合興粥麵飯

Open Now

Now Closed

柴灣唔少人都知道有依間車仔麵，鍾意捐窿捐罅搵嘢食，當然就唔會放過今次機會。等咗唔使10分鐘就有得食。整體嘅食味道係唔差，但係又未至於大家講到咁好食，但絕對可以嚟一試。因為我鍾意棉質比較彈牙啲呢度就比較腍身，豬大腸真心好食醃得夠味口感又好，蠔油柚子唔係舊舊好食，有啲就太鹹，但有啲我覺得好好食。魷魚幾厚身味道正常冇諗過全程都有有人排隊買車仔麵都幾多人。Google教嗰條路兜咗成個圈，原來喺地鐵站直行就係近好多。

14:20到，佢哋收1430好彩靚姐做埋俾我先收檔🤭叫咗辣魷魚豬紅雞翼尖撈麵+1罐可樂先係$41非常超值😍😍😍味道唔可以講超級好味嗰啲但係香港風味🇭🇰可惜開頭以為唔平，所以只叫三個餸下次一定要試更加多餸🫡香港小店需要我哋嘅支持幫襯🫶🏼

店名: 合興粥粉麵地址: 柴灣吉勝街10號熟食市場環境: 3/5價錢: 5/5味道: 4.5/5最近好多人介紹柴灣嘅美食，最出名莫過於呢間車仔撈面，聽講有人會山長水遠特登黎食🙈不過夏天食就比較辛苦了單餸面 (每款餸)$27 ($4-$6)叫左咖喱螺肉，咖喱魷魚，滷水豬腸，蠔油柚皮，咖喱齋卜，蠔油蘿蔔，蒜香豬紅配粗麵唔係講笑，真係每一款餸都好出色，好好食🤤螺肉魷魚豬腸全部勁入口，口感彈牙😍柚皮呢款餸出面比較少見，好特別，㵍到好淋好入味，齋卜蘿蔔同樣索哂啲汁，勁正🥰絕對值得再黎食🙈#stitchfoodie柴灣#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe #香港越南菜

平日下午大約1:30嚟到，避開左最旺盛既時間，但都已經有一條人龍買外賣，呢條街果然係附近打工仔既飯堂。因為係隱蔽嘅後巷入面，環境比較簡陋，衛生程度當然不及餐廳，但味道同性價比高，值得一試單餸麵都只係$27，另加餸$3-$5不等，價錢非常親民。當日點咗最多人叫嘅撈粗麵底，麵質滑又彈牙，加上佢哋嘅秘製醬汁，好好味😙😙最推介嘅餸係豬紅、冬菇同柚皮😛呢幾款索晒汁好入味～至於魚蛋、白蘿蔔就相對普通啲。

感謝youtube KOL推介, 唔係都唔知柴灣有間咁隱蔽又出色嘅車仔麵🥰 環境就一定唔係最乾淨, 不過呢種熟食中心嘅檔先最有風味見最多人食米粉, 其次係粗麵, 一於揀米粉, 巷仔舖就固然抗通脹, 不過四餸加埋都竟然只係$40有找🤭🤭🤭非嚴格嘅素食嘅選擇有蠔油冬菇, 蠔油柚皮, 蠔油蘿蔔😅, 油菜同咖喱齋卜, 汁嚟講有豉油麻油同咖喱, 本來以為係其中一隻, 姐姐最後決定瀨尿加牛丸, all-in😂😂下次要一種汁就夠無咁鹹, 嚴格素食者注意, 佢個咖喱用嚟浸魷魚同螺肉的至於料呢, 我試咗蘿蔔, 柚皮, 時菜同咖喱齋卜, 個人覺得齋卜偏油同唔太入味, 所以得四粒星(齋卜扣一粒), 下次可以skip或轉投冬菇嘅懷抱, 蘿蔔柚皮米粉就全部過關☺️

唔係衞詩雅介紹，都一直唔知自己走寶，我成日去柴灣康民街健康院復診，都會經過呢度，因為工廠區，所以平時只會急急腳離開，唔會專登入巷仔望下有咩食。呢間舖頭一定唔係講裝修，亦都唔係講環境，主要食味道，唔會好驚艷，但係我細個食嘅車仔麵嘅味道，好正！我叫咗一碗公司麵拎走，即係乜都有，加咗少少辣又見佢落咗好多豉油，但絕對唔會鹹，味道啱啱好。即使拎咗好遠路程，返屋企翻叮嚟食，依然覺得好好味，尼種味道已經唔係好多地方都可以食得到，好值得保留！

