利星火鍋海鮮小炒

Open Now

Now Closed

店的位置因指示清晰，很容易找到，衛生也很好，服務員招呼細心又週到，這晚聚會大家都覺得很滿意，還再約下次再去呢！因為只有7個人，所以叫的餸菜都不算多，但整體味道都非常好食，除了黑椒鐵板豬手仔，味道略咸，最好味金沙蝦串、欖菜梅子骨及麻辣炆牛腩，麻辣味剛剛好。在openrice 訂位，食店還送上一份小食呢！

在多餐廳多票的投票下，一大班人最後選擇了利星為我們今晚的餐廳。一大班人食飯，又點可以唔啤啤佢。鐵板火焰蟶子王 (蘇格蘭)，利星的招牌菜之一，嘅吸睛，又好味。蟶子會用鐵板上枱，然後職員會把高濃度的酒淋在鐵板上，紅紅的火焰就在鐵板上升起，之後就當然時相機先決，不過影還影，職員溫馨提示要快點吃，不然蟶子就會老。待火焰差不多熄滅時，我們便一起舉筷，嘩！！大大隻蟶子，口感彈牙，配上豉椒和頗濃的酒味，既突特、又難忘。炸芝士丸，職員介紹的一道菜，都28蚊一粒，但大家也選擇要與他見面。廚師用面包絲把芝士丸隱藏起來，面包絲炸得香脆，加上芝士丸很彈牙，再配上丸中的芝士是由兩種芝士混合而成，呢度菜值得推薦。冰梅㰖角骨，是一道很開胃的餸菜，以冰梅醬製作，味道酸酸甜甜，很開胃的一道菜。什錦煙肉大盆花菜，全晚最驚喜的一道菜，椰菜花配上煙肉、臘腸和蝦干會係點？？答案係好好食呀！！因為煙肉和臘腸獨特的油脂香，在製作的過程時，已慢慢的入侵了椰菜花，令到每件椰菜花都香口。蒜香雞，蒜頭怪的我，不論生蒜熟蒜都喜歡，在沒人反對的情況下，任性地點下此道菜。上枱時，朋友才醒覺為何如此多生蒜。雞肉很嫩滑，配上大量的蒜香，味道很正。其

早期的小炒店是大牌檔入舖後形成，後來厨師儲蓄一定本錢後，會開舖炒撚手小菜，現在第三代形式是友好合資，以搞生意為目的。街坊式小飯店多如茶餐廳，台灣稱為快炒店。每區都有幾間好的小炒皇。容記關門後，深水埔應是此店稱皇。代表第三代小炒形式佔主流。此店極近港鐵站D2出口，各區炒友可以一試。宜聯群結黨，10至12人才佳，因此店似第一代小炒，碟頭很大，如香煎美極蝦賣168元，每人分享一隻，只需十多元，可嚐遍8至9樣小炒。其次，菜牌比酒樓更精美，款式多，看餐牌也需10分鐘。主要分三類：第一類是海鮮類，我點選了椒盬九肚魚，因人少都可以輕易清碟。火熱酥脆，少咸少辣，內濕外乾。第二類是爆炒類，有菜有肉，我點選了少有供應的乾隆皇生菜包。相傳是乾隆皇下江南的名菜，以生菜剪成荷包形狀，厨師快炒豬肉粒和疏菜粒，此店加上蟹子，賣相豔麗。賣點是手工，古法是用鴿崧，有生財荷包的吉祥寓意。生菜清涼爽口，雜錦粒子夠火熱，夏天吃更佳。第三類是懷舊菜，此店強調有砵仔焗魚腸。由於用了openrice訂檯，贈送了此菜式。等了半時才焗好，撲鼻的果皮味道，砵仔灼熱，表面焦濃。超級古老的菜式，以胡椒粉和芫荽去除魚腸腥臭。

好耐冇食大排檔，但同啲女仔去食如果真係去大排檔就會嫌dirty，所以就嚟呢間。地方嚟講就好乾淨，而店員服務嚟講就一流。叫啲嘢食都係一般大排檔嘅野食，例如炸大腸，炸大腸唔係人人啱但好好食，皮好趣，而肉唔肥（利），算係咁，椒鹽鮮尤都趣口，其次叫咗啲特別嘅嘢食，三蔥龍蝦蒸糯米飯，好特別，龍蝦份量唔算少，我覺得可以接受，酥炸小唐菜出嚟好熱辣辣。仲有一樣絕對值得推介就係火焰聖子王，呢個必試！聖子好爽口，啲汁好入味，冇得頂，但有一樣美中不足係，呢味餸係時價，建議大家問清楚先好叫。

