卷王 (Closed)

又是吃過了但結業的餐廳, 這間專做外賣的卷王其實也還不錯, 30多元就有一件滿滿的手卷, 雖然上面的刺身質素普普, 但CP值很高啊~看, 都是30多元, 但是滿好吃, 份量也很合理~ 吃完會飽飽的!30多元的海膽手卷的質素不能要求太多, 賣相一般般, 但入口還是有點甜美無腥的, 吃海膽最重要是不會拉肚子啊~大集合的手卷上的海膽反而更好吃~賣相比較好, 也很完整的一片片金黃色, 吃下去更甜, 帆立貝也是很甜, 三文魚子咸咸的夾在一起吃剛剛好! 吞拿魚蓉可以跟下面的飯配合得很好, 整體來說這條手光都很不錯吃

平時黎卷王都淨係食手卷，佢啲飯暖同食物幾新鮮，所以今次就試下蟹皇丼～都有預感份量會好少，有一隻細軟殻蟹，同少少蟹肉，好彩蟹膏都算多，可以送飯，飯就比相像中多。炸軟殻蟹啱啱炸好，好食～蟹肉冇咩特別，但都幾少，蟹膏好香濃😋不過係凍嘅～總結黎講飯多都可以食得飽，但滿足感就一般，主要都係用蟹膏送飯～

近來很多手卷店，旺角中心、葵涌廣場都試過。反而這間開了一段時間，經過很多次都成功按捺好奇心。這天吃完晚餐，肚子尚有點空虛感，終於忍不住停下腳步，點了個蔥粒吞拿魚碎油甘魚手卷。吞拿魚只有一啖，正當我埋怨沒有魚油香，突然想起餐牌上寫蔥粒吞拿魚碎。蔥粒，有，吞拿魚碎，有。不是吞拿魚腩，只能怪自己太天真。油甘魚有光澤，似乎很新鮮。入口卻似剛解凍，冰凍而毫無魚鮮可言，不要奢望有魚油香。即叫即做，紫菜竟然不脆。唯一算過得去的，是不太腍又不太實的壽司飯。$34換來只有幾啖，又欠鮮味的手卷，實在太失望。

今日晏晝同朋友去旺角行街, 行行下好肚餓,但食飯時間又間間餐廳都大排長龍.......呢個時候就好需要可以"立食"的店舖,終於俾我係好景商場果邊見到呢間外賣小店---卷王!雖然細細間咁, 但又裝修得幾靚幾有特色。驚喜的是, 食物種類仲非常之多!首先係自選4款材料的DIY手卷, 有12款可以選擇, 可以隨意咁按自己口味砌出鍾意的手卷。而且只售$38, 好抵!不過因為我果陣肚餓, 手卷對我來講應該唔夠飽, 好彩有丼飯可以選擇!我揀左$68的三色丼, 入面有海膽、三文魚籽同埋三文魚蓉, 而且份量仲要好多.三文魚籽勁通邊, 海膽、三文魚蓉既鮮甜又冇腥味, 幾十蚊有呢個質素真係不得了!雖然冇位坐, 但係如果想快快脆脆食完野繼續行街, 而又唔想頹食, 呢度真係一個好好的選擇!兼顧左速度同埋味道, 下次路過一定會再來食!

經過旺角見到「卷王」，見到啲壽司、手卷同埋丼飯等等嘅圖片咁吸引，即刻睇吓有乜嘢食。最後我哋一人揀咗一個「丼飯」，朋友就揀咗「三色丼」，而我就揀咗「蟹皇丼」。我叫嘅「蟹皇丼」面頭有好豐富嘅蟹肉碎、蟹膏同埋炸軟殼蟹，仲有紫菜條做點綴，就咁聞落去有好香脆的味道，食落去就有唔同嘅口感，香脆嘅炸軟殼蟹再加入口即溶嘅蟹膏，真係好match，而且係啖啖鮮甜嘅味道，完全無腥味。除此之外，蟹肉原隻拆肉，果然係好豐富嘅海鮮丼。由於我呢個丼飯所選用嘅食物材料真係太鮮甜，只需要落少少豉油，就好夠味。另外餐廳仲有多款刺身、壽司同埋手卷等等唔同款式嘅食物選擇，當中熱賣嘅就係「四味自選手卷」，有多款新鮮刺身任客人自選四款D.I.Y出特大手卷，好特別。

