合興燒味

Open Now

Now Closed

咁多年依然每次經過都必幫襯！價錢優惠.份量多.滷水美食味道一流.我好鍾意食滷水鵝翼.經常發掘唔同滷水嘅鋪頭.但味道依然係合興最好味.因為出面好多間其他舖都滷得唔入味而且滷水汁本身味道都唔夠香！滷水鵝翼一隻（$15）.滷得超級之入味.而且鵝翼好乾淨唔會有毛.配合埋個辣椒蒜蓉醋.食落咸咸酸酸極之醒胃.凍食鵝翼皮有彈性好Q.但我就鍾意熱食.熱食係另一番風味，鵝皮軟化肉質鮮嫩.熱食更加之入味！合興仲有其他燒味都好好味！燒鴨皮脆而肉有好多好香嘅香料！

今日路過街市 放工時間好多人企係尼一間鋪頭門口 我見到1盒鹵水鴨30蚊 d鴨多到飯盒合唔到 要用橡筋合埋佢 以前買開係大埔中心果間百佳既叉燒同鴨 貪佢近 唔洗行到街市咁遠 所以今日見到30蚊咁大盒 突然決定要買 好鍾意食肉 （現成的燒味係一個好選擇 唔洗自己煮） 老闆會幫你淋d豉油，然後打包比你鹵水鴨偏瘦 肥肥既皮比較薄 岩曬唔鍾意太油膩既我夜晚返去食完第一層 先發現唔係成盒鹵水鴨 下面有鹵水豆腐 鹵水豆腐也都好好味 佢吸左d汁 好入味雖然30蚊唔係成盒鹵水鴨 但也都好抵食 and 新發現佢地既鹵水豆腐好好味第一日帶飯再食多輪 肉舖滿一層 好滿足下次會考慮行多10分鍾 再帶一盒鹵水鴨or其他燒味返屋企 期待其他燒味 唔知點呢

今晚6時才在公司致電跟爸爸說要回家吃晚飯，咳咳咳，爸爸的牢騷實少不了😂所以我立刻說會加餸回來，以表誠意。因為下班後想替公司沖曬相片，所以選曬相店附近的這間燒味店加餸（當然，我聽過同事說這間好吃😋）到達店外，我整個人呆掉，因為店外的長檯放滿各式各樣的燒味，非常吸引，價錢還很經濟實惠。在老闆的幫忙下，我買了半肥瘦叉燒及滷水豆腐（爸爸想吃的燻蹄早已售罄😭）。（真抱歉，我在上傳照片時才發現朦朧朧😂🙏🏻）叉燒肉質鬆軟，不黏牙，不會鞋颯颯，肥瘦適中👍🏻滷水豆腐$5一大磚，我買了兩磚（但我一邊走回家一邊忍不住滷水所散發的香味，情不自禁偷吃了數件，直到肚飽🤣）豆腐外面的皮很香，滷得很入味；豆腐內裡嫩滑，微微豆香😋這間果然品質至上，下次一定再光顧😍

嚟到合興，🈶兩樣嘢食我係吾買吾🉐嘅，第一樣當然係滷水鴨，肉嫩肥美，汁多味濃，再配上蒜頭醋一齊食，認真享受！，另一樣要買嘅就係什錦滷水小食，大大盒都只不過係賣$20元，相當抵食！材料🈶：豬頭肉～豬耳仔～芹菜～雞腎～紅腸等，仲有又香又濃嘅麻油味，真係睇見就想食，所以我每次去到大埔嘅話，我都一定會嚟🈴興買嘢食，因為呢度d嘢食真係又平又好食，除咗滷水食品外，其他燒味食品一樣咁好食，🈴興燒味令我再三回味！

我係第一次幫襯呢間燒味檔，當我行埋去想買盒叉雞飯嘅時候，點知我突然見到眼前🈶好多盒滷水小食擺响度，而且只係賣$20元一盒，真係好抵，我就立即買咗一盒嚟食吓，紅腸好新鮮，豬耳同豬頭肉都夠爽又脆，雞腎咬落去嗦嗦聲真過癮，芹菜好味又爽口！所以我每次去大埔都一定會嚟呢度買番盒滷味小食先舒服，除咗滷水小食之外，滷水鴨都好和味，其他燒味都好吸引，叉燒～油雞～白切雞～燒鴨燒鵝～燒肉都相當好食！而且價錢非常大眾化

生長於HK大部人都有食過燒味！燒味也是遊客的特色食物！！我估吾到我第一次吃到這樣的燒味！55元一條骨、食左面頭4塊頗肥都無胃口、点知下面更吸引！！！肥到無朋友.！生遠車去買！真不会有下次

今日又去合興去食四寶飯。新一年加咗價$27。四寶飯有紅腸、咸蛋、油雞及燒肉。個四寶飯比較咸。個紅腸好新鮮。咸蛋都好食。個油雞同燒肉用上等肉質。整體唔錯。

今日又去食合興燒味飯。點咗個油雞鴨飯。個油雞鴨飯好正。個油雞同鴨肉好鮮嫩。用上上等食材。兩種肉類都好彈牙。混入個飯一齊食好正。價錢只需$20。

今曰去食燒味飯。點咗個四寶飯。只需付$25。個四寶飯用上等食材。當中有紅腸、咸蛋、油雞同燒肉。個燒肉半肥瘦肉。入口好趣。紅腸好新鮮。油雞好鮮嫩。肉質好彈牙。混入個飯好正。抵食。

同事Raymond積極推介公司附近有間合興燒味熟食店。我今日專程去叫個外賣。間店只做外賣。有幾種單拼及雙併燒味飯。我點咗個招牌菜叉油雞飯。只係$20。我點咗少飯。回到公司打開後睇到個賣相好正。個油雞好晶瑩剔透。個叉燒屬半肥瘦。肉類好多份量。混入D飯一齊食好正。雞肉鮮嫩，叉燒烤到好正。好有BBQ風味。但係D肉好似只有室温。盒飯唔係好熱。無飲品之下只收$20都算好抵食。