名星小店

Open Now

Now Closed

📍名星小店呢間葵廣小店每次行過都有好多人排隊想試好耐‼️😚🧀蟹柳燒賣芝士烏冬 （$39）呢間小店最出名既就係芝士汁撈麵今次揀左芝士撈烏冬烏冬煙煙韌韌好好咬口😚芝士汁既芝士味比想像中無咁重反而係好重白汁味、類似金寶粟米湯個陣味多d🤣芝士汁係幾掛汁撈烏冬食的確幾過癮🥳燒賣同蟹柳都係普通貨唔係太特別😐名星小店做左咁多年如果要求好濃芝士味就未必做到但掃街口痕食下呢到絕對滿足到你👍🏻✅

明明同佢講咗唔辣，又要聲大大再問多幾次。。。好多人話好食，即管去試吓 但嘢食質素超級普通啲湯同水差唔多 明明係芝士，但係好水唔知係咪溝出嚟等嘢食期間都見到個女店員對其他客人態度唔好嘢食普通 但價錢有少少偏貴因為態度而唔會有下次店員長期咁不滿唔知做咩仲要營業又無俾飛又嗌Number 唔知Number又點知幾時要攞行到過去問又俾佢用惡劣態度話點接受到？而家經濟困難，但呢啲態度真係好難叫人繼續消費 真係逼人食其他餐廳

呢間小食店我都食左十幾年，都算係由細食到大。佢應該係成個廣場最多選擇既小店，一間細細既鋪頭，有成幾十款選擇，可算是厲害。 秘制咖喱魚旦，每之嗌都有一陣濃郁既咖喱香氣撲面而來，讓人垂涎欲滴。這道菜的主角是新鮮嫩滑的魚旦，每顆都被巧妙地裹上秘製的咖喱醬，顏色誘人，單是觀賞/嗅這碟美食就已經令人食慾大開。  魚旦十分彈牙，而咖喱醬就帶著濃郁的香辣味道，混合在一起，形成了極具層次感的風味。辛香的咖喱和清甜的魚旦交織出一種難以言喻的美味，每一口都是一場刺激體驗。

味道∶🌟🌟🌟🌟環境∶/抵食∶🌟🌟🌟仲記得呢間芝士撈烏冬由我小學嗰時已經存在🤣咁多年嚟都可以係葵廣屹立不倒，而且生意都唔錯，證明肯定有啲料到。今日突然間好想食佢，一於心動不如行動😋今次叫左粟米蟹柳芝士撈烏冬 $ 31，個人覺得作為一個掃街小食，價錢係唔算特別平嘅，不過質素對得起價錢。芝士醬同十年前一樣味🤣🤣無稀釋到，醬嘅份量都無少，呢樣抵讚嘅，烏冬係噹噹嗰隻用嚟炒嘅烏冬，不過同芝士醬撈埋，又無乜違和感。除左芝士醬之外，我覺得呢個撈烏冬嘅另一個靈魂在於粟米粒🌽🌽，奶香微咸嘅芝士🧀混合多汁甜粟米，解滯之余又多一重口味，堅好食。至於蟹柳就正常，無乜特別。整體嚟講好食嘅，同以前嘅味道差不多，無偷工減料，不過食完一個都有啲滯，建議兩個人share，然後可以再去掃其他野食就啱啱好😋

名星小店針灸前好肚餓，又唔可以空肚針灸，索性求期填下肚就算，於是去咗葵涌廣場1樓篤串魚蛋，呢間開咗好耐嘅「名星小店」最出名係芝士撈麵，老街坊、小學生、中學生等人必定食過，係大家集體回憶！咖哩魚蛋$12（8/10）12蚊有10粒算ok，我覺得魚蛋煮得太耐，魚蛋太淋身，略為無咁彈牙，秘製咖哩汁幾好味，先甜甜地，食完一陣先有辣嘅後勁，唔算太辣，似1小辣，幾啱食唔到太辣嘅人食，唔錯！地址：葵芳葵富路7號葵涌廣場1樓B01B號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#名星小店 #葵芳美食 #葵芳好去處 #葵涌廣場 #香港探店 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoo

哩個芝士撈烏冬由中學食到宜家🤣，依然都係咁好食！滿滿嘅邪惡芝士醬包匀每條烏冬，明知勁肥都唔理照食😋。佢嘅芝士醬唔算係好濃好杰果種，咁反而冇濟，不過都千祈唔好睇小佢，食哂都好飽嫁🤣。

.📍名星小店📍#饅頭去葵芳 #饅頭的港味道 #饅頭的掃街系列------------------------------1️⃣ 鴨胸＋豬柳＋蟹柳＋芝士烏冬 ($41)話說呢間小店其實就喺慧食貓隔離，好似喺小編讀中一再之前嗰陣已經喺度，當葵廣嘅掃街小店喺呢幾年間不斷更換時，佢仲可以屹立不倒都算佢勁🤓。小編嗌咗佢哋嘅日式芝士醬撈烏冬，就係典型嘅茶記芝士醬味道，白色嘅醬味道鹹鹹地，帶淡淡嘅奶香，又有明顯mozzarella濃稠拉絲效果，唔算出色但絕對唔會難食😂，撈埋烏冬(一定要係普通包裝嗰款)，中學回憶返曬嚟，最緊要係佢夠飽，對當時窮困嘅我嚟講係恩物。雖然咁講，小編都幾鍾意佢哋嘅鴨胸，厚薄適中，富有煙燻香同肉汁，juicy彈牙又唔會死鹹或者過份油膩；其他嘢都係批發貨，批發味道，請大家自行想像🙈，呢啲嘢食個回憶同情懷嘅啫，求神級好食就請自行避開吧。------------------------------🔸整體評分：7.0/10🔸小編回頭率：6/10

