味源車仔麵

Open Now

Now Closed

大排長龍！好耐冇食過車仔麵喇，每次嚟呢間車仔麵店都要排隊，坦白講，呢間啲餸好味過隔幾間舖嘅出名車仔麵店，餸嘅款式都多啲又新鮮啲，唔怪之得我哋食完之後出嚟條隊仲長左，誇張到排到落翻去街頭。想食生菜不過可惜冇，店舖阿姐好好人，送多幾條西洋菜比我。我點左三餸米線送飲品: 扎肉、牛𦟌、鮮蝦腐皮卷，飲熱檸蜜。我自己加左咖哩汁同辣菜脯，惹味好多！不過菜脯真係十級辣，真係唔好加太多，咖哩汁就唔怕加多啲。腐皮卷夠鮮夠香脆，牛𦟌入味軟綿，扎肉就普普通通啦。家人點嘅車仔麵睇落都好正，$40三餸車仔麵送飲品都算抵食！推介！

呢一區嘅食肆都多，但係返工嗰陣同事都會經常一齊約埋食呢一間車仔麵，係而家嘅市道來講，我覺得呢間車仔麵已經係大件夾抵食，性價比高！由之前食開$38 3餸一麵再送汽水，呢排就加咗價兩蚊，總共要$40。除咗價格相宜之外，老闆比料都唔手軟㗎，每一樣餸分量足亦都比好幾件，加上配料都唔少，十分抵讚啦！有時候真係睇到眼花撩亂，15 16咁，揀唔到落手添啊。每次嚟到都會排晒長龍，因為呢度點菜嘅模式係入門口就會揀定三個餸同埋食咩粉，最後叫埋嘢飲，就可以拎住個面搵位坐低啦 十分迅速，對打工仔放返來講時間真係最重要，坐低就有得食，時間都慳返唔少我今次叫咗腩肉豬大腸蘿蔔配銀針粉。唔好以為咁少料，呢度係我已經食咗幾舊餸啦，一嚟到係有三舊大大嘅腩肉同蘿蔔，仲會可以叫老闆加少少菜落去，重點係唔計一個餸㗎！所以$40有菜有肉仲要有埋汽水，真係必食推薦啊🔥睇一點餐廳嘅位置同空間唔太多，經常都要同其他人搭枱，坐嘅位置唔係適合傾計吹水，見到客人用餐都幾快，食完就走，唔會多作逗留。最後，支持小店！

黃大仙住宅區乜鳳街乜鳳街一帶一向都多野食。朋友介紹必食豬油渣同埋豬大腸，貪心的我梗係問下姐姐仲有乜嘢好食啦，姐姐介紹我食蝦卷，另外我仲叫咗豬耳仔同埋牛腩。先講豬油渣，佢唔係煮到淋晒嗰隻，而係炸好咗喺度，你叫先落落去，所以食嘅時候仍然會有少少脆口；至於豬大腸，肉身算厚，脂肪唔算太多，兩樣都好食。至於阿姐介紹嘅蝦卷，真心好食，講真，如果唔係佢介紹，我一定唔會叫，因為始終係一啲交嚟嘅嘢，就咁淥熟佢，通常都冇乜特別。豬耳仔就懶得唔係麻辣，而且仲念着一啲豬頭肉，又唔算太肥，所以都唔錯。最後就係牛腩，一般般，冇乜特別。

重新開張初期，門口仲係有好長嘅人龍，不過食車仔麵就係快來快去，所以都唔使等好耐就有位。去到轉入門，姐姐已經會叫你指俾佢睇要咩麵底，呢度千其唔可以慢，因為會阻住後面。之後就係揀餸，同附近另一間車仔麵差不多，都係選擇算多，有自己特色野。最後一碗揀左菜，炸豬皮及柚皮，之後加左少少菜圃。雖然冇另外加辣，點知一食已經覺得好辣，可能係菜圃或炸豬皮嘅辣。至於另一碗都係同樣情況，好辣！！！其實Ｄ野食係有心機整，不過辣味蓋過了一切。價錢方面，$36 三餸一麵，凍檸賓都唔使加錢，今時今日係算實惠。

