Video
5-min walk from Exit A2, Cheung Sha Wan MTR Station
continue reading
Additional Information
請留意facebook營業時間更新
Opening Hours
Mon - Sat
12:00 - 15:00
18:00 - 22:00
Sun
Closed
Above information is for reference only. Please check details with the restaurant.
有日想食串燒，但發現一係就放題，一係就偏貴，而呢間係抵食啲就嚟咗，無book位，7點前入座都係啱啱好做最後一枱入座，而且鋪入面位置唔多，串燒都要啲時間，所以唔想等位就最好book位啦～幾鍾意呢到嘅上菜模式，每張枱有個木托盤，上面有張牛油紙，串燒燒好會直接放上每枱各自嘅木托盤，唔會搞到成枱都係碟無晒位👍🏻呢到嘅串燒調味都幾好，唔會過鹹，大部分都燒到啱啱好，會唔乾晒/燶晒；呢到肉類嘅款式唔多，但仲有好多小食、海鮮同蔬菜！•🥢 汁燒京蔥五花腩 $19五花腩肥瘦均勻，好juicy，串喺中間嘅京蔥甜味加埋肉汁都好正🤤•🥢 蒜香燒生蠔 $49（時價）呢個燒生蠔係跟時價，無記錯嗰日係$49兩隻，隻蠔都幾大隻，面鋪咗超多蒜！蒜燒到乾身，但隻蠔依然好juicy！•🥢 原條燒茄子 $28呢個原條燒茄子好大份！調味主要係孜然粉，燒到好腍，可以一絲絲夾起食🤤 茄子皮外面會有啲啲燶，我哋就無點食到啦。•🥢 汁燒豬頸肉 $20食落唔太似豬頸肉，無豬頸肉爽口嘅口感，似無咩肥嘅豬腩肉，但個醬汁好正，有啲辣粉喺面，好惹味！•🥢 雞軟骨 $16雞軟骨燒到好香脆，而且最先嚟到，2串真係唔夠呀😂•🥢 鹽燒秋葵 $14燒秋葵係幾好夾，外面燒到乾乾地，入面軟又有啲籽嘅咬口，不過唔係咁多人接受到啦😂•🥢 芝士牛油蒜蓉焗金菇 $22呢個焗金菇加咗好多芝士，仲可以拉絲🤤 中間仲有啲蒜蓉牛油，撈埋之後好快就食晒啦😌•🥢 鹽燒鯖魚飯 $56想叫一個飯兩個人share同串燒一齊食，揀咗鹽燒鯖魚，本身鹽燒鯖魚都可以散叫～鯖魚都幾大件，燒到好香，皮少少脆，襯熱食會好啲。•🥢 厚切嫩滑牛舌芯 $23牛舌幾厚切，面頭燒到有啲乾，食落有啲啲韌😢
continue reading
❤️推介指數: 8.5/10 等候時間：0mins （平日6:30）今次去了呢間比較細嘅串燒店🙈好彩早啲到walk-in有位🤪再遲啲就冇位🥺結果越叫越多因為真係好好食😍——————————————————————————😍邪惡芝士咖喱牛肉撈烏冬 $58 (8.5/10)呢個真心推介🥰有好濃嘅咖哩醬之外仲有好正嘅拉絲效果🤤面頭已經有好大夠已經融左嘅芝士咖喱就偏向甘甜唔辣的同烏冬撈埋啲芝士同咖喱好爽彈入味👍🏻而牛肉好厚身juicy同惹味份量十足～另外還叫了以下串燒：😍鹽燒霜降一口牛$29😍汁燒五花腩 $17😍雞軟骨 $16😍香料雞肉串 $17😍蝦豬串 $24😍鹽燒鯖花魚 $34😍香脆燒雞皮 $13😍咇汁糖心菠蘿 $17 總分：8.25/10 肉串燒方面唔會好韌亦唔會好油膩🤩而且每塊肉都好大塊厚身小編特別喜歡蝦豬串豬肉特別入味🤪除了五花腩和雞皮之外其實都冇咩肥膏👍🏻又夠惹味~至於個糖心菠蘿真係夠曬甜而且夠熱🤤鯖花魚就夠大條而且好有味🥰飲品就叫了個台式水果茶 但味道好似出面嘅紙包飲品🥲——————————————————————————🤩小編有話想講1.建議大家去之前打電話book定位🙈因為去到好full再遲啲去就會冇位🧐2.個人覺得唔算太貴而且好衛生😎專有個盤擺一串串的串燒😉建議大家去懲罰佢💛————————————————————————
continue reading
原本4人嘅飯局，最後得返3個人!!!一早訂好枱，亦比咗訂金(可能係新玩法，友人講之前都唔使落訂). 準時到達攞位，卻換來令我極度反感嘅反應!店員走來說:因為你本來訂4個人，但現在得3個人，又唔打嚟改，所以落咗嘅$400訂，會扣$100(罰款).....真係莫名其妙......我們又不是‘‘放飛機‘‘，只係由4個變3個，況且我都未叫嘢食，又會知我地食唔到$400??!! 😠😠😠 已經唔叫你退返100訂，但憑什麼扣我訂?!於是我地有禮貌咁話，我地都有到，況且我地都應該都食到400或以上，唔使扣我地嘛!!當時位店員冇比反應，只係安排我地入坐!!之後另一個店員又走來講同樣嘅說話，我真係心諗，你憑咩扣我訂，唔係因為100，而係無理由!!!結果友人們再三理論下，果位店員才好似‘‘ 皇恩浩蕩‘‘‘咁講今次唔扣你地!!!當時我真係想走!!!今時今日咁樣做生意???咁嘅服務，就算嘢食再好食也不會有下次!!!也許各位，如果要光顧，好好想清楚人數!!!!雖然很嬲，但說實話，嘢食算好食，夠熱夠味!!即燒，上菜速度尚可!唯一不滿嘅係咁嘅態度!另外，剛剛因外牆有維修，所以搞到冷氣開唔到，幸好有個應該係‘‘老闆‘‘的同我地臨走時解釋同講唔好意思!!!
