南京好味 (Closed)

10.05.01旺角熟食中心除了澳門翠苑茶餐廳著名的咖喱農夫包外還有其他貎不起眼的好吃小店南京好味就是其中一家南京好味的手撕雞一直有不錯的網評一直想去嚐鮮，總是時間不太對今天到健身房報到後，剛好來吃晚餐晚上5點半到旺角熟食中心以為這種非下午茶又非晚餐時間客人應該不會很多誰知道全部座位都滿滿的！走向南京好味，直接點一客手撕雞飯HKD25，還有老火湯或餐飲喜歡喝湯的我，當然來個老火湯～山東手撕雞是傳統上海菜其中一道經典菜雞肉炸過放涼後取肉起骨，伴以黑醋蒜粒醬汁手撕雞的份量非常能滿足食肉獸一大盤滿滿的手撕雞，底層是爽脆多汁的拍小黃瓜黑醋蒜粒醬汁酸酸甜甜的，像是伴日式餃子吃的帶微酸的甜醬油加上很多新鮮的蒜粒及香葱，非常合我的口味！經風乾及烤過的雞肉，找不到丁點雞肥膏雞肉結實有嚼勁，卻不會乾柴冰鮮雞肉當然不會有什麼雞味，但伴以那黑醋蒜粒醬汁卻是滋味無窮勒～這裏的米飯煮的綿軟平常不太以醬汁伴飯的我今天差不多把飯倒到醬汁中泡著吃，哈哈老火湯也是出乎意料之外老黃瓜豬展肉湯，帶筋的豬展肉軟稔好吃沒加上什麼味精素，是媽媽味道的老火湯好想再來一碗哦！HKD25能有如此份量及美味，實在是十個讚！回家後還一直回

來到朗豪坊,由於貪方便,自然就會行過去市政大樓街市睇下有咩o岩食今次揀了"南京好味"食dinner,點了兩"食送"一湯餐(酸辣湯+回鍋肉+辣子雞),好似$68~酸辣湯: 一大湯碗,足夠三人食用,如果兩個人飲真的太多了~味道好濃,初頭飲唔係咁辣,之後就越飲越辣....連我咁食得辣都覺得好辣~不過湯料都好足,不會太稀,有雲耳,豆腐,本身有筍的,但我近來皮膚敏感,所以就除去了~(70分)回鍋肉: 雖然有椰菜,青椒紅椒墊底,但仍然食到成口油...這道菜真係好唔得.....(50分)辣子雞: 比起上面那碟好一點點而已.....唔辣的辣子雞,我都係第一次見...(60分)鍾意食辣的朋友,可以一試這裡的酸辣湯~

黑醋骨, d圖睇黎好正好大碟.但到我食ge時候就唔覺大碟.飲就係d好平ge飲, 感覺係似係d地盤人員不拘小節, 吃完再去苦幹那種.骨, 沒有火氣, 也不算很熱, 醋的味道沒有入到肉.好似你食緊珍寶珠, 但係唔係一粒完整ge糖, 而係一個ball, 上面有一層糖膠咁.好不過引, 食完仲覺得好酸好鹹.$25 唔係貴但品質不好, 下次食番長旺車仔面算.

去到旺角...要食平野...一定去呢度...農夫飽好貴呀...食南京好味...一個餐 25蚊..有埋飯同飲品/湯..簡直係十個抵...推介..手撕雞..好味..d雞好滑..同埋都幾大份..再推介回鍋肉...全部都即整...又熱又好味...唔太spicy...仲好味過d大牌既茶樓..又入味..上次朋友叫左菜飯..佢力讚..因為係即炒..唔似上海婆婆果d..d菜飯黎到..睇到都唔新鮮..好似炒左好耐咁..呢度既菜飯好出色..加3蚊..抵呀!!抵食..起碼食左5,6,7次啦...好味!

熟食中心內有幾間類似的小菜食肆可以選擇, 今次揀咗呢間, 因為見佢都幾多人幫襯兩餸一湯連埋飯, 都係$6x:干扁四季豆 - 食過'湘x滬'的, 呢度個味差唔多咁正, 但平好多呢咕嚕雞 - 甜酸味適中, 又唔會炸得好油膩, 送飯至啱例湯: 粟米雞湯 - 送到嚟嚇咗一跳, 以為係一人一碗, 點知係一大湯碗, 結果飲唔晒呢, 拎走做消夜呢度都算乾淨企理, 嘢食又平又好味, 招呼都不差呀, 會將啲嘢食拎埋嚟枱, 唔洗自己拎, 問佢攞外賣碗都冇收錢. 會再幫襯呢, 因為想試呢度ge糖醋骨

