喜聚坊

Open Now

Now Closed

這間位於大角咀的中菜館，沒有堂皇嘅裝修，但係食品一流。前身係私房菜。餐廳內擺放不少名星相片。簡單的午餐無論是客飯及流心蛋豬扒飯都睇到大廚的心思。好有heart 的出品。

同屋企人及幾個小朋友去食飯諗住搵間特色小小同唔洗等太耐，之後見到呢間幾多特別野就試下啦，環境正常嘅，點咗幾樣小菜加個羊腩煲，開頭上嘅黃金流沙蝦球的確幾入味值得食，之後上菜速度起碼15分鐘以上先上一樣，基本上同屋企人食完一樣就坐返10分鐘等，炒硯正常發揮，個酸菜魚就普通，薯仔牛柳粒都入味好食，之後本身叫咗個金磚豆腐就無啦啦話我點咗炸子雞（因為本身點菜講菜名佢唔肯，係都要講號碼，但都唔知點解會變炸子雞），同佢講返仲要話係我哋點，無咩意思想拎走，就話如果啱食肯要呢個可以幫我取消本身叫嘅鹹菜雞，因為全家都已經等到無咩食慾，就想儘快食完走人，所以叫佢照擺低食，味道就正常不過不失了，之後就係最期待嘅古法羊腩煲，點知係最失望嘅一樣，8成都係肥膏羊肉，可能係我自己唔識欣賞了，我本身仲特登加咗40蚊嘅生菜，但上羊腩煲嘅時候無一齊上，過咗15分鐘左右我先記得，問返佢竟然話驚啲菜有沙，仲洗緊而我無問之前係完全無提過😅到最後等咗大約1個鐘30分嘅忘不了炒飯終於嚟到，個飯係好食，俾幾個小朋友好快食晒，因為本身見小朋友肚餓已經問過可唔可以快啲上個飯先，但佢都等到最後先上，食到一肚氣，絕無下次😞

晏晝嚟到公司附近呢間喜聚坊食午飯，門面係一般餐廳嘅佈置，內籠同其他普通茶餐廳差唔多。可能係因為到咗放飯時間，裏面其實都坐到七七八八，睇黎呢間舖頭平時都有好多人會幫襯。見到佢個餐單有竹筒飯，就好好奇咁樣嗌咗個土魷蒸肉餅飯試下。上菜速度都算快，十分鐘內左右就送到，個飯個碗既賣相就見錯嘅，成個竹筒擺喺你面前，真係幾特別。係塊肉餅就咁放喺面度蒸有啲肉酸。食落口其實味道正常，唔會話好乾，咬落去會有肉汁。個飯就喺個竹筒裏面，不過其實就食唔到啲竹味嘅，只係將個竹筒當咗做個碗用啫，個竹筒係噱頭嚟。份量其實就偏少嘅 ，一眼睇曬個竹筒有幾大啲飯量就幾少。因為份量嘅關係其實個價錢唔算抵食。

幾年前大角咀一帶五金舖、車房、唐樓林立，如今舊區翻新，幾條街都開滿食肆茶館，今次舊地重遊，試食喜聚坊。今晚一行六人來到試菜，餐牌滿滿是誇張菜名，什麼失傳...秘制...古法...咪又係小炒小菜，卓頭菜名，目的咪又係賣貴一些價錢。六個人點了5餸1湯1炒河。杏仁豬肺湯是侍應推介的，仲話係限量，3講到係招牌湯，300幾蚊一窩，即管試下囉！份量大約八小碗，個人覺得就孤寒左少少，每人兩小碗就差不多，湯渣另上，材料算足嘅！炸蝦丸個菜名都好好聽，198蚊得6粒，真係吾識欣賞，普通泰式茶館或大牌檔都正好過，蝦肉吾夠爽脆彈牙，皮又吾夠脆口。其他餸菜有小炒皇、啫啫通菜、生炒骨、牛肋骨和乾牛河就品質合格啦！都算達到大牌檔水準嘅！性價比就自己諗啦！聽聞仲有個招牌紅豆沙，但要50蚊一碗！食完成餐飯，仲信咩！食完寧願𨍭過隔離街食芋圓甜品啦！整體上味道和賣相屬中規中矩。環境座位太逼，冷氣吾多夠，是晚都算爆場，客都幾多，但廁所又幾乾淨喎！

