勝手丼

Open Now

Now Closed

星期一至五，一星期行過三次，每次都在11點30~45分。選好想食的餐品，站在收銀處，從來都沒有人。今天12月12日再一次到來店，都在收銀站等待5分鐘左右，三名員工，有兩名見到我等下單，都沒有理會，一名在打工卡，一名手拿食材，一名在玩手機。我最後都是離開，到附近的日本餐廳進食，垃圾的服務態度。

是日出外晚餐諗起一田嘅燒魚大大份方便快捷性價比高遇上一田購物日人潮如湧但無阻我哋食快飯嘅決心！夫君點咗燒魚定食我就試吓魚生蓋飯魚生豐富叫咗少飯都大大碗飯繁忙時間落order的店員都留意到有小朋友特別推薦我哋試甜燒蕃薯仲話轉天氣啱乾燥天氣食咁細心一於即刻加單試試果然好味👧🏻也大口大口吃💯

去一田買野經過魚兵衞勝手丼，被佢嘅大拖羅（望落好似入口即溶、好多魚油咁）同厚切吞拿魚腩吸引，叫左個自選丼：大拖羅x4、厚切三文魚腩x3、帶子x2、明太子、免治吞拿）一返到屋企急不及待咁開黎食，第一啖當然試大拖羅，一咬落去….有筋,仲要有小小腥味我買時幻想嘅入口即溶係無嘅！至於帶子、明太子、免治吞拿嗰啲就普普通通，正常啦，未至於好新鮮，要揀最好食就係厚切三文魚腩。價格佢又唔算好平，中中等等，試過一次就算。

今日行開呢頭做野，就試吓呢間位於一田裡的丼飯好似車仔麵咁要剔紙仔，感覺幾得意！我㨂左大拖羅、赤蝦、帶子、蟹羔同明太子除左個拖羅外，我樣樣都好滿意帶子超鮮甜，赤蝦超大隻個頭又多羔，明太子咸咸地好味，蟹羔好鮮味但個拖羅我真係食唔出係大拖羅，唔值$30一塊啊個飯有少少偏硬埋單$96我覺得如果唔要塊拖羅係超抵

一田裡買的，全部都可以自己揀，望住個雪櫃就1516，首先揀左飯先，可加紫菜同蔥免費既，最後揀左赤蝦🦐，吞拿魚蓉，帶子，鱆紅，𩶘魚，各樣都幾新鮮，最差個飯，一舊舊咁，其實加加下都唔平架，要就住就住盛惠$68，可以揀外賣或者堂食既

元朗Yoho Mall一田嘅勝手丼我成日都捧場，一來可以自由配搭，二來魚生新鮮，加上個價錢好抵！去到可以自己填想要大定細飯，睇佢display嘅魚生再揀要咩配料，可以自由選擇加唔加蔥花、芝麻。有好多款式揀，可以好百搭，想要幾多片隨自己心意落單到可以拎一般唔會超過10分鐘，等嘅期間可以周圍行下一田～好鍾意食三文魚嘅我今次就主攻三文魚，加埋吞拿魚：個飯底偏酸。魚生好新鮮，吞拿魚同三文魚肥美唔腥，另外有三文魚腩揀，睇落都好靚～之後一定會再幫襯，試下其他魚生！計番都係60蚊到，真係好抵！

收工之後去左元朗行下街，順便買外賣回家食小妹就唔太鐘意食日本野，但係行過一田見到勝手丼都有d 人龍圍住，所以就驅使左我既好奇心去望下因為我係第一次黎買，大家原諒我係個大鄉里呢個魚生飯既形式就好似車仔麵咁，唔同既係呢度毎樣餸計錢既，唔同料就唔同價錢呢度有好多款式既，自由選又好百搭，想要幾多就叫幾多，十分好～因為小妹我好鐘意食貝類同埋想食海膽，所以呢度埋單就九十幾，如果唔食海膽其實係會平好多的另外仲要左兩塊魚，我鐘意白肉既魚，但係咩名我就忘了首先要一讚既係呢度既魚生全部都好新鮮呀！！連帶子呢d 味道比較淡既貝類都食到帶子味道，好好味，又大粒又厚肉海膽都係好鮮，個質感唔會好似梅梅地咁，好似啫喱咁既texture，海膽味都算濃其實基本上見到呢碗野都知佢係乜野味，只要係新鮮呢都唔洗點解釋同形容個味道不過呢度俾既wasabi 好攻鼻，唔好落太多呀，因為我唔小心落多左之後好多飯都食唔到⋯⋯