2010年01月15日，20:30因漒水狂徒的陰霾，南下後暫不敢到油麻地。轉戰旺角人氣熟食中心。可能前世和羊有仇，決定再吃羊(這星期第三次)；要了羊肉湯麵配例湯。羊肉湯麵：碗超大大醬油湯底味濃郁，帶點淡淡的面醬味和微辣羊肉片大大片，夠羶麵是粗壯的上海麵，有爽的口感，吸水力弱。例湯：足料、味濃 湯料：豬骨、眉豆、雞腳、蓮藕、蜜棗、果皮吃完不覺口渴在這中心進餐，必需眼明腳快，否則要捧著食物遊蕩。但各食店亦會送上食物，怕運送途中，異物加料的食客(如我)，則愛自取我應會再到這多選擇的熟食中心。

上個禮拜都唔記得邊日....同男友大人晚飯冇著落，又唔想出街食，咁咪近近哋去南京好味買外賣歸家食。去到向一如以往嘅黑面姐姐仔，叫咗口水雞同炒鱔糊兩個小菜套餐，個餐跟一個白飯，之後姐姐仔問我飲唔飲嘢，我就話可唔可以轉湯，跟住佢超悔氣咁話: 加錢咪有囉小姐。我嗰刻真係嬲嬲哋，不過算~~咁我就加錢要咗酸辣湯，佢就飛咗個牌仔俾我好唔願咁叫我等number。之後我哋企埋一邊等啦........等咗成三個字，只見黑面姐姐仔捧住碗酸辣湯行嚟行去，最後佢都捧番去舖超大聲叫咗我牌仔個number，我冇為意咁一心諗住去攞外賣啦，當我俾個牌仔佢時，佢用二十級大聲同四十級惡嘅語氣講: 小姐你坐喺邊呀? 我呆咗咁答佢，我係叫外賣.....之後佢用發爛渣嘅態度咁將碗嗰佢捧嚟捧去嘅酸辣湯倒落外賣碗度，又好大聲咁叫廚房: 外賣喎~~當時其實有好多其他食客等緊食物，成個環境所有人都靜晒。問心我都幾經常嚟幫襯呢間食肆，雖然一向都知姐姐仔係黑面，亦唔旨意佢俾到啲咩服務，不過今次嘅態度實在令我同男友大人都決定以後一定唔會再嚟幫襯。而且當晚個口水雞完全唔掂，一啲辣椒香味都冇，雞嚡....個味道仲怪怪哋，都唔似平時以往食開嗰啲，

夜晚同朋友睇戲, 就先去foodcourt醫肚.我講既當然比朗豪坊o個邊平成半既市政foodcourt! 襯返自己哩次黎其實早有目標, 就係要試下個手撕雞飯其實自己一早諗好要食d 咩, 但都睇睇menu 先, $25 一個餐, 有埋野飲, 晚飯黎講真係抵到喊落完單佢叫我等2分鐘就有, 我都唔知應唔應該返去坐住等唔記得叫菜飯... 算吧, 下次啦, 實有下次既叫左檸蜜, 但係唔知點解杯野冇檸檬既, 飲落都冇檸檬味. 似菜蜜多d. 好甜...手撕雞好鬼大碟. 好多肉, 唔係搵d 骨long起搞到咁大碟既d 肉一早就撕好晒, 我仲以為係比對手套自己撕架添. 不過咁仲好啦, 岩晒我哩個懶人.雞皮好入味又夠林, 入晒豉油味. 雞肉都夠林夠滑.d 汁真係唔錯. 其實只係豉油, 加上d 蔥, 芫茜, 蒜, 辣椒真係夠晒香, 撈飯又正!$25 簡直超抵食! 味道ok! 正!

個人宗旨,,好與不好最多同一間只出現兩次廢是次次笑就次次出包膠,,但不好好難有第2次吧..今次2115去到大把位,叫左 3杯雞飯,凍立克等8mins度,,食左一兩啖,,d飯真係口感唔錯,,,岩我feel,,有d空位就成碟倒上去,,反正d配料都係有益,,如果好似之前既手斯雞就建議唔好,,唔係咸屎你..今次雞同上次分別除左味,整法唔同,,就今次有幾舊都係保持無雞味,,但有幾舊又有,,但主要覺好食係第1本身以往家中無食過呢隻整法,,第2係佢再一次令我有填飽肚而不須諗太多既方便..份量方面有7舊度旺角食好野多數唔會黎度,,食平令正就呢間可入list,,嗯....留左..杯野就麻麻地,,下次飲返凍tea算..

