Video
Telephone
24082699
Payment Methods
Above information is for reference only. Please check details with the restaurant.
Review (9)
【荃灣區】【喜登堡茶餐廳】有一排要過嚟海濱花園呢邊做啲嘢，咁一場嚟到就梗係食埋嘢先走，初初淨係以為得平台 A 嗰兩間茶記，後來發現仲有間類似酒樓嘅物體，仲有啲外賣店。再行落去睇吓，嘩，原來呢度全部都係餐廳，儼如一條食街咁。然而，有啲好似唔係好適合我當時嘅情況食，而且營業時間上都未必夾到。我去嘅時間多數都係下晝，有啲餐廳淨係做飯市唔做下午茶時段就會落場。而有啲唔做晚市嘅又就快 last order 咁，總之就係少咗好多選擇咁樣。上次食過新卓蕾，自己就係佢哋當日最後一個客，感覺都有啲尷尬，阻人收工隨時連累屋企人嘛，哈哈。當時嗰篇係 1am0782，不過嗰日係臨時臨急寫，所以就冇交待好多用餐背景咁，今次就講返自己係過嗰邊做啲嘢咁解。今次呢間喺上次嗰間對面嘅啫，茶記之對決咁。我份人就公道過譚公道，每邊食一次咁囉。我就咁睇，兩間都好似家庭式經營，而今次呢間光猛啲，而且好似佬味濃啲，傾向食啲碟頭嘢咁。不過我作為港女，都係叫常餐啦。叫咗個「金牌常餐」，主食叫「雞扒」，本身配米粉但佢嚟錯意粉就算啦，味道都係咁一般架喇。份「火腿奄列」稍為炒多咗，老咗少少，不過都唔係差嘅。飲品我要「凍奶茶」，茶記正常水平。夾埋 $49，都係冇下次架啦。。。（地址：荃灣怡康街海濱花園10座海昇閣地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #globaleats #foodpics #followforfollowback #love #eat #1am荃灣區 #荃灣 #荃灣西 #喜登堡茶餐廳 #茶餐廳 #冰室 #常餐 #特餐 #金牌常餐 #雞扒 #意粉 #火腿奄列 #凍奶茶 #1am0811 #1ambackup
continue reading
可以預訂食物，進食日期，人數冰鎮鮑魚爽甜夾清新沙律，炸蠔外脆內嫩多汁，新鮮大蝦惹味肉脆，炒飯彈牙香口，牛柳肉汁香汁，冰梅骨香脆肉彈牙，BBQ雞翼超惹味😀 堅掂👏🏻👏🏻
continue reading
作為一手樓的海濱居民，老實說，我從未試過呢間歷史悠久的茶餐廳。原因好簡單，因為遠，我唔係住它附近的座數。但係，現在搬了，前兩晚夜收工，在好奇下及肚餓下，終於試左！仲一試就愛上。首先，原來叫一個餐都會送上樓，貼心梅菜肉餅呢d手作功夫，肥瘦考究的菜式，仲要今時今日豬肉勁貴的情況下，塊飯居然大到要拆埋放入盒，實在：無得彈正西檸雞也是一大盒滿滿的，汁，另上。味道普通。湯，有質素，不是浠水。總結，屹立不倒的茶餐廳，都是因為食物好，留到客，才能長存
continue reading
今日又好多野搞，夜晚飯都搞到好夜，差吾多九點半先食。無咩選擇，近近地食附近.我想講屋企附近好幸幸福同幸運，基本上食餐都好食。呢一間茶餐廳都吾例外。餐廳衛生情況，尚算可以，不是太差，接受到。晚餐menu都多選擇。食物方面，好似嗌任何野，都有中湯送，都尚可以，都幾清。之後我嗌左豉椒排骨炒麵，女朋友嗌左咸魚雞粒炒飯。麵就吾算大碟，正常男人應該覺得吾夠，味道好吾錯，亦有硬同淋。個飯份量，算幾多，食淨一半可以打包。野飲方面，凍茶少甜幾好，吾甜吾重奶重茶味。我估之後都好有機會會再食！
continue reading
琴日由澳門好夜至返到香港, 就係附近叫賣, 誰不知平時食開冇開. 就試下對面的茶餐廳. 平時如果我係堂食, 就應該唔會入去, 主要的原因係我覺得環境較為弄髒. 有時還要坐出面, 很怕小強的我, 夏天一定唔會坐出面.叫了黑椒雞扒飯, 好大盒, 雞扒有2大塊, 煎到脆卜卜, 好味. 第一啖品嚐飯時, 覺得黑椒汁好惹味, 夠辣, 而且好多汁, 啱晒要汁撈飯的朋友. 但越食覺得越辣, 辣到出晒汗. 本身我都算係好得辣的人.. 但佢的黑椒係好多, 仲加左小紅椒, 所以更加辣. 如果唔太食得辣的人, 一定要叫少辣或其他汁.
continue reading