和興飯店 (Closed)

一坐落叫左3餸1煲仔飯，當中包括:1.椒絲腐乳炒生菜2.椒鹽炒蜆3.椒鹽炸豆腐4.臘味煲仔飯椒絲腐乳炒生菜:成碟野一條椒絲都冇，腐乳開水炒生菜椒鹽炒蜆:暖暖地，仲要有沙，一啲獲氣都冇!椒鹽炸豆腐:唔知仲以為係鹵水豆腐，豆腐入面仲要凍，完全無味道，仲要上碟鹽叫我地自己點!臘味煲仔飯:由於前面3個餸太'精彩'，我地唔敢再食佢啲好野，所以叫佢取消，埋單時都未煲我地個煲仔飯，隔離枱對情侶個煲仔飯變左牛仔炒蛋飯總括而言，差差差!無下次，仲要打上呢到提醒所有有興趣試呢間野既人!希望唔好俾人呃。順帶一提，有一枱大陸客因為啲菜上得慢，所以取消單走人，俾老闆娘罵住走，而我地每味餸都等最少4-5個字先有得食!

不知道廟街的煲仔飯店不做午市，傻傻的走去打算午餐。下午2點多飢腸轆轆，只見和興飯店有煲仔飯沒有多想便進去。內裡只有一台7人遊客，其他枱面滿是食物殘骸和用過的煲仔。和朋友叫了臘腸雞飯和窩蛋牛肉飯，等了差不多30分鐘還未到。聽到鄰枱的客人完來也等了差不多快1小時，心知不妙。到那飯來的時候，已等了45分鐘。本來他給我什麼，太肚餓的時候也會吃。可是上桌的，是一大鍋的白飯上，零碎地散有切開一半的一條臘腸和沒什麼肉的疑似雞塊(主要是骨)。店主在掀開煲蓋時，還要附加一句'噢，忘了放牛肉，待會給你補上'。我當場呆掉不懂反，他可能以為我聲不懂，以普通話再重覆一遍。我們說不用了，他拿來的生雞蛋說送我們。令人匪夷所思的一鍋飯原來是2個煲仔飯的合體，還要忘了放第2個飯的材料，我們只能無言付錢離去。朋友吃了一口，說那臘腸很硬，我見整鍋也像很硬，一口也沒吃。聽到鄰枱的人跟店主說，飯是生生的…真的，重來未見過如此食肆。我想生氣，但看到那鍋飯，只想笑，太無稽的一鍋飯。有圖

和男友行街食飯，見到這間店寫任食，而價錢又很平，便入座了。 入座後才知每樣只可選一樣，很有誤導成份。都算,以為有蝦有蟹也不錯了。坐下，先來了第一個雞絲翅。不應說是翅，應說是一碗酸醋水加不足十條粉絲的液體。飲下了，難飲得很，和男友飲了一口也沒有再飲了，立即想離開，但男友說不好意思走。於是，我們留下了。但接下來的小菜，向來對食物沒有要求的我和男友，都已經不想再放入口了。分量少不緊要，但難食得佷，干炒牛河沒有牛肉、沒有味道。蟹及蝦很不新鮮。連很易做的雞奕也是沒有味道。最好食就是清菜了。最後和男友付了錢後，也去了其他餐廳正常地進食晚餐了。

今晚走過門口 見到門口大大張紙貼著說有"$68一小時海鮮放題"又見有鮑魚 聖子沒有考慮 便坐低了怎料 他說全部9樣菜只可食一次也算 $68蚊食到那麼多海鮮原來不只這樣:鮑魚要加錢 今天還想食也沒有菜心,通菜2選1 但算做2樣菜4人份量聖子只有5粒炒蜆上碟份量可以 但有一半沒有開口 四分之一沒有肉炒牛河只有3粒牛肉 沒錯 是粒 不是塊雞絲翅只有粉絲 還跟後面的內地客說是魚翅雞翼不熟 加錢才有的蠔餅全部面粉 沒有蠔加錢才有的煲仔飯份量超少沒有飲品送食完只有一肚火 現在還在考慮要不要向消委會反映這樣的宣傳完全是誤導客人

