加記

Open Now

Now Closed

去完海洋公園，坐兩個地鐵站去飲下午茶。是一間小店，沒有太大寄望，但水準居然有驚喜。個魚柳包兩邊烤到小脆，中間的魚柳是新鮮炸的，仲好Juicy. 乾炒牛河和星洲炒米上桌熱騰騰，美味又好夠鑊氣, 大排檔 feel! 港式奶茶靠譜，高性價比。 我們又麻麻煩煩，叫佢將個包切四件，又拿碗仔，又拿紙巾，又拿公筷，又加水，都照做。朋友走時忘記拿暖水壺，職員跑住喊靚女靚女，提我們回去拿回，攪笑得來好親切。 值得支持的小店，會再幫趁！

因為在鴨脷洲工作，附近餐廳又選擇不多，所以今次貪就腳，在海怡東商場是但找一間食午餐。焗肉醬意粉肉醬同意粉比例適中，可以完全撈勻，醬汁偏甜，但意粉較為冧身和肉碎較少扣了點分，值得一讚有加新鮮蕃茄，意粉上碟時夠熱，仲有jar jar聲，雖然味道普通，但jarjar聲熱辣辣的聲音享受的確有增加食慾嘅奇效。奶茶奶茶算係係成個午餐的焦點，茶味奶味都很香濃，口感幼滑。例湯可以說是例水，味道較淡，就是味精湯的感覺。

趁阿仔整月餅有成個鐘，就去附近食個快飯👌價錢同連鎖大店差唔多，但小店比較有人情味，地方迫少少也可以啦！今次叫左個蒸排骨，原本係叫蒸五花腩，不過冇蝦醬，有少少失望，但老板仔講晒對唔住，又包埋足料的例湯，冇得輸👌排骨有改善空間，但似住家味道就收貨，見圖😉

今朝早起咗，又可以去加記嘆早餐，呢次叫咗一個扒餐，包括有香煎雞扒，一隻旦，二件火腿，加一塊麵包，飲品叫咗凍華田，雞扒煎得皮脆，入口肉好嫩滑，火腿同雞旦都OK，嘆埋杯凍華田就可以返工啦。

返工前係公司樓下間餐廳嘆番嗰醒神早餐，間餐廳名叫加記，㸃咗一個鮑魚絲通粉，火腿煎旦，餐飲係一杯凍咖啡，通粉係爽嘅，味道尚可，火腿煎旦就一般，最正係凍咖啡，味道濃厚，食飽就預備返工。

加記...都幫襯左好多年，唔知係咪’吾三貴‘，食材貴丶租金貴丶人工貴丶發覺啲食物真係有下降嘅質素，食咗個午餐，炒蛋同鹹牛肉奄列，冇驚喜但係又冇特別差，都OK嘅，不過個豬扒真係食唔落口，又硬又乾，唔知係咪非洲豬瘟，用D雪藏豬肉，結局成塊都冇食，個福字麵煮得唔錯，軟硬度啱啱好，冰奶茶都OK，不過個奶油豬都係唔合格，好乾好硬，又少奶又少牛油，最終評分都係合格嘅，幾十蚊不過不失，我都會繼續幫襯，最多下次改食其他口味啦

去咗加記食午餐，叫咗瑞士汁雞扒抄一丁同凍檸茶，嗰麵抄得太乾身，冇瑞士汁味，嗰雞扒又咸又乾，凍檸茶茶味啖，收＄50，又唔平又唔好食，係一個冇靈魂嘅午餐，唔扺食，平日嘅餐冇咁差，唔知大廚係咪放咗假？

