很適合食早餐的地方，除了他的早餐款式比較多外，還有這裡的裝修非常好，而且自助飲品任飲，例如咖啡、花茶，等等。除了飲嘢，食嘢外，還可以在這裏看書，老闆也不會催促你離開，值得一讚。

久唔久都會嚟呢一間8號餐廳食個早餐，今日既然冇車出大埔返唔到工就更加要嚟食。同屋企人一人叫咗一個早餐，當然唔少得就係有自助水吧嘅熱茶飲啦。飲完自助水吧嘅茶之後早餐就差唔多到啦，同平時一樣杯奶茶真係勁大杯，自己落糖唔怕太甜。茶底有夠濃有夠香。屋企人叫嘅庵列呢好大份，仲可以揀唔要多士，要菜底，沙律菜啱啱好唔會肥。另外呢個雞扒就都好好食，慢火煎好夠淋，調味啱啱好唔會話太鹹。嚟得呢度食嘅大家都知規矩，如果唔太多人嘅早上，可以喺書架攞本書，一路睇一路飲茶水吧嘅果汁，hea夠一個上晝都係三十幾蚊，真係大埔嘅福地。

有一點點懷舊港式兼西式餐廳，因為佢環境夠大而且用木製騰椅👍🏻Dinner Set有唔同選擇，今次就簡左$168二人套餐！前菜有三文魚沙律🥗份量十足，沙律醬亦唔多（健康之選），小食有水牛芝士雞翼，佢有烤過再淋上醬汁（熱熱地好好味！）❤️最後主菜係大蝦🍤香草意粉，出奇地有驚喜，因為個香草味好出😍😍而且兩個人食真係岩岩好，又有餐飲又有包又有紅湯白湯，非常之滿足🥰不過唔知係咪我地兩個岩岩野完餐，定依到有植物，有時會有小蚊子！