凝香居

Open Now

Now Closed

外賣自取，原本叫了另一間店舖主食，然後又覺得想食一點點心，所以就點了這凝香居，叫了一個叉燒腸同埋菜苗餃。叉燒腸皮薄了又算多饀，但皮薄得嚟冇乜米香味， 食落就覺得好普通，唔係唔好食但又唔係話真係好好食咁樣。菜苗餃同樣皮薄，裏面菜苗有菜苗味，蝦就唔係好爽，但係其實都算係幾好食嘅。點心呢樣嘢真係堂食好食好多，外賣自取返到屋企始終凍咗就冇咁好食叉燒腸$31, 菜苗餃$36, 價錢可以接受，唔算特別平又唔算特別貴

疫情期間，聽日又開始晚上六點後禁堂食，趁住最後一晚堂食呢個機會，就過咗嚟紅橋呢邊搵食。咁啱茶癮起，就入咗呢間凝香居解癮。呢度嘅食物雖然無酒樓咁多選擇，但平時食開嘅大路嘢都有齊晒㗎⋯我哋點咗蝦餃、咖喱魷魚、灌湯小籠包、臘味糯米飯、蒜泥白肉同埋紅棗糕。蝦餃皮薄煙韌，蝦肉爽口彈牙，拍得住酒樓質素！咖喱魷魚都唔錯，魷魚爽身有嚼頭，咖喱味濃郁⋯千祈唔好漏咗佢鋪底嘅豆卜，索晒啲咖喱汁精華，真係冇得頂！推介！灌湯小籠包個味道唔錯，餡料豐富，不過略嫌肉汁唔係好夠⋯而個主食臘味糯米飯就好足料，口感煙韌有咬口😋蒜泥白肉爽脆又開胃，而且師傅一啲都唔吝嗇啲蒜泥，啱晒我哋呢啲蒜頭控🤗最後，我哋以呢個養顏紅棗糕作結。紅棗糕濃濃嘅棗味，口感煙靭，而且唔太甜，推介👍🏻其實佢嘅價錢一啲都唔貴，茶位只係$3/位，而且方便隨時都有得食，啱晒我呢啲鍾意「一盅兩件」嘅朋友😋😋😋

愛吃點心飲茶，但要放假先可以去，又要等位。一知道屯門虹橋有間凝香居，不用上茶樓，夜晚都有得飲茶，好開心！天氣冷了，下班就和媽媽去吃熱辣辣點心吧！店舖面積雖然不大，但實木桌椅營造的感覺很溫暖舒適，也沒有壓迫感。一進店就見到牆上掛滿點心名字的木牌，有點古色古香的味道。泡一壺茶，香片茶味香醇而不苦澀，齒頰留香，回應茶居的名字，覺得茶葉比其他茶樓質素更好！先來一盅鳳爪排骨飯，排骨肉質爽口又滑，很新鮮；鳳爪很入味又軟滑，女士就是愛吃鳳爪，補充骨膠原啊！蒸飯的好吃之處就是特別軟綿綿，加甜豉油才是精華，不會鹹但吃得更香。這裏每張枱已放了調味料，隨意 按口味加添，非常貼心的安排，不必像茶樓般找職員傳遞調味料。叉燒腸粉水準頗高，賣相漂亮，腸粉皮晶瑩通透滑嘟嘟的，見到叉燒餡滿滿的，是蜜汁叉燒味道，又爽口，喜歡叉燒不會太多肥肉，加甜豉油更好吃。山竹牛肉球，喜歡有馬蹄爽口感，和芫茜清香。牛肉質感彈滑，加喼汁提升香氣。醬皇金錢肚，喜歡這個醬汁，充滿八角香氣，醃得入味之餘，蒸得軟滑又不韌，輕輕鬆鬆就吃完，不怕媽媽老掉牙也能吃，推介啊！天氣冷，來一碗胡椒豬肚湯暖胃。味道偏鹹的，白胡椒吃得你滿身發熱，鹹菜和豬肚份量很

