勝香園

Open Now

Now Closed

身為半個柴灣人，今日黎到漁灣街市入面嘅熟食中心可以話係臥虎藏龍，唔係地膽未必會知道嘅地方😎黎得哩度食飯就係以「快、抵、正」為主😋叫左碗最貼地嘅《餐肉炒蛋面》配《港式凍奶茶》，呢個組合可以話係茶餐廳最愛🥴炒蛋炒得好滑溜，入邊仲包住蛋汁👍🏻餐肉雖然係圓形一大塊，但係切得比較薄，而且冇煎過，欠缺口感😕麵底係福字麵，個人來講覺得麻麻，太幼身🤣呢碗麵只可以用「抵」黎形容🙈凍奶茶就不過不失，茶味香醇，奶身幼滑👍🏻不過好戲在後頭，主角《秘製雞翼》先係今餐重點！😍即叫即炸嘅生炸雞翼，真正嘅金黃色無燶邊🤩炸得好靚🥰因為生炸所以皮特別薄，食落都唔會好油膩！咬落仲係好多肉汁，好嫩滑同飽滿嘅雞肉😋😋😋秘製嘅醃料亦唔會過鹹，真係好好味😋另一個茶餐廳嘅配搭《奶醬厚多士》，好貼心已經切開左四片👍🏻神奇在麵包皮一啲都唔硬，仲係好鬆軟👍🏻

一日之計在於辰: 依句說話果然冇錯，今日難得早左起身就去左漁灣村食早餐先再返工，估唔到8點到漁灣街市竟然會坐滿哂人，嗌左個早餐A有牛油方包，煎雙蛋，火腿通粉。個人唔中意食方包，所以叫左烘底，都係加$1，但要留意可能假期多人既關係，六日係不設烘底，個多士好脆，而且有好多牛油，完全冇慳手，太陽旦煎得好靚，唔會太燶，提提大家，通粉可以叫佢地加色(腩汁)，會好味好多。之所以話係快靚正，皆因我用左唔洗20分鐘就食飽飽走人

一清早出門去柴灣，目的是出海釣魚。一大班朋友在漁灣街市熟食中心勝香園食早餐，食飽先上船。我是第一次join 佢哋，由柴灣站行去，沿途睇住個Google map, 先至搵到。叫咗個餐肉，沙嗲牛肉麵跟熱啡，成為32蚊。好奇怪，呢度會問要唔要沙嗲汁? 如果唔要，我使咩叫 “沙嗲”牛肉喎。呢度個餐肉嘅特色係“太陽”餐肉，用一大塊圓咕嚕的餐肉餐。至於牛肉真係唔得，而沙嗲汁更不濟，毫無沙嗲味。所以問人要唔要沙嗲汁真係多此一問。

今日約咗朋友去釣魚，出船前係魚灣街市二樓嘅勝香園食早餐，先到先等，最早係我先到，所以先叫個早餐食先，包括有香腸煎旦，火腿麵，飲品叫咗一支可樂，腸仔旦都OK，麵就用咗福字麵，尚算好味，好快朋友都一齊到哂，等埋佢地食早餐跟住出發去釣魚。

好耐無食喇，之前想來食時又撞啱無開，再唔係就落雨，今次終於配合到天時地利人和食到喇！仲以為無來咁耐，人流無以前咁多，估唔到呢條街嘅人流比以前更旺，差唔多每間食肆門口都有人龍，好彩朋友早過我到，排住隊等，不過都要等一陣先坐得低，其實已經有幾個姐姐幫大家落單、執野同收錢，但點都要等一等先有人理你。今次點咗蕃茄碎牛蛋通粉，牛油檸檬汁蜂蜜脆脆同凍咖啡，最快來嘅係通粉，由於係搭枱，所以上野食時都有d混亂，大家要隨時留意住姐姐送咩過來，碗麵食到一半諗住追一追個包，都未講完，姐姐就話要等，雖然唔想阻住張枱都惟有乖乖坐响度等......

朝早起床已經有少少遲到嘅感覺、唔理咁多、一早梗係要食嘢啦、落左街係街市二樓叫左個早餐、有腸仔旦、和火腿麵、加多一杯奶茶、咁就正啦、等左一陣啲嘢食來了、腸仔旦都算熱啲、火腿麵就差少少、有啲冧、奶茶都ok、算啦早餐係咁上下、食飽就返工。

被一個滂沱大雨的声音嘈醒、望吓個鐘見咁早、就係樓下食個早餐先返工·去到樓下揾到個位座底望吓餐牌、都有好多選擇、就叫左個3号餐、有火腿面配腸仔煎旦加多支可樂、腸仔煎旦來了、原來重有件方包嘅、面有沙爹汁都幾好食、早餐有咁多嘢食算Ok啦、食飽見雨停了便拿拿林搭車返工。