要數黃大仙區的車仔麵，要好吃、划算，有人情味一定非味源莫屬！早一兩年曾經因為加租而結業，至上年年尾才搬到同一條街正式復業。老闆娘人很好，有時間會多聊一兩句，給你試新菜，伙計來去也是那幾個姐姐。要注意每到午餐時期一定會大排長龍！小店營業時間是0700-1800，試過5點左右來到，很多東西都賣光了，只剩下很少食物選擇，所以早吃早享受呀！店外貼上了餐牌，但是每每都被人潮遮蓋～排隊到選菜位置，就可以看到餸菜的真身了！最後還有四桶自選醬汁選擇，可以自己加上，有蔥花，辣菜莆，辣醬和沙嗲醬。店內環境有點擠迫，如果帶著很多東西會更覺擠擁。三餸麵$38，選了牛筋、酸齋和木耳。牛筋一如以往的好吃，腩汁非常入味，入口有軟腍之感。酸齋很夠味，每咬一口，都會滲出濃濃的湯汁，如果喜歡吃酸，一定要點喔！最後是木耳，木耳這次味道普普通通，但很爽口。米粉實在非常足料，吃得很飽～友人也點了三餸麵$38，選了鮑片、滷水雞翼和牛腩，我們「些牙」了一些餸菜。鮑片很夠味，爽滑～滷水雞翼帶一點點微辣，略嫌不夠嫩滑。牛腩很入味，和牛筋一樣也很值得試！最後不得不提，小店有罐裝/瓶裝汽水可以選擇，也不用額外加錢，很讚！

結業一時嘅味源終於回歸鳳凰村，附近市民一大喜訊。星期日下午三點去到，仲要排隊，不過算快，兩三個字就到我我叫咗四個餸，分別係鮑片，油渣，豬皮，豬腸。整體嚟講，份量十分之多，仲送可樂，再可以無張限量加辣菜莆，盡對抵食。鮑片都係普通貨，不過起碼無臭味，同埋有口味 。油渣今次就唔夠脆，不過都算香口，係有少少邪惡。而豬皮就好入味，最重要係豬皮無毛，值得一讚。豬腸方面，洗得好乾淨，都算入味，仲好有咬口，推介大家一試，香港特式嘛。

黄大仙 味源車仔麵，感觉还可以，大家一起来评一评！位於黃大仙區嘅慈雲山 一間 平平無奇 嘅車仔麵，同區最少有五間車仔麵，只有這間排長龍，客人亦不怕等得耐😆都會堅持排隊不去第二間，可想而知佢有幾正😛😛😛😛三餸一麵包飲品大大碗🤗仲有咖哩同沙嗲醬辣菜莆配合堅係絕配😆必叫豬紅、牛腩、豬油渣、豬大腸等等，一路食已經聽到客人話事頭婆終於開番😊等左妳好耐😁😁😁😁講真試過同區車仔麵始終味源係最好食😂😂舊舖坐位少😐新舖坐位多左起碼3分1，食都冇咁趕😂😂😂

味源返黎喇！之前因爲加租被結業的車仔麵店！個個街坊都難捨難離，個個都問老闆娘會係邊度開返！宜家係同一條街開返喇！真係好感動！人龍排到去隔離鋪嘅隔離鋪！證明左良心小店真係好得民心！鋪頭大左，裝修到好光猛！環境比以前更舒適！一如以往，枱面又多款配料俾客人選用最受歡迎嘅麻辣鮮露當然唔少得車仔麵今次點了豬扒，豬紅，豬腸，辣魚蛋米粉另外仲有辣醬辣菜圃可以按需要自己加配豬扒好大塊淋度適中岩哂大胃王豬紅好大舊滑而入味好耐無食過咁滑嘅豬紅豬腸份量勁多多到好似點左2份咁而且豬腸肥美乾淨食得安心辣魚蛋勁彈牙完全吃得出係用上等料基本上3個餸都好夠食好飽因為太耐無食就輕輕點多1款餸咁喇3餸麵仲包飲品呢

基本上以前每個星期都會嚟食一次， 因為之前業主加租所以舖頭冇做咗幾個月而家喺同一條街嘅上少少開返， 咁當然即刻要嚟食啦，仲一個禮拜食咗兩次添老闆娘仲記得我呢個熟客仔， 第一日食呢就送咗兩舊牛腩畀我， 第二日食呢就送咗一舊蝦捲有時食野，除咗味道人情味都重要呢度嘅車仔麵, 一個麵跟三個餸, 加冷熱飲品先係36蚊， 唔會好似出面好多鋪頭咁， 有啲餸又要貴啲有啲餸就平啲呢度最多人食嘅應該就係豬腸同埋豬油渣啦， 豬腸好入味，豬油渣好鬆脆我就好鍾意佢嘅酸齋， 佢哋嘅雞腳都好入味好好食佢仲有兩個辣同唔辣嘅汁俾你選擇食得辣嘅千祈唔好錯過佢既 辣菜脯 ，超級超級好味， 亦都超級超級辣