和食居

Open Now

Now Closed

偶然走過灣仔，尋找小店。發現咗呢間專賣日式料理的餐廳。適逢午飯時間，店舖非常忙碌，好在有位！我和老公試咗日式咖喱豬扒飯同照燒雞扒定食。豬扒飯係用吉列豬扒，外脆內軟，肉質香甜，值得推介。連嘢飲需要50幾蚊，價錢合理。反而照燒雞扒定食，味道一般，而且雞皮略肥，連嘢飲要港幣90幾蚊，價錢偏貴。最後試埋紫薯脆薯餅，廚房即叫即整，上菜嘅時候仲係熱辣辣，吃出濃濃嘅紫薯香味，紫薯控嘅我表示10分欣賞推介各位紫薯愛好者前來一試

紫菜都好掂，而家仲做緊$36，真心抵！豬軟⻣肥廋適中，並採用日本米，唯一美中不足的是，飲品選擇太少，連檸水都冇！而且一定要點飲品，建議飲品選擇唔多，就唔好硬性要求客人點飲品。

今日本來同朋友去食四川嘅但係因為嗰間嘢態度太差我朋友頂唔順冇入去就走咗喇, 我話因為平時見到呢間日本餐廳好多人排隊所以想試下係咪真係咁好食(因為佢可以幫手排咗隊先). 食日本嘢, 原來冇魚生飯,有少少失落感. 主要都係食熟食例如拉麵同埋牛肉飯咖哩飯嗰啲. 我朋友就揀咗燒雞拉麵我就揀咗炸雞軟骨餃子拉麵. 你都見到佢個炸餃子好似有啲有失禮啲講hea,個拉麵就好少少個湯底都唔錯, 有粟米粒 , 鳴門卷,流心蛋, 海帶絲, 最重要係嗰塊大紫菜. 面嘅軟硬度適中, 係易入口嘅. 杯咖啡都ok, 中規中矩. 但整體嚟講我唔覺得呢間餐廳要排咁耐囉.

灣仔真係有好多唔同嘅食肆，同同事想試下新嘢，次次Lunch time 經過和食居都見到有唔少人等位，今次就同同事試下你啦。。😆😆2位唔算等得太耐，10分鐘左右就有位，而且係外面等位期間，大肚姐姐好好地叫我地落左單先，一入到去就有得食。加分。👍🏻👍🏻👍🏻因為未食過，所以睇到餐牌必食推介日式豬軟骨拉麵，同鰻魚飯，就叫你兩個試下啦。🤪🤪🤪埋到位，唔使5mins 就有得食啦。。一來就係我個拉麵，一擺低己經覺得。。隻蛋咁熟嘅😰😰。，不過佢好無講明係糖心蛋，所以我都算了。。之後再飲口豬骨湯🤮🤮 湯好淡，有陣梘水味，我叫同事試下，佢話係佢隻麵嘅味，同隻麵應該麻麻地，好啦，咁我勇啲試下個麵啦。。未去到好難食，但係都係唔好食🤦🏼‍♀️🤦🏼‍♀️🤦🏼‍♀️。。覺得自己中左伏，唯有再試下塊紫菜同粟米，係Okay gei( 呢2樣都唔okay都唔知貼攪好），個心開始定少少時再食下個豬軟骨，okay gei, 夠林，味道都okay。。可能佢既必食位，其實係講梗豬軟骨。🤪🤪🤪同事叫左鰻魚飯，佢話鰻魚同汁okay，不過個飯就。。我唔記得左有咩comment😂😂😂😂食餐有飲品包，我地都係叫左凍檸茶少冰，加$2。。um...