😻😻芝士呀 😍😍好食呀 🥰🥰 。我覺得佢個汁送飯🍚🍚 送烏冬送咩都可以 。因為都幾咸 。睇佢碗野好似好細碗 。but 其實都幾飽既 。 因為始終係 cheese 黎咖嗎 。 佢 d 配料都係一大包一大包咁批發價買返嚟嗰啲㗎啦 。 所以都正常普通野啦🙂🙂 。衣個係一片香煎豬柳扒🐷+三條芝士腸+三條獅子狗+ 🧀芝士撈烏冬$44 。 衣個係4片香煎鴨胸🦆+一片豬柳扒+一條蟹柳🦀+ 🧀芝士撈烏冬 $41 。總括而言 , 經過既會考慮下囉 。 因為抵食又講唔上特別都係講唔上 。

今日黎到葵涌廣場掃街，基本上呢間名星小店黎親都一定會掃。呢到既芝士撈麵價錢夠平、好味、又大碗，鐘意食芝士既話真係唔好錯過。咁我同朋友就一人叫左一碗，分別係芝士撈麵同芝士撈烏冬，兩碗都係勁多芝士，唔洗加餸都好好食。不過即食麵同烏冬比較，我個人鐘意即食麵多D，感覺好似可以掛多D芝士汁，個芝士汁都好濃，唔會好似水咁稀。順帶一提，如果你唔係即時食既話，可以同店員講聲，佢就會分開麵同芝士汁，咁就唔洗驚D麵會索晒芝士汁而唔好食。

中學時食親呢間都只會叫佢做‘撈烏冬’，一來佢嘅招牌都俾佢嘅食物圖片包圍住，唔係好睇到，二來佢最出名嘅就係撈烏冬😚😚今日下午決定去做一個我人生都幾重要嘅決定，就係去做眼部Smile微笑手術，手術前食少少野頂頂肚先😊😊～～～香煎豬柳扒+芝士腸+獅子狗+芝士撈烏冬～～～$44芝士腸同獅子狗正常水準，豬柳扒煎得唔錯幾香，重點都係個芝士撈烏冬，芝士醬多到好似湯咁，烏冬就一般，濃郁又好味😋😋！呢間舖頭必點之物🥰🥰～～～韓式年糕+魚糕～～～$32韓式年糕就硬咗少少，魚糕又太林！😅😅韓式辣醬汁一般😑😑好！食完之後🤴🏻就陪我去做手術喇😊😊

個芝士醬簡直冇得彈😋雖然佢冇拉絲嘅感覺但係芝士味濃郁☺️好啱芝士控唔會影響到烏冬嘅口感烏冬太淋 食到底都仲有芝士醬😛個配搭真係perfect 😍葵廣掃街必食！

辣炒年糕的醬汁太稀，都頗辣；年糕的質感好粉，完全唔係一回事，冇左年糕本身要有嘅煙韌口感。魚糕還可以，但仍是不夠彈牙，湯頭少少味精味。總結，唔好喺度食呢兩樣嘢。🤧

.📍 名星小店 📍香港葵芳葵富路7號葵涌廣場1樓B01B號舖點了個芝士烏冬(23hkd)加司華力腸(13hkd)，兩款都是我的最愛，店裏的小食都是現點現做，拿到手的時候超燙嘴，芝士醬汁很香很濃郁，份量給的超級多，吃完麵還有很多汁剩下來，香腸有用蜜糖煎，甜咸甜咸的好好吃❣️#foodiblum港式

今次就咁食左佢魚蛋 十蚊兩串雖然唔係陳皮 但都幾好食！猶其個汁夠濃不過都幾多汁 點樣點都用唔晒 好似有啲晒 對唔住佢😂之前仲有次食佢年糕 甜甜辣辣咁味道ok 個量都幾多一個人食就無咩quota再掃其他😂

每次餓着個肚嚟葵廣，就會好想食一大堆澱粉質填滿個肚。作為芝士愛好者嘅我第一時間會嚟到明星小店食佢哋馳名嘅芝士醬撈面。🔺芝士醬撈烏冬加粟米🌽其實最多人食佢哋嘅芝士醬撈麵係配公仔麵嘅，但我個人比較鍾意食烏冬，所以我每次嚟都係會選擇烏冬嘅🍜但烏冬有個唔好處就係芝士將難以掛喺烏冬上面，所以芝士醬同烏冬好似分開咁。佢嘅芝士醬忌廉味較重，芝士味唔算好香濃，但以佢20幾蚊價錢來講性價比高。因為我怕芝士醬再加烏冬會膩所以配菜就揀咗蔬菜嚟中和一下🥗所以食哂成碗都唔會好膩🥬而且係冬天食番碗暖笠笠嘅芝士醬撈烏冬感覺好溫暖好滿足！🔥