continue reading
成日路過但一直都未試過！試完真係覺得自己一直走寶🥺味道好、價錢合理嘅串燒原來一直在身邊🤩🤩兩個人叫左超級多野食🥰🥰飽到要外賣拎走😝🤩🤩🤩超級推介：蝦豬串、香料雞肉串、杏鮑菇、雞翼、茄子、鹹酥雞粒、外脆內軟芝士年糕以上幾樣都真係超級好味😋食落樣樣都好驚艷🤩食到食物本質的味道之餘調味都好到位！蝦豬串好有特色😆係大澳嘅味道啊！雞肉串醃得好入味一定要趁熱食。杏鮑菇超juicy🤤雞翼味道剛好，而且肉質都嫩滑，叫左三份都唔夠喉！茄子真係唔係度度都整得好食，呢間真心不錯👍🏻最驚喜係鹹酥雞粒，因為上菜嘅時候已經接近尾聲，已經好鬼飽，加埋個樣子唔係咁討好，都已經唔想食了，不過都打算比個機會佢試下味都好，點知一試簡直令我兩眼發光🤩係好味又juicy嘅🥳炸粉好薄裹著雞腿肉好嫩滑好入味，相比其他連鎖鹹酥雞呢間更地道！最後一定要食呢個芝士年糕作結，為呢餐畫上完美句號！😋😋好味：汁燒京蔥五花腩、翠玉瓜、雞皮、一口牛、金菇肥牛卷、豆卜其實呢幾樣都係好味噶！為左分類清晰，佢地都有中等偏上嘅水準噶；每樣嘢燒嘅火候、味道甚至個樣都整得不錯，成餐飯都食得好鬼開心🙂一般：韭菜、芝士流心大啡菇、汁燒花枝丸、芝士牛油蒜蓉焗雜菌、汁燒墨魚仔、牛油蒜蓉焗帆立貝呢幾樣相比下就失色小小，正正常常冇乜特別😆不過要講嘅係韭菜嘅調味有小小奇怪，可能平時串燒必叫韭菜，所以都大期望，食落味道偏苦🤯小失望！溫馨提示：1️⃣鋪頭比較細，只能容納幾檯客，好彩我地早到先有位坐，要來最好就book定位啦！2️⃣平時我地都食得辣嘅，我地叫BB辣都已經幾辣下，配埋嘢飲就好啲3️⃣我地落單時都冇睇數量，點知叫得太多，去到後期都未食完都keep住上緊菜、擺到滿曬！佢係即點即燒但又唔係真係要等好耐，所以如果食得多、不妨分兩輪落單，咁樣啲嘢食就最新鮮滾熱辣食到，就最好味！食完成餐雖然飽到爆肚🤣但真係食得超開心超爽！同行友人一致認為一定要再encore呢間！
continue reading
之前睇到有人介紹所以一直都好想試，又加上係💛店，當然要支持下。而家因為六點後禁堂食，變咗中午開舖，所以今日就食咗10條串燒，一個撈烏冬。首先講吓佢嘅串燒，牛類比較出色，特別係一口牛同埋牛舌心，燒得好惹味。雞類就不過不失，雞腎都好有咬口，不過同其他餐廳嘅分別不大。推介小食類嘅花枝丸，個汁好好味。整體而言，串燒都幾抵食，款式都比較大路，但係味道非常唔錯。至於個烏冬都不過不失，咖喱湯都好濃味，有好大塊芝士，不過比較硬身嘅關係，冇辦法同烏冬撈埋一齊嚟食，只可以直接咬塊芝士，如果可以做得creamy啲就更好。
continue reading