南香雞飯

Open Now

Now Closed

星期六晚飯* 遇上海南雞飯，門口位奉上黃色貼紙地方細細，尚算企理。我哋揀咗依個套餐～中等價錢～餐牌美食不能盡錄。飲品多元化、夠特別！班蘭soda*漸變綠色，有2塊班蘭葉襯托住，飲落啖啖班蘭香味嘅梳打汽水，清清地，岩哂唔鍾意甜嘅我～海南雞飯！超正！！雞肉好嫩滑，即使係雞胸位置都係滑滑的雞油飯冇油膩感。咖哩喇沙麵～材料新鮮，濃濃喇沙香味印度薄餅**我最最最欣賞的！熱棘棘！外脆內軟，點埋咖喱汁，一流！！馬拉盞炒通菜，味道適中，唔太喊，讚總括來說，很滿足的一餐，碟碟有驚喜這質素這價錢相當合理唯獨是冇服務質素可言，侍應比較cool,比較惡。。不要緊！走實力派的！

🔹海南雞飯 $63（送湯/熱薏米水）呢個海南雞真係超！級！嫩！滑！成日對海南雞都又愛又恨因為好彩食到好食嘅部位，就會好嫩好正有啲餐廳嘅雞真係會嚡到食唔落.....呢間嘅海南雞肉質真係好嫩好嫩仲會比靚靚雞髀部分even雞胸位都唔會好嚡熠熠！重點係，雞翼仲會幫你去埋骨(⁎⁍̴̛ᴗ⁍̴̛⁎)食完一次真係會為咗個雞想encore！下次想試埋海南雞喇沙～～～🔹沙嗲牛肉/雞肉串燒 $50（各兩串）串燒都好好食～雞肉同牛肉都好嫩滑，又有咬口唔會好似有啲餐廳嘅串燒咁乾爭爭配埋另上嘅沙嗲汁，可以根據自己口味去點～不過串燒份量偏少，性價比就一般般

🐔海南雞飯🍚 $51 海南雞最緊要配油飯😋 呢間嘅油飯好香雞油味齋食都好味😛 海南雞有七至八舊 肉質一啲都唔嚡 好嫩滑 雞皮少肥😢 雞肉本身都夠味 配埋甜豉油同海南雞醬仲好食😋 個醬類似酸辣汁 好開胃🤣 🍖肉骨茶飯🍚 $56好香濃嘅肉骨茶😆 我鍾意藥材味多過胡椒味 呢個我可以成碗飲晒 入面嘅排骨都好入味 再淋啲滑啲就prefect😛 另外仲有幾舊豆卜索湯 索晒啲精華好好食😋

本身冇諗過食乜，就去左google睇下附近有咩食元朗有好多出名餐廳，而呢間馬來西亞餐廳，海南雞飯係主打有海南雞飯、咖央多士等，價錢好親民我就叫左個海南雞飯同咖咉多士------------------------------例湯如果以質素講，佢唔差仲會送湯，好足料好甜好正，鮮甜，似平時係屋企飲開煲嘅湯水------------------------------海南雞飯油飯好乾爽好炒勻但個油飯本身香料同雞油味都唔夠冇咩味，反而個海南雞有幾大驚喜肉質好滑雞皮又好爽，無骨------------------------------咖咉多士依個真係一流有班蘭味同椰香味揀外脆內軟，夾住舊牛油，好爽而且佢新鮮熱辣出爐食過返尋味必食產品------------------------------

海南雞飯幾好食，但係冇三色醬。同埋配中湯有點奇怪。Kaya toast 同埋三色奶茶唔錯午餐餐牌+$3的熱飲，選了馬來拉茶，非常細杯接客服務員態度很差，完全不友善。

元朗國有好多雞飯揀除咗最出名嘅泰式水門雞飯，重有星馬雞飯呢間星馬菜餐廳，海南雞飯係主打有雞飯、喇沙、咖央等，價錢合理今次晚餐一碟海南雞飯$63，外賣連例湯需加$2以價錢嚟講，比坊間雞飯偏貴但質素唔差雞飯會送中式例湯，同泰國雞飯配冬瓜湯唔同湯內有紅蘿蔔+蜜棗，幾鮮甜，似家庭式湯水白飯飯粒分明，好乾爽，有炒勻，唔會黐埋一舊舊但白飯有種膠味，唔係油飯，似中學午餐飯盒嘅膠味，少咗香味反而雞肉的確幾大驚喜，肉質嫩滑，無骨雞皮爽彈，件件雞色澤鮮明，金黃+白色雞皮同雞肉中間有一層薄薄哋嘅雞油，閃閃發光貌似一層透明啫喱，但唔重油有少部份雞肉唔熟醬汁幾遜色，辣醬、黑豉油分開，蘸起嚟較一般

