千海水產海鮮火鍋放題

Open Now

Now Closed

要講放題，大家一定唔可以錯過最近好hit嘅千海水產🦐🦞🦀🦑佢雖然係大喜屋集團旗下嘅餐廳，但佢並唔係做日式放題，而係做火鍋放題。餐廳以即撈海鮮放題為主打，吸引不少火鍋同海鮮嘅愛好者😎..先講講佢嘅火鍋湯底，選擇都唔少，而且每一個都十分足料，一啲都唔馬虎。有蟹皇海鮮鍋、麻辣鍋、滋補豬筒骨鍋等，部份湯底亦加入大量海鮮熬製，所以味道濃郁😛..海鮮選擇亦都好多元化。有生蠔🦪、鮑魚、多款蝦（基圍蝦、大頭蝦、九節蝦）🦐、多種蟹（花蟹、三點蟹、藍花蟹）🦀、花甲、蜆、帆立貝、花膠等。最特別最特別嘅地方就係餐廳有自助撈海鮮區🤪🤩 海鮮由自己撈，想要幾大隻自己揀，職員會幫大家清洗，然後自己攞返去自己個座位度烚，趣味爆燈💡💡..肉類方面，種類雖然比一般嘅火鍋放題少，但質素一啲都唔差。大家可以試下澳洲M5同牛🐄、美國牛肩胛片、羊肉片🐑、豬梅肉片🐖等。除此之外，佢哋仲有多款美食，包括大路嘅火鍋配料、熱食、點心、前菜、冷盤、水果、甜品同飲品，種類接近百款，啱晒怕悶嘅人。

🦀千海水產海鮮火鍋放題 📍今次試咗前排勁hit嘅千海水產🤩！環境好闊落，啱晒同朋友一齊打邊爐，氣氛熱鬧到爆！一入到去就好似去咗街市咁，入面嘅海鮮勁生猛，即刻想撈嚟試吓😍！🍴2小時自選時段晚市成人放題 $348
呢個放題同傳統嘅好唔同，可以即撈即煮啲海鮮🐟，而且會有師傅幫你洗埋鮑魚，同埋剪開啲蟹。而海鮮嘅選擇都勁多，除咗鮑魚、藍花蟹之外；仲有大頭蝦、基圍蝦了🦐、花甲、花螺、唔同嘅蜆，全部都勁新鮮！湯底方面亦有好多嘅選擇，我哋就揀咗麻辣湯底，辣得勁過癮🌶️！自助區仲有勁多嘢食，例如燒肉、蟹粥、生果、涼茶等等；仲可以qr code 落單，澳洲M5和牛、鵝肝多士，燒蛇蠔等等🦪，每款都好高質！甜品區有Häagen-Dazs雪糕任食，食完火鍋再嚟杯雪糕， 又可以再戰一局🍦！

餐廳地點方便、環境光猛及衛生清潔，裝潢座位寬敞令人舒適。服務員態度友善，上菜速度合理。菜單選擇不論是自取或order的都是種類繁多，尤其是火鍋配料有創意及多樣化選擇。菜品味道適合，調味平衡、海鮮及蔬菜生果十分新鮮。尤其是自己到海鮮區選擇海鮮後由職員負責清洗乾淨令人有一番體驗。飲品選擇有20多款不同種類，有冷又熱。多款甜品雪糕雪條選擇。適合一家大細或朋友相聚的好地方。最後整體感受良好，下次會再次光顧。

在5月1號五一勞動節公眾假期，我和另外四位朋友去位於九龍灣淘大商場好出名嘅《千海水產海鮮火鍋放題》食2.5小時任飲任食火鍋放題😋😋😍😍 15:00開始食，知道平時可以有3小時用餐時間，可能因為公眾假期而只能提供2.5小時用餐時間，都覺得足夠😃首先一定要體驗自己自助撈海鮮準備熟食（撈完先比店員們洗乾淨後再拎去熟食😃），包括大量嘅蜆，沙白，蟹，蝦同埋鮑魚😍😍真係食到飽😂😂 大家係咁食海鮮其他美食好推介嘅包括海燕窩椰汁燉木瓜，鵝肝多士😍😍 另外有串燒牛舌，燒乳鴿，澳洲和牛，生蠔熟蠔等等😋😋另外自己混合嘅醬料非常多😮😮 飲品任飲嘅都非常多👍👍

