友情廚房

Open Now

Now Closed

-🔸宮廷黑醋腩排午市套餐 $48🔸舞茸菇螺片豬展湯 +$50-一個人都想食住家飯、飲靚湯，又懶得自己煮，發掘到依間觀塘工廈入面嘅良心餐廳，有多款住家好餸，午市套餐四十幾蚊就有交易，正啊～今次試咗黑醋腩排，打開蓋已經聞到好香嘅黑醋味，食落調味剛剛好，酸酸哋好刺激食慾，腩排夠肥好軟稔，仲有幾舊菠蘿，好味到扒晒成碗飯！仲加咗個燉湯，一包急凍包係細碗嘅二人份，俾我依隻湯精一個人飲就啱啱好😋 解凍倒出嚟煲返滾就飲得，個湯好好飲又勁方便啊！除咗湯之外，連餸都有得買急凍包呢，下次再試過其他先！

疫情下，外賣相信已經成為唔少人嘅生活日常。最近就有朋友推介咗觀塘呢間「友情廚房」畀我，據說店舖嘅食物做得唔錯，足料得嚟又無味精，好有住家菜 feel。餐廳主打燉湯、小菜，另外亦有意粉、漢堡及小食等供應，一於嚟個中西合璧。點咗個精選套餐：鳳梨咕嚕肉 ($48) 同 黑椒牛肉意粉 ($50)，兩大盒，份量十足。套餐配有白飯及飲品，可選即磨咖啡、香滑奶茶或盒裝檸茶等。先試下盒咕嚕肉，肉質好鬆化，肥瘦適中，特調脆漿令外層保持鬆脆及掛汁，入口酸酸甜甜，食落非常醒胃，以爽脆的雙色椒及甜美的菠蘿伴吃，口感好豐富。至於盒黑椒牛肉意粉，賣相已亦甚可喜，牛肉鮮嫩帶嚼勁，入口肉嫩多汁。意粉質感 al dente，彈牙煙韌，醬汁味道亦恰到好處，不會過濃，絕對值一嚐！。

第二次食，用OpenRice order左滑蛋炸雞意粉，想食滑蛋雞，又想食意粉，一次滿足我2個願望。炸雞有6塊，價錢（$50），不過炸皮已經變軟，如果煎雞可能好啲，醬油味重啲，少咸，但仍然好香。多數滑蛋雞係配飯，但想食意粉，所以叫左意粉，意粉顏色係醬油色，十分彈牙，真係好食🤩🤩下次會想再去配飯食！

依間係敬運工業大廈2樓，門口比較難搵😂呢間店有意粉同茶餐廳嘅飯、湯飯，今次食肉醬意粉🍝，味道都唔錯，酸酸地甜甜地，蕃茄醬味適中，肉醬係免治豬肉醃完再烹調，所以咬落都香口，上面點綴幾條綠色食物，睇落幾健康，但係就有啲搶味。麵條煙韌程度十分出色，夠晒彈牙，媲美啲高級餐廳。價錢$50，抵玩。

友情廚房係觀塘少有用心做中菜既快餐廳, 客飯形式但素質係去到小菜級數, 而價錢仲平過樓下茶記今日食左每日限定既餐單 三杯魚睇名都知係三杯雞既 魚肉版, 唔會好油, 調味無想像中咁勁, 菜底吸左味OK香咁樣一份餐都係 40蚊, 係40蚊!如果富貴少少可以飲埋湯既, 會再多個小白菜, 今日唔太肚餓就無加.快靚正.重點: 間野唔太多人, 唔洗等位, 坐低都好快有得食未食過既朋友高抬貴手, 唔好帶太多朋友上去同我爭位, 謝

五十幾蚊，加埋野飲都係六十幾都真係幾抵。因為青口都幾多，都十隻八隻，都算大隻有肉，d意粉好味，間店係工廈二樓，無乜靚裝修，個feel唔似可以整到al dente ，所以都十分驚喜，仲要價錢算係咁，觀塘食西餐唔係平，而且有呢個質素，又平又有質素好少有。店內環境算ok，雖然無乜裝潢，不過夠闊落。另一日又去，食咗另一個，泰式肉粒意粉。呢個係勁好味！我鐘意辣。佢有熱辣辣惹味感覺，非常之香，都係五十蚊加八蚊有飲品。估唔到觀塘工廈有如此隱世高質意粉食。