放左幾日假，今日都唔怕早起一日睇番個早場先🤓已經特登再搵啲唔係旺區睇架啦，都要早兩日買左飛先，估唔到過左咁多日仲係咁旺場😨一早過到海怡，諗住就附近茶記食個早餐，戲院樓下就有加記。價錢十分相宜，估唔到呢個地方都唔算貴。先黎兩杯奶茶，奶味偏重，茶味相對唔夠出。先黎個火腿鮑魚通粉餐，加左2蚊轉多士，不過份多士有啲太dry😅再黎個香煎雞扒麵，個雞扒估唔到有驚喜，幾好食！幾位阿姐都好好禮貌，就算假期特別多客，啲客又多多要求，但佢地都唔該前唔該後👍🏻係有位哥仔，見佢係出餐位拎野掟住黎，真係幾令人側目😰

一間餐廳好與否，除左睇食物質素同環境衛生，仲睇店員態度。而海怡向來無咩餐廳選擇，加上生濕疹，無食物選擇下見加記有涼瓜食有益咪叫囉。落單果陣：我：唔該要涼瓜飯，走蛋走豉油，可唔可以涼瓜。女：（寫好單）$55我：琴日一樣飯係收$49，餐牌寫到明48+1外賣女：咁咪收少左你囉最尾女死死氣收番$49。其後，有店員叫佢做事頭婆。番到去打開飯盒當然無多涼瓜喇，本身都醒番開啲飯睇有無加料，結果真係有，完全係冷衫啲毛頭。罪證1）態度惡劣其實我啲額外要求你要收多我唔緊要，但態度唔該好少少，而且又唔解釋清楚點樣要收多我6蚊。你身為老板，又唔同員工交代清楚個價，然後就陰啲陰啲係飯加料，極為低裝。你有理據咪提出，只有無道理既人先做埋呢啲鬼鼠事。罪證2）度縮明明我已經好客氣對佢，又為佢著想cut cost，走蛋走豉油，好客人為食店著想，所以想加多少少涼瓜當醫好濕疹。你就獅子張口索價55，你估涼瓜好貴咩。明明我要求唔過分，仲為你生意著想，咁啲既態度留番比你班西客喇。罪證3）加料雖然食唔死人，但好地地廚房無人著黑色冷衫點會有毛頭？仲要拎涼瓜掩著，放係中間堆底，咁巧合唔講突登都無人信喇。雖然我討厭大集團，逼走小商戶，

晨早去到海怡半島，附近都好似無咩食，四圍望終於找到間食店，搭一條長長的電梯見到門面裝修很舊有點骯髒，有點不想入去的感覺，但因無時間找另一間，是是但但食個早餐的心態入左去，裡面很多位任你坐，看見餐牌有醒神早餐，都有7種早餐給我選擇，最後點了A3,沙爹牛肉煎蛋公仔麵加熱咖啡。。。味道方面，沙爹牛肉不韌，食落沒有渣，煎蛋剛好熟不老，公仔麵剛剛好彈牙，個辣椒醬超香超好吃，杯咖啡真的很香濃很滑，食完真的好似醒神左。。。

一間餐廳好與否，除左睇食物質素同環境衛生，仲睇店員態度。而海怡向來無咩餐廳選擇，加上生濕疹，無食物選擇下見加記有涼瓜食有益咪叫囉。落單果陣：我：唔該要涼瓜飯，走蛋走豉油，可唔可以多涼瓜。女：（寫好單）$55我：琴日一樣飯係收$49，餐牌寫到明48+1外賣女：咁咪收少左你囉最尾女死死氣收番$49。其後，有店員叫佢做事頭婆。番到去打開飯盒當然無多涼瓜喇，本身都醒番開啲飯睇有無加料，結果真係有，完全係冷衫啲毛頭。罪證1）態度惡劣其實我啲額外要求你要收多我唔緊要，但態度唔該好少少，而且又唔解釋清楚點樣要收多我6蚊。你身為老板，又唔同員工交代清楚個價，然後就陰啲陰啲係飯加料，極為低裝。你有理據咪提出，只有無道理既人先做埋呢啲鬼鼠事。罪證2）度縮明明我已經好客氣對佢，又為佢著想cut cost，走蛋走豉油，好客人為食店著想，所以想加多少少涼瓜當醫好濕疹。你就獅子張口索價55，你估涼瓜好貴咩。罪證3）加料雖然食唔死人，但好地地廚房無人著黑色冷衫點會有毛頭？唔講突登都無人信喇。雖然我討厭大集團，逼走小商戶，所以一般都會幫襯小店。但呢間易左名既加記（前身都係唔受歡迎既怡香園）恃著海怡顧客無咩餐廳選擇，肆