大伙去慶功，揀呢間係因為近，同埋都幾多好評，膽粗粗一試。我哋人多，但老闆娘都冇要求我哋落訂，我哋仲OT遲到咗個幾鐘，老闆娘可能好驚我哋放飛機😅 真係唔好意思。因為第一次嚟，所以只試咗個最基本的特價餐，點知一啲都唔求其，樣樣都好好食！海鮮新唔新鮮一食就知，冇得呃，真心正呀！後來老闆娘問我哋加唔加個猴頭菇湯，又係超足料，啲湯渣都食得飽，好多猴頭菇，好甜呀！個個都食到舔舔脷，好在我揀咗喜聚坊，冇令大家失望我哋下次會再嚟，試多啲好嘢！要記得訂埋紅豆沙！

今日去完大角咀打波，之後在附近揾下有咩食，第一次黎呢間食黯然銷魂飯我當要試試周星馳戲中的黯然銷魂飯，雖然只是簡單的叉燒蛋飯，但堅好味，蛋係雙蛋而且仲可以蛋黃混合飯一齊食，最底係甜甜哋的鼓油，好味，比起平日食的燒味飯好食，叉燒則三大塊，唔會太肥又，不過我個人鍾意一口一塊叉燒會好d咖哩雞飯另一個隊友點的，我試左少少，個咖啡幾好味幾香，而且唔係好辣，我個人唔係好食得辣都接受到，薯仔加咖哩的組合無得輸，佢都算幾多雞，不錯最估唔到係個湯，勁勁勁足料，椰子雞湯仲有粟米，好甜好好飲😋😋😋如果去食飯一定要試

位於大角嘴嘅喜聚坊 裝修偏懷舊風牆上貼滿了獎牌 報章介紹 明星合照店內有不少古法失傳美食 需要提早訂製沒想到這裏午市有特價套餐 才$48起用平民的價錢 便能品嘗到大師級的功架.川芎白芷魚頭湯飯🐟🍚老闆娘推介原生燉湯飯系列 真材實料每款湯都有不同功效 用慢火煲好幾小時今次揀咗川芎白芷魚頭湯 補腦去頭風長期在冷氣環境下生活 有機會寒氣入體很容易出現偏頭痛 陽氣不足的問題而川芎正正能活血祛風 具止痛功效湯内有好大個魚頭 肉質嫩滑 魚湯呈奶白色加上杞子的鮮甜 淡淡藥材香氣 入口溫和.豆卜蒸鮮雞飯🎋🐔呢度嘅蒸飯係用竹筒裝住 賣相吸引雞件肉質嫩滑 豆卜和飯粒吸滿了油香肉汁大廚加了薑片 榨菜 葱粒 提升雞肉的鮮味無需要加蒸飯豉油 層次已經十分豐富.午市特價套餐都會附送靚湯🍲日日唔同 送完即止 而且不含味精滿滿的一碗赤小豆扁豆粉葛瘦肉湯清甜去濕 非常足料的春天湯水

< 喜聚坊 > 📍大角咀前幾晚同咗屋企人去大角咀食飯 呢間中菜館質素唔錯 推介👍🏻🌽老火煲南北杏粟米霸王花豬尾骨湯 好足料嘅老火湯，另外仲有碟湯渣🤣 湯好清甜 好香粟米同霸王花味👍🏻 飲咗幾碗返到屋企都冇口渴，一啲味精都冇😋🌶醬皇麻辣乾鍋走地雞 叫咗半隻走地雞，少少麻，唔會太辣，唔食得辣嘅朋友都食到😆而且仲有好多配料，有豆卜、菇、洋蔥、青紅椒等等😛 雞件大件，肉質嫩滑😆個醬撈飯食好正😋🦪私房蜂巢脆皮鮮蠔餅 一上枱見到咁大塊蠔餅嚇親🤣 蠔仔份量好多，而且好大粒😋 蠔餅係我食過咁多間最鬆化，入口即溶😛 最特別係加咗菜甫粒，令口感更豐富🥰🧡臘味煲仔飯最後叫咗啊爸最鍾意嘅臘味煲仔飯，有臘腸、臘肉同潤腸😋飯粒分明而且有煲仔飯嘅靈魂 飯焦🤣 飯焦好香脆，呢個煲仔飯我比一百分💯