工作關係忙碌到下午三時才吃午飯，經過見到有是日蒸選頗為吸引。小店地方不大，主要以外賣為主，裝飾帶有一點中式客棧風味。茶芥每位$3不收加一，經濟實惠。點了梅菜蒸鯇魚，因為是即叫即蒸的關係要等大約十分鐘。鯇魚香氣四溢，熱辣辣讓人口水直流。梅菜和青蔥令味道更上一層樓。蒸煮時間剛剛好，鯇魚肉質嫩滑，點一些醬油入口更滋味。白飯的質素也很不錯，軟熟有飯香，這道蒸鯇魚很有驚喜，性價比高。另外也點了幾款點心。黑金流沙包賣相很吸引。內裡奶黃流心非常，餡料幼滑，帶清新奶黃香。鮮蝦菜苗餃皮薄餡靚，每隻都很飽滿。鮮蝦彈牙，菜苗分量多，菜肉比例剛剛好。鮮蝦腐皮卷是新鮮炸熟的，腐皮卜卜脆，香口惹味。最後以椰汁馬豆糕作為甜品，椰汁糕軟硬適中，不會太甜，甜而不膩。

Found this Dim Sum restaurant near my workplace. Let give it a try after work !!!!😛Surprised !!!! Super delicious Chinese food😋Chinese style decoration, attracted my the words” 凝香居”Foreigner may like it too!!!!I ordered 香片茶： just $3 per person 鮮嘏菜苗餃～ very fresh and healthy choice👍🏻👍🏻牛柏葉～ traditional Chinese food~ yummy some香芋頭 inside~鮮蝦腐皮卷～ very crispy and my delicious dish還有叉燒腸！must order this!!!!! 好滑好好食！Finally, tried 椰盅燕窩雙皮奶（hot) just cost $48, super yummmy and the taste of coconut 🥥 is very

上次揸車經過井財街，就見到呢間係鬧市中嘅點心茶居，由外面睇到佢嘅裝修非常別字，就已經好想去試一試佢嘅點心我同家人去到就點左呢啲點心：1. 叉燒腸粉2. 香芋千絲酥3. 椰香紅棗糕4. 小籠包5. 鮑魚燒賣皇6. 豐料糯米雞1. 叉燒腸粉叉燒腸粉米味香濃，而且粉皮打得非常幼滑，皮薄餡靚，裏面仲有好多叉燒粒😻2. 香芋千絲酥香芋千絲酥係即叫即正嘅，上菜是非常熱辣辣，吃上來十分脆口，裏面嘅芋頭粒非常香濃、而且芋頭好粉，真係好好食3. 椰香紅棗糕（我最愛😻）椰香紅棗糕熱辣辣，非常新鮮，所用嘅紅棗非常足料，有好香濃嘅紅棗味，而且口感煙煙銀銀，相比其他酒樓嘅紅棗糕實在係好食太多啦！而且紅棗補血十分適合女士食用4. 小籠包小籠包睇落普普通通，但係內有乾坤，就係湯汁非常多，仲有小籠包粒肉非常大粒！大家睇吓～5. 鮑魚燒賣皇鮑魚燒賣皇係呢間餐廳必點嘅點心之一，鮑魚味非常香濃，而且燒賣內有一粒非常大嘅蝦，最值得一讚嘅係，燒賣嘅肉質不肥膩！爽口彈牙非常好食6. 豐料糯米雞叫得豐料糯米雞，入面嘅餡料當然非常豐富！我同家人食左一半已經好飽啦！因為裏面不單有好多調味一流嘅肉碎，更有雞肉塊同肉絲！正！

凝香居喺屯門係出名飲夜茶既餐廳。入面環境好古色古香咁，亦都有好多點心選擇😋我地一共叫左6樣野食😋有椰香炸饅頭😋個皮好脆，入面熱辣辣，配埋煉奶，正！😈之後有蝦餃皇同鮮蝦菜苗餃，皮薄彈牙，蝦亦都好新鮮同好爽口！正！👍🏻😋仲有鮮蝦腐皮卷！蝦同樣爽口，個腐皮都炸得好脆！👍🏻我地仲叫左梅菜蒸鯇魚配白飯一大碗！梅菜甜甜地，鯇魚都幾新鮮同大舊，肉質唔錯，調味亦都唔會太濃，唔錯！最後叫多個桂圓蜜瓜花膠燉雞湯補一補做結尾！用料好足夠，亦唔係味精湯，雞肉都燉得好冧，好滋補😋😋