老公仔生日正日，當然要好好慶祝♥️😍我同佢都好鍾意食生猛又新鮮嘅海鮮今次嚟到九龍灣淘大商場嘅千海水產任飲任食2小時火鍋放題🦀🐟🦐🦪我之前我試過北上食海鮮放題共兩間(輪價格差唔多，仲未車錢、車程時間)，海鮮都洗得乾淨啲，特別係湯底、熟食、甜品口味都係香港好食好多，加上係即叫即整，我鍾意熱食，而唔係擺曬食物出嚟。平日中午一點鐘去到餐廳都唔使排隊，人少D即撈海鮮方面有草蝦、大頭蝦、基圍蝦花螺、蟶子、鮑魚、3款蜆、藍花蟹平時街市買一斤新鮮蝦都要70幾文今次我會主力食唔同海鮮特別推介食籃花蟹，肉質鮮甜(唔使落豉油)，又啖啖肉! 我前前後後都食咗好幾隻，鮑魚即使煮過籠都係好彈牙唔鞋，蜆要揀大美國蜆較鮮甜! 而我仔最鍾意食非常生猛愛彈跳嘅基圍蝦，又容易剝殼。火鍋湯底方面我哋揀左蕃茄湯，我覺得佢個湯底比上一次食更加濃同足料，即使加左湯都唔會淡熟食方面必吃川味燒鮮蠔，大大件蠔肉配上惹味嘅川味蒜蓉醬料，經過燒烤後份外好吃又多汁! (每人最少食半打🙊)，另外鐵板鵝肝多士，比我想像中更厚切，好肥美! .火鍋肉類方面有澳洲M5和牛、美國牛肩胛片、澳洲羊肉片、美國豬梅肉片，肉類新鮮反選擇算多! 我欣賞每次幾片肉上(

[ 千海水產海鮮火鍋放題 ]今日嚟到九龍灣試吓呢間人氣大熱嘅即撈海鮮餐廳，預先訂座準時到達就可以入座啦😆😆。2小時自選時段晚市成人放題 $368/位✿ 湯底入座後先選擇湯底，蟹皇海鮮鍋用嚟煮海鮮非常合適，能夠帶出海鮮鮮味。✿ 任撈海鮮區全部海鮮任撈任食，有多款貝類、蟹🦀、蝦🦐、鮑魚等，撈完可以交比職員幫忙清洗🧽。✿ 肉類澳洲M5和牛、澳洲羊肉片、美國牛肩胛片質素不錯，脂肪分布平均🥩🥩。✿ 熟食類推介必點鐵板鵝肝多士、鹽燒牛舌、川味燒鮮蠔、芝麻雞翼，全部上台熱辣辣👍🏻。✿ 飲品汽水，自家製冷泡茶、就連珍珠奶茶都有得飲🧋‼️總結🫦餐廳自助撈海鮮區域夠闊落，而且職員都會keep住補貨，無限量任撈任煮都無問題啦😻。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿千海水產海鮮火鍋放題地址：香港九龍灣牛頭角道77號淘大商場3期2樓S154, S162及S155-S158號舖電話：3622 2112✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

今次嚟到位於淘大嘅千海水產！店面非常之大，自助區位置大，有好多唔同嘅火鍋配料、前菜、小食、甜品、雪糕、飲品等，有好多唔同嘅選擇，仲有Tiramisu軟雪糕等，可以自己唧落雪糕筒！小食方面有小龍蝦、燒賣蝦餃等等，雪糕亦都有唔同品牌，例如Häagen-Dazs最特別嘅selling point就係佢哋有一個好大嘅即撈海鮮池，全部好生猛嘅海鮮，例如螺、青口、蝦等，全部即撈，再入去自己位煮，可以自己任揀海鮮、任撈、任煮火鍋，超有趣嘅Experience！海鮮區仲會不停不停補貨，不斷refill確保新鮮～火鍋亦都可以用QR code叫牛肉、乳鴿、廣島蠔等等，仲有唔同嘅炸物，例如芝麻雞翼等等，超豐富超多嘢揀！