星期日同老公入左嚟海怡，諗住嚟拍下拖，去戲院睇番套戲，所以睇戲前食番個下午茶先。搭扶手電梯上戲院買飛時，見到有易拉架介紹戲院樓下間茶餐廳，甘就腳，廢事行嚟行去就決定入去食。我地俾下午茶嘅餐牌上面呢個甘有霸氣嘅名”生炸特大多汁雞脾沙律” 吸引左，決定叫嚟試下睇下係咪真係甘堅。下午茶餐包杯飲品，我見到”兒童鴛鴦”呢個名甘過癮，要叫番杯嚟試試先。老公好驚訝我未飲過，原來係好立克加阿華田。 飲落比較淡口，可能太多冰，個味好搞笑，下次我諗會叫番啲咖啡奶茶個啲，哈哈！等左一陣，雞脾沙律終於到啦。 的確好大隻呀，接近同塊面甘大。雞皮炸得好外脆，咬開入面完全唔乾，一路食一路啲肉就係甘滴，同佢嘅形容完全一樣，冇呃你。另外，配左一大碟沙律茶，啲茶食落新鮮，配埋千島醬食就岩曬。老公大讚個沙律是係菜唔係薯仔沙律呀！雖然四十幾蚊一份茶餐，唔算平，但大雞脾沙律甘大份，茶餐廳嚟講算ok呀！

身為一個地道嘅沙田友除左番工之外入港島簡直就系少之又少嘅事啦難得南港島綫開通身為大鄉里嘅一份子緊系要黎番個出城記搭下個架無人列車朝聖下反正鴨脷洲有outlet去尋下寶都好經過海洋公園嘅時候諗番起以前系海公園番工嘅日子呀年少多好行完一輪無收獲 就去左PRADA OUTLET隔離嘅商場搵食啦坐底之後店員都好親切咁招待同D客人都有傾有講最後點左個雞肶沙律餐OMG唔好講笑超大隻雞肶堅系大過塊面而且D肉炸得岩岩好又唔會太老好Juicy 引黎旁人羨慕嘅眼光🤤仲要我系LAST ONE✌🏻其他人有得望無得食以40幾蚊嘅價錢食茶餐雖然有D貴但咁大隻雞肶就咩都抵番哂啦同埋哩到始終系港島區無計啦🤷🏻‍♀️但舖頭嘅人情味好強唔知系味家庭底經營呢？有種說不出好WARM嘅感覺🙈🙈如果搵唔到好野食哩到都系唔錯嘅選擇👍🏼

下午茶,一客蛋白西多跟咖哩角和一客特大雞脾沙律。蛋白西多等左15分鐘,雞脾因亂單做左隔離炸雞脾飯,等左35分鐘,但可惜中間係生,話事的阿姨話反炸就可以，再一次可惜因趕時間去上堂,所以無食就埋單了,最後好好人地由本應74元平左4元收70元,多謝

昨天我和表姐和女兒去吃午餐，這是我第一次嘗試我揀了楊州炒飯乾炒牛河，煮出來味道好味，女兒吃了三碗炒飯，而乾炒牛河亦都是少油，吃起來感覺健康。之後邊吃邊看牆上的餐牌，發現了雞髀沙律，我已經很多年沒有吃了，跟着我表姐share來吃，沙律是有紫色菜那隻健康沙律，雖然有少少千島醬，我也見到旁邊有少少黑醋，而雞髀真的很好吃，果然冇介紹錯，會一家大細再來。