加記 (卑路乍街)

Open Now

Now Closed

作為一盒外賣炸髀，呢間餐廳嘅出品完全顛覆我對外賣炸髀既既有印象。一般茶記，都係一盒發泡膠盒送嚟，通常一邊裝炸髀，一邊係雜果沙律。而加記，價錢雖然稍高(好似係68)，但一分錢一分貨，佢嚟到係有兩盒嘢。首先係隻炸髀，外賣都唔expect佢好熱好脆，但佢keep到唔會凍晒之餘，個皮仲係脆同有汁既，而且唔太咸，調味剛好。但最犀利最impress既，係份沙律！佢一邊係蔬菜一邊係生果，而且全部係新鮮貨，食落爽脆，份量亦好足，唔係一般罐頭沙律可比。就算唔係外賣，呢份炸髀沙律都可以話係本人近年食過最對辦最有驚喜既炸髀沙律，絕對可以再戰！

好喜歡這店有家的感覺，店員都幾友善，品種多，由西式茶記到中式煲仔菜，這店所選的白鱔新鮮大條，每次即叫即劏即蒸，調味啱啱好不會太咸，豆豉味鮮，葱花好香，重點係鱔夠爽和夠份量，我由東九龍區坐車走至堅尼地城吃這個哦！

從Open Rice网约预订食物进店。问一位四眼老先生食物是否已經做好？竟然面对面不回答，我还以为自己隐身术已经修炼成功，完全当我透明，预定取食物时间5：45分，我到店是5；45，根本在我到店前從未開始處理，最後6點15才能取到，其中一味豉椒炒花甲，竟然完全有是没有清洗，满布泥泞恐怖恶心！

一開始因為冬至冇咩餐廳做晚市， 無得揀之下去左叫加記外賣，係屋企等左半個鐘諗住去拎外賣，去到應該係老闆娘企門口， 就問佢叫左外賣有得拎未，佢就問我叫左咩餸就照答佢，佢態度都係麻麻話未有叫我等多陣，咁我就出去面百佳諗住睇下野先番去拎外賣，過左10-15分鐘買埋湯圓，再番番去佳記，企門口再左5分鐘，先再入去開個外賣有未，根本都冇人想show你，淨係識答就有，等外賣等左50分鐘都未有。。。都未試過叫左個外賣等咁耐都未有得拎，態度又麻麻地，眼見佢餐廳都未坐滿出餐都可以咁慢，唔洗諗都冇下次。

今日來到卑路乍街加記，這是一間開了很多年的老店，門面裝修很古老特色。見牆上掛了金鳳米的相，不知是不是用金鳳米煮的白飯，不過白飯真的煮得很好食。粉葛湯也很濃味，唔似係味精湯。我叫了豉汁蒸白鱔，很久沒有吃白鱔了，白鱔很彈牙，不過份量有點少，因為白鱔下面鋪了豆腐。其他的菜份量都幾多，咸度到適中。

平時都唔會嘥時間去俾評語，但今晚真係食咗餐好難食既外賣晚餐。話說今晚叫左幾個餸，分別係椒鹽鮮魷、中式牛柳、陽光十二菜、蒜子豆腐火腩大鱔煲和魚香茄子煲。椒鹽鮮魷完全咬唔入似咬膠咁，中式牛柳，我相信佢用粉醃肉過度，完全冇肉味同埋淋到離晒譜，另外叫咗個$80一人餐-蒜子豆腐火腩大鱔煲，份量少得驚人，陽光十二菜粉絲多過菜，魚香茄子煲又油又咸，已經唔係以前食既加記，總括樣樣餸味道都十分差及多油，唔會再光顧。

成日都經過加記, 某日好想食下午茶, 搵緊一啲未食過嘅餐廳, 先發現一直都未食過呢間加記, 於是約咗朋友去食<生炸特大多汁雞髀沙律>朋友話去加記食下午茶一定要試吓呢份生炸特大多汁雞髀沙律, 雞髀非常大隻多肉沙律份量都非常驚人, 可惜餐牌張圖顯示係薯仔沙律, 出到嚟竟然係雜菜沙律, 有少少失望但都均衡營養嘅<吉列魚柳沙律>大食妹比起雞髀, 更加鍾意食魚柳加記嘅吉列魚柳略嫌炸得唔夠脆, 口感過分軟身, 大食妹覺得冇咩特別下午茶除咗嘢食以外, 仲有得跟嘢飲, 茶走同菜蜜味道都好經典, 可以算係一個唔錯嘅下午茶

強烈建議大家唔好黎😶見到食物上枱已經有啲不安塊吉列豬扒完全唔上色，食落果然有浸唔新鮮嘅豬味同鬆肉粉味🤦‍♀️唔嚡算有肉汁嘅，但就會食到成口油🤦‍♀️炸粉唔厚應該係優點但搞到唔似吉列豬，加上佢有啲薄，口感一般牛肉方飽就正常啦🙈menu 無寫有無加烘底，有會好啲🙈出前一丁可能係唯一可取，起碼唔會煮到淋哂😂仲有青菜好似健康啲。但係！有發泡膠粒！😨我真係寧願無菜🙈🙈雖然話早餐算幾抵食，我都係覺得不了奶茶以茶餐廳黎講都算難飲😨叫左茶走但佢太甜，同埋稀到感覺好似溝左好多水😨

So little food for take-away and waited for more than 20min… And it cost 128HKD for just few pieces!!Are u kidding me? It's definitely not the quantity as we had before. Disappointed. Will never come again