一心來到這裡吃南香雞，點知可以太夜來，冇哂雞叫，於是唯有試下其他食物啦。眼見身旁既人還有南香雞吃，羨慕，他們應該比我們早幾分鐘而已我們叫了一份巴生肉骨茶，味道嘛嘛，不及以往在其他店吃過的那麼濃，而且它的湯不是任添飲的。還叫了班蘭咖央多士，凍凍的，味道普通。咖哩喇沙，算可以，但餸少，而且只是豬皮，魚蛋。三色奶茶飲落似普通凍奶茶，$32很貴呢，沒有特別。下次有機會來只想試雞，其他東西就免了。失望的一餐馬拉菜。

💛 南香雞飯💛..............................👦🏻👧🏻今次專登入元朗國搵黃店食呢間都唔算難搵 近千色嗰邊 值得專程行去食🤣.🔅想知黃店原因請Dm💛..............................🍽海南雞飯跟油飯 $51（👏🏻8/10）.上枱嘅時候無豉油酸辣汁 枱頭有齊可以自己落海南雞都算幾多 肉質好滑 雞皮又好爽🤩但個油飯本身香料同雞油味都唔夠唯有加多啲豉油補救 酸辣汁都好開胃值得一提係佢個湯好足料好甜 好正呀！.🍽咖喱喇沙摻摻麵 $56 （👏🏻7/10）.喇沙湯底係比較稀 唔係好杰好杰嗰種湯底味道都夠濃 同埋好香蝦味😋不過如果椰香可以再重啲就perfect池啦！配料方面都係豬皮豆卜蝦芽菜 無咩特別唯一一隻蝦食落唔太彈牙 有少少霉 有啲失望😫.🍽 鮮油咖咉多士 (班蘭味) 跟餐價 $18 （👏🏻9/10）.哇呢個超級超級邪惡😈😈多士烘得夠熱夠脆脆 夾住塊厚厚嘅牛油牛油大嚿到一路食會一路滴油🧈配埋個甜甜哋嘅班蘭醬真係一流😍😍呢個必試！！！..............................🎈 南香雞飯 (元朗)元朗西菁街10號地下6號舖..

經朋友介紹之下 今日就嚟到元朗呢一間南香雞飯🙊🙊咖央多士 🍞🥪其實我係為咗呢個多士嚟呢到🥰😍😍 脆脆嘅多士 配鮮牛油 其實食完好想再食一件🙈🙈咖喱喇沙麵🍜湯底濃郁 但同時唔會膩 😋😋😋份量都好多 配埋右面加面線 口感豐富 🥰🥰如果唔係叫咗多士我就應該會食得晒 😂😂🙈另外我再叫咗一杯三色咖啡 （黑糖+啖奶+馬來黑啡） 少甜 ！平視我飲咖啡都唔會落糖 但係呢一杯黑糖加咖啡 令我一試愛上❤️❤️❤️

«104»性價比高馬來小店 人均$80食飽飽🥳﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▶巴東牛肉飯 $56▷咖喱喇沙摻摻麵 $56▶咖喱雞飯 $52▷ 海南雞飯 $51👆以上係四款主食嘅排名🤣巴東牛肉飯唔係主打但有啲驚喜，個汁好惹味，牛肋條又腍又入味，有4條咁多！滿足呀～🤗跟住我覺得咖喱喇沙都好食，椰奶味好出夠creamy，油麵米粉兩溝口感更佳！咖喱雞飯贏在雞肉份量好多，仲有雞髀食添😂🍗 但就冇巴東汁咁出色，咖喱都唔算話多香料同埋唔太辣。海南雞飯份量好大碟，啲雞都係皮薄肉嫩，但有比較就被其他三款比下去～▶鮮油咖央多士 跟餐+$18▷沙嗲雞肉串 跟餐+$22▶三色咖啡 $32▷三色奶茶 $32咖央多可揀斑蘭味定係蛋椰味，未打開見到夾住塊厚厚嘅鮮油已經夠fatfat，打開入面啲醬多到！啖啖都係醬！多士激脆，鍾意香口野嘅must try，但我自己略嫌脆過龍😂沙嗲雞肉串點埋重花生味嘅沙嗲一流，不過黃先生話加$22唔抵食🤔三色奶茶用黑糖淡奶紅茶沖，三色咖啡就用黑糖淡奶馬來黑啡沖，奶茶嗰杯特別啲，飲落有啲層次，咖啡就似朱古力味嘅啡咁～都值得加錢一試😼﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣南香雞飯元朗西菁

