利強記北角雞蛋仔 (Closed)

從來未食過咁難食嘅碗仔翅，翅底好似水咁希，食落好似飲緊蠔油溝水咁，完全冇碗仔翅嘅味道，簡直垃圾，魚蛋燒賣更加不堪，魚蛋係白色嘅似係未炸過，燒賣食落好似食緊舊麵粉咁。

同朋友喺附近食完晚飯，有人提議話嚟食雞蛋仔，認真之所以揀利强記，都係對佢個品質有信心，點知……伏!伏!伏!!!!用料唔足，又唔夠脆,外表有啲燶有啲又未熟😑可能期望越大，失望越大啦…所以底雞蛋仔到手時，實在忍唔住。。忍唔住要打啲腐皮我都有幫襯過佢其他分店，唯獨呢間令我有咁嘅衝動

本打算外賣雞蛋仔及夾餅回家吃，付款後跟他們說，我外帶的，可以給袋裝著嗎？他說沒有袋提供，如要膠袋要付費，我跟他們說， 我要坐車才可回家，就這樣拿著上車嗎？有一半是外露出來的。 他們回覆是，你就這樣拿著，坐車沒問題，你坐車唔食野就得架啦。 但我的食物的包裝是沒有完全包封及有一半是外露出來，如果你們要外賣回家吃、 請三考慮，因為食物在完全外露下，帶回家吃，好像不太衛生，再者，本人原打算買給兩個三歲及四歲的小孩子吃，最後只能給沒有外露的一半給他們吃

店員態度令此雞蛋仔名店大打折扣。放工經過想買底夾餅食下。付款後要等是常識，但等嘅期間，女店員只顧玩電話約唱K。旁邊另一店員亦提醒她夾餅可以了，惟女店員繼續自顧自地忘我睇電話，討論娛樂新聞，之後先斯斯然處理夾餅。此舉令人非常無奈，亦唔會再光顧！

好久都沒食過格仔餅，剛剛打算去利强記買個格仔餅，間店無咩生意，那個中年女收銀，一邊做下收銀，一邊做格仔餅，見佢一邊玩微信一邊看時間，可能玩得太投入，過左時間，個格仔餅燒黑左三分一，明顯系燒焦左，我話太黑，燒焦左，有禮貌地問佢可唔可以更換下一底，佢就態度惡劣地話黑色系正常，唔系燒焦，跟住一邊念念有詞，黑晒臉比番錢我，一句唔好意思都無，即系叫我成世都唔好再幫襯利强記。之前呢間店生意好好，店員態度都ok,依家變到差曬

2017年1月6日，下午7時20分，到屯門分店買雞蛋仔，眼見舖面沒有太多人，工作台上亦無已放涼雞蛋仔或格仔餅，一心買熱辣辣雞蛋仔回家。下單後，我比咗15蚊，店員隨即在櫃面下取出一袋雞蛋仔。心諗: 哇! 真夠快手! (接過手後，有少少暖)心諗: 算數吧!步出店後，望住底雞蛋仔一直猶豫，為何咁多件既? 一拎出嚟細看，原來有四底!因為全部都係分件碎上!其實一直猶豫好不好立即向店員要求重造一底，但又不想麻煩。可是愈想愈氣忿!我由細到大，從未試食一底雞蛋仔係咁唔完整，左一忽右一忽，好似係其他雞蛋仔甩落嚟既碎，砌夠一份比我食。大佬! 我比正價，唔係你臨收舖前買㗎! 比少少尊重我好無呀? 愈諗愈嬲! 雖則我買嚟比狗仔吃姐! ps. 係咪可以去消委會告佢個賣相與實物不符??? 仲要乾爭爭! #碎上既雞蛋仔 正確d 講，呢一袋，一共有三底同四粒!港式雞蛋仔! “趕” 雞蛋仔?? 趕客定趕時間???

見係北角雞蛋仔去試下，就叫左一底試下點知丫姐整整下去倒垃圾，返呢手都冇洗就去用手起我底雞蛋仔😫於是出聲問佢可以洗一洗手,點知佢仲鬧我叫我怕就唔好食😡😡😡雞蛋仔水平一般,但係因為見到咩事, 食咗兩舊都唔敢再食😰😰😰俾錢買難受！一定唔會再去！😡

脆過薯片的格仔餅 又要無花生醬無糖 不如唔好賣啦 甘慳皮食左1/3 已經無興趣食落去真係好垃圾 雞蛋仔同格仔餅質地係好唔同 你用雞蛋仔既脆整落去夾餅到邊得架希望你地會改良下

20:30左右經過輕鐵站見有時間去買雞蛋仔有3個客人等緊 前面有位伯伯到佢拎但店員比錯單 比左1包夾餅同雞蛋仔伯伯話係2包雞蛋仔先岩（態度正常）點知員工西口西面扮聽唔到 唔肯整番比佢，伯伯再問多次店員西曬面話 係咁架啦 就收工唔開爐 你慢慢等得就等啦都唔知係咪做生意既！ 最後再等多15分鐘到伯伯第一包雞蛋仔都凍曬啦而我都等左成二十幾分鐘（前面得三個客...）車都走左好多班 又唔覺有咩好食見伯伯咁慘真係火都黎！

