呂仔記 (Closed)

尋晚諗住去石澳睇流星雨，點知等到9點，眼見越來越厚雲，又開始肚餓，唯有敗興而歸，返出筲箕灣搵野食。本身諗住搵間正經餐廳食個晚飯，點知原來東大街last order 係9點半，又俾我地行行下見到呂仔記，門口已經好熱鬧，記得有港島區朋友提過去筲箕灣要食魚肉燒賣，咁應該係講呢間喇!我叫左碗兩溝(碗仔翅加魚肉)同埋燒賣，可惜魚旦已售罄。兩溝足料，但我都係比較鐘意生菜魚肉湯! 而燒賣，28蚊8粒，好似有d貴，但真係大大粒!濃郁魚味，朋友話有點腥，不過都係可接受範圍。可能太大粒既關係，食左兩粒已經覺得夠，唔想再食喇! 好彩我地3個人share 8粒，冇浪費。喜歡魚肉既朋友不妨一試。

聽說呂仔記在東大街很出名，很多明星也來過，今晚也不是太肚餓，於是專程去筲箕灣尋找隱世美食。今天點了燒賣套餐，套餐$28包括四粒燒賣和兩個粉果，再加綠豆沙糖水$19。大大粒的燒賣，大大個的粉果，全部都是人手自家制作的，食得出他的味道和口感完全和其他店的不同。燒賣爽口彈牙，粉果餡非常豐富新鮮，熱騰騰，好味道。綠豆沙，不太甜，味道剛剛好。店內還提供車仔麵、碗仔翅、生菜魚肉、咖哩魚蛋等等，下次再來，一定要試下。

行完龍脊落返到筲箕灣, 難得黎到港島區,筲箕灣最出名係到東大街掃街! 第一站到呂仔記, 食燒賣和碗仔翅。見到條人龍, 有點卻步, 但為了食好野, 冇計! 燒賣又大粒, 真用魚肉做餡!已經好難再搵咁既味道既燒賣, 難得! 不過, 較貴, $42得12粒! 魚肉碗仔翅超好味, 真材實料!找到兒時的味道! 值得推介!

筲箕灣東大街嘅呂仔記魚肉燒賣，年幾前都已經知道好出名，但一直忽略左佢。到上星期，電視有訪問呂仔記兩兄弟，令我突然醒起我仲未去試。自制鮮魚肉燒賣 $28/8粒 -  呢度嘅魚肉燒賣係每一日新鮮人手打出黎，食落勁彈牙，勁有口感。雖然價錢有d貴，但都真係有俾足料，啖啖都係魚肉，真係無得輸。碗仔翅 $20 - 另一出名嘅係碗仔翅，又點可以唔試呀!? 同樣係非常足料，用上金華火腿、瘦肉、冬菇絲、木耳絲同出面比較少用嘅素翅，口感豐富。

今日咁啱要黎筲箕灣經過見到傳說中嘅呂仔記點可以唔試下呢聽講黎呢度一定要食嘅係燒賣本人亦係一個燒賣控無意中見到阿姐坐喺度密密手包燒賣今次試左燒賣同埋魚肉生菜碗仔翅兩樣都唔錯燒賣真係好大粒仲熱辣辣佢地用左好多魚膠食落好彈牙絕對唔係麵粉燒賣黎講佢都唔算平但感覺係值嘅碗仔翅都不錯仲有魚肉同生菜想食魚肉生菜又想食碗仔翅呢樣就啱哂!魚肉應該同燒賣餡用嘅一樣同樣好爽口彈牙好有讀書時嘅感覺之後見阿姐喺後面整緊芒果西米露阿姐話好新鮮所以就叫左個凍嘅新鮮整嘅果鮮係唔同d芒果一d都唔酸成個西米露嘅甜度適中唔會太漏仲好香對於鍾情燒賣嘅我黎講呢度嘅燒賣真係幾特別可以話係一試難忘下次一定會再黎😋😋

曾經上網Search過香港邊度食魚肉燒賣出名，其中一間就係筲箕灣呂仔記。久仰大名，今次行完西灣炮台晨運徑有啲肚餓，落返筲箕灣去東大街搵野食。三點幾下午茶時間，又唔可以食太heavy，經過一間芋圓甜品店好想食但友人話再搵下有冇其他野食先。行到一半，就見到聞名已久嘅「呂仔記」！！！！即刻指住佢要食佢個魚肉燒賣！佢店面好大，唔止燒賣，仲有糖水、車仔麵食。有得揀企喺度食或者坐入面食，我地行完山有啲攰就梗係入去坐。店面無咩好影，睇下啲燒賣啦！有啲貴，不過全部都好大粒！重點係自家製，用黃鱔啲魚肉自己整，所以啲魚肉好甜，自己搓魚肉好彈牙！唔好將佢同出面賣嘅麵粉燒賣比較，因為真係無得比😆另外佢個辣椒油都係好值得推介！無落豆瓣醬，係用辣椒🌶️自己炒，唔太辣好香🤤間唔中食一次係值得嘅搓魚肉同整燒賣都好多工夫啊提提大家，佢係隔個星期一休息小心摸門釘啊

