十八座狗仔粉

Open Now

Now Closed

今天在荃灣幹活，要到下午三時才能吃午餐，於是去了路德圍看看有什麼輕食可裹腹。路過了它，很久也沒光顧了 ，於是進去，點了一個 “細雜燴”。大家不要以為“那渣麵”就“那渣造”，當然有很多不認真的食店對這些下欄食材很隨便，以為加大量味精煮熟就可以混得過去了，但蘿蔔和豬皮不但味道，口感也很重要，食店在掌握烹調時間要認真，才能把蘿蔔造得軟，入味，沒有渣，豬皮不“瀉”，有咬口。這店都做得100分！值得一提的是豬腸，不但口感和味道，食神名句“豬腸有屎，失敗”絕對是烹調豬腸的靈魂，而這碗細雜有部份豬腸應該是為方便清洗而被剪開了，於是，這就可製造出不那渣的那渣美食！Thumbs Up！ 唯一可以挑剔的是哪個秘製“千味醬”，它醬底的沙嗲味很濃，說不上千味，最多只算是好味的沙嗲醬。當然，才28元一碗，水準之作！

相信大家都試過食十八座狗仔粉，其實我之所以認識狗佢粉都系因十八座狗仔粉，仲記得第一次食嘅分店系元朗，佐敦個間去過，同荃灣呢間我都已經去過幾次，發現水準系冇乜點變，都系個個味道。之前會order好多嘢，但因今日傾計為主唔系醫肚為主都冇點太多嘢，食過呢到嘅辣柱脯嘅人都知辣到出晒名，之旦系又辣得非常刺激，我就好中意系碗狗仔粉到加辣柱脯狗仔粉有d漿漿地嘅口感，入口易咬即碎，個湯汁永遠都系膠同傑傑地咁，帶清湯同些許咸味配合柱脯甜味非常夾燒賣之前食開都系叫辣味，佢會配個似沙嗲醬咁嘅汁，但因朋友仔唔系咁食得辣，要左款唔辣嘅燒賣，原來系會配鼓油底再外加蔥花系面，除左賣相唔錯，呢到手製燒賣亦系出左名新鮮同好食咁耐以來，十八座狗仔粉依然比到我保持水準感覺，真系幾值得讚賞❤️荃灣呢間鋪仔細細，由幾個阿姐負責服務，都幾有媽媽feel，特別溫馨感覺🙋🏻‍♀️俾多啲機會唔同食店，只要樂意比機會，通常進步空間可以好大，時日有加會愈做愈好，香港人太健忘急速，對一般評價或要等既食店都唔會返轉頭，相信大家可抱着支持本地食店想法，成長對每間餐廳都十分重要，請一齊多一分抱容之心❤️。👍🏻

又係一個工作天工佢到9點半先黎搵晚餐於是搵間平平地既麵食 唔好太full就諗起呢間 十八座狗仔粉荃灣呢間分店 好處在有位坐 唔駛立食不過店內無冷氣 只有風扇我比較夜去 涼啲少人啲枱與枱間較窄 郁一郁就撞到人Menu一張紙睇晒清晰易明先黎個狗仔粉 麵條粗身有咬口 麵質較粉 唔係彈牙類個湯好夠味 咸咸地 撈埋菜甫 好惹味店內亦有額外菜甫任加 辣菜甫頗辣火鴨翅 同碗仔翅唔同 好有火鴨絲味足料 啖啖鴨絲肉魚皮餃 一客5粒 較為普通 較皮無乜魚味 餡亦無味

次次嚟到呢度都可以食到香港地道小食，碗仔翅，狗仔粉，魚蛋，次次都會食上引,唔食唔安樂，特別係佢地既鴨上腿，鮮味多汁，唔會食到嫌，最緊要係佢地開到好夜，消夜一流。

各位來到荃灣這個地方想必跑一趟【路德圍】掃街吧2人餐單參考（飽足程度：★★★☆☆）： 招牌火鴨翅 x1黑白炸丸 x1No Service Charge TOTAL HK$46👆招牌火鴨翅 $30（推薦指數：★★★★☆）配料滿滿的，外面吃一碗十幾塊，這30塊錢是有原因的～～👆黑白炸丸 $16（推薦指數：★★★★★）有四款口味，我選了香菇貢丸+脆爆墨魚丸，由於是【即叫即炸】，要耐心等候5分鐘😂圖片裡面是上菜後放了一下下才拍照的，所以賣相一般。但是口感很👍，非常Q彈，香脆。

今日(8-6-2019 Sat)同老公送發泡膠前食個早餐,經過路德圍,見到呢間,老公話食,咁食啦.我要$30.00嘅狗仔粉,老公要$30.00火鴨翅加魚肉,咁就$33.00.好快,狗仔粉到嚟.份量係滿滿一碗,料有冬菇,肉碎;狗仔粉同上次17年食過嘅一樣,好腍,鹹淡適中,菜甫爽脆.(嗰個食評:https://www.openrice.com/zh/hongkong/review/%E9%87%8D%E6%89%8Bo%E5%B7%A6-e2898972)而老公嘅火鴨翅加魚肉呢?料都幾多嘅,但我冇問佢嘅評價.服務:落單時,亞姐會問狗仔粉要唔要蔥,唔錯.其他:狗仔粉有啲長過湯匙,好易由湯匙滑走,我哋問亞姐有冇筷子可夾?佢答冇,只有竹簽,唉!就算唔環保竹簽都照要啦建議佢哋一係提供筷子,一係將狗仔粉剪到短過湯匙.而o衣o家仔細睇返之前嘅食評,至發覺原來佢哋取消咗大,細碗嘅選擇.抵食係2.4分

