和拉麵

Open Now

Now Closed

#大埔美食#樂食人生平價日本拉麵。和拉麵1.辛辣拉麵 (中辣) $80-湯底偏清淡帶豬骨香味，但好飲-辣度接近譚仔 x 小辣-麵條掛湯能力頗高-叉燒碟前用火炙過，非常好食好香口2.日式章魚小丸子 ($28/6粒)-香脆唔油膩-醬汁唔會過多，味道唔會過濃-飽肚抵食推介口水指數🤤：3.5/5*記住記住如果IG或Facebook即場打卡再出post，可以全單九折，仲要免加一，好抵玩！！地址：大埔運頭街20-26 號廣安大廈地下J號舖

是日又黎到大埔做野，收工肚仔餓，覓食中行到呢間位於街角嘅拉麵店，見到座無虛席，應該唔伏，就同同事試一試。等左兩個字左右有客人走左我地就入座啦～店舖裝修都好日式，位置唔算多但係座位闊落。佢一路播住啲日文歌原來係用黑膠唱片機播㗎！即刻懷舊十倍！餐牌總共有三款拉麵，但其實店舖兩邊牆上都有一啲季節限定嘅拉麵，我通常試新嘅拉麵店都會食佢嘅傳統拉麵，姐係豚骨原味拉麵，因為食原味先知佢哋嘅功架嘛～除左拉面，仲有好多唔同小食。拉麵到～由於我走咗蔥所以望落去色水爭咁啲，不過俾果半隻溫泉蛋搭救左！一黎梗係飲啖湯先啦～湯嘅味道唔會好鹹，有濃濃嘅豬骨味，應該係功夫湯黎。個豚肉係燒到啱啱好，有少少碳燒味同埋佢個皮係煙煙韌韌㗎，肥瘦均勻肉味濃。溫泉蛋鹹香鹹香咁，好味！我哋另外嗌咗個厚燒芝士玉子，個玉子好厚身同埋外脆內軟，值得一試。不過記得趁熱食~值得一講嘅係侍應服務態度好好，成日都會主動幫手斟水，我哋食到一半嘅時候佢仲主動拎左一個佢哋自己炒嘅辣芽菜俾我哋試，又幾好味喎！不過有少少辣，唔食得辣嘅朋友仔就試少少好啦～總括黎講，呢間拉麵嘅質素唔錯，下次可以再試下其他季節限定拉麵。P.S. 即場打卡會有九折優惠，我見個個

係人都知大埔熟食中心多野食，但今次朋友就帶我行遠幾步，搵左哩間拉麵店晚餐。三款主要拉麵，可以按自己既口味落單，我就揀左多蔥。我點既味噌拉麵（$80）我揀左多蔥，真係半碗面都係，超開心。味噌係比較濃味既，鐘意濃味既朋友應該要揀哩個。面身幾滑，口感都幾好幾彈牙。豚肉肥瘦夾雜，煎到微燶，一點都唔會膩。朋友點既豚骨原味拉麵（$75）原味既湯底系無味噌咁濃，但係就滑D，都好香。兩款麺我覺得分唔到高下，其實兩個麺只係湯底唔同，我覺得有機會兩款都要試下，感覺好唔同。湯底真係拉麵既靈魂！中華海蜇（$38）幾惹味，好啱佐酒厚燒芝士玉子（$28）推薦！厚厚既玉子面層搽左沙律醬同芝士，面層同兩面都燒得少少燶，好香口，要襯熱食。甜甜既玉子，咁樣燒下再上，覺得好有創意，真系好鐘意哩個~自家炒芽菜哩個係放係檯面，食客可以自己添既。芽菜都幾辣，好吊到味。餐廳既裝修係行溫馨路線，昏黃既溫暖燈光，有日劇入面居酒小屋既感覺。原來係店內一個角落，擺放住哩部唱機，播放住黑膠唱片，悠揚咁播住從前既日本歌曲，好適合放空，專注眼前既每一箸。整體來講，食物有用心，出品質素幾好，環境都好舒服整潔。下次去大埔揾食，大可試下哩間拉麵