見呢間開左好奈，自己又住呢頭，經過諗住買件格仔餅試下買既時候，個呀姐無禮貌都唔緊要好啦，我話想要多奶，平時去親邊度買人地都會加多少少俾我。但個呀姐一句頂過黎：加多d奶俾你都無用，都會流哂出黎。其實我就係中意食佢流出黎勁juicy既感覺不過佢唔俾，算，咬落去，條邊硬到整條甩出黎，又厚又唔脆，講真，真係好難食。平時係荃灣食既街邊檔都好食過佢多多聲，又唔使受氣。以後都唔會再幫襯呢間野！

幾個月前我試了這間店舖的雞蛋仔，味道一般。今天，我試了我最喜愛的格仔餅，可惜…失望而回。味道方面，格仔餅是即製的，熱辣辣的給我。餅底都十分脆口，不過………完全沒有雞蛋味！格仔餅沒有什麼蛋味都沒有所謂，可以靠花生醬和奶油補救。可惜的是，整份格仔餅只得很少花生醬和奶油，令到整份格仔餅完全淡而無味，好像吃（乾憎憎）的麵包，十分難吃！其實花生醬很貴嗎？塗得這麼少！價錢方面，這份格仔餅$15，一點都不便宜，卻給了這種貨色我，完全不值得！總結來說，這間店舖的雞蛋仔和格仔餅都十分難吃，沒有下次！

之前在北角、佐敦、屯門巿廣場都食過北角雞蛋仔，最好食當然係北角總店啦，其他都唔差的。見佢開到屯門友愛邨，近近地買黎食下，結果有點失望，首先一叫已放上來，一早整好的，唔夠熱辣辣，只係微暖，脆度ok，但無乜蛋味，無左果種感動既感覺，而且好似有d 焦味，顏色都比較深，係咪燒到over左？到凍左更唔好食，最後果d 掉左lu$15一底，名牌子雞蛋仔，質素未對得起個價錢！

好耐以前已經幫襯開北角原店，食物一流！之後幫襯過寶琳，都正正常常，但屯門呢間就真係唔太掂。屯門呢間開張期間已經幫襯，因為果陣平賣，見咁平就同朋友一次過試哂魚蛋、燒賣、生菜魚肉、碗仔翅，係冇試雞蛋仔（純粹自己冇興趣，不過屋企人食過表示都唔錯但唔算抵食）。魚蛋肉質尚算彈牙，但辣汁完全唔夠辣（譚仔食開5小），同埋最大問題係俾太少醬，要知道魚蛋既重點就係個醬嘛。燒賣正常啦冇特別。生菜魚肉，先講樣子，非常不討好，像一堆湯咋，魚肉有少許幼骨但接受到，生菜像梅菜，味道係普通拎包味精煮既味無別。碗仔翅，本人覺得要整一碗好味既碗仔翅的確係有難度，呢道都係整得唔好食既。另外想講係員工態度，咁耐以黎幫襯左都四五次，每一次既交易過程都會有事發生。第一次係開張期間，收銀機突然故障出唔到飛，收銀姐姐就手寫我地張單，佢啲字又非常撩，因為店鋪開張，佢地勁忙兼勁亂，佢地躁底之餘其實我都好躁底，因為果張手寫單來來回回去左幾個人手上，都仲未俾到野我，每一個拎完張單就問我一次要唔要辣或要唔要醋之類，真係火都黎，不過最後都係畀錯既！😑 咁之後過左開張期諗住好啲啦，呢次買左四串燒賣魚蛋拎走，遞單後我企開左睇電話，突然丫姐拎左盒野

呢間利強記的北角雞蛋仔, 聽閒係北角好有名氣, 店面又貼曬D雜誌訪問, 加上成日見到要排長龍, 心諗應該好食所以先去試試. 試完之後,我終於明白點解會成日排長龍, 原因並吾係因為多人買, 而係員互手腳慢, 點解? 首先,你要排隊落單, 然後就好似傻仔咁企係樹等成十幾分鐘等個阿姐同底已經整好嘅雞蛋仔陪養好感情,再慢慢用佢地果個好似銀紙咁,印曬number嘅專貴紙袋裝好比你. 你可以話佢地有要求, 要慢慢整先整得好食, 但係碗仔翅呢? 一般嘅碗仔翅係可以即刻"筆"落個碗度比你, 呢間嘅碗仔翅, 同雞蛋仔一樣, 阿姐係會先同佢陪養好感情,默禱, 之後先依依不捨咁"筆"比你. 至於味道呢? 雞蛋仔係脆, 但味淡。碗仔翅太水, 無咩材料,要勁加調味先有返個味。價格比人地貴, 等得比人耐, 味道非常一般。失望

聽說利強記北角雞蛋仔十分有名，1個月前在屯門區開分店，一直都想試吃，今日終於有機會試了。北角雞蛋仔最出名的是雞蛋仔，聽人說十分美味，我當然買一個來吃。味道方面，雞蛋仔十分大件，而且十分脆口，外脆內軟。不過，雞蛋仔沒有什麼雞蛋味，味道有點淡，好像吃麵包。而且，很多粒雞蛋仔都是空心的，證明蛋漿只得很少，有點不太值得。價錢方面，每份雞蛋仔$15，價錢一點都不便宜，而且味道只是一般而已。總結來說，雖然這間北角雞蛋仔十分出名，可惜不外如是，雞蛋仔只是脆口而已，完全沒有雞蛋味，而且價錢又不便宜，有點不值得。