今日嚟到旺角馬會附近，見到有一間叫做「卷王」，專門賣外賣壽司同埋卷物等等，突然間我哋兩個興致勃勃想食日本野，所以就試吓。見到餐廳有好大個招牌寫住「四味自選手卷」，意思就係有12款新鮮刺身材料任客人自選四款，D.I.Y出大手卷。除此之外，仲有唔同種類嘅刺身、手卷、卷物同埋丼飯等等選擇。見到「丼飯」咁吸引，我就叫左「三色丼」價值＄76，因為入面有我至愛嘅海膽、三文魚籽同埋葱粒吞拿魚碎。大約10分鐘左右，已經有得食了！丼飯賣相好吸引色彩繽紛，仲有紫菜條同埋青瓜條嘅配料，忍唔住即刻要堂食了，餐廳好體貼周到，有唔同款式嘅豉油可以供客人調味，我就食到少少辣，所以就揀咗小辣嘅wasabi豉油。「三色丼」中，我至愛嘅海膽非常新鮮，好鮮甜，根本唔需要點豉油已經好好味。除此之外，吞拿魚碎同埋三文魚籽一樣新鮮，吞拿魚碎食落去有入口即溶嘅感覺，連埋啲飯一齊食，好快就食晒了。我朋友就揀咗「蟹皇丼」，係餐廳推介之選，佢都話好好食，所以下次經過嘅時候，必定要再試下其他食物先得。

一晏咗少少食lunch 就到到都咁多人排隊等位食飯，又想食日本野，突然醒起卷王，我覺得佢間舖好日式，感覺好地道日本魚生，但夜晚經過成日見到有人排隊，唔想等所以一次都未試過，行到卷王，而家竟然唔洗排隊😍 我揀咗個三文魚親子丼，等咗五分鐘都唔洗就有得食啦⋯⋯ 份量好足夠👍🏻好多飯，而三文魚同三文魚籽一半一半份量，三文魚都幾新鮮下👍🏻呢個價錢好值佢醬汁仲分咗淨鼓油同埋有大小辣之分既wasabi 鼓油 直接吱就得😂啱晒懶人😂😂呢間野好啱一個人lunch 食，又快又抵食食物質素又唔差

旺角依家越來越多小食選擇 最旺嘅就梗係登打士街呢一條街啦今日我就同朋友出動專門掃小食黎食 ! 去食野有幾款小食之後 我哋再行前少少, 見到有一間食手卷嘅壽司店~~朋友突然之間話好想食所以我哋專登就走咗過去想試一試 呢間卷王其實就係喺食街嘅前少少即係好景商業中心嗰個位佢門面少少但係手卷料選擇好多因為朋友貪食嘅關係所以佢叫咗呢一個4款自選手卷我睇一睇價錢四款料都係＄38 超級抵係咁多材料當中朋友就揀咗三文魚啦泡菜墨魚海蜇同埋赤海蝦好快師傅就完成左我哋嘅手卷啦喎材料真係好多!!一口咬落去四款唔同嘅味道擁晒出嚟 先有海蜇既爽口甜味 再來就係墨魚帶點辛辣味道再加埋三文魚肥美同海蝦一樣 厚身鮮甜四款餸每口感覺都超級rich 

卷王在旺角開了一段時間，店鋪不大，只可以立食或外賣，而餐牌也顯示在門口的位置，五花八門的選擇。餐廳亦可以讓客人自己倒豉油，非常貼心。中意食辣嘅亦可因應辣度選擇豉油。點了一份手卷，手卷的款式有好多，總共有十多款可以選擇，真的很難決定的。自創DIY壽司可以從12款中選擇4款，稱為四式手卷。而今次選擇了三文魚、蔥粒吞拿魚碎、泡菜墨魚及油甘魚。先說三文魚，肉質非常厚，而且也很新鮮，亦食到三文魚的油脂。而吞拿魚碎加上蔥花也很香很有口感。至於泡菜墨魚的泡菜醬非常入味。第一次在手卷吃到。

今日做完facial, 經過登打士街，有間專食手卷的係間外賣店，手卷款式有很多，仲有丼飯食添揀4款材料，手卷都只係$38 ja, 真係好抵食，不過我今次無揀手卷，我被另一樣野吸引左，就係丼飯啦正值午飯時間，要食丼先夠飽的有午餐優惠的，送可口可樂北海道刺身丼外觀同相片的一樣沒有欺騙我有蝦+帶子+三文魚，三文魚好滑，好creamy而蝦亦好厚肉老板好細心，特別將wasabi 混左落醬油，方便我地使用，唔駛自己撕包裝紙咁麻煩，仲有分大辣&小辣添不過溫馨提示，此店的wasabi特別嗆，所以忍受唔到wasabi既嗆喉，就建議用小辣

今晚出左黎旺角...係好景附近經過見到呢間手卷店..比林林種種既手卷吸引到..$38可以揀4款..好正甘..我叫左辣味三文魚.赤海蝦.蟹棒同北奇貝沙律..材料鋪到滿滿..賣相好唔錯.旁邊就有個小自助台比你自己加醬..有小辣..大辣同豉油比你自己DIY..三文魚細細粒..新鮮赤海蝦..好鮮甜..配埋蟹棒同北奇貝沙律..唔使點加醬料都好夠味..呢個DIY好成功..食一件都唔係好夠喉..下次要試埋其他先...