早前閒逛了黃金商場後，看到對面有一間小炒的餐廳，在網路上也有介紹就進去醫醫肚子。脆皮炸大腸炸大腸炸得很美味及香脆，完成沒有油膩感，雖邪惡但十分喜愛。黃金棒棒蝦另一邪惡之作…黃金蝦，蝦被濃濃的蛋黃包圍，每咬一口，蛋黃的香味都充滿整個口腔。鐵板火焰聖子皇侍應介紹的招牌菜，惹味之餘還有看頭，聖子皇上枱後，侍應會先點火，火燒火燒咁.。聖子的肉質滿新鮮、爽口，不會因燒完變得過火。雜錦煙肉大盆花菜份量滿多，用煙肉炒過的花菜也不會太過油膩及過鹹。有錢佬炒飯瑤柱蛋白炒飯整碟炒得很乾身，口感不錯，想惹味一點.加一下黃金蝦的蛋黃，將味道提昇到一個點。

這天早上上班時跟朋友說起：「好像很久沒吃小炒了。」剛巧朋友晚上要到深水埗購買電子產品、於是立即上網search一下就近的餐廳。發現了這一間非常近地鐵站的「利星火鍋海鮮小炒」。於地鐵站D2出口一出、轉右就見到了、招牌大大的、很亮眼。冰梅欖角骨 $88 （味道酸酸的、非常開胃）招牌麗香卷 $86 （炸芋頭---味道可以）什錦煙肉大盆花菜 $88 （這道菜非常有驚喜、十分好味、推介）鐵板火焰蟶子皇 （時價）（侍應會在你面前向著蟶子點火，因為此畫面一𣊬即逝、大家一定要留意喔。我就是來不及拍下蟶子著火的一刻😝）三蔥炒蟹蒸糯米飯（時價）（足料、糯米飯跟炒蟹搭在一起、非常惹味、正！）總括來說，食物質素很高、款式很新穎、地點也很方便，可以列為深水埗搵食之選。

朋友經常跟家人來食飯已經聽過他不時推薦這間餐廳平日晚上來餐廳高朋滿座，來之前最好打電話來訂座食物選擇亦頗特別，而且極近港鐵站黃金棒棒蝦一碟八隻，其實就是黃金蝦蛋黃緊密黏在蝦上濃惹鹹香若整體做得乾爽些，會更好幾乎每一檯都會點的招牌鐵板火焰蟶子王 (時價) 點了四隻侍應會在蟶子上點火火光雄雄，絕對相機食先蟶子肉厚彈牙醬汁相當惹味炸大腸絕對係最邪惡但又最美味食物大腸炸得乾爽配合墊底的菠蘿，吃來亳無膩感三蔥炒龍蝦龍蝦先泡油，外殼香脆，肉質鮮甜而不過熟三蔥的味道亦滲進龍蝦肉里，不錯吃！有錢佬炒飯也就是乾搖柱蛋白炒飯 粒粒米飯飽滿，炒得非常爽身

我好喜歡吃中菜，尤其夠鑊氣的小炒更合我心意。這次朋友介紹到深水埗一試這間利星火鍋海鮮小炒，沒想到位置如此方便，在深水埗D2出口向右行便到了！有兩層高，平日夜晚一樣坐滿人，超級多客呢！足料的老火湯，杏汁燉豬肺湯，這張相片已經是喝到尾聲了，因為太美味，所以來不及相機先食＝ｐ什錦煙肉大盆花菜，這真是非常驚喜的一道菜，我吃了很多很多椰菜花，這樣煮椰菜花很新穎，而且味道一流，這道菜甚至有本事到令不愛吃菜的先生都說好味啊！當然，其他配菜，如臘腸等也非常入味！鐵板火焰蟶子皇，侍應會在蟶子上點火，因為一切來得太突然，我只拍到「無火的一剎」＠＠蟶子皇好大隻，啖啖肉，但要留意，酒味會比較濃啊！這道三蔥炒蟹蒸燸米飯超正！我本身特別喜歡吃燸米飯，也愛吃蟹，兩樣喜歡的食物混在一起，更是滿足！蟹夠甜鮮，也多膏，蟹汁混入燸米飯，令飯變得更香口惹味，我添了一碗又一碗呢！整體來說，食物質素非常高，而且有很多新的菜式，讓愛吃小炒的朋友有新鮮感，而且吃小炒就是要夠鑊氣，這裡的食物樣樣都鑊氣十足，完全滿足到小炒Fans的胃口呢！下次一定要再跟朋友來！