✨大埔 隱世拉麵小店🍜✨隱世到可能連大埔人都未必知佢存在😂😂因為係一條巷最入既舖位 拉麵用心製作 仲提供好多小食而家ig/fb打卡有9折😛.🍜博多豚骨原味拉麵（$75）湯底滑而不膩 想要重口味d可轉濃湯一碗有齊所有配料唔洗另外加購拉麵彈牙 叉燒肥美 如果可以半肥瘦會好d😂冇咁有罪惡感🤭仲有自家製辣芽菜 加入面度咸咸辣辣好惹味🥰.🧀厚燒芝士玉子（$28）好香蛋味 不過芝士味唔太出.🌮和風野菜煎餅（$38）輕量版既大阪燒 食落冇咁油膩口感結實 加上醬 木魚碎同紫菜🤤

踩單車入黎大埔，順便食埋個飯先走😋呢間拉麵係大埔都幾高排名，未食過點都要試下。佢個拉麵有標準湯同濃湯，因為濃湯要加錢，試下標準先。其實平時食既拉麵我覺得都好濃，呢碗反而岩岩好，不過鍾意濃湯既可能要加錢啦。因為2個人share加左麵底，我覺得好抵。🥳 叉燒我就覺得有啲肥。個枝豆好好味，不過枝豆其實都好難水煮得難食。呢個章魚小丸子係惟一我覺得麻麻地既，個麵粉太厚，如果入面唔係齋麵粉，有啲椰菜咁就可以balance返喇。呢個鰻魚燒得好出色！超級嫩滑，真係好好食。店員有特登介紹呢個芽菜係佢地自己炒既。因為本身鍾意食辣，所以食左好多，用黎送拉麵一流。Overall呢間都幾抵食，會返兜。

近排有好多魚生嘅負面新聞，胃民唔俾大胃食咁多魚生，搞到我約唔到人食日本嘢，不過食拉麵ok喇啩？個門面咁和式，未開餐已經好吸引呢間有好多新菜式張貼牆上，落單前可以睇睇大字報先拉麵方面有好多details位可以揀等餐期間可以細心欣賞小朋友嘅畫作大胃揀咗硬麵，果然硬得嚟有口感，溏心蛋夠滑，叉燒好香豬味，湯底唔使加錢要特濃都已經好濃拌麵方面揀咗冷麵汁，有些少辣，但很惹味，帶子都燒得好彈口大胃未食過咁大隻焗蠔㗎點咗黃金芝士味，「幸福」二字不足以形容點都要食吓蔬菜嘅店內有提供自製醃芽菜，不錯㗎埋完單會送返粒懷舊糖果，真係帶住溫飽同回憶離開

大埔有好多小店，呢間拉麵店都用心製作的小店。裝修好日系，開放式廚房令到客人 可以欣賞廚房的製作，而且坐得近又可以同師傅傾幾句。別看那餐單上只有3款的拉麵可以選擇，這正是我欣賞小店的特色之一，能夠只有數款菜式而客源不盡，證明店鋪是專心做麵！先講下拉麵，我叫左豚肉原味湯底。湯底米白色，香滑而不油膩，要把豬骨熬成這樣的顏色相信一定要長時間的慢火熬製。如果喜歡再重口味的客人可以選擇加$8改做特濃湯底。每碗拉麵已包含木耳絲、蔥、蒜、筍片、溏心蛋半隻和紫菜一片。可以選擇蔥蒜的數目，而且麵底軟 普通和硬不同硬度，可以按自己的口味調節。我這次選擇了普通硬度，岩曬我口味。溏心蛋好入味，橙黃色的蛋黃是香濃的蛋香味。每次黎我都覺得必食店主自製的芽菜伴菜，少少辣咸咸地，真系好好食。好彩今日我早黎食，7點後已經見到門口有隊龍。

溫左成個禮拜書,岩岩考完試當然忍唔住想食餐好既。本身都鍾意食日本野,前排聽朋友講大埔有間比較偏既日本餐廳幾好佞,話可以試下。所以考完就直接去左食。門口掛左幾個比較別緻既燈籠，感覺有別於一般既中式餐廳，第一眼感覺唔錯。好快就坐低左睇餐牌，但有好多唔同款式揀，搞到有ｄ唔知食咩好。見到隔離台食左咩，我又跟住叫左d差唔多黎既食。D餐牌睇完見價錢同平時食開果d差唔多價，所以都冇咩話要諗價錢問題。直接就叫左幾樣野食。首先，第一樣想介紹比大家既就係呢碗超級好食既辛辣拉麵，辣度唔算好辣，有食開辣既朋友應該會覺得差減D（雖然我只係叫左個小辣），只係賣＄８０。比佢其他連鎖拉麵鋪算平，湯內濃而不膩，食完齒頰囫香。食完一碗就岩岩好６成飽，份量恰到好處。然後我再叫左個脆炸尤魚鬚，食落口感彈牙，但係又唔會有炸得唔夠脆既感覺，外脆內彈。食完大概有８成飽就覺得差唔多可以停手。因為本身唔鍾意食得太飽，會好辛苦。另外值得一讚既係店員態度好好，每次一飲完杯水會即刻反應幫手加水。而且，好細心,見到你需要D咩，佢地會即刻幫你解決，例如係一開始想用個碗仔裝開少少湯試味，佢留意到就比左個碗仔我，連開聲都唔洗。有機會可以再食過!鍾意

