南記冰室

Open Now

Now Closed

下午茶時段同班同事食lunch陳皮魚蛋雞中翼河粉車仔麵中辣都ok豬扒炒公仔麵雞髀沙律雞髀都幾大隻下午茶嚟講都算大份抵食👍🏻👍🏻食物質素唔錯，員工服務態度都好好

葵涌工業區好食茶記，其實一隻手掌可以數得晒。南記是其中之一，食物質素好，員工又有禮貌，而且價錢都不算貴。每次入到去，員工都好有禮貌招呼客人。食物我會推薦焗豬扒飯。因為焗豬扒飯，南記是用一個麵包去整焗。有別於其他茶記，而且仲係炒飯底。$62元包餐飲。

老實講，近年呢，經濟不景，如果時間許可，好多時都會下午茶當晚餐，因為真係實惠好多。今次五點幾喺葵涌做完嘢，就趕及六點前嚟呢度食個豐富嘅下午茶啦。叫咗個咖哩牛腩飯，雖然係下午茶，份量一啲都冇少到，抵讚。牛腩有筋有腩，炆得入味，薯仔都夠腍。咖哩汁偏辣偏鹹，雖然唔係我最鍾意嘅濃椰汁味道，但都算惹味，餸飯一流。另外，最值得一讚嘅係餐廳嘅環境，非常乾淨企理，完全唔似一般茶記，反而更似間 cafe，坐得好舒服。

我同六個同事去食晏晝，已經提早食12點09分落單，去到12點44分叫我哋起身，同我講唔好意思。我都知你好想做多轉枱，但係我哋六個人真金白銀畀咗錢食飯$359，坐多陣都唔得？我杯朱古力奶仲有七成未飲。如果冇乜嘢我都唔會再幫襯！佢呢間店大多數同事員工都好有禮貌，但之前有一位女士戴rolex嘅唔知係咪經理, 都幾冇禮貌。講返食物，佢個焗蕃茄雞扒飯係嘅特別，用麵包皮黎焗，啲麵包皮焗完出嚟係脆嘅，撈落啲飯食都幾好

小編依日中午送完機，搭返車出葵涌，方便晏啲做下一輪嘢～ 😌 因為中途封路塞咗廿分鐘，出到葵涌已經兩點幾，去到冰室時啱啱係下午茶時段，仲有粉麵飯可以醫肚 🙏🏻 🍽 西炒飯 😋😋😋😋😋一啲都唔馬虎嘅西炒飯，蝦仁嘅蝦腸清走晒 👍🏻 比一般茶餐廳見到嘅大隻少少、白裡透紅 🦐 仲有雞肉、火腿、粟米🌽、番茄🍅、洋蔥🧅同雞蛋，材料幾豐富，米飯粒粒分明、酸甜酸甜 👏🏻 食完七分飽，作為下午茶，份量啱啱好，而且唔會口渴～ ☕️ 奶茶 (熱) 😋😋😋😋茶底夠濃、奶較輕身，飲落順滑 ☺️下午茶 💵 約港幣$40/人💁🏻‍♀️ 除咗附近打工仔，亦有唔少熟客幫襯，店員會好熱情打招呼，記得對方食開乜嘢 🤣 對生客如小編又會好有禮貌，上碟會講聲「慢慢食」～ 裝修睇落新型冰室，但有滿滿嘅人情味！🙆🏻‍♀️ 最後，喜歡嘅話，歡迎follow @foodirectory.hk！

車仔麵叫咗兩餸，包括豬扒($14)，墨魚春卷($14)配腩汁米線。 一開始以為係另外一間南記米線，所以決定試吓。湯底就係普通腩汁味，都幾濃味。豬扒份量幾多，大件同多，但係有啲難咬。墨魚春卷有2塊，都幾好食。成碗就total $42，翻工食lunch都算抵食。

走過KCC商場，總會無意間被一陣陣香味吸引，咁就係南記茶餐廳啦！自問係個易餓鬼，今次就揀咗香滑車仔麵，點上牛腩、豬腸配紫菜。講真，牛腩塊塊嫩滑，香氣撲鼻；豬腸又靭又入味，唔會有怪味，實在太震撼我嘅味蕾！🥘飯局掃描，目光鎖定咗嗰份對面食客大呼過癮的黑椒豬扒意粉。喺意粉界，可以話係部署得宜嘅佳作，黑椒醬既惹味又唔過火辣；豬扒厚切多汁，每一口都過癮！🍝至於星洲炒米呢，實行是茶餐廳衡量標準啦。喺南記呢度，佢哋明白咗少讓享受食飯樂趣。米粉爽滑，辣椒油恰到好處咁地帶出香辣味，真係想再嚟多碗！🍜結論嚟講，南記係個不錯嘅選擇，重點係食得開心、食得滿足。重有，一句「飯後口甜」，甜品我就留到下次再分享啦，敬請期待㗎！🍰✨