下午放飯唔知食什麼好，路過街邊見到招牌食拉麵，思考一番之後覺得都好耐無食，於是就入去試試佢鋪面唔大，幾個卡位，一排細台，人行道方面的座位有小許窄，不過接近下午茶時間前都有足夠的位置。睇完一輪餐牌，絕對點左份照燒雞扒烏冬，還有汽水過一陣就上面，原本碗邊有幾塊紫菜不過口痕就食直接夾左食先。講翻碗烏冬，昆布，粟米，1/2半熟蛋，鳴門卷，同出面拉麵店的配料都差不多，湯底有鹹左小許，烏冬面都OK夠滑有口感另外我覺得主角是個雞扒，皮是燒到脆的，雞肉嫩滑有汁，覺得唔夠味點埋醬汁總結來講，性價比都正常偏高，雖然之後要飲小小水

日式鋪頭。主要餐單都係得各樣拉麵與各式飯。間鋪其實唔大，但飯點人都會幾多下。有時都需要等等先有位。本人喜歡脆卜卜既炸豬扒，就要求落單姐姐幫我滑蛋豬，豬扒另上，唔係佢就會幫你擺埋一齊。滑蛋係面豬扒就會淋左。賣相唔差，滿滿既滑蛋覆蓋住整碗飯。豬扒炸得金黃香脆。滑蛋豬扒飯感覺都ok.份量10足。飲品照舊都係熱檸蜜，不過飲品次次都係差少少，因為菜蜜感覺放既唔夠多。下次同佢提前講反聲或者會好D.小提示:間鋪會有大胃王活動。具體詳情可能你要自己過到黎問問侍應。覺得自己可以挑戰既。就過黎試下啦。

日日都要搵晏食, 唔通日日都有好野食咩。係資源緊拙又唔想食得太頹，真係有啲傷腦筋。好彩比我係灣仔發掘到呢間良心小店。店舖細細，有幾張高枱，坐就唔算好坐，但食物才是重點。午飯時間，人唔算太多，套餐食品主菜加配野飲或小食。一個餐平均40至50蚊, 如果學生更有學生餐，30蚊左右有個魚生飯。真心良心價!講返食物質素，因為個人偏愛滑蛋豬人扒飯，佢個豬扒份量好足，新鮮現炸，夠脆但唔乾，係略嫌有啲油味。豚肉生薑燒同樣足料，肉片洋蔥都好多，味道有淡淡黑椒香氣，驚喜大like。飯係珍珠米，沒有將價就貨。抵讚!仲有野飲都唔hea,  係有黑糖薑茶揀,岩哂我呢啲養生既。

灣仔日式小店，午餐的不錯選擇咖喱肥牛飯對54HKD的日式咖喱肥牛飯本來沒有報太高期望，但是吃了之後覺得做的真的不錯。肥牛軟嫩，咖喱正宗夠味，非常下飯。照燒雞扒拉麪 60HKD價格相比其他日本拉面店算比較便宜了。燒雞扒香滑軟嫩，拉麪勁道，湯底夠味。算是物超所值了。這家有拉麪大胃王挑戰，原價328元的超大份拉麪半小時吃完免費，大家喜歡可以挑戰試試。地理位置有點不起眼，在祥興記上海生煎包斜對面，中午去可能會排一會隊。

呢間位於灣仔嘅日本料理，應該可以話係比較舊式嘅港式日本料理。午市時間其實都算多人，可能舖頭唔係好大，食物方便選擇算多，而且價錢好平，大約50至60蚊左右就有交易。不過穩陣起見，我都係嗌吉列豬扒咖哩飯。呢度啲吉列豬扒咖哩飯其實好似吉之島就咁一盒買返嚟嘅咖哩咁，而炸豬扒其實都算炸得可以，只不過整個飯嘅功夫同味道就一般，製作冇咩技巧。今日杯檸熱檸水未飲已經勁多一點點，有啲係檸檬皮發出，有啲就唔知係咪污糟總括嚟講食物質素麻麻，衛生情況有點惡劣。 不過勝在平。

第一次來吃的灣仔「和食居」，早前星期六來這裏做直播，邊吃飯邊和觀眾傾計。 此店以超級巨型大碗麵作吸引，若一個人客在半小時內吃完，就可以免費： 我當然不會吃得下這碗麵啦！選了店方稱是自家製鰻魚汁，所謂必食的「日本蒲燒鰻魚便當」$82 實物好像與圖片描述有些差距，燒得有點乾，不過店裏有鰻魚汁可以自己任加，算貼心位： 醣心蛋的流心效果可以做得更好： 送的飲品，金橘話梅蜜： 整體不難吃，不過不失。