記得自己細個成日都係食粉仔，雖然冇乜配料但都覺得好好食。所以今日就諗住回味一下，嚟到十八座狗仔粉食返我細個嘅時候食嘅嘢啦。睇睇環境，就係一般快餐店嘅樣喇。狗仔粉落咗好多菜鋪，食落鹹鹹地咁。賠償咗少少肉碎同埋冬菇粒，用嚟送粉都唔錯嘅。粉本身就軟滑同埋好冧，個湯就比較傑身嘅，整下食落都唔錯啦。因為個粉就冇乜餸，所以就加左一分炸丸。有兩粒貢丸同兩粒墨魚丸，不過佢炸嘅火候好似大咗啲，搞到啲丸都巢曬皮。食落貢丸就好有肉汁嘅。個分的確係滿足到我嘅童年回憶喇，不過價錢就略貴，一個粉一個丸再加多杯嘢飲已經50幾蚊，作為午餐又好似貴左啲

今日下午來到這區工作沒有很餓 但想找點小吃吃看到了這家小食 又有位坐 就入店試一試身為90後 常常聽到狗仔粉是懷舊的食物沒有真正的吃過所以一直想找機會試試是甚麼店內不大 平日4點的時間 人不太多有很多空位 很快店了一客狗仔粉$30店員也很快手 有禮地送到我的位置比我想的大碗對於我來說 多於小食的份量可以當一餐了原來狗仔粉像是烏冬 但有短的粉有點咬口 配上鴨湯 很夠味道而且有粒豬油渣附送 這個我也是沒有吃過 聽名字就知邪惡吃下才知沒想像中的油益味 值得一試另外桌有秘製菜譜 可以供客人任吃我加了辣的菜譜 到狗仔粉中味道即時提升了不少

下午茶時段突然好想食小時候在小販檔的狗仔粉、豬皮蘿白等小食…現在想搵小販檔食都好難，但依然比我搵到“十八樓狗仔粉”入鋪食碗狗仔粉，加上辣菜脯, 狗仔粉煙煙靭靭加上菜脯爽脆的辣提升整碗狗仔粉的香濃美味另叫了一碗大雜會，有蘿蔔、豬皮、豬肚、豬腸，蘿蔔、豬肚、豬腸炆得淋甜入味，豬皮爽脆有咬口，配上秘製辣汁美味之極 唯獨價錢比較貴，店鋪乾淨企利， 店員亦有禮貌，店鋪食品也足料，在百物騰貴的社會也可閒時一試，也是不錯的選擇

終於試到個火鴨翅，其實都幾大碗下，入面都有好多火鴨絲、木耳絲咁，個湯都夠曬濃味唔會湯湯水水的，重點夠足料食落飽肚木耳絲有好多，口感爽脆黎手叫陳個魚蓉燒賣，燒賣普普通通，食落唔太彈牙，質地偏向粉身同諗，同埋個醬汁唔香唔吸引，只係醬油、麻油同蔥，差咁d。

記得細個係讀書嘅年代🤣，一放學就會去睇下街邊的小販車仔檔有冇開，（因為唔係日日都會開的）。有開就開心到不得了,然後緊係買番一碗番屋企慢慢食。不過久而久之，環境、衛生、牌照等，各種因素下，狗仔粉的蹤影就賣少見少了。好彩自從有十八座狗仔粉嘅出現，又再有希望了。想食嘅話，日日都可以食na 🤩 香港/九龍/新界都有分店👍🏻狗仔粉入面有蝦米、冬菇、超香囗嘅豬油渣。然後加埋蔥花同菜脯一齊食，真係別有一番風味😋

以前好中意買一個粉一個翅 外賣返屋企食 前排坐低諗住叫碗翅同粉 點知而家粉都無分大細lu 而味道都仲keep到既 翅依然都好有鴨味 但價錢真係有啲貴喇 不過都可能係因為租金太貴先會咁

以前食過別的狗仔粉，飢詩就知道就算整得幾好，果種口感都不是我杯茶～ 返而這個鴨脾 啖啖肉～ 見到都開心 🤩翅滾火鴨脾 $30～ 食燒鴨明就食脆皮，呢個當然唔係咁食法～ 鵝鵝鴨鴨皮下脂肪通常都很重～ 這個整得不覺很肥 😚～ 鴨肉煲到好淋，跟這個鴨翅， 鴨味濃郁 🤩 黑白炸丸 $18～ 純粹口痕， 炸嘢唔會難食得去邊 👌🏿走的時候見到一隻隻鴨脾棟係鴨翅度.. 令我聯想到 韻律泳 😂 當然係恐怖版～ 唔好意思，想像力太豐富 😏 完～飢 point : 8 / 10

痴鬼線，5粒魚皮餃外賣，都要俾1元小紙杯費 ，其實佢一串俾我都Ok啦。我又冇叫佢幫我入紙杯。 此家店原本已經偏貴， 外賣碗已經比堂食碗偏細 ， 2019新年後，又又再加價。（一碗狗仔粉完全不飽肚），去雄記牛展米線39元仲飽肚。 但其實, 重點係所有食野都係偏咸，我老公一早把碗仔翅列黑名單， 沒有鮮味，只有咸咸咸， 那5粒魚皮餃都係預先煮定好唔知幾耐， 有單才翻熱1分鐘。 而且魚皮餃唔係四海牌， 質素也一般， 早知我自己去超市買番屋企煮好過。

店子雖小， 但最緊要是食物狗仔粉香濃彈牙， 必定叫多蔥， 豬油渣很香， 必定要加檯面上任加的菜甫， 菜甫是百搭的， 搭任何食物都完美添美味， 菜甫有辣和不辣兩種， 辣的一種是超級超級辣，但野味無比， 愛吃辣的必試