大隻仔今次覓食嘅店舖就係💥 合興粥粉麵 💥 大隻仔自從上次喺吉勝街熟食市場入面嘅「澤記快餐飯店」食過巨型炸魚柳包之後，呢排入親柴灣都鍾意去吉勝街熟食市場食嘢。趁而家天氣秋涼，最好就係去傳統冇冷氣嘅熟食市場食嘢。😅😅⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️環境 ⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 公司咖喱蠔油撈粗麵 $55車仔撈麵會加入豉油，蠔油，生油，如果食辣可以加埋咖喱汁，大隻仔十分建議加咖喱汁，超級好食，咖喱汁係合興撈麵嘅靈魂。合興一共提供12款餸選擇，公司撈麵就已經包括10種配料，唯獨不包括白蘿蔔同抽皮。10種配料，如下雞翼尖3隻 - 夠冧，差唔多骨肉分離魷魚4小條 - 爽口唔夠冧，但都入味冬姑2粒 - 味道怪怪，唔係大隻仔鍾意嘅味道魚蛋2粒 - 普通豬腸4件 - 超入味，但唔夠冧螺肉8 粒 - 好冧但唔夠入味齋2 件 - 冇味，一定要浸碟底嘅豉油一齊食豬皮3片 - 超好味，好冧好滑，超高質豬紅3 件 - 好味，高質山菜2條 - 仍然爽口粗麵 - 麵質爽彈，不過冧溫

🔻依家香港嘅特色茶檔真係買少見少，喺柴灣工業區多年嘅合興，相信好多人都係由細食到大😋😊 不過大排檔我好鍾意🥰香港風味‼️1️⃣ 滷水豬腸 咖喱魚蛋 撈粗 💲29🌟推薦指數：★★★★★可能係講到最好食嘅滷水豬腸，豬腸真係好入味，口感豐富，咬落唔會韌，3個字❕好好食‼️👍🏻😋加埋佢嘅秘製醬汁，另外仲可以揀加辣汁🌶 我就梗係無辣不歡❕粗麵軟硬度適中，食完真係好滿足🤩2️⃣滷水豬皮 咖喱魷魚 🦑 撈麵💲29🌟推薦指數：★★★★★柴灣魷魚麵都係好出名架😋魷魚夠晒爽口，咖喱亦都唔會蓋過魷魚嘅香味👍🏻滷水豬皮夠晒入味之餘一d都唔會鹹😋😋😋正！評價：9/10

今次專程特登走過嚟柴灣，目的就係要嚟吉勝街嘅熟食市場，幫襯吓合興嘅傳統撈麵店，呢度嘅自家製蠔油咖喱辣汁幾好味，我嚟到合興係冇睇到Menu，只係睇住架車仔裡面嘅餸嚟叫食品，我叫咗豬皮、魚蛋同魷魚＋撈米粉(要大辣汁)，total：$32元，但我諗深一層，其實叫大雜撈仲化算，最好叫(加底麵)，一次過食飽D，講番食品方面～魚蛋好老實講唔係好夠彈牙，豬皮煎得太碎，魷魚又鹹咗少少，米粉就ok，整體都可以接受，現場環境氣氛幾好，好似有一種帶我返番去童年時代嘅感覺，值得再次回味，合興呢度係冇套餐供應，如食客需要叫奶茶或咖啡嘅飲品，需要另外購買，單叫一杯凍奶茶要$19蚊，價錢絕對唔平，但久唔久嚟呢度食幾次都係OK嘅！

﹊﹊﹊﹊﹊﹊﹊﹊﹊﹊﹊﹊☞豬腸+豬紅 麵底粗麵Fat9食車仔面係必定會點豬腸🤩豬腸愛好者😆佢啲豬腸舊舊都好大舊 好似驚你會食唔飽咁👏🏻而佢既蒜香豬紅又真係好入味唔係講笑 好小食到啲豬紅咁有味🙀佢呢到唔係湯底車仔面 而係車仔撈麵 好特別😍佢係用蠔油豉油麻油做個汁底 個味好特別 未曾試過係出面食到有呢隻味既車仔撈面🧐如果食得辣 佢加個辣汁就更加惹味😋﹊﹊﹊﹊﹊﹊﹊﹊﹊﹊﹊﹊✎魷魚+蘿蔔+冬菇+生菜 麵底粗麵佢既魷魚係用咖喱黎整🦑佢唔係爽口佢用咖喱炆到啲魷魚淋身 入哂味🤤🤤鐘意食咖喱既要點佢既魷魚😸佢既蘿蔔冇渣又唔苦 夠哂清甜爽口🥰﹊﹊﹊﹊﹊﹊﹊﹊﹊﹊﹊﹊↬味道: ☻ ☻ ☻ ☻ ☻/5↬服務: ☻ ☻ ☻ ☻/5↬環境: ☻/5