從前嚟親一定會食碗仔翅同埋食燒賣，依家再去食都係仍然叫呢兩款美食！手打燒賣仍然好煙韌彈牙！三溝碗仔翅都十分足料無嬉場！不過我就覺得佢嘅西式甜品就好一般，仲有嗰個勁厚皮嘅粉果，真係千祈唔好叫！

優-黎筲箕灣東大街，就順便試下好出名的呂仔記，叫左8粒魚肉燒賣，盛惠$28，雖然幾貴，但每粒燒賣都好大粒，每粒都大過一個一蚊銀，而且一咬落去勁彈牙！同平時食的魚肉燒賣好唔同，呢度的燒賣彈牙又好香，一d腥味、奇怪味都無，唔使幾分鐘我地兩條友就食曬8粒燒賣！-另外叫左一碗三溝$23， 即係生菜、魚肉、碗仔翅，平時食d碗仔翅，搞兩野就即變水，但呢度的碗仔翅搞極都好「杰」，而且好足料，d冬菇木耳好大片，魚肉都幾多！如果下次黎開呢頭都會再黎幫襯！劣-叫左一杯椰汁，太甜

燒賣已經不是預期好吃，味道及質素都毫無特別$28/8粒咖哩魚蛋直頭唔掂，又梅又不弾牙，仲收$20/10粒🤦‍♀️水餃$28/5粒， 煮過龍，啲皮就穿務名由九龍來試吃，服務態度不佳，總括來說是又貴又難吃又失望又浪費時間金錢

一向知呂仔記嘅糖水出名 ，最出名嘅係喳咋，不過腐竹白果薏米糖水都係首幾位 今次試下呢個啦。真係好“杰”，腐竹煲爛晒，“杰”到一個點，你用匙羹不佢上黎，係要用D力嘅。個“張力”十足。甜到剛好，腐竹爛晒，唔駛講一定夠味，白果成碗好在無苦味嘅。不要忽略佢嘅自制魚肉燒賣，同出面嘅起碼一定唔同啦，自制嘛，我直買左$42/12粒返晊企慢嘆。佢以4賠數買嘅，最少可食4粒。唔好以為佢貴，佢雖然大小不一，但大部份都係大大粒，一粒等於出面其他店2，3粒嫁，夠爽，只加豉油已好好味，去到一定要試。

夜麻麻肚餓特登黎到筲箕灣呂仔記知道最出名手打燒賣，一定要叫，見到有個三溝(碗仔翅，生菜，魚肉)都好吸引所以都叫左理試試佢燒賣:食得出唔係hea你，魚肉彈牙，但個魚味就唔夠，有小小失望三溝反易有驚喜：生菜係新鮮菜食落係爽口唔係放左好耐個d感覺，碗仔翅足料唔係好咸，魚肉應該就係燒賣個種魚肉

今日嚟到筲箕灣東大街搵食，因為天氣太熱，第一站就衝咗入呂仔記，先叫咗佢地最出名就係魚肉燒賣同埋三溝（生菜、魚肉、碗仔翅），燒賣真材實料魚肉打得超Q，三溝非常足料，最後再嗌咗碗楊枝甘露同埋椰汁，楊枝甘露超級好味，椰汁非常消暑。

去筲箕灣東大街怎可能錯過街知巷聞的《呂仔記》，其「魚肉燒賣」簡直是人間極品，肯定令你一試難忘！😃他們的「魚肉燒賣」非同凡響，魚肉非一般，採用了大黃鱔起肉，每日新鮮打造，手打魚肉非常彈牙，鮮味十足，魚香濃郁，粒粒飽滿，真材實料！$28一份有8粒，感覺有點兒昂貴，但一分錢一分貨，個人認為是物有所值，一定要試！💯👍🏻😋另一樣東西推介的是「鮮搾椰子汁」！👍🏻椰子味非常濃郁，優質椰子新鮮香甜，甜度剛好，飲落感覺似沙冰，透心涼，夏天喝一流！👍🏻喜歡吃地道小食的朋友，路經筲箕灣東大街，記得要預留肚子去《呂仔記》！除了「黃鱔燒賣」、「鮮搾椰汁」，那裡的糖水也是必試之選！😋😋😋（本人那天吃得太飽，沒有空間再食糖水了！可惜！😅）

筲箕灣東大街呂仔記，糖水必聚處。 中式糖水選擇要咩有咩。芒果西米露粒粒分明彈牙。最緊要芒果多到佔晒成碗碗底，花奶落得一點不手軟。鮮果涼粉，一樣水果滿滿。連埋鋪頭懷舊簡潔格局，至地道。

睇完電視介紹，突然好想試街頭小食, 追下當年情，點知去到見好多吉位，有點懷疑，但環境尚算乾淨，招待員木口木面，魚肉燒買無咁神級，超貴，唔值得特別去食，粉果皮超厚，朋友話唔合格，咖哩魚蛋超唔得，碗仔翅太傑，唔夠熱，欠缺風味，生菜魚肉只有幾條生菜絲，魚肉尚可，但食完立即口乾乾，唯一要讚的是椰汁，好香好有風味，喝咗兩杯，埋單百幾蚊，我真是傻的嗎？結果個胃漲到連正餐都食唔到，冒名而去，失望而回，世界變了，人心也變了！