今日同媽媽下午出去玩順便搵野食，見到大角咀呢間聚喜坊既中菜館好似唔錯咁，一於入去試下例湯-青紅蘿蔔粟米豬骨湯 一入去就遞上是日例湯比我地邊飲邊等，例湯材料十分新鮮兼足料，佔左成個碗，一飲就知係老火湯，好似屋企飲嘅湯咁真材實料，飲完都唔渴喉 五指毛桃燉排骨湯飯 首先上枱的是一個湯飯，一打開蓋己經聞到五指毛桃帶來的椰子味道，看看燉湯材料也很多，排骨，五指毛桃，甜粟米，慈實，杞子，聽員工講要燉5個鐘至入味，唔加味精，真係每一盅燉湯都係心機黎，因為好足料，味道會偏濃，廚師話配白飯剛剛好，白飯的甜味中和它的濃味，媽媽偏好濃味，話可以剩飲湯添肉絲脆脆炒面 遞上的一大碟麵真是令人嚇一跳，一睇就似有三四個人的份量，一路欣賞這餅麵炸的那麼乾爽，沒有油的時候才得知它不是用油炸，是烘亁的，一食落口滋咔的鬆脆聲由口腔發出黎，肉絲，芽菜，金針菇用料都不是隔夜的，它相比出面食的脆麵都較為淺色，相對調味料都會小d,夾埋一齊麵吸收了醬汁及配料的味道更好食，健康無負擔，開心過食媽咪麵 一路食一路見到員工與客人談天說笑噓寒問暖，原來客人們都番頭再幫趁，吃得多熟絡了，有時老板娘廚師都出黎傾下計，問下餸菜啱唔啱口味，都幾有人

著名私房菜由觀塘搬到大角嘴一段時間今日同老公一於試下首先午餐送老火湯，今日係老黃瓜南北杏煲豬尾骨湯，未飲之前以為普通野啫，點知....先飲一口，嘩....好濃味，完全飲得出煲咗好耐，口𥚃面就好似有幾隻豬係到游走，而且係無味精，簡直去濕一流！$55。叉燒炒滑蛋飯 寶哥擔心蛋太生會對陪份人腸胃唔好，已經炒熟d，但蛋仍然非常滑，叉燒粒又夠林。寶哥重點提示佢係用天然糖再加秘方去調配叉燒，天然糖唧係咩糖？其中一種係甜菊糖，豉油都係由寶哥自己調較，出面其他店絶對食唔到！廚師寶哥私人醒咗兩舊暗然銷魂飯嘅叉燒俾我食，今次唔係叉燒粒啦，係2大舊叉燒呀，可以再試真d啦，叉燒有種好特別嘅甜味，類似生果甜味但又帶點花香味，而且肥瘦均勻，好夠林，好味呀！$58 。果醋果肉豬扒飯首先佢個汁好開胃，又唔太酸喎，食一口飯，嘩...好味喎！再食一啖豬扒，好鬆軟喎，個種鬆軟係完全無肉鬆粉或梳打粉拿過個種鬆軟，既係咩？天然鬆軟囉，食得出廚師嘅心機呀！重點係食完成餐飯一d都唔口乾，好明顯係無咩甚至係無落味精，可以感受得到廚師對食物嘅熱誠同執着，非常難能可貴

大角咀真系有不少美食，見到呢間小菜館，入內一試。先來一道老火湯：湯夠味！老闆好熱情放上檯，稱這湯煲左4粒鐘，飲多幾口先🤣蟹油豉椒炒蜆：蜆肉好新鮮甜美，份量足，用大量三色椒配自家製香料炮製，超級香口超級好味😋主角上場：醬皇麻辣乾鍋走地鴨香港好少機會食到走地鴨，一碟嘅份量夠2-3個人食，成隻鴨系曬到。配菜有紫洋蔥、青椒、木耳、豆卜等，加埋小小麻辣，惹味，正鴨肉惹味，不會熟到老，系嫩、滑！是日送的甜品：

🐓水口雞飯 $55 🐂秘製咖喱牛肋飯 $60 ☕️熱菜蜜 $5 ☕️熱檸茶 $5 因為我朋友幾食得辣🌶，所以我哋叫咗兩個都係辣嘅菜，口水雞有少少麻辣味唔錯，個牛肋飯嘅辣味香濃，咖喱味出色， 兩個菜雖然係辣，但係辣度點到即止，而且兩個份量都多，啲雞好香滑，唔會話好多骨，牛肋咬落去軟冧冧，不過兩個菜落嘅油都幾多🙈。 店內嘅環境有啲塵舊，相信有一定嘅歷史，而且睇佢壁畫有鄧小平同戴妃。 地點距離奧運地鐵站有段距離，不過喺利奧坊附近。整體來講環境同地點可能會打折扣，但食物水準係OK，同埋抵食。 📍喜聚坊 - 大角咀利得街10-12號地舖