又到周日時間，陪同家人入屯門，於下午茶時間到附近的凝香居休息一陣子～ 門外掛了凝香居排匾～ 裡裡外外都有濃厚傳統中式味道～ 地點位於屯門井財街，即景峰花園5分鐘路程 新式點心店會指定茶，但傳統就不同了！ 這裡普洱茶葉濃烈 有茶香味 HKD 78 一人套餐可控制份量又抵食! 挑選了咸魚肉餅飯 、 菜心 、多加 HKD 15 轉蟲草花乾貝士雞燉鮑魚湯 。另點至愛山竹牛肉球 HKD 28 肉餅與別不同，不會跟一搬那麼多肥膏，是健康版；特別要贊燉湯，湯味道不止濃烈，內裡還有營養湯渣至愛必點牛肉球🤩 上菜時仍是熱騰騰，沾上喼汁好味

首先講服務，樓面兩個後生好似第一日返工咁，等位又唔比飛仔，又唔記住邊個黎先，搞到比人打左尖。我地3個人，得張2人枱問我地坐唔坐 ，咁諗住坐住先得大枱，點知坐到食完都無人走，坐得勁唔舒服。講返野食，基本上除左腸粉蒸飯，其他野都似出面買返黎咁。蝦餃，蒸飯，，，係比較好小小既野食最難食係個蝦燒賣同埋椰皇燕窩雙皮奶！！不知所謂，燒賣難食過叮叮，雙皮奶都無奶，係蒸到過哂龍既蛋白，超難食，又細收40幾蚊。 大家唔好比佢買既好評呃到！

突然之間好想飲茶 所以夜晚就去凝香居試下飲夜茶🍵🥢以我既觀念 平時飲茶都係朝早飲 唔會夜晚飲 原來係有夜茶呢樣野 估唔到夜晚都可以食點心外面同裏面裝修都係古色古香既中式裝修 入面比較細同迫 幸運地我唔洗等位就有得坐所有點心都係即叫即蒸 所以要少少時間等 可以食到熱辣辣既點心 我都覺得值得等下呢個係外面門面蘿蔔糕煎得好香脆 正面同反面都係煎得好平均牛柏葉分量都幾多 唔似平時得幾舊燉湯料都有好多燒賣上面既鮑魚唔會好難咬唔會好難吞流沙包食完唔會覺得好漏 春卷都係熱辣辣好脆口鮮蝦腸已經一早分成六份 每份都有一粒蝦 咁同朋友一齊食既時候就好容易分到 而且唔會食唔到蝦呢個牌都好有特色總括嚟講 凝香居好抵又好食 如果想食點心 不妨可以去試下😉

我們在12:40分點餐，直到13:20還在等！對上一次幫襯是兩三個月前，同樣等候了1小時，情況一直沒有改善，非常失望。在等待之際，同時亦有幾家客人在等，證明不是個別例子。而且貴店真的非常非常十分之不環保，基本上每一道菜也用要一個發泡膠盒，平均每張單使用六至十個發泡膠盒，實在不可思議，希望貴公司可以改善一下，已經不再想評論食物質素。可一不可再，雖然是黃店，但此風不可長，每次等待1小時才能吃飯，以為是法國餐嗎？

今日係屯門收工，四處覓食，一見到呢間咀有特色既門面即刻比佢吸引住。呢間就係凝香居啦！入面既裝修都好有中式風格，係呢到飲茶食點心一流！菜色選擇當然無茶樓咁多，但都已經好足夠食，貴精不貴多！鮮蝦腸粉無偷工減料，入面係原隻大大隻蝦，而家腸粉都好滑、唔會好厚皮，唔錯！飲茶當然唔少得茶樓三寶：燒賣、蝦餃、牛肉球。呢到既燒賣上面放既係鮑魚！細細粒但好好食，燒賣入面既肉亦唔會蒸到一舊舊；蝦餃白裏透紅，皮唔厚；牛肉球都好軟身，好有酒樓feel，如果有多啲腐竹就更好啦！咖喱魷魚唔話得！雖然咖喱味唔太重，但都食得出。令我驚喜既係個咖喱有回甘，唔知點整到，真係好好食！魷魚都好彈牙，仲有豆卜吸晒啲咖喱味，正！花膠燉雞亦都係另一款驚喜食物，足料之餘成個湯都好出雞味，食到停唔到口，正呀！

