利德豐海味廚房

Open Now

Now Closed

海味現餸小店 大坑街坊加餸之選過時過節可以買煮好的海味返屋企加熱就得，有唔同餐，唔同海味：花膠、鮑魚、魚翅、海參等等，試過買幾次加餸，足料味好，似出街食的味道，又唔洗自己搞一大爛餐，屋企人都滿意平時有抵食飯盒，有5/6款餸揀，彌補大坑冇兩餸飯，又平過茶記。味道幾好，份量夠，又有菜，聽老闆講每日自己親自街市買餸返去煮，天氣熱唔想煮飯買2個返去3個人都夠食，中意白切雞飯下次想試吓買涼茶飲，睇吓係咪都咁足料

嚟過呢度買兩次，兩次都有買花膠螺頭湯，啲花膠好大，湯好甜，仲有買油皮，鮑汁撈鵝掌，下次會試佢啲包蔘翅肚，上次經過有位太太又係返嚟再買，同我講佢啲魚翅湯好正，有機會要試吓。佢所有嘢都係煮好咗，譬如湯會雪冰左，咁返到去都出嚟煲翻滾就飲得，我買嗰個係二人嘅，話就話二人，我覺得有四碗，花膠就兩大舊

星期六到大坑走走，見到一間傳統小店，聽說在深水埗已開了40年，剛搬到大坑兩個月，老闆剛剛煮好新鮮魚翅，好香呀，忍唔住買咗一碗返屋企！返屋企簡單煮返熱，就可以食，足料又唔太濃味，高湯清甜回頭率高