今日與幾個好友想揾地方食個晚飯聚一聚，友人咁啱向深水埗附近返工，大家就研究下食邊間先，上OpenRice 見到「火焰聖子王」好吸引呀，就食呢間啦用冰梅醬炒腩排，味道少少酸，好淋呀聖子到⋯⋯，大家都好期待鐵板聖子王上枱，上枱時淋上酒，火焰升到高過我個頭，好震撼🔥椰菜花、大蝦乾好好食呀，濃味又夠辣是日孖寶(雜錦大盆花菜+三葱炒龍蝦)$328，加配糯米飯做底，都只係加$100👍🏻食完龍蝦糯米飯後，大家仲好似意猶未盡，就立即向OpenRice 搜尋小菜，見到有其他食家推介「黃金棒棒蝦」，好啦！就呢個吖，唔該上枱一刻，原以為平平無奇的，但第一啖食落去：嘩！好好味呀，鹹蛋黃足夠鋪滿每一隻蝦，夠嫩滑，我忍唔住連蝦殼都食埋(真係食得架)最尾「鯉魚桂花糕」做 Ending

鍋氣小炒不嬲都有一定粉絲，我也是其中一個。深水埗小炒特別多，今次就約咗三五好友去試利星聚舊食餐好嘅！一入去就喜歡它光猛闊落，大聲啲都唔使驚嘈到隔離。眼見餐牌所有人氣菜式都有大大張圖片，未叫已經好想食。咁梗係隨即叫老闆介紹幾款特式小菜啦！最後六個人叫咗六個餸。今次最驚喜居然係雜錦大盤花菜，可能本身好鍾意食椰菜花，師傅炒得入味又爽口，加埋香口配菜，簡直要美人照鏡。其他菜式當然都有一定水準啦！我已經諗定下次要試吓佢啲自家燒味！

同幾位朋友選擇呢間，見到好似好多小菜款式好吸引。鐵板火焰聖子皇，上菜淋上燒酒紅紅烈火，熱辣辣即食好鮮甜爽口美味👍什錦煙肉大盆花菜內有蝦乾，臘腸，煙肉，椰菜花都幾特別。脆皮炸大腸三蔥龍蝦蒸糯米飯，龍蝦好鮮甜，肉又煙韌糯米吸收了龍蝦鮮味好軟熟，好特別一款菜👍酥炸小棠菜熱辣辣好脆，里面又魚肉又要彈牙。黃金棒棒蝦咸蛋黃好正好香，蝦配埋咸蛋黃一流。椒鹽鮮魷如果咸少少會更加美味結尾送埋甜品魚仔桂花糕👍冰梅欖角骨

朋友剛搬了入深水埗, 單身一女子夠胆搬出來住真的不簡單! 雖然財力幫不上忙, 但小小一餐也可以請她 所以就提議來這裡晚飯, 順道看看有什麼得意的小電玩可以買給侄女玩~ 行經一間小酒家名叫"利東小廚", 門口貼了很多老闆和明星影的合照 原來無線藝員羅貫峰是這裡的老闆之一 看看價錢牌亦沒有開天殺價 是普通平民價位, 再看看門口的海鮮 新鮮跳跳紮, 反正今天想吃龍蝦 所以就入去坐了~ 這裡打主海鮮和小炒, 選擇很多, 價位平民親人, 可以與侍應先查一下價錢才撈海鮮~ 值得一讚是這裡的侍應全都很友善, 勤換碟子和加茶之餘, 有空也和你說說笑, 街坊茶樓果然多了一份人情味, LIKE! 餐廳可以預訂, 但要留意有開瓶費和切餅費, 但食滿二百元可以免切餅費~ 餐牌選擇超多, 有很多海鮮可選, 另外亦有街坊小炒, 豐富晚飯菜式應有盡有~ 看了一會兒後, 我們先點了這個孖寶拼雜錦大盆花菜~ 其實有二款可以選的, 菜類可選飛天芥蘭煲或雜錦大盆花菜 而海鮮方面可選三蔥炒龍蝦或錦繡紅袍魚~ 很快地三蔥炒龍蝦上桌了! 份量十足, 龍蝦炒很很香很夠鑊氣, 而且蔥味亦相當香濃 眼見肉很多, 這裡應