先爆個冷gap,,,當第1次見到呢間野個名時,,只想起'南京,南京'戲名,,如果咁命名,,不堪設想..上次見到此名,但無幫襯,返openrice睇到原來咁多笑容,,今日特登經旺角去試,,見客飯,,叫送食,,但只有2人餐,,我一人所以問有無單人套餐,,佢就指住飯個碟,,佢d送個名似分碟上好feel d,,但為左試就無所謂la..叫左手撕雞飯,,黎到都係分碟上,,仲睇黎好夠份量..先試d汁,,ok~~夠味,,生抽+蔥 類似...雞只keep到2/5既冰鮮雞味,,但撈d汁,,我食得好滿足,,最重要係抵食方面..同友人講如果3x$就比ok,,2x$真係比想像中平,,食埋覺得比得笑..話哂對比成個熟食中心,,,其他仲遜色本人覺得..+2$ 凍檸茶,,,小冰,,真係小左,,d茶亦係預先溝甜左,,唔駛落漿見佢,,but個度大約間間都係

來到南京好味，百幾款小菜，看得我眼花撩亂，腦子裡浮現樓上素素的食評那金光閃閃的黑醋骨，就點了 碟。黑醋骨分碟頭飯和小菜，前者二十五元，後者三十八元，眼見晚飯不貴，就點了小菜。如上篇一樣，要久等十五分鐘，也是會有專人遞到座位上。黑醋骨占滿杰度適中的汁下泛起閃光，味道是酸酸甜甜的醋味，黑醋骨非常入味，豬肉做得鬆軟，送飯一流，真想encore 多碗飯。湯用大量肉去淆，用料十足，如果沒有味精就好了。再謝過素素的介紹，下一次目標是手撕雞。

在農夫包還沒有冒起之時~根本不會留意這裡有一個企理乾淨的熟食市場~還時常埋怨在朗豪坊無啖好食~~~~但因農夫包之名來過之後~就發覺這裡的寶確實多~除了有心愛的手撕雞~過有肥婆的超香口腐乳通菜~~這個晚上放學之後就與大比來覓食~農夫包的熱情不再~因為想試更多其他的超平小菜~~在南京的店前想了又想~最後棄常吃的手撕雞而轉頭另一心水~黑醋骨~是也等了又等~等了又等~不時在遠處站起來望望~15min都過去了~~千呼萬喚始出來~~大小比當然沒有怪責這碟姍姍來遲的黑醋骨~畢竟功夫複多而且深信此店慢工可出細貨~~小比不是說謊呢~~~大比由遠處捧回來的時候~在座位上的小比已經嗅到濃烈的黑醋味~~忍不住深深呼吸!!好香呢~二十多元就有大大碗飯還有凍飲~小比每次都忍不住要說聲~為何這裡的物價可以這麼低!!下次一定要試試人流不絕的三拼碟頭飯小店~!沒有後期加工的相片~~黑醋骨的表面就是如此引人地閃閃的~黑醋汁的稠度適中剛好掛在骨上緩緩的像露水般眾成大滴才掉下來~而且醋香撲鼻~教人如何忍得到呢~!一點嗆喉的感覺都沒有~心急人小比第一時間放進口~大比叫都叫唔切…當然最後大呼~好!熱!!!!但外脆內軟的熱辣辣豬柳

見呢到勁多人讚手撕雞好食, 特登走去食2x蚊個餐, 睇外型, 份量幾足下, 滿心歡喜試下啦, 點知雞冇雞味, 冇雞味都應該有醃料味掛, 唔知食極都淡茂茂,拍青瓜又係咁, 點明有咩特別菜飯就ok 啦, 唔油, 撈豉油食都食得晒只係填肚都係個唔錯選擇, 最少價錢同肥膩度都比較低

來了熟食中心這麼久,除了食農夫包以外,也沒吃過其他東西了因為見到有人介紹這間手撕雞好味, 心郁郁想來試~今晚男友食農夫包, , 我原本想叫一碟手撕雞(不跟餐) 但因為不跟既份量會多一倍所以都係叫番餐吧 ($25 有餸有湯有白飯) 好抵, 碟手撕雞一點也不少呀~ 原隻雞脾, 手撕, 飯很綿, 雞肉很瘦, 但味道好似差了一點, 不夠入味呀~個湯很油, 沒有飲下, 亦因為太飽, 也飲不下去了因為男友有叫農夫包, 個汁也撈在飯裏, 很好吃, 汁送飯一流呀~ 飯也差一啖也被我們全都吃下了整体係幾好, 也不差, 只是味道差少少~

在旺角熟食中心上,澳門農夫包一直受到網民力撐,時至今日,同一屋簷下的"南京好味",有後來居上之勢.月前的某個周日晚上,一心與友人來到旺角熟食中心,吃南京好味的手撕雞,很可惜,檔口沒有開門營業,令我們白走一趟,上周的周日,適逢在附近有甜品聚會,有人在此先行打底,是次"突然"前來,偏偏開門營業,真是有心哉花花不響,無心插柳柳成蔭.一來到,見到眾人已同隻手撕雞搏鬥,當然我也參與埋一份,吃此道手撕雞,有手套奉上,以免用手撕時,弄到一手都係汁液,雞肉連著皮,肉質頗嫩,但雞味略欠,反而用蒜粒,豉油,的醬汁,香濃惹味,完全將雞本身的可觀性提高.個人愛吃生蒜,遇上這個醬汁,深慶得人.手撕雞跟餐上,有飯有例湯,以這個區區廿多塊錢,絕對物有所值,如果上到館子,價錢一定貴起碼三份一.