二人吃，非常差，食物凍，碟頭細，星期曰晚7：30食不用等位，空抬多，88元放題九個海鮮，不包飲品，九個海鮮有一碟係鮑魚，不过係要加錢，每隻九元，其他八碟只可以叫一次，白飯任食，呢間野我吳會再幫襯，價錢88元都算，只可以叫一次都算，但食物凍，很差，難怪晚飯時段得一張抬食緊，總結.no good

都不知是何時見到電視報導的放題飯店!不知不覺間就和女朋友及一知己走到了廟街!因為星期六的關係,店外排了小人龍一條,店員叫我們等下輪時間,當時7點半左近,我們等到7點45分終於有位,坐了一張四人檯,檯都ok大,不用搭檯! 一坐低,店員馬上送上餐牌 一睇有點嚇親,有蟹,蝦,雞絲翅,鮑片雞腳,聖子,花螺等貴價野,隔離仲有個價錢,緊係問清楚d先啦,廢事埋單唔係$68咪死!餐牌上有十款海鮮同幾款小菜,寫明都可以叫一次,會跟人頭份量,於是問了女朋友胃口如何後決定了點幾樣自己較為喜歡的! 準備落單之際,店員話係自己寫既!又好,自己埋啦,$68蚊係要有d要求既,去大家樂都要自己拎啦!於是用自己最快既速度寫好晒d食物!入單時,店員順便就開左一張埋單紙俾我地,上面寫住8:00-9:00!哦,落單先開始計時! 過了5分中到,第一道菜黎了 係雞絲翅,味道又唔錯喔!同酒樓既味道有得比下!2分鐘後,有花螺了 我最愛雖然得甜醬冇辣醬,不過味道鮮甜,新鮮!5分鐘後,店員叫,聖旨到!哦,聖子到!有小小辣,但仍保持聖子的鮮味,雖然有少少沙,仍可接受,邊有完美?再過了2分鐘,一氣黎兩碟,

早排睇電視見到介紹呢間嘢, 見$68有蝦有蟹好似好抵，今晚經過見無乜人，諗住入去試下。一坐低，疑似老闆就好好招呼(皆因今晚落雨無乜人，所以招呼好好)，仲話唔限時。見枱面嗰張餐牌，果然有蝦有蟹又有蜆，果然抵食…….不過下面有一段字，竟然寫住每樣餸只可以叫一次（隨咗飯之外）。唉…..只怪自己去之前無睇其他食評，中伏既來之，則安之。唯有十幾樣餸點齊佢，再加潤腸飯兩碗，一支啤酒(另外俾錢)一如其他食評提到，啲海鮮唔新鮮，所以樣樣都係落重味，唔係辣就咸，只有個白灼花螺「清淡」啲最好食竟然係個生菜（可惜只可叫一次），同瘦肉粥（個粥都咸咸地，不過正好用嚟墜火）整體而言，味道就真係一般。至於份量（２人），唔算大碟（一隻蟹竟然然有四隻蛺），但係亦未至於唔飽，一來小弟兩口子食量不大，二來白飯任食…..

話說前幾天行過廟街…友人問︰你有冇試過係廟街食飯呀？我話︰未試過呀~就這樣，我們行行下便入咗呢間舖頭食飯啦…門口大大隻Banner 寫住$68任食，限時一個鐘，好似唔錯。由於時間尚早（五點鬆D），所以見到冇乜人我地都唔覺得意外。我地坐低之後，陸續有食客來，有D仲係book 咗枱，那時我們心想︰好彩我地早到有枱一坐低，個女伙記(或老闆)就好熱情咁叫我地叫呢樣叫個樣，又係咁叫我地寫餸名-- 冇錯，叫我地寫-- 竟然是自己落單，一張單一樣餸，加埋寫枱號寫人數，寫到我地暈，佢就企係到等我地寫，都未看清餐牌就叫我地快D寫加寫多D，點解任食都叫我地叫多D呢？當時覺得好怪，不過照叫啦~叫完之後，慢慢細看餐牌…這時發現，個餐牌話唔洗驚食唔晒，才驚醒D餸應該係好細碟。餸來了，吃過後 --> 一看︰ 再吃︰D海鮮唔新鮮，D蝦好霉。用好多味去煮但一D都唔入味！最重要都係，所有海鮮一D都唔新鮮，不好吃！唔夠飽，諗住叫多碟炒菜食，佢竟然話︰「你地食過啦播！」吓？佢先話︰「每碟只可叫一次！」吓？？？吓？！？！吓！！！！！！！！！ 心想︰我生平第一次在廟街食飯就入咗間「特別的」店啦… 又話任食？仲話一定飽

話名$68任食,原來騙人,其實每款菜只可点一次,只在＋多味,每碟份量小小.吃完之後;我們沒有一点飽的感覺,要到他處再吃.在和興一小時,從覆聽伙記教訓:如何落單,如何叫飲品等等,做錯了就被訓話.如有題問就是"影響嘅思維".更不能問我碟乜乜末到,他一樣答"不要問,你影響我嘅思維!".奇聞!是否精神問題?