二訪千海水產！2小時放題平日最貴$338+10%。海鮮任撈任食，全晚無限補貨。每次嚟見到嘅海鮮種類都有啲唔同。呢晚有鮑魚、花蟹、藍花蟹、大頭蝦、基圍蝦、草蝦、蜆。經歷過上次我就知蟹係最好食🦀。紅花蟹勁多肉，一隻起到一碟肉。個別爆多膏。不過當晚嘅藍花蟹真係勁鮮甜。各有各好食。蝦類嚟講目測大頭蝦🦐最受歡迎。勁多膏勁香，仲有啲係抱子。想食牛肉要嗌埋澳洲M5和牛、美國肩胛肉。自助區食物款式好多，有啲放題食品（炸乳鴿嗰種）係經QR code落單。杯裝Häagen-Dazs都係任食。今次又係食到最後一刻，因為食蟹真係太花時間🥹。如果食得多蝦蟹就建議揀3個鐘放題，或者食到差唔多先決定加唔加鐘。

最鍾意食海鮮嘅我今日就嚟到位於九龍灣千海水產海鮮火鍋放題。門口中央已經見到一個海鮮池，海鮮種類有好多選擇，無限量任撈任煮，選擇完之後店員好細心為我們清潔海鮮所以食得好放心，揀完海鮮可以到另一個自助區度攞食物，有前菜、海鮮、火鍋配料、熱盤、甜品、雪糕和大量特色飲品。湯底我哋選擇了椰子雞，味道好清甜。海鮮自助區有兩三款蜆、海蝦、蟹、鮑魚和花螺等，超新鮮好鮮甜。如果唔夠飽，仲可以用QR code落單，有幾款牛肉及豬肉，有美國肩胛肉、肉質好靚，顏色鮮明，牛肉味好濃郁。熟食有我最鍾意的燒乳鴿，肉質鮮嫩多汁。火鍋配料中的鮮甜螺片，脆鯇魚片、田雞脾、蔬菜、粉面、生蠔和丸類，超過二三十款，樣樣都好新鮮，生蠔粒粒都帳卜卜。飲品方面有清酒、熱飲、汽水、以及多款自家製的茶和珍珠奶茶等。食完好滿足！

呢間係香港討論區討論到極高嘅即撈海鮮火鍋 基本上每次過去都要排晒長龍🥰連朋友都話性價比超高‼️晚市最平$300左右就有交易 多款海鮮自己撈 鮑魚、三點蟹、卜蜆、白貝、羅氏蝦等等都有 保證足夠新鮮🤓除咗海鮮之外 呢度仲當然都唔少得過百款嘅肉類、火鍋配料同各款熟食，約埋成班朋友聚會，一定個個都啱食‼️-呢度主打每枱有一個小鐵桶可以出去水缸撈蝦夾蟹，夾好可以交低俾職員洗乾淨 拎個號碼牌 等一陣就可以拎返去打邊爐啦 全部都新鮮扎扎跳🥰有我鍾意食嘅三點蟹、鮑魚、羅氏蝦、黑虎蝦等🌹三點蟹大大隻，唔算好多肉，但蟹膏好鮮甜，隻隻都彈吓彈吓好生猛 大頭蝦爽口彈牙 濃郁蝦膏👅

第二次嚟千海水產打邊爐，今次再encore佢哋嘅椰子雞湯底🥥🐔，真係冇得輸！湯底清甜得嚟帶淡淡椰香，涮海鮮超夾～必叫招牌鵝肝多士，入口即化嘅鵝肝配脆多士，邪惡但忍唔住encore咗兩轉😋！海鮮方面，鮑魚依然係MVP，大大隻又彈牙，仲要好新鮮👍。不過今次啲蝦有啲跌watt，好多死蝦之餘，連蝦膏都冇，真心失望😩...好彩蟹挽回分數，鮮甜！拆肉食超滿足！ 熟食區同甜品區都keep到水準，食到飽晒都要食🍮～整體嚟講，性價比OK，但如果改善返蝦嘅質素就完美啦！ #千海水產 #海鮮放題 #火鍋控 #鵝肝多士 #鮑魚無限encore #死蝦扣分 #甜品救贖