呢排唔敢去大茶樓飲茶 行過見到呢間小型茶居茶位先收$3一位而且佢都幾特別有燉湯 呢啲非常時期要滋潤下 所以同朋友就決定入嚟食幾件點心做下午茶入到嚟佢嘅裝修都幾傳統掛曬啲木牌寫上食物嘅名 當然佢係有點心紙既😄我哋首先叫咗個鳳爪排骨飯啲飯唔會好似大酒樓咁正到乾珍珍排骨同埋鳳爪味道適中而且都幾滑 真心唔錯 ！之後就叫咗幾籠點心 慢慢嘆茶等 同朋友傾陣計後 黑糖蜂巢糕 菜苗餃 牛肉球就蒸哂好啦 唔知係咪佢哋唔會大量製作之後就熱住係到 所以覺得啲時間火侯控制得非常之好 食物亦唔會煮得太老 ，而且新鮮熱辣辣而唔係翻蒸嘅感覺再要埋個青紅蘿蔔豬肺湯補補個肺 非常清甜 燉湯所有精華都鎖喺個燉盅 飲落感覺非常良好，唔會好油，連湯渣都食埋😂最後再食埋個小甜品作結尾，椰汁味非常之香，口感好似啫喱咁👍🏻唔錯

今日又約了朋友飯聚，這次來到屯門的點心店。紅橋底下有好多餐廳選擇，我泊底左架車，就行埋去側邊食。咖哩尤魚價錢真的非常抵，而且份量是不少的。尤魚很爽脆，咖哩味唔會好濃，但係就好入味。食落係頗香的，是很不錯的水準。鳳爪排骨飯未入口已經聞到好香，用盅頭後蒸蒸得很好水準，粒粒分明又不會過份乾身，每粒米都油香，鳳爪豆豉味突出之下，排骨也夠香口，一道簡單蒸飯已顯出師傅既功夫。鮑魚燒賣皇燒賣就係我首選點心之一啦。呢道菜既靈魂當然係佢既鮑魚啦，估唔到小店都有非一般既燒賣，而師傅果然高汁，燒賣肥肉比例岩岩好，重要係佢加上鮑魚後食得有層次，正到我直頭想再echo🤤香煎蘿蔔糕蘿蔔糕咬落有口感仲感覺到外皮煎得小脆，而味道香濃又有獲氣，係幾好唔會粉。蟲草花干貝燉土雞鮑魚湯呢款燉湯真係好有誠意，完全係落足料，非常有味，點心鋪頭做埋燉湯真係撈過界，但水準又幾好，有埋湯飲真係讚呀。椰盅燕窩雙皮奶最後，甜品估你唔到係燕窩雙皮奶，雙皮奶夠晒滑之外，加上燕窩立即升lv，仲要係用椰盅上碟，除左椰香仲可以食埋裡面既椰肉，甜品都做埋仲唔係踩過界。🤣

疫情期間，又想食下中式點心食下，但又唔想去大型酒樓，上網揾下揾下，就見到凝香居，入面有各式各樣中式點心食，甘就同朋友去左食啦.....入坐後，感覺相比茶樓寧靜，空間感較多，可以同朋友傾下計......🤣枱上有點心紙，可以自由落單......最想試既係流沙奶皇包，賣相相當吸引，流心奶皇熱辣辣，最好即刻食！仲可以打下咭Tim~金錢肚，色澤同味道還不錯......咖喱魷魚，魷魚彈牙香口，好食的，不過份量多d 更好⋯⋯棉花雞-雞肉大件嫩滑，不太油膩，仲有蟹柳作配搭，正！🤣叫左一款甜品-椰汁糕..呢個甜品唔錯，椰汁味濃，仲配有粟米粒，味道十分夾！天氣太熱，我地最後飲左可樂同忌廉....爽呀！🤣🤣🤣