早前有電視節目介紹過之$68"任食放題, 又話可以一個小時內任叫任食, 因此前幾日就去試一試（共２人）。餐牌內只得14款小菜, 亦寫明 "每款食物只能叫一次，會因應人數而定數量, 上菜時發覺每碟２人的份量少得驚人，薑蔥炆魚腩煲２人共得４份魚塊魚，田螺２人只得５粒，炒聖子２人只得４條仔，份量少外，味道一般（若５分總分，只得２分），炒蜆勁多沙）。食完好似無食過咁，仲要幫襯隔離間煲仔飯至飽！全程伙記 睇實有無重覆order, 凡有後加單時，伙記就會問你＂你未食ＸＸ咩？＂好似全心呃佢咁，然後就好唔願意地同你落order。餐牌標榜"任食放題＂，何為任食？只不過在有限之１４款小菜內，在一個小時內每款都比你試少少，味道又一般，用同樣之價錢在廟街應有更多及更好之選擇。

天氣真是開始涼,所以突然想食煲仔飯, 同時今天要到油麻地上學, 所以我家人陪我去了廟街食晚飯, 行了一陣廟街, 家人提議在和興飯店食煲仔飯, 此店都是炒幾味小菜, 海鮮為主, 而且煲仔飯都是此店的招牌, 我們後來order了三個煲仔飯加多一個炒菜我好耐都無食大排檔的煲仔飯, 在夜市中街道上一邊食晚飯而且一邊聽到茶室的客人正在唱歌,而且更有不少客人輪流演唱, 更是不同類型的平價貨, 更是享受廟街夜市中的風味,平民化中更是充滿香港特色!將豉油倒向煲邊, 等了大約5分鐘才開蓋, 服務員都有提點, 開蓋後都好香,不過都嫌飯不夠乾身, 而且份量都比較細煲煲低便吃到少許脆卜卜的飯焦雙腸滑雞煲$35---臘腸及潤腸的味道不算好油香及肥美, 而且都是比較細條,臘腸臘肉質素不是太靚, 不過雞肉就幾滑薑蔥田雞煲仔飯$40----田雞肉的肉質嫩滑不過不算鮮,但加上香蔥更是散發淡淡蔥香味臘味煲仔飯$35---臘肉太多肥肉, 而且配料晤夠豐富, 都也是臘腸及潤腸的味道不吸引又晤香蒜蓉炒白菜仔$30----最快是蒜蓉白菜仔送上枱, 不過我們第一眼就是覺得好細碟, 三十元真是只夾得幾注菜????,不過真是炒得好夠味

見呢間幾多人,又試下,因為其他幾間都食到冇咩好揀!我係俾個餐牌吸引到,見到名為黯然消魂煲仔飯,所以好奇之下試下,因為其他幾間來來去去都係雞啊,排骨啊,臘味啊,有D厭倦了!更何況星爺食神里都有,比較下又何妨!點左10分鐘到啦,就有得食啦,今日唔知點解仲有碟泡菜送喎,唔好理咁多啦,食左至講!佢地用既唔係叉燒,而係用炭燒豬頸肉,正!好過用叉燒添!隻蛋剛剛熟,蛋王的香流入飯,顯得錦上添花!飯飯一粒粒,有咬口,應用的是泰國香米,飯味唔錯!再試埋唔駛錢既泡菜,簡直係想好似嘉燕姐咁流眼淚!不過問左店員啦,原來老闆去完韓國旅行,泡菜只送一次,下次係冇既!唔怪得D泡菜咁韓味,不過唔緊要,下次會約埋D朋友黎,因為呢個黯然消魂飯成條廟街應該得佢地有!