今日返左成日工又好忙，中午都唔係食得好多野。收工本身諗住同女朋友求其食d野就算(佢鍾意食拉麵)，本身大家都唔係住大埔，但又唔想食返自己區既野食，因為食得多有d厭。跟住話不如大埔落車睇下有咩食。其實細個都有段日子住過大埔，都知道附近有幾間拉麵店。附近比較大型連鎖既都食過，確實有佢地好食之處，但因為食過所以想試下新野。行行下就見到間身處角落既拉麵店入到鋪面雖然唔係壯麗堂皇，但睇落都有D日本風，比人感覺幾舒服。坐落左之後，餓左成日既我即刻拎起餐牌開始睇下有咩食睇落價錢都算係公道，同一般日式店鋪差唔多價，但係選擇比較多樣化。例如，呢度竟然有咁多唔同既天婦羅可以揀,拉麵又有龍蝦拉麵等其他地方少見既野。主打仲有一個極品雞湯拉麵，不過今次都食唔到呢D野，因為美食聚多,而肚只有兩個。結果我地就叫一個辛辣拉麵,炸廣島蠔,小丸子同埋脆炸龍王鬚。估唔到尤魚鬚加埋沙津醬原來係咁夾架!以前食親都食加鹽加醋,估唔到miss左呢個咁正既食法。同埋炸既時間岩岩好,可以將肉汁鎖響入面,食落有另一番風味。碗辛辣拉麵真係要讚下佢,因為個湯底我地揀左特濃,店鋪可以揀香滑/特濃。今次店員推介果陣冇令我地失敗,食落陣辣味好香,但

係間離馬會行行下，路過左一間充滿日式風味嘅餐廳，見個門口幾吸引，就比佢吸左入去食野。餐廳環境清潔很舒服，上菜速度也很快。我吃左佢地嘅午市套餐，湯底簡左清湯，麵條入口很清淡但越咬越入味，很獨特的口感。 麵條比較幼，好襟食。仲有叉燒嘅味道都好正，有一面係燒烤過，好特別又大塊。小食就有餃子同小丸子揀，我就揀咗小丸子，個樣同餐牌上 一模一樣，三大粒。新鮮又好味。店員仲同我介紹枱上面調味料果到有佢哋自家製嘅牙菜， 辣辣地真係幾好味。越食越上癮。≧ω≦

好耐冇食拉麵！所以今次就黎呢間試下～午餐有set餐，$80有拉麵、小食同飲品，都幾吸引！拉麵我揀左豬骨湯，個湯好香濃又唔油膩，飲曬都唔口乾😍拉麵係幼麵，仲有個溏心蛋，溏心蛋都整得岩岩好！最正嘅係塊叉燒，叉燒係薄片，燒得好香又唔肥，岩曬我口味。小食令人驚喜，餃子外皮香脆，皮薄餡靚，額外叫嘅玉子燒一樣好正😍可樂仲有得揀樽裝😚😚食到咁上下時店員仲話我地知有師傅炒嘅辣芽菜，可以加落拉麵到一齊食，d辣芽菜就咁食都已經好好食，加左落拉麵到更加係別具風味，食唔停口😋總結黎講，呢個價錢食到呢種質素，比大埔區各間連鎖拉麵店優勝得多，值得再食👍🏻

昨日食完拉麵，今晚再黎多round 💪🏻😋昨日食完連鎖店，今日就黎try try小店黎既時間可能早，唔係太多人入到去好有當年去大阪小店feel全木的擺設好有風味職員亦好有笑容招待我地快速點左個拉麵，期待著味道！幻想自己去左一趟旅行🤤Yeahhhhhhh 豚骨拉麵一上菜就聞到好香的湯底味，通常我食拉麵首先梗係試左佢個湯汁，正！唔會太濃味道岩岩好，之後我先夾麵試試口感，係我喜歡的外面軟，但仍然挺身，個溏心蛋又係軟彈有口感，yummy!!🤤各人一拉麵，唔夠喉再加個芝士厚玉子厚實嫩滑！我喜歡佢加左木魚，少少咸，好夾另外要講下係枱上同調味料一齊的小菜，係廚師親自醃漬，味道ok，但唔夠爽口，不過如果爽脆我驚我會食哂！😂這間店的食物很合我胃口，推薦！