上次去到35座車仔麵新地址時, 才知道它和友情廚房都是處身於同一處, 餐廳面積很大, 亦有空間作其他黃店商品的寄賣, 相當不錯. 這餐廳的主理人生哥相當面善, 我應該在有線或者是開電視的烹飪節目, 見到他在教煮格魯吉亞菜的菜式, 但在這裏我吃到的, 是確確實實的本土住家菜, 和格魯吉亞的關係不太大呢! 這裏給我的感覺, 和尖沙咀的住家菜很相似, 同樣是家常小菜, 用料新鮮, 沒有味精, 味道單純直接, 吃起來相當舒服. 點了黑醋腩排, 脂層和肉層層次分明的新鮮豬腩排, 油香肉香同樣濃郁, 咬起來先淋後爽, 黑醋醬汁很平均地沾在腩排上, 再加上新鮮菠蘿帶來的果甜和果酸, 甜酸味道平衡, 是送飯的良品. 白菜仔以高湯烹製, 再上蒜頭和冬菇, 味道清甜中, 也見到它比一般餐廳處理油菜的誠意更多. 燉湯是海底椰螺頭湯, 味道清甜而且表面撇油做足, 湯渣份量不少, 吃起來相當飽足. 甜品這裡提供另一間黃店貓星人的雪糕, 口味是Cookies’n’Cream, 用原塊Oreo曲奇餅打碎而成, 甜度和奶香柔和, 吃起來相對健康, 同時也夠飽足.

香港人真係好鍾意食中菜，奈何一般茶記落油多，味精多，又多人，搞到我都唔夠膽食。觀塘呢間食落OK，覆桌幾次。今日食每日限定轉款既椒鹽豬扒：味道正常，油唔太多，豬扒入味可惜唔係日日有，有緣見到值得一試

去觀塘食lunch，想食中式，打開OpenRice search到呢間，過咗peak hours 兩點零上到去唔算多人，地方好大，擺枱鬆動，坐得舒服；叫咗一份宮廷黑醋腩排，午市套餐包一碗白飯、加一盒紙包飲品，揀咗道地解茶😆豬腩排爽嫩鬆化，黑醋汁質地夠黏，甜甜酸酸，送飯一流，好食😋👍🏻 當觀塘啲噏揼飯堂一碟頹飯都收五、六十蚊時，咁好嘅出品先收四十幾蚊，絕對係平靚正👏🏻👏🏻👏🏻有下次之選😉

又黎一間堂食無咩人既小飯堂，主打真材實料湯，而餸都有一定水準。今日無試湯，叫左個飯餐，計埋九折 $40。食完睇埋奧運先走，食物去相健康既鮑汁雞粒豆腐有緣再上去試埋個湯

天氣熱辣辣，本來想食越南撈檬，Openrice落單後諗住去攞，先發現佢唔再做午市但又繼續接單好過份。老遠去到敬業街果邊唯有睇下附近有咩食，跟住search到呢間。雖然喺工廈，但地方寬敞明亮。午餐都有好幾款選擇，雖然天氣熱，但見到梅菜扣肉又好想食，都好耐冇食過啦，就放縱一下🤪 扣肉唔算太肥，好入味下，所以我覺得就咸咗dd囉，不過味道ok嘅。午餐只跟紙包/罐裝飲品，好似有冷泡茶，如果可以跟例湯咖啡奶茶果類會開心d～

🍴友情廚房x 35座車仔麵因為看到以前位於九龍灣的35座車仔麵搬到觀塘工廈，所以便抽空一試，餐廳位於敬業街，在地鐵站步行到餐廳大約5-8分鐘。到達後看到店名竟然是友情廚房，詢問下得知原來友情廚房和 35座車仔麵成為合作伙伴，餐廳午市有客飯和車仔麵供應。由於天氣炎熱，不想吃飯，所以筆者還是點了車仔麵來吃。📍三餸車仔麵 $40 ，加購罐裝飲品$5📍懷舊牛腩牛腩炆得冧，卻稍欠入味。📍滷水豬大腸其實單看色水就知道沒事滷過嘛⋯⋯味道是淡口的豬大腸，內裡有不少肥膏，只好用辣藥脯送豬大腸。📍秘製辣魷魚辣度足，但魷魚有點𡁻頭，不夠爽。河粉質地較厚身，不夠滑，而且容易斷。埋單價$46，如下載一個推薦app會有9折優惠，所以實收$42。🔸小總結：餐廳舒適明亮，職員服務周到，價格便宜，量足飽肚，但味道方面卻有待改善，相信客飲味道會好一點。👅 味道：3/5💰CP值：4/5🕴🏻服務：4.5/5🔰餐廳環境：4/5👀回頭率：3.8/5🍽 餐廳：友情廚房🌐地址: 觀塘敬業街65-67號敬運工業大廈2樓B號舖#foodie #hkfoodie #hongkongfoodie #852food #852foodie #