果日一行3人原本想去興記食煲仔飯,但因為過年未開市,朋友又肚餓,呢間野就興記隔離,D人好熱情叫我地坐低食野,又話很快就没位喇,要吃好快D坐低喇,所以我們就試下呢間,點知就咁.新年流流俾錢買難受喇!!!想叫煲仔飯,店員提醒我,要等45分鐘,不想等,就叫左個蠔餅,椒鹽瀨尿蝦,椒鹽九肚魚等左半個鐘來左碟瀨尿蝦,蝦很小很少...算,通脹嘛又過左半個鐘來左碟蠔餅,好失望,粉太多,蠔太少,2個字,難食!!(原本諗住興記GE咁好食,就咁炸啫,不會難食得去邊吧)由於已經落完單一個鐘,都未見椒鹽九肚魚,就問一下店員,幾時上到?店員回答話,要幾耐答唔到你.咁,可唔可以幫我催下,我已經等左1個鐘,隔離遲來的都有煲仔飯食喇...店員不耐煩地回答話:無得催ga wor,要睇廚房煮咩先. =0= 於是乎.又等左半個鐘,我又問左次,點解咁耐,會唔會漏左單?店員不耐煩地回答話,'唔會,他都答唔到廚房要整幾耐'等到第120分鐘,我朋友餓親喇,我同店員講等左2個鐘喇,我唔想要個九肚魚喇,可唔可以取消,我依家想埋單,店員生氣地回答:入左單,一定没得改!!!煮咁喇,好快有關!(你之前2次都話答唔到,要睇廚房煮咩先,依家忽然

一心走去廟街食煲仔飯, 因為四季有太多人排隊, 其他的餐廳都有太多人肚子又不爭氣, 在走過和興門口時, 被店員拉生意...店外都沒有位, 所以要到店內坐店內狹窄, 周圍都不整潔, 連餐牌都一樣...但到廟街食飯, 就不可計較太多我和男朋友點了窩蛋牛肉飯, 咸魚肉餅飯(另加潤腸), 蠔餅, 椒絲腐乳炒通菜明明點了窩蛋牛肉飯, 根本沒有想過會是牛肉粒飯, 雞蛋另上牛肉不是好貨, 所以焗得耐, 煮得耐, 變了又乾又韌好像吃香口膠一樣, 不知所謂男朋友點的咸魚肉餅飯(另加潤腸), 也不好得去哪裡肉餅不是用新鮮肉, 霉得很! 味道淡如無味, 需要多多豉油調味吧!飯焦不香不脆, 真的是焦! 不可吃!出奇好味的蠔餅, 又香脆, 份量又大, 比平日吃開的更香口! 可算是必食之選!另外, 椒絲腐乳炒通菜很有獲氣, 但腐乳味不足!待應態度一般, 又落錯單等等埋單大約$190, 沒有值不值可言, 但不會再光臨和興!

第一次寫食評,係專程黎同大家分享食完呢間野感受!!!!四個字:不知所謂因為呢日隔離出名既煲仔飯鋪頭冇開,所以就好多人黎幫襯呢間野,而我同我男朋友就係咁入左呢間黑店第一,呢間野服務態度差到爆,一路落單D侍應一路講粗口鬧人,鬧同事鬧客人,見到大陸客聽唔明廣東話就不停咁鬧人D客追單,就大大聲同全場講:呢到冇得追單既,落左單既就等啦,追都冇用,唔會幫你專登搵張單出黎第二,今日佢地坐地起價,仲要加10%服務費,而且MENU價錢貴過平時勁多!!可能因為係年初四...平時一個煲仔飯28蚊,佢今日賣到35蚊仲要加一D侍應仲要仲大大聲同D遊客講話共產黨咁有錢,緊係要收你地多D我只係食左2個煲食飯加蠔餅已經要一百三十幾!!!第三,間野D食物垃圾到爆,個滑雞飯送到上黎,我O左咀,改名叫雞碎飯啦唔該我淨係影左個臘腸滑雞飯,最衰我淋完鼓油先記得影,如果唔係效果仲驚嚇!!!大家可以睇完我呢個食評,再睇下樓下果個食評,同一個飯之前同而家爭幾衰!!就知道呢間野幾咁黑心,見旺場就整D垃圾食物俾人食!!如果評分有負分，我絕對會俾負分永冇下次!,一定唔會再黎呢間野,奉勸大家,廟街有好多好食既煲仔飯,就係呢間咁難食咁不知所謂