今次嚟到呢間食肆，真係一個滿足又開心嘅體驗😄。首先黎個多士試下，香脆得嚟唔會太油，咬落去啲牛油香四溢，入口即化，咁滑嘅口感真係啱啱好！隨後嘅火腿奄列同豬扒湯意粉，都各有千秋。奄列外皮金黃得黎唔乾，裏面嘅蛋液滑嫩得嚟叉燒火腿夠味，真係咸香得嚟唔錯重🍳。至於豬扒湯意粉，湯底鮮味十足，豬扒煎得外層微焦香口，肉質腍而唔柴，啜一啜湯，再嚼一啖肉，滿嘴生香。做為晚餐嚟講，呢個份量真係夠曬滿足！雖然無試到傳說中嘅車仔麵🍜，但見同事食得津津有味，我覺得下次絕對要黎一試。總括嚟講，呢度嘅食物係平民價錢之中都算係物超所值，而且食物種類都足夠多，可以話係一個食得開心又滿足嘅好地方。如果想食到正宗港式美食，記得唔好錯過呢間食肆啊！👍🏼🎉💕

講真依家香港地 好食嘅茶餐廳真係唔多， 一係就又貴又細碟， 南記就真係算係咁， 早餐係講又多選擇， 價錢合理， 同埋我最鍾意嘅沙爹牛肉佢真係做得好， 出面好 多啲牛肉一係就拿到 冇質感， 一係就一陣臭腥味， 沙爹牛麵嚟講佢叫做做得有水準， 太陽蛋豬柳麵包 正正常 常好食嘅， 牛油 都唔孤寒， 用靚牛油， 咖啡 茶餐廳嚟講叫做好飲， 當然你冇得同starbucks比較 ，人哋買緊 成 40蚊一杯， 呢度你食個早餐連咖啡都有， 特別想讚一讚呢度嘅辣椒油， 鍾意食辣嘅人一定要試下， 其實佢唔係特別 好 辣， 但係 加咗落去就非常惹味， 我呢個食肉獸 覺得 改善嘅地方係 ，如果碗麵 多啲牛肉 就 更加好🤣🤣🤣 所謂一日之計在於晨，食個靚早餐 make my day非常之重要。 佢呢度早餐種類都算多， 健康啲仲有麥皮早餐， 任君選擇。

黎開意邊做野 都一定會食意間茶餐廳最期待就係個早餐 因為佢有得轉羅宋湯個羅宋湯好足料 好多雜菜 仲有牛肉牛腩湯底夠曬濃 辣度係微辣 總之係啱啱好我今日叫左叉燒同煎蛋通粉 （尋日食左漢堡扒🤣) 其實個墨魚春卷都好吸引轉左羅宋湯後碗粉豐富到😇😇🥳真係飲曬食曬架見食評好多人讚個車仔麵正 尋日下午茶想食 可能太受歡迎 好多款都沽清 有機會再試

今日去咗葵興做嘢，路過南記冰室，門口經常好多人排隊，今日可能落雨冇乜人，所以就入去試吓！我和同事叫咗兩碗車仔麵，我果碗係紅腸、蘿蔔、魚肉春卷河粉，加咗腩汁和小辣，味道非常之好，蘿蔔好甜又淋，春卷真材實料👍🏻👍🏻朋友果碗是魚肉春卷、雞翼尖河粉，雞翼尖入味又淋 ，湯底好濃但不會覺得咸，我哋都非常滿意😋

🍗南記冰室豬扒出前一丁·火腿奄列多士幾好味塊豬扒～咬落鬆軟夠味唔會好(鞋)😂一丁爽口唔淋👍👍奄列多士正常發揮😎炸雞髀配薯條兩樣炸過左火～咬落乾身～雞髀唔juicy🥲🥲盛惠💰$1xx好味指數(7級最佳)▁ ▂ ▃ ▄ —————————————————☻非專業食評·純個人口味☻—————————————————📍總結:經開依頭先會黎～豬扒一丁好食既～其他就一般般😉

有一段時間要喺葵興kcc 上堂，有一日就去咗呢一間茶餐廳食飯🙌🏻嗰日食咗咸魚雞粒炒飯，成個飯好正常。炒飯入面有咸魚而且飯粒粒分明🍚調味都唔會過鹹，自己一個完全可以食晒成個飯。

幫女女去工廠大廈拎田叔叔書本之後好肚餓要搵嘢食見個門面都乾淨企理啱心水於是入去試一試見到餐牌都好多選擇隔離食客啲食物賣相都唔錯見到其他openrice 食家嘅咖喱牛腩飯賣相唔錯所以決定叫一個黎食份量確實夠一個大男人食味道可以再濃少少差啲八角及香草嘅香味我自行加咗少少辣椒酒提升層次牛腩夠冧可以翻卓！

KCC都唔少茶記嫁 但依間南記冰室 每次都見到唔少打工仔同學生幫襯佢 今次我就試下佢啦咖哩牛腩飯$51咖喱味唔係好特別 係常見茶餐廳會整到既咖哩味 牛腩份量好多 多到食完飯 都仲剩一半 好良心 而且 牛腩好夠淋  有筋有肉 唔錯！車仔面$37 幾抵食 叫左豬扒豆卜 個豬扒大大件 2大塊 雖然唔係炸 但都幾好味 湯底清清地 正正常常 真心幾抵食粟米魚柳飯$54一上枱 就好震驚 份量真係好多 炸魚柳 至少6-7舊 加埋滿到瀉既粟米汁  整體味道都係算ok😋食完真係勁飽唔怪得呢間野 咁多打工仔同學生幫襯 原來佢真係算抵食 環境企利 同埋 食物味道不錯 良心小店 支持支持