如果要我選一家柴灣我最喜愛的餐廳，我一定會選合興，因為我很喜歡港式傳統撈麵的味道。合興撈麵是港式傳統的蠔油撈麵，濃濃的蠔油味再加上一點咖哩汁和麻油味，三者搭配得十分美味！可能有些人會覺得有點太咸，但是我是一個接受到濃口味的人，所以我沒有覺得太咸，反之還覺得口味夠重和有層次。我中午一點多去到，姐姐就告訴我賣完了幼麵和米粉！如果中午去吃，我建議十二點多就去，不然你想吃那些麵就會賣光豆皮, 滷水豬皮, 豬紅, 魷魚 $38麵的份量很多又夠爽豬皮很爽口又入味！豬紅有咬口，但份量不是很多豆皮是我的最愛，很喜歡那種炸完後的油味，再配上秘制蠔油，真的很入味又開胃咖哩魷魚，咖哩味不是很濃和份量很小，性價比不高總結來說，味道不錯，份量很多，價錢又便宜，值得大家去嚐一下！*但是環境不是很好，坐得不是很舒服，所以我每一次也是外賣的

.🍗🍕🍔🥘👫🍜🍣🍭🍮最原始既車仔麵 柴灣街坊必食我由細食到大 鋪頭位於工廠街既巷仔堂食系坐系巷仔食既 濕濕暗暗咁有潔癖既朋友就買外賣拉😉外賣以前系用膠袋袋住 超有風味不過而加已經變左用膠盒嚕..❤️豬大腸 蘿白 魷魚 撈 幼麵豬大腸 滷水煮到超林 唔會咬唔開不過系比較重口味既大腸😆蘿白 又系煮到好林 入口即溶 無苦味亦都無渣✨魷魚 系咖哩煮 辣辣地 非常惹味😋..🔥有啲野唔方便系餐廳講 - 系好食既🥳合興系柴灣都好年歷史 但價錢亦無乜調整 3餸只係$30👍🏻雖然佢比市面上其他車仔麵無咁多餸揀不過好食先系最緊要 lunch hour比較多人但都唔好太夜去 因為會咩都賣哂咖🥺..📍address : 合興粥粉麵 (柴灣)柴灣吉勝街10號

聽柴灣友說呢間車仔麵係個傳奇，開到3，4點賣完就關門，同埋位於工廠區內。今次好奇心區使下就發掘新餐廳 ，環境預左係一般，點知比較差d，黑黑暗暗又濕濕地。最緊要隻眼唔好亂望，好食就得。我第一次食就叫左個公司麵，有魷魚，螺肉，生菜，冬菇，白蘿蔔，斉，魚蛋，雞翼尖和豬血。。麵底就揀左幼麵，見佢左加右加加左好多款汁，咁樣調味應該唔方唔好食喇。我覺得總體係好食既，特別係個斉，脆脆地咸咸地好正。個魚蛋就太粉了。白蘿蔔夠林。螺肉同魷魚一般，比較鍾意宏德車仔都麵既魷魚。受歡迎既原因除了食物好味，相信係老闆的人情味和質素穩定先可以咁受歡迎。

 柴灣有一間車仔麵,食法獨特,用撈麵方式上菜有別於一般用湯係秘製辣汁加醬油調成既汁底去撈距離柴灣MTR只有5分鐘距離,係平民食堂小店全名叫咖哩蠔油撈麵單麵$21,雙拼麵$26,每款追加 $3單配料散點$10公司麵=綜合=全部都有咖哩豆皮,滷水豬皮,豬腸,蠔油蘿白,豬紅,螺肉,冬菇,雞翼尖,油菜我個日點左一盒綜合撈麵,用特大外賣盒拎走柚皮,味道質感都做得唔錯大約係4人份量好誇張, $56一盒根本多到吃不完一般由早上開至中午就收工,好快賣完真正既隱世小店係平民既小食豬皮夠爽口,螺肉洗得乾淨入味魚蛋彈牙,豬腸味濃重口味豆皮唔夠入味阿根廷魷魚,咖哩味唔濃,但爽口豬紅夠咬口,但太細粒好易碎雞翼尖,好入味之餘又夠大隻 蠔油冬菇 沒有滷到太軟爛,保持一點爽硬,好吃多汁 大腸好重口味,不是粉絲可PASS 四人份量先吃到完......麵底可自選醬汁略為濃咸帶微辣可稱得上惹味,但份量一多,食落有少少苦澀味整體來說,味道中上,份量十足,價錢便宜但不算是頂級好味道可以一試合興粥粉麵地址：柴灣吉勝街10號熟食市場#香港美食#柴灣#車仔麵

搬離咗柴灣已經十年有多，宜家只要有機會返去就把握機會幫襯呢檔由细食到大嘅撈麵。佢係用豉油撈麵做底，同出面一般D車仔麵唔同，當然要加佢哋特製嘅辣汁，特别入味，的確係佢獨有嘅特色。仲有好多餸俾你揀，有美味齋、魷魚、豬腸、柚皮、螺肉、豬皮、豬红、魚蛋……等。要數至愛嘅當然係齋啦，個邊又脆，沾上辣汁食，很入味呢！另外，魷魚及豬腸也是不錯的選擇。假如有選擇困難症嘅人，可以試吓叫大雜麵，咪乜都試吓囉。價錢相當大眾化，一個餸都只係加幾蚊咋。