香港返工lunch time想食日式嘅通常都要80幾90蚊，想搵平啲嘅又驚唔好食。係灣仔中午覓食無意見到呢間，價錢十分合理又有好多人排隊好有人氣咁就入左去試下。入面唔大，為左坐多啲客係有些少迫，但係可以接受嘅。我叫左一個日式牛肉蓋飯，都係59蚊，包熱飲，真係好抵食。上菜速度都幾快，大大碗，唔會平啲就縮水減料，牛肉放滿係面，有蛋黃撈飯，唔洗另外加汁都夠撈飯。牛肉燒汁入味，唔乾唔鞋，送飯一流🤤同事叫左拉麵，佢拉麵普遍比飯貴少少，想平食嘅叫飯就啱啦，一樣大碗夠飽。拉麵湯底唔會好鹹，拉麵亦有咬口唔會太軟身。係灣仔用咁嘅價錢食到咁有質素嘅又咁平真係難得，實在係良心小店，希望會keep住水準👍🏻

鐘意食日本野嘅我,今日lunch就同同事去試下"和食居"蒲燒鰻魚飯, 鰻魚喺我至愛嘅食材之一, 鰻魚大大塊燒到啱啱好,好惹味,再加上自家秘制鰻魚汁,真喺令人大快朵頤,溏心蛋又好正, 蛋汁滑滑的剛剛好,又唔會有蛋腥味,呢個飯真喺好好味呀照燒雞扒拉麵, 雞扒份量好足,雞皮好脆,肉又好嫩,照燒汁香香甜甜, 拉麵麵質爽口,湯底又夠濃味,仲有好多好甜嘅粟米粒,溏心蛋配上嫩滑雞扒真喺好滿足.照燒雞扒飯,雞扒&飯嘅份量都好多

門口不顯眼，座位比較逼，冷氣不太夠，但唔緊要，來得呢到食，都應該以食為主，環境大可忽略，中午繁忙時間要搭檯要齊人入座，可理解。雖然有便當🍱不過睇落係多些少沙律炸物，不太吸引～所以我選擇咗雞扒拉麵，順帶一提，喜歡蔥嘅朋友可能要失望啦，個拉麵🍜係冇蔥嘅？！個雞扒好味，厚身到橫切面可影張靚相，醃製後仍然保持滑漏，配以醬料味道更出色，但如果你喜歡淡味，即使不點醬料都很好味，煎🉐️剛剛好，份量夠，很好。呢到嘅炸雞軟骨都好好味，香脆而不油膩，撒上七味粉一齊食，十分惹味！

行完書展又熱又攰，周圍揾睇下有咩食。見到呢間餐廳既Menu 幾吸引，所以入去試試！原來餐牌得兩張，有部分小食Menu 上沒有，要在牆上貼住的Menu 睇，比較唔方便。諗左好耐，咩都想試，無耐胃細，唯有叫一個便當，一次滿足三個願望。叫左日式吉列豬扒便當，有一塊都幾大既豬扒，餃子同埋炸蝦，份量不小！豬扒炸粉剛剛好，唔會話炸粉好厚，但係豬扒非常鬆軟，而且有肉汁，有驚喜！餃子就普通，就係似超市急凍日式餃子。炸蝦都大條，咬落蝦肉都幾飽滿同實淨，唔錯。總括黎講，便當值得一試。但同行朋友叫左拉麵，就一般般啦。

打工仔食lunch,  最緊要係夠快!!!狠!!!準!!!!今日行得遠少少, 12點半前到餐廳門口, 唔洗等位點完餐過左5分鐘都無就有野食!算係日本既速食店吧~??   豬軟骨飯, 超級簡單,但好有質素!!個豬比平時鎮紅個種豬軟骨細舊,但又未算得上係肉片,  軟骨唔多,   都有食到一舊唔係軟骨,  但整體好好雖然餐廳Lunch hour好忙,  但店員都無啦啦仲隊左支醬汁過泥話,  " 唔夠味加依個"  好搞笑xd甜甜地既燒汁真係無得輸....就咁lo飯都好味.....i do.....lol