同一班朋友出黎食飯，我覺得食小菜就最好氣氛好時，講野大聲小小都唔驚俾週圍嘅人望！因為就朋友放工，所以就決定係深水埗開餐平時都落深水埗食小菜黎黎去去都係果幾間老牌小菜，今次決定搵啲新野試下！最後決定試下利星啦！間中都見到有朋友嚟呢度食飯，睇相都覺得好吸引！一嚟到見到個餐牌就覺得出事啦！呢4頁只係頭4頁，但我已經個個餸都食。後面仲有好多頁，太多太多選擇啦！叫我呢d大肥肥一族點算好呢？！最後我話一定要試海鮮，食咩都得！！起菜速度都好快冰梅欖角骨呢骨嘅配搭幾特別，酸酸甜甜得黎又有小小欖角嘅咸香。排骨本身夠味，加埋個汁，味道幾夾！跟住落黎就係鐵板蟶子用鐵板上豉椒炒蟶子真係第一次！係上枱嘅時候侍應會將點著左火嘅再淋上蟶子，令到蟶子再加添多一層酒香！蟶子煮得啱啱好，入晒味！我地叫左一人一隻蟶子，食落真係唔夠皮！下次去，我要食三隻！呢個係叫我最有驚喜嘅我地原本諗住叫個蔬菜類嘅餸食下啦，叫店員推薦！佢話呢個大盆菜！入面主要係椰菜花，配有好多蝦乾，臘腸，煙肉，唐芹，蔥，辣椒乾。全部炒埋一碟味道又出奇地好，所有野都好夾又惹味！值得一試！椒鹽瀨尿蝦呢個可以啦，唔特別講啦！洪七公砵仔鵝好特別，個餸香濃得黎有微微

平日放工後很少會到深水埗，總覺得入夜後這區比較複雜，所以，通常假日或周六日才會來深水埗尋找美食。這天，因為約了舊同事聚吃飯，而碰巧他要到黃金買電腦用品，所以就只好跟著他遊走。8點許，肚子已咕咕大叫，開餐時間到了，同事便拉著我到一家小酒家吃飯，在門口細看，發現玻璃上張貼了大量明星惠顧照片，再仔細一看，發現這家酒家是羅貫峰開設的。 酒家的裝修有點舊式，不過，感覺非常開揚及衛生，坐下後，待應已第一時間走來開位，及送上熱茶，而且態度超級有禮貌，感覺窩心。酒家的招牌菜大都以海鮮為主，而且會推出特惠價海鮮美食，可惜我皮膚敏感，所以這天與海鮮絕緣。結果同事作主，為我點了幾款小菜。 招牌杏汁燉豬肺 - 平日在家很少會喝豬肺湯，就是知道清洗豬肺過程麻煩，不想媽媽太辛苦，所以這天就喝個夠吧！這個燉湯的份量十足，以我們2個人來計算，每人就能分到5碗左右，燉湯的湯質挺濃厚，杏汁味濃，帶有肉香味道，入口非常油潤，而豬肺口感淋滑，加點豉油來吃就已經相當美味。招牌麗芋卷 - 這個絕對是我的心水推介，芋卷外層酥脆惹味，而內層的芋蓉口感軟綿，帶有濃濃的芋頭香味，而且卷內加了墨魚滑，令口感頓時變得豐富，吃時加點酸甜醬

再次嚟到呢間菜館同班好友慶祝相識30週年,所以早前book咗間房同朋友畅談食個套餐,由於有幾位朋友突然有事嚟唔到,店主都肯臨時將個價錢及餸菜份量向下調整,呢種服務唔係間間都肯做。至於套餐餸菜方面有 ：包您撈起明爐燒鵝一隻馳名麗香卷鐵板火焰聖子皇杏汁燉豬肺湯錦繡紅袍魚千葉乾坤豆腐海皇一品菜三蔥炒龍蝦糯米飯特色甜品(桂花糕及炸紫薯波)以上所有小菜都非常有特色及好有水準,我推介有蟶子皇及糯米饭,龍蝦汁滲晒落d糯米饭到,好味到食咗兩碗都唔覺滯。大家下次不妨可以叫以上既小菜食,你哋就會知道有幾好味。😋