慶祝大學好友升職🎊，請勁like海鮮嘅佢去【千海水產】實現海鮮自由🦀🦐!!!!餐廳環境藍色襯木色🥰，時尚格調。撈海鮮及自助區位置近門口集中，方便搵食👍🏻~🐔金湯花膠雞鍋真材實料👍🏻，鮮甜濃郁湯底，好滋補❤!!🦀海鮮區即撈即烚超新鮮🤩，多種生猛海鮮任撈任食🤤，不停補貨~有螃蟹🦀、草蝦、大頭蝦🦐，大蜆，鮑魚，蟶子等等……🦀蟹膏滿滿，濃郁甘香😋! 蟹肉鮮甜鮮嫩，超正~🦐大頭蝦肉質彈牙，蝦膏油香豐腴😍鮑魚鮮甜，肉厚柔嫩👍🏻🥓澳洲M5和牛鮮紅肉色，油脂均勻，入口軟嫩~🥓鹽燒牛舌爽脆彈牙，有嚼勁😋🦪川味燒鮮蠔肉厚肥美，滿滿蒜香味，好惹味👍🏻🐟蒲燒鰻魚入口軟嫩有油香😍，鹹甜風味，醬香濃郁~🌏環球自助區款式超多，琳琅滿目!!配料除左有多種新鮮蔬菜，丸類等，竟然仲有大隻生蠔、花膠及象拔蚌片🤩!小食區都不能睇少‼️蟹粥、燒腩仔、焗榴槤、蝦餃、小籠包等等~⭐焗榴槤一出好快會無呢，見到記得拎。🍦雪糕甜品區款式多多，而且仲有Häagen-Dazs雪糕，回本之選!!!💯大堆半熟芝士蛋糕，🧀芝士味香濃，入口輕盈軟熟。另外，黑芝麻慕絲及伯爵榛子蛋糕都唔錯呢😋~🥤飲品區有多款冷泡茶、果汁汽水🧋、生啤及任飲酒精飲品🍻~好友

今日嚟咗香港人氣嘅海鮮千海水產火鍋海鮮放題店食嘢哇有好大個魚翅啊，有各款直流先海鮮，好好玩啲海鮮又新鮮撈完之後有專人幫手洗一洗啲海鮮我哋先揀咗一個龍蝦頭鍋超鮮甜，然後就出咗去撈海鮮啦 自助區有好多嘢食揀烤榴槤啦燒賣啦蝦餃啦小籠包啦仲有一啲火鍋配料牡蠣超肥帆立貝啊珍寶蟹柳棒啊蔬菜啊好多好多選擇 仲有新鮮水果火鍋醬汁配料甜品雪糕雪條蝦餃燒賣小籠包都有仲有一個超大嘅飲品雪櫃到花埋位啦可以用QR code落單澳洲M5和牛 燒香草釀安川味燒先好鐵板鵝肝多士等等 食到7788啦，再落多個可燕窩椰汁燉木瓜超正 佢哋揀咗7:30前離開兩小時$308再加一，食回本啊，下次再嚟食過九龍灣分店牛頭角道77號淘大商場三期2樓九龍灣站A出口

衝住佢個8米長海鮮魚缸專登嚟試，真係未打邊爐先興奮！自己拎鐵桶撈大頭蝦、鮑魚、三點蟹，啲蝦生猛到落鍋嗰陣仲扎扎跳，嚇到全枱人尖叫拎蓋擋住「防跳海」🦐！海鮮每日不斷補貨，鮑魚爽脆、蟹膏橙黃鮮甜，連平時怕腥嘅朋友都狂encore。龍蝦頭鍋原隻上枱，蝦膏濃郁，襯海鮮超夾。店員仲會主動派濕紙巾，算貼心。 晚市$318/位（2小時）另加一，除海鮮任撈，澳洲M5和牛油花靚、肉味濃，火鍋配料仲有花膠、鵝腸、雞子等刁鑽款！熟食有鵝肝多士、川味燒蠔、出面仲有得拎焗榴槤係驚喜位，尤其榴槤控必搶焦香爆漿原粒肉😍。甜品Häagen-Dazs任挖，生啤清酒任飲，回本無難度。 平日都逼爆，試過walk-in要早2個鐘排隊。親測夜晚9點後較易入座，或者提前電話訂位。環境過萬呎算闊落，但人多時拎海鮮要排幾分鐘，建議同朋友分工撈海鮮同拎熟食。 晚市得2小時，拆蟹拆蝦慢手腳可能唔夠喉，午市3小時更鬆動。

千葉海產好食嗎？睇其他人食評都預左晚餐兩小時係好趕所以一坐低即叫湯底叫肉叫熟食老實講 所有熟食都好普通（除左木瓜 木瓜好食的）海鮮就食到兩轉要突登搵啲睇落仲生生地既鮮味夠當然都唔能夠要求太多但時間真係唔夠仲要去殻個人會偏好 鮑魚》蝦〉蟹個人唔算好大食所以食左熟食 同 海鮮都冇咩點試到其他海鮮料雪糕就多款同特別一定要留肚食雪糕整體來說海鮮打邊爐唔推薦比唔食海鮮既人但如果你對海鮮好高要求都唔好啦