夜晚冇乜胃口，想搵間口味刺激嘅輕食，就揀咗馬來西亞菜。二人餐唔使諗，有齊兩個主食、一個菜同埋同埋飲品。 先來班蘭咖咉多士，喺蘇媽.蘇媽食過都好味但偏乾，呢度酥脆得黎仲保持方包嘅軟熟，中間夾咗超厚牛油，食嗰時仲一路滴出嚟，但又冇想像中咁邪惡，因為搽咗薄薄嘅班蘭同埋唔知點調味，係甜鹹嘅味道，完全唔會膩。海南雞飯好有驚喜，睇食評嘅相完全表現唔出個好味。 雞肉嫩滑有肉汁就唔使講，最正係雞皮底下呈啫喱狀，雞皮有彈性，點埋豉油膏同辣椒醬好惹味，半隻份量唔多夠喉，下次會黎叫全隻雞。 油飯雖然粒粒分明，但略嫌唔多夠味，不過配埋醬汁依然係好完美嘅海南雞飯，未食完已經諗緊下次再嚟。檳城蝦摻摻麵辣度對食開辣嘅我黎講係啱啱好，但唔食得辣真係要叫佢小辣。 鍾意湯底真係好鮮甜，面頭仲有惹味嘅蝦米等香料，炒香嘅肉絲更加係食極都好似冇食過咁，十分足料。 尤其欣賞隻蝦真係好新鮮，花紋令我有少少懷疑係花竹蝦，但成本咁貴又好似冇可能咁，總之好新鮮彈牙抵食。跟餐嘢飲同樣唔頹皮。 三劍俠係黑糖豆漿涼粉，本來預期係黑糖珍珠奶茶之類嘅重口味飲品，估唔到飲落去係清甜嘅豆漿底，成個組合都幾清新。 鹹檸七算係平時成日見到，但呢度都好高質

下晝3點幾先食晏,從大棠輕鐵站行入黎三四分鐘左右,位置很容易搵。-呢個時間點唔需要等位😈-點咗個馬來椰香飯配咖哩雞加2件雞串-【馬來椰香飯配咖哩雞】椰香飯食唔出椰香,係因為被咖哩味蓋過了咖哩雞一共有三件，微辣係對於我這種很少食辣的人都接受到的辣度有一部分的醬是甜的,另外搭配魚乾同花生食又係另一種層次一個飯食到幾種味,幾種口感都幾驚喜-【雞串】雞肉嫩滑,好入味,配埋沙爹醬完美!-【份量】一個午市套餐,加雞串,附送薏米水(都係超好味的)份量一個人可以食得很飽🌝

元朗係覓食之地 今次介紹一間專食南洋嘢食嘅餐廳午餐由12-5pm都有供應 算扺食基本上出名嘅東南亞食物都可以係呢度叫到今次食左海南雞飯，檳城蝦摻摻麵，加左一份班蘭咖映多士1. 海南雞飯 ($51 連飲品)雞肉去左大部份嘅骨，啖啖肉而且肉質係滑。油飯亦都好夠味，配埋個可以自己調辣度嘅醬油，正啊2. 檳城蝦摻摻麵（$54連飲品）除左彈牙嘅蝦之外，配料都十分豐富。有蛋又有肉條又有菜但都幾辣㗎，唔太食得辣嘅朋友可以叫少啲辣3. 班蘭咖映多士 (跟餐加$18)多士夾住一塊牛油，好邪惡啊班蘭味較為淡所以唔會搶左牛油多士嘅味道比較少見到班蘭味嘅咖映醬，值得一試

小弟黎依間南鄉雞飯食海南雞飯已經有好多次啦,小弟我真係好中意呢間海南雞飯嘅原因係海南雞冇骨而且又滑，飯又唔會太油之外，醬汁正，我通常會擠左甜豉油(傑傑地)落個醬油碟到，跟住再喺中間度加辣醬，海南雞配埋啲醬一齊食會令到成件事昇華左，正，野飲方面我會推薦大家飲當凍薏米水，加五蚊有凍飲，熱薏米水係送埋架，仲有個湯送埋添，呢個湯多數係青紅蘿白粟米湯，湯甜甜地好飲，因為係送嘅所以有啲細碗。講完啲嘢食就講下個環境啦,個環境認真好舒服，佢會播啲大家耳熟能詳嘅歌，有林俊傑嘅歌,有快歌有慢歌,之前有一次食仲播哂我鍾意加美國流行曲，有Ed sheeran等,果次搞到我唔捨得走添，老闆娘聽歌嘅品味真係無得彈相信每一個人希望除咗啲嘢食好食，當然係食野時候都會能夠放鬆，可以chill吓咁，平時生活已經夠大壓力,難得可以放鬆,咁就食呢間la，btw海南雞飯加凍薏米水56蚊，唔駛加一聽靚歌P.S位有d窄，不過對於經常一人入座嘅小弟黎講已經👌

相信不少市民都知道元朗是一個美食天堂，幾乎你想吃什麼國家的菜都沒問題。😂是日，我們便選擇了馬來西亞菜。🇲🇾.「肉骨茶煲配白飯及油條」$80🍽：味道濃郁，很重藥材味。有很多件排骨，夾一件油條浸在湯內，然後放進口內，能夠完全吸收湯汁，味道很好。吃完，有一種滋補的感覺。😋.「班蘭味咖咉多士」$20「凍馬來拉茶」$18🍽：很喜歡這班蘭味咖咉多士，烘得外面脆脆的，中間滿滿的咖咉醬，無論味道或口感都很好。而馬拉茶就沒有什麼特別，一如既往和以前喝到的一樣。