叙苑粉麵茶餐廳

Open Now

Now Closed

今日早上要到鑽石山辦點事，趁著早到了點的空檔時間，便到商場地下這間茶記吃個快早。店內地方寬敞，可能是星期六的關係，小朋友不用上學，大朋友不用上班，所以店內吉枱甚多。馬上找了個四人卡座坐下，看過餐牌便馬上點餐。這裡的精美早餐共有六款供食客選擇，款式都是最大路的火腿通、沙嗲牛、雪菜肉絲、炸菜肉絲、五香肉丁等等。在沉悶的款式中，我還是很快的選擇了沙嗲牛肉公仔麵，原因很簡單，就是感覺較穩陣。另外，配了例牌的牛油方包，跟午餐肉、炒蛋及凍奶茶少甜($24)。先來了牛油方包、餐肉及炒蛋，看似很不錯的!牛油方包不用多提了，牛油份量足，麵包夠軟身，一點也不馬虎。午餐肉算是厚切，而且邊煎致微焦，外層多了一重脆脆的口感，吃落亦帶點咸香，但少不免有點油。不過，也算是不錯!炒蛋方面絕不能跟「澳洲牛奶公司」或「華星冰室」的混為一談，但若以一貫屋村茶記來說，這裡總叫做有點驚喜。炒蛋算是炒得剛熟，蛋汁需不算多，但切開後中間總叫做有啲，吃落亦算是滑身有蛋香，算是滿意!!!!!近排常常吃到沙嗲牛肉公仔麵作早餐，而公仔麵煮得軟腍適中，牛肉大概是罐頭貨，不過咬落不韌，而且醃得蠻入味，不錯!可惜的是湯底味道半濃半淡，沒太多沙嗲

一坐低，真係O晒嘴，價錢一次比一次貴，呢間可能係加價加得最多既茶記！真係唔知叫乜好，唯有叫番潮洲粉面，嘩！成＄20一碗魚蛋河！如果叫牛腩仲要加多1蚊，仲要唔跟野飲。出面食都唔駛呢個價錢啦，以為自己係米芝蓮1星餐廳咩！搶錢咩！魚蛋例牌成陣胡椒粉味，完全沒有魚味！還記得幾年前食都係＄15碗，＄18跟餐有埋野飲。宜家如果想飲埋野，要＄25﹣＄27。真係唔敢再入去食。加價唔緊要，但D野無好食到之餘，用料越黎越馬虎，尤其是D辣椒油，方死你落得多咁，入面加左勁多辣粉，得一個字，”辣“！完全沒有香味！以前唔係咁架！題外話：店面經常出現兩個男人婆，唔知係唔係老闆來的。希望老闆見到可以自我檢討下，不論食物質素、價格、甚至乎你地D態度，都希望可以改善一下

叙苑可謂我的飯堂,因為近屋企平時去叙苑都正正常常,但今次就當日叫的是沙爹牛排腸仔飯,但是來了白汁牛排腸仔飯,我最憎就係白汁所以就叫服務員換過碟,但係茶記又點肯成碟換,佢就裝過d飯,有白汁既牛排同腸仔就走去洗,牛排當然如一般茶記水準有筋,腸仔正常,一般茶記味道

今早去左叙苑食早餐,叫左個早餐SET啦,有沙爹牛肉麵同埋火腿奄列仲有杏仁霜,都只係$21,真係正,,勁好味.係出面食沙爹牛肉麵果陣,可能比出面既沙爹牛肉驚嚇得太多,第一次係呢度點沙爹牛肉麵睇下好唔好食,話晒呢度五香肉丁麵又食得多,試下個沙爹牛肉麵先,食左一啖,正呀,,,即時對沙爹牛肉改觀,超級好食,牛肉好味夠淋夠滑,牛肉仲有沙爹汁黏著,都有好多舊牛肉,沙爹汁好味,個大光麵煮到啱啱好唔會太淋,總之正.個火腿奄列好大份,仲有方包一件,我不嬲都習慣將火腿奄列夾入方包食,呢個火腿奄列大份到,一件方包都夾唔晒,咁只有切一半夾方包,另一半就空口食,切開奄列,,,蛋汁流出,半熟的奄列仲有蛋汁流出,係我食過最好食既奄列,平時其他餐廳食果D奄列,,,煎到乾晒好多油同埋好細件,夾入方包剛剛好,好開心呀,,,食到個咁正既早餐~~仲有,,,提多一提,,,要留意下呢間茶餐廳既"牛肚"同埋"牛腩",,,D粉麵好正,,,加埋辣椒油簡直係PERFECT,,,

鑽石山斧山道宏景花園內的 (叙苑).今次食下午荼 $20奶茶, 西多士~奶茶: 茶葉獨特香濃, 在口中回甘, GOOD! 西多士: 炸時, 火侯控制佳, 無油益味, 配上大量糖漿. 好味. 西多士是本人小時開始, 最喜歡的茶餐廳食物. 至於 其他的出品, 麻麻地啦.

時常去吃它的紫菜墨丸米，潮式食法加了蔥蒜，幾香，墨丸也是中上水準，當然不可同嘉麗園一類級數比，但是好過好多茶記車仔麵檔了。另外，牛什也不錯的，除了腸多肥糕，也是中上水準。奶茶味道都不錯。不過碟頭飯普通，始終是街坊茶記。這一頭好少食肆選擇，這兒環境ｏｋ，不錯的街坊飯堂。