油麻地掃街食厭左燒賣薯條，見到呢個的魚生飯好似幾抵食同見人食魚生個樣都幾新鮮。我就叫咗個魚生飯，都係60幾蚊仲加埋一個汽水。三文魚都切得幾厚，係平時放題嘅兩倍，而且油脂分布到幾平均，較多。所以咬落去都好林好易咬，帆立貝都洗得幾好唔會有海水味，而且味道都幾鮮甜每件都唔細。甜蝦嘅肉都幾爽口唔會好爛而且味道都幾新鮮雖然唔算好大件。二個飯個人認為覺得太熱反而影響咗啲魚生如果可以凍返少少會比較好。係落芥辣豉油嗰時落少少好啦，因為真係好攻鼻同好辣。飯的份量絕對夠一個男仔食得飽。呢個價錢咁嘅質素算係唔錯下次唔想再掃街都可以來買返個食。

旺角都有刺身丼🤤仲有午市大割引Tim ah👻$60就食到la(*¯︶¯*)-除咗手卷之外🍙佢哋亦都有啲刺身丼飯🍱午市期間仲會有優惠添😌北海道刺身丼，蟹皇丼都係58蚊🙃 三文魚親子丼，三色丼就68蚊🤔蟹皇丼有:蟹肉,蟹膏同炸軟殼蟹🦀而三色丼有三文魚子，吞拿魚蓉同海膽🙊不過呢輪海膽冇貨🐷我就揀左轉帶子la🙈刺身份量都唔少嘅😂而且質素都唔係差😽飯量好多ga🤣真係飽到我食唔曬，仲有罐飲品㗎，咁就唔怕口渴啦嘻嘻

香港人追求要新、要快、要新奇。每次到油麻地小食區走一轉，就發現又有新店登場，曾經盛極一時的台灣茶飲、韓國鯛魚燒、韓國炸雞、串燒等熱潮退了，又見新貌競爭之大，要在這一區生存可不容易！但有些食物、人物、事物總會令你情有獨鍾今晚因爲要去上堂跳舞，沒朋友陪伴，又想滿足一下吃刺身的慾望如果吃迴轉壽司又好像太Heavy，所以特意來這間手卷店款式多，而且一份手卷的份量剛剛好。一走到店面點完手卷突然下起滂沱大雨，店裡的妹妹貼心的叫我走到簷蓬下等待店子雖小，款式卻很多呢！簡直花多眼亂。大多數的人都會選外賣取走，因為這裡只有一張小檯放置豉油和已加Wasabi 的豉油，分小辣和大辣。而對於有選擇困難症的我來說，有四味自選大手卷實在太好了！$38已有四款刺身選擇～貪心的我猶豫了一會，選了最愛的赤海蝦、蟹柳再配油甘魚和北寄貝沙律。賣相非常吸引！手卷用手卷托盛載給你，讓你站於店外食也不狼狽。赤海蝦拉開約有10cm 長吧，很鮮甜爽口油甘魚和蟹棒刺身也很新鮮，沒雪味，而北寄貝沙律私心覺得配手卷最好吃了！而更值得一讚的是師傅即叫即做即包，包手卷的紫菜有兩層，一口咬下去非常脆沒有因為放上刺身而變軟想不到外賣店有此質素，很

係旺角食野一直係我人生難題，又唔知有喵好食又經常食到伏野，今日一支公去買野，就想解決埋個午餐。行過依個肥姐小食街，見到有手卷店，行過去望下，又幾多野揀。眼花繚亂，搞唔掂，決定食丼飯，四選一點睇都簡單啲。北海道刺身丼，玉子兩件，甜甜地有水準，三文魚、帶子同蝦各三件，全部都幾鮮甜，三文魚唔算厚，但有哂脂肪，魚油滿口。帶子清清地，有口感，蝦好飽滿，食完仲想食。店面仲有溝好既豉油提供，我本身打算立食，但真係太熱，就叫店員幫我打包返。仲有野飲，旺角美食get😘😘