舖頭外牆設計好中式 唔似茶餐廳 但係入面格局就係 而且大多數食客都係地盤工人或者老一輩🙂餐牌選擇多 有午餐 亦有炒飯炒麵 常餐 一餸飯 蒸餸等 非常港式見佢每份都超大碟 亦其炒飯炒麵我叫左個午餐自選麵 ($37)揀咗 雪菜肉絲 火腿 雞蛋麵要通粉 亦可選擇米粉 公仔麵賣相正常 望落好豐富咁 估唔到佢啲雪菜肉絲幾足不過成碗份量唔算大 另外仲有生菜🥬味道唔錯 🍳煎蛋蛋黃非流心 已經全熟 而且浸湯所以唔香脆 不過我自己覺得ok🥓火腿正常冇特別雪菜肉絲好好食👍🏻雪菜之外好似仲有啲酸菜咁 口感好正 好爽脆 然後又有少少醃製鹹味 肉絲雖然少 但係幾淋同埋比較瘦 用黎餸通粉勁㚒通粉質感一般 唔煙韌又唔太淋咁 湯底係味精味 不過好在唔太鹹同埋一啲都唔油另外仲包餐飲 要凍檸茶 (+$3)下次要少甜先得 督咗檸檬都仲好甜 整係飲到糖槳味🤭-整體味道ok 唔差環境可以接受 起碼感覺唔逼同埋都叫乾淨服務就…可以話差 個姐姐粗老啲 成日聽唔到你講嘢 然後啲侍應做野求其上多咗杯飲品俾我地 但係少咗兩個湯CP值合理嘅 $40埋單 同出面茶餐廳差唔多

西環加記，剛好想食中菜，見門面幾特別，入去發現裝修幾靚，光線足又闊落，樣樣野古式設計感覺良好餐牌種類非常多選擇，茶餐、快餐、麵餐沙律都有做，價錢相當合理，當然要試下佢既小菜先啦先上個例湯，老火湯青紅蘿蔔，無味精而相當夠火候，味道一流淨係靠個湯都已經值得返食，夠晒甜，絕對足料豆苗炒牛肉，份量好夠，豆苗保持翠綠色唔會炒過龍，調味同蒜都配合得好好所以豆苗味好出送飯一流，牛肉唔會老，如果厭淡既建議都唔好加豉油，加少少鹽就可以！蝦仁炒蛋，常見小菜但一食就知個廚如何，上碟份量仍然係好夠，賣相、色調配搭一流蝦仁夠大隻又爽有咬口，蛋夠滑而且炒得好有蛋汁，而且唔油功夫相當唔錯，配埋飯簡直係正，食極唔夠加多個西蘭花斑片，上枱時好香幾夠鑊氣，西蘭花就偏硬身，個人黎講普通，斑片係用斑而唔係炸魚斑塊魚肉唔散口感ok既，清清地既家常餸一味食小菜黎講整體算幾好味無味精，而唔會店店都係同樣調味，幾款餸會食到返食材既特色老火湯加晒分，個價錢仲加加加分唔怪之得叫加記#中午仲有超巨型沙律叫#如果住附近真係忍唔到唔做飯堂

雞髀沙律好多地方都有得食 要整得好味同有心 我就想食就諗起呢一間餐廳，環境同擺設有啲老字號feel每次去都係食雞髀沙律 點解會食完返尋味 第一 雞髀係生炸嘅 好大隻 肉質 外脆內嫩 好juicy第二 沙律入面嘅菜好多款式、 火箭菜、青瓜、蕃茄 、紅椒、黃椒、 生菜、 另外每次都加入時令嘅生果 哈密瓜、香蕉……等等 次次不同， 份量十足 沙律醬都會有兩款 唔同口味 放落去、 好抵食， 如果個胃唔係太大嘅人 兩個人share 一份 都夠食

呢間就係大名鼎鼎，得到有個妹妹嘅葉姐姐最愛嘅飯堂，佢都話舖頭味道令人食髓知味！大家知點做啦！一定要叫晒一家大細一齊去！我就係佢fans 嚟嘅，佢叫到，我連去咗奈何橋嗰啲親戚都叫返上嚟食！ 特別係身為貴族嘅藍血人，如果你身邊嗰啲都有你咁高貴咁藍血，一定要去食呀，個老闆話葉姐姐好有心，成日都幫襯，淨係食最平嗰啲，又可以坐成日，舖頭內嘅食客又可以自由睇動作片，係香港警察嘅英勇事蹟喎！老細仲話佢非常愛國愛港㗎！

前期已讚寫了一篇，今天還是要再添一篇，皆因在香港尺金寸土的不合理不健康商業環境下，難得仍有小店可提供一份價廉美味的午餐。今天點了一份午餐包括羅宋湯，粟米雞絲飯和咖啡。1. 羅宋湯 - 足料好味2. 粟米雞絲飯- 雞絲是用醃制過鷄扒香煎後切絲，味道同口感跟一般用冷藏貨完全不一樣。- 粟米汁一定要超多粟米，加上金黃蛋花，撈碗絲苗白飯簡直是停不了口！一個看似簡單飯餸，為何外面大部分茶餐室都做不到這個水平，分別在廚師對自己的要求和執著，講到底就是專業、敬業和樂業！

咖喱魷魚他們的咖喱好特別,適合鍾意食辣嘅人。魷魚好新鮮嫩口, 配上獨特的咖喱簡直好似飛一樣,好食。秘製豬軟骨骨應該超過12小時用唔同嘅滷水汁去慢慢烹調。而能夠做到骨肉分離,咬落去可以聽到樂樂聲。炸魚皮他們的炸魚皮可以見到用紅燈再照，目的令到佢哋更加乾脆。最後效果好似食薯片一樣。一路食嘅時候聽到清脆嘅聲音。美味酸齋做到可以酸同甜平均分佈，令到舌頭可以感受到新奇。尤其喜歡太酸嘅朋友。不要錯過。位置唔太遠 鄰近市區。希望過年年初三同家人再食。😘