Video
Telephone
37977655
Additional Information
外賣專門店
Opening Hours
Today
13:00 - 00:00
Mon - Sun
13:00 - 00:00
Above information is for reference only. Please check details with the restaurant.
今日黎屯門區探老朋友，佢話介紹我食間唔錯既壽司外賣店-叁壽司凍肉專門店。輕鐵景峰站出，景峰花園相反方向過馬路就見到金寶大廈有一間放有搶眼紅色不倒翁既地鋪餐廳，位置幾易搵個名叫得做壽司刺身外賣專門店，主打必定係壽司拼盤、刺身、魚生飯，款式都幾多下最驚喜係除左日本食材之外，餐廳仲有提供港式西式午餐，多元化選擇為左配合今晚多人聚餐既需要，我地精選叫左以下外賣：蟹籽沙律大大盒沙律材料有大量蟹籽、粟米粒、蟹柳、青瓜絲同沙律醬，份量真係超多，好清新汁燒豬軟骨飯經過醬汁慢煮既豬軟骨又幾入味，而且煮到超林身，好味！飯選用日本珍珠米，有誠意劍魚腩總共4塊劍魚腩刺身，食落好新鮮，油脂味濃岩哂我口味三文魚壽司拼盤呢個拼盤有兩款壽司，包括：-火炙芝士三文魚腩壽司，芝士有smoky 味，配三文魚就更加creamy -蟹籽花之戀，大量蟹籽仲多過飯，幾有鮮味雜錦壽拼盤特盛呢盤7彩顏色既壽司拼盤共有8款壽司，每款有3件，包括中華沙律、八爪魚、蟹柳玉子腐皮卷、三文魚壽司等等，份量咁多都只係賣$178，用料幾多而且鮮，抵食估唔到叫左咁多野，埋單都只係4百幾，足以令今次4人聚餐既朋友食到好滿足CP值真係好高重點一提係廚房超快手，15分鐘左右就起哂所有外賣比我地，用快靚正去形容今次既體驗，叁壽司店受之無愧推薦比住屯門區既朋友
continue reading
今日星期五唔想煮飯，就來左屋企附近既叄壽司凍肉專門店叫外賣🥡我哋就叫咗幾樣嘢食，性價比都好高👏🏻👏🏻👏🏻叫咗全份芝士玉子燒$55 好濃郁嘅芝士味，睇得出有好多層👍🏻👍🏻好用心整辣味三文魚卷$68$68有八件上面既辣味三文魚有勁多，68蚊來講真係大件又抵食🙌🙌🙌帶子裙邊$25帶子裙邊味道有啲辣，好爽口👍🏻👍🏻蔥吞拿魚生飯$65勁多吞拿魚，加埋有肉鬆喺入邊，味道好香口😃😃😃估唔到我叫咗咁多嘢都好快手一陣間舖頭除咗有壽司之外，仲有雞煲羊腩煲，仲有黃酒煮雞。細細間舖頭估唔到有咁多嘢。
continue reading
今個Happy Friday 懶得煮😂決定放工黎到屯門呢間日式壽司外賣店買外賣番屋企食🥰呢間外賣店款式選擇較多，有🍣壽司、🍙手卷、🐟刺身、🍤日式小食、卷物、日式飯、🍱刺身飯等，價錢公道，分量十足☺️壽司仲最平💰$6 起❗️今次我電話落單，放工黎到就拎得，店家仲幫我將凍熱食品分開pack, 夠晒貼心💖✨炸蠔 $32/4件✨海膽手卷 $32✨三文魚壽司4件 $32✨花之戀2件 $36✨吞拿魚沙律兩件 $12✨火炙壽司拼盤八件 $90✨蟹籽玉子燒 $55✨雜錦角切三文魚飯 $60✨和風炸雞$25 ✨付味螺肉$25炸物方面，返到屋企都仲係熱嘅🥰和風炸雞仲嫩滑多汁，非常推薦🫶🏻 雜錦角切三文魚飯真係超級滿足，刺身份量多，仲好鮮美🤩CP 值高❗️ 火炙壽司拼盤每一件都火炙得岩岩好，仲有陣陣炙香味😳 整體質素真係幾好🥳叄壽司凍肉專門店
continue reading
早幾日去朋友屋企打機打打吓有啲肚餓，但係又唔想出街食，於是就叫咗佢屋企附近呢間壽司外賣專門店試吓啲壽司，諗住平平哋食返餐簡簡單單就算，點知食食吓又幾OK，味道唔算驚為天人，但性價比高！壽司刺身都好新鮮，食到勁飽，捧住個肚走！跟住落嚟講下我地嗌嘅嘢食啦，首先有牛油果三文魚沙律，其實即係平時嘅蟹子沙律加埋牛油果同三文魚仲有大量青瓜絲，清新得黎唔會太漏，味道非常好！其次係牡丹蝦刺身，身為生蝦控嘅我，梗係要嗌返幾隻牡丹蝦嚟食吓，呢度嘅牡丹蝦非常大隻，極度鮮甜仲好多高糕添，抵食！跟住仲有三文魚腩刺身，三文魚腩勁香魚油味，食落啖啖肉勁滿足！之後，我哋仲嗌咗雜錦壽司同埋咖喱吉列蝦味道就係中規中矩冇乜特別，總括嚟講呢度嘅刺身係非常之新鮮抵食！住喺呢度附近嘅朋友仔又諗唔到食乜就可以考慮吓啦～～
continue reading
今日去咗呢間專做外賣嘅三壽司凍肉專門店度買外賣做晚餐，估唔到水準有幾唔錯。我哋叫咗一大堆三文魚嘅菜式。先講三文魚，已經好肥美，好重油脂同魚香味。然後我哋亦都嗌咗三文魚腩，對比普通三文魚，更加厚切同埋個油脂感更加重，咬落去嗰下完全係成浸魚油喺個口度。之後我哋都叫咗個牛油果三文魚卷，牛油果夾埋三文魚再加埋沙律醬，呢個配搭係冇得輸。卷入邊有青瓜同埋蟹柳，帶點清爽感。然後我哋亦都叫咗出名嘅花之戀，正常發揮。另外都仲有一款蟹籽version，食落都係普普通通。而另外一個特別啲款式就係有黃金魷魚嘅花枝丸，黃金魷魚食落口感好滑有咬口，唔錯。而另外亦都有個腐皮吞拿魚沙律同埋腐皮辣味三文魚，用腐皮包住嘅壽司飯，甜甜地加埋吞拿魚同埋辣味嘅三文魚，食落去鹹甜咁樣好惹味。我最鍾意就係腐皮辣味三文魚，三文魚嘅辣味係來自於士拉差撈蛋黃醬，辣得來好刺激惹味，食落好開胃。整體嚟講呢度嘅壽司都質素唔錯，啲魚食落都新鮮肥美，絕對唔會係嗰啲冇晒魚味嘅魚生。如果大家唔想嘥時間排壽司郎，又唔想食太貴，呢度絕對係一個好嘅選擇。
continue reading
You may be interested in