Video
4-min walk from Exit D1, Wong Tai Sin MTR Station
continue reading
Telephone
23287028
Introduction
此店方便居於此宿舍及其訪客，提供全日膳食服務，尤其以晚飯小菜較出色。
continue reading
Opening Hours
Today
07:00 - 18:00
Mon - Sun
07:00 - 18:00
Above information is for reference only. Please check details with the restaurant.
球場打完波 唔想再食領展啲連鎖快餐 竟然比我見到球場隔離有間經典港式茶餐廳懷舊嘅風味 就好似以前中學放lunch成班同學 鬥快去霸位打躉 嗰啲平靚正茶餐廳 今日食咗五餐肉公仔麵餐 凍奶茶 港式老牌茶餐廳嘅茶膽一定要試 真係好正 下次一定會再嚟
continue reading
一入去落單的阿姐服務態度非常之好。下午茶時間入去醫肚，一睇餐牌覺得下午茶唔覺特別抵食，而且選擇不多，所以揀咗最穩陣嘅特餐，其實來來去去又係同常餐嗰啲差唔多 。但最穩陣嘅特餐竟然中伏!火腿蛋奄列油到滴得出成湯羹油!沙嗲牛肉麵超級無敵濃味，又鹹又甜，食完好口渴。應該係我食過最難食嘅沙嗲牛肉麵😑。個牛油三文治不過不失。熱檸茶都可以。茶餐廳啲膠杯同裝茶嗰隻膠杯一樣，個杯都好細隻。而且原本係半透明嘅膠，都已經又舊又氧化到一達達白色了… 感覺好似唔係太乾淨衛生都唔知用唔用好。埋單時個阿叔啲態度就真係唔多友善…唔會再去。
continue reading
放假天就同媽媽去呢間合作社茶餐廳食野每次都必點特餐 (沙嗲牛肉麵) $36跟餐有一杯熱飲同一份火腿奄列熱飲我要 熱朱古力走 (即是加煉奶)好好飲，熱辣辣，加左煉奶又夠甜又滑媽媽就要熱杏仁霜奄列算大份，好多火腿😋蛋中間有少少蛋黃液，正👍🏻餐包可+$2 轉多士不過我地無轉重點係沙嗲牛肉麵基本上而家好多茶餐廳既沙嗲都無乜味而呢到食到舊時味道諗起細個跟家人食過既沙嗲牛肉麵沙嗲湯夠濃郁，不過偏咸牛肉夠淋好咬口好味，價錢又抵食
continue reading
今日好懶唔想出街可以點😕梗係叫外賣啦😏今日想食火腿絲米,所以就打去最近既茶餐廳😁叫左個特餐轉多士飲可樂,打去落單好快,沒有多餘的話,單刀直入要咩,係邊,好就收線,效率之快,過左ㄧ陣諗起要拎錢時,門鐘就響,搞到要飛奔去開門🚪由叫到送到都唔洗半個鐘💨💨💨真心快,個多士送到時重脆嫁😋但個奄列就同個麵放埋一齊,介意就落去食🙈,個米粉同奄列都有傳統茶餐廳既味道,有種由細食到大既味道,唔係大集團既茶餐真係賣小見小,真要支持ㄧ下💪💪💪
continue reading
上一次食黃大仙合作社係小學果陣啦！今日心血來潮決定黎食返個晏先得，行入警察宿舍最入果度轉右就見到喇！事不宜遲一人叫一個特餐，即係牛油方包+腿蛋奄列+沙嗲牛肉公仔麵，再加杯凍奶茶。個味道好懷念呀，奄列好大份仲有蛋汁，沙嗲牛麵個麵唔係淋晒果種，好可惜係已經無左個粟米白湯，仲記得細個飲到lamlam脷！啲侍應姐姐哥哥好鬼正呀，我地一行四人，咁岩食食下轉左下午茶，即刻加料叫個吉列豬扒拼薯條，佢地拎杯野飲黎果陣見我地仲食緊飲緊，即刻話「咁快又飲多杯呀？飲埋而家果杯叫我地另上呀嘛！」哈哈，有時食野最開心除左睇一齊同枱既人，仲有呢一份人情味，好希望以後仲有餐廳會keep到！
continue reading