下課後來大埔覓食，這間拉麵店距離地鐵站很近，只需步行約5分鐘。主打三款拉麵，午市套餐非常吸引，任選一款拉麵加小食加飲品也只是$80。我點了辛辣拉麵（小辣），選了硬麵條和小丸子。朋友點了豚骨原味拉麵，加餃子。我們再追加了一口芝士（$42）。豚骨拉麵辛辣拉麵麵條是幼細類型，掛湯能力不錯。湯底濃郁，雖然是小辣，但有一點辣喉，愛辣的人應該會像我般覺得很不錯。流心蛋口感非常滑，輕輕一咬，蛋汁就湧出來了。另外有兩片厚燒肥叉燒，雖然邪惡但很好吃！小食都令人滿意，特別喜歡一口芝士，芝士味濃，外皮又香脆。自家制的配料芽菜配拉麵不錯。$80有拉麵有小食有飲品，性價比真的很高呢！

今日要返大學交assignment，為左珍惜剩低唔多係大學既生活，於是就決定同朋友去大埔墟食餐好。之前朋友黎過好評，所以就諗住黎呢度朝聖☺️一去到見到個店面已經好討喜，紅黃色既燈籠加上藍色既旗仔，令我諗返起日本居酒屋既感覺。而入到去就更加有家既感覺。店入面唔算大，但係廚房上面貼滿左小朋友既畫作，唔知係咪店家既小朋友既畫呢？跟住就講返野食啦，呢度既午市套餐好抵！本身一個拉麵大約$75-80，但只要加$5 就可以有煎餃/小丸子加飲品。朋友唔好汽水，都有菜包沖熱茶，服務非常貼心！因為唔食得辣既關係，我點左豚骨拉麵（$75），麵條煮得非常適中，好彈牙有口感，最surprised 絕對係溫泉蛋，蛋黃煮成流質，又唔會流灑係啲湯度，甜甜地，味道一流！而叉燒煮成少少焦，但又唔會有焦既味道，火喉掌控得好好。湯底完全冇味精既感覺，最後飲晒成碗湯都唔會覺得口渴😍另外呢個係店員推薦既配菜，據講係廚師特意炒既，味道有啲辣，但好開胃，唔錯☺️講埋啲小食啦，煎餃雖然賣相麻麻，但係入面既肉味道唔錯，可惜如果可以煎耐啲啲會比較有煎脆既味道！而小丸子好足料，好大個，汁同配料加上墨魚既香味，好值得推介大家去叫另外我地都叫左個炸

搬到大埔住了差不多一年，發覺大埔真的很多小店都未曾試過。今日行到運頭街，短短一條小横街原來有不少小店，每家都好像有不錯人氣似的，今次決定試下最入面的和拉麵。拉麵款式唔算多，主打三種，再加上可能是期間限定的特別選擇。點完餐才知道原來今日有8折優惠呢，原來這間拉麵店在每個月的第一天營業日都會是感謝日，會有8折優惠呢。而且LIKE & SHARE他們的FACEBOOK，還有飲品送呢。寶寶點了豚骨原味拉麵($75)特濃湯底另加$8。豚骨湯是好香濃，而又不會覺得過油膩。好多時間拉麵的湯底都會煮得好咸，但這個湯底則完全沒有這個情況，飲完唔會覺得口渴，只係食得到好香濃厚身的豚骨口味。湯拉麵的麵是幼身的，寶寶選擇普通的硬度，我自己試了一口，覺得口感就是普通的那種，不是特別有口感或彈牙，但又不會過於軟身。而叉燒做得好肥美，雖然邊邊有一層脂肪和皮，但食落唔會覺得太漏。肉好柔軟而且好入味。表面稍稍至焦香，甚是好食。另外本身拉麵還有木耳絲﹑紫菜及半隻溏心蛋做配料，溏心蛋煮得很好，蛋黃流心而蛋白帶點醬油香味。黑蒜油拌麵附味噌湯($68)拌麵用的是扁身的闊麵，應該是想令每條麵條都可以沾得更多黑蒜油。黑蒜油好香，食