YOHO MALL sweep food tour, the second stop came to the Japanese French dessert Chateraise! Chateraise is the most attractive is the choice of too many Western-style cake, puffs, and fruit, egg rolls ... there is a drink supply, more rare is the pricing is not high, all kinds of cream puffs only $ 10 only. Chateraise's products are Japan direct, 100% made in Japan, in terms of price is really attractive. I wanted to try Mojil's puffs of Chateraise, but it was drawn to this lovely Panda Cream Roll

-一人飯腳食咩好？今日來到元朗一田既勝手丼😛😛之前一直都好想食架啦 但無奈要去到觀塘先有😵😵但而家就方便啦😼😼首先我叫左個細既飯160g ($10) 其實細又真係幾細既 不過算啦 食多啲料仲好❤️叫左最愛最愛既明太子😍😍😍$9 配飯真係一流呀 佢應該有half of a完整既明太子咁大啦 食落好惹味😘叫左玉子$3 北寄貝$3 呢啲都係貪佢$3平所以叫 冇咩特別🤣🤣🤣 叫左免治吞拿$9 呢個有驚喜wo又幾好食 有啲油香又滑 下次會encore💚💚💚燒帆立貝$15就唔推介啦 食落都唔知食緊咩？！一堆野咁 同埋普通帆立貝$6都好普通😵所以呢 就係明太子同免治tuna會再再再encore ahh😛😛P.s.蔥//紫菜//芝麻係免費架😼❤️

YOHO MALL形點全面開展以後，不只新餐廳成注目點，一田的進駐也引來了一陣哄動。聽說一田開幕時人頭湧湧，對家住屯門的我來說，VCITY早有一田坐陣，實在是未有朝聖的必要性，還是不要趕着人潮湊熱鬧吧。這天在YOHO MALL逛街過後，就到一田買點食材回家自製晚餐。論規模，元朗一田比屯門一田要大得多，而最吸引的是有不少日式食店，咸食的代表有日式丼飯、拉麵、關東煮，甜食的代表有蛋糕、麵包、窩夫，對於原意要來購買超市食材的客人來說是極大誘惑，相信有不少客人會像我一樣，迷失於一田琳琅滿目的美食櫥窗當中了吧！我家主廚率先失守，在「勝手丼」店前駐足不前。才剛在Le Grand Pokka吃過豐盛的Brunch，加上外帶丼飯要比做飯要省時方便得多，也就放下了購物籃，這天的晚飯就變成自選海鮮丼了。老公的自選丼(大)($15)拼配大拖羅($30)、海膽($39)、有頭赤蝦($15)、免治吞拿($9)、帶子($6)，$120的自選海鮮丼不能說是便宜，但會比日式餐廳定價為低，也方便了想足不出戶便能吃到丼飯的元朗居民。丼飯的主角，是大拖羅和加拿大海膽，前者油花十足，後者未算極致新鮮但鮮甜不腥，而厚身帶子又比

元朗一田新開幕，等草根姐妹第一時間入去同大家試下有咩好食好買先☝🏻😆.海膽三文魚子丼（$108）元朗一田限定推出3款爆盛丼杯🐟🍚，厚切三文魚腩蟹腳丼、海膽三文魚子丼、珍寶赤蝦三文魚丼，價錢由$68～108都有。草根試左我地最愛嘅海膽😍真心有驚喜❣️海膽一共有3大片，睇隻色己經知新鮮，果然0腥味，勁厚身有口感，係香港食到嘅嚟講相當唔錯😋👍旁邊有脆卜卜嘅魚子，飯中間仲夾有吞拿魚蓉同嫰滑嘅蛋🐣，配料都幾豐富，面層同個飯底都鋪滿蟹籽，口感冇得彈✌🏻價錢係比較進取，但去到係必食呀！留意番，海膽丼同拉麵分別每日限賣20同30碗嫁炸‼️慢少少都冇得食，賣到去22/10之後就冇嫁啦！