一個人的Luch，雪菜肉絲漢堡扒烏東。一個套餐都只係需要$34，在柴灣來講都算中等價錢。份量都唔少幾大碗下。加上呢間店鋪D辣椒🌶️油都香一下，老闆應該係有炒過D辣椒🌶️先會今好食。加少少落D食物到，味道昇華左不少。呢到D奶茶沖得又香又滑，水準好飲過出面D大集團食店。次次來呢到都必飲！

周六下午到柴灣辦點事，泊好車後因天雨關係，就近到停車場毗鄰的熟食中心享用午膳。熟食中心內設多間不同的餐廳，由粥粉麵飯，小炒火鍋，以至茶餐廳皆有。 熟食中心中有一間名為勝香園的餐廳，未知與中環勝香園有沒有關係。早餐 A 中的煎蛋多士及火腿通粉都沒有特別驚喜。腸仔米粉只有一條開邊香腸，數量明顯偏少。比較欣賞的是西多士，製作金黃熱辣，外脆內軟又香口。檸茶奶茶亦做得不錯，達到茶餐廳應有的水準。

諗緊去譚仔定依間食之時最終決定lunch食下依間好耐冇去漁灣食野Lu普通腸仔公仔麵公仔麵個麵質就係普通福麵咁出前一丁要加小小錢例牌問你 要唔要沙嗲汁當然 沙嗲汁先係碗麵嘅精粹 沙嗲汁都好濃味幾入味奶醬多 奶醬夠多！好味 烘底都夠脆不過 最令我驚喜嘅係朋友食嘅米線好軟 好吸到汁 不過就比較易斷對於個米線 個人覺得依間嘅米線正過譚仔

巴士可在漁灣邨站下車地鐵在柴灣站下車往柴灣公園方向步行約8分鐘可抵達漁灣街市熟食中心勝香園馳名的是鴛鴦米線(炸豬扒雞翼)、奶茶及其自家製的辣椒油!!!PS：因為我吃過太多次鴛鴦米線，所以今次選擇吃其他食品只要是米線都好好吃，它的湯底一流！每次都會喝光！吃得辣的朋友，記得記得，落辣椒油!!!忘了重要的一點，就是它的牛肉汁(只要叫粉麵都會配上牛肉汁），不但充滿牛香，為湯米線添加多一番味道（你親身去試一次就會明白）另外，就是這杯充滿奶香的奶茶（我小六一直喝到中六都是這杯多年手藝不改的奶茶，每一口都充滿勝香園對街坊的人情味）愛飲奶茶的你一定要來試試它的奶茶，包你一試難忘最後，當然是我個人推薦的鮮油奶多（雖然間間茶餐廳都有賣鮮油奶多，但它的鮮油奶多總是與別不同，更有牛油香，更脆口）居住東區或於東區工作的你不妨抽空幫襯這間人情味濃的餐廳－勝香園千萬不要誤以為是上環那間！

五月下旬‧陰天第6,200篇食評，來到勝香園。不過就不是美輪街的經典店，而只是漁灣街市的一間同名店。在隔離金記吃牛肉炸兩，喝一杯熱咖啡也好，就由這邊叫了一杯過去喝。濃郁，香濃，不苦不酸，真不錯。不過奶下得多一點，下次真的要濃一點。

2008年09月14日，09：00在金記叫了，面向勝香園，便要了杯齋啡。齋啡：出奇的香和濃，非一般茶記的苦澀。(我曾試過在小西灣，不同的茶記，幾次喝不完一杯齋啡>m<)這店本在小西灣富欣，數年前遷到漁灣，太座極欣各她的燻魚，可惜她已不彃此調。既外話：承太座命到街市買活雞過節，因她說日後無活雞供港，但我從新聞得悉，2010年才實行^m^

這間勝香園雖然與中環勝香園同名，但其實是沒有關係的。漁灣村的熟食中心分左右兩邊，左邊水盡鵝飛，右邊則人多到不得了，原因之一，就是這邊有一間人氣粥店金記。金記的腸粉有特色又好食，詳細另文再談，是日想飲杯咖啡，就在這裡要了杯熱啡，及一件芝腿治烘底。芝腿治薄身，烘得熱脆，比時下的「一味厚多」更為討好。片裝芝士如果可以溶掉，就更美味。咖啡香濃，乃茶檔水準。埋單22蚊，以熟食中心的早餐而言，不便宜的。也有一定理由相信，是由另一間舖帶旺這裡的。至少是日我是因為吃隔離舖的叉燒炸兩，才在這邊叫東西吃的。