住咗喺大角咀接近一年，但都無留意到呢度有間隱世中菜餐廳－－喜聚坊，直至早排喺網上見到有人介紹，先知喜聚坊可以食到好多手工菜式，部分仲已經失傳，坊間好難食到。呢晚就同老公二人去晚飯，一入到門口，已經見到好多大廚嘅得獎照片，令我哋都非常期待。老火煲鮮磨龍王杏汁煲唐排白肺湯($268)奶白色嘅杏汁白肺湯入口鮮甜滋潤，啖啖精華，大廚不落一滴味精，真材實料，如果豬肺份量再多D就更好啦！白菜仔白玉球($168)店內有一系列古法失傳菜式，好多都好吸引！我哋第一次去，唔知道原來呢D古法失傳菜式全部都要預約先食到！好彩當日有熟客預約咗白玉球，是晚先可以食到！白玉球用豆腐製成，上湯熬製後口感軟綿，味道鮮甜，墊喺底嘅白菜汁亦鮮甜好味！失傳醬脆皮生炒骨（ $148）餐廳用新鮮骨即炸，外皮超脆，入面肉質彈牙，酸甜惹味超送飯！份量亦慷慨，值得一試！避風塘辣蟹(小）（$480)雖然點咗細蟹，但份量比我想像中多，3－4人食都夠。避風塘辣蟹擺碟吸睛，放在玉製天鵝上，伴著閃燈出場，氣勢十足！辣蟹配合大量蒜酥一起炒起，特別香口滋味！蟹肉亦肥美厚實，食落啖啖肉，好滿足！

人氣高質街坊鑊氣小炒～～～復活節年假過嚟奧運呢邊睇完樓之後 就順道喺附近食飯上網研究咗一輪之後 想食中菜嘅我哋 就鎖定左呢一間幾出名小菜嘅餐廳～～～店舖嘅姐姐熱情招待 睇完餐牌之後我哋就叫咗 回味泡椒鳳爪 黃金流沙蝦球 小炒王 同臘味腸飯 ～～～😄回味泡椒鳳爪：材料有洋蔥 紅椒 青椒 白芝麻等 食落去有少少麻 有少少辣但係又唔會太辣 係一種惹味嘅辣 鳳爪大大隻 份量都幾多 作為前菜黎講 夠兩個人食有餘 ～～～😄黃金流沙蝦球：大大粒蝦球 咬落爽口彈牙 金橙色嘅表面 佈滿鹹蛋黃 食落口感沙沙地 好正 餸飯一流～～～😁喜聚小炒王：見到好多台都嗌左呢一個小炒 我哋都跟住嗌左個 材料有腰果 三色椒 蒜芯 魷魚 蝦 蝦乾 白飯魚同菜脯等等 味道鹹鹹香香 鑊氣十足 用黎送啤酒冇得頂 而且佢哋真係落得好足料 蒜芯同海鮮比例幾乎係一比一～～～😄臘味腸飯：簡簡單單一個雙腸飯 已經容易令人食到停唔到口 無論係臘腸定係潤腸 都用得幾高質 加上琴日咁啱有少少凍又毛毛雨 食煲仔飯令人覺得特別溫暖 食到底仲有脆卜卜嘅飯焦 正～～～推薦度：🔥🔥🔥🔥🔥🔥🔥🔥喜聚坊 (大角咀)大角咀利得街10-12號地舖

今天中午約了朋友吃午飯，知道這間餐廳招牌是黯然銷魂飯，所以便到來試試。我們各人點了兩個午餐，附送是日靚湯-「霸王花豬骨湯」：非常清甜、咸味適中、沒有味精，濃濃的豬骨味，用料十足，真材實料👍👍「黯然銷魂飯」：厚厚的自家叉燒，是用梅頭肉來製作的，非常入味咸甜適中，肉質嫩不肥膩，口感十足！加上兩隻有燶邊的荷包蛋，很吸引！一齊撈上特製頭抽和香葱油，很有古式味道！剛好配合得宜。「蟲草花木耳蒸雞」：用竹筒來蒸的飯，香味撲鼻，飯香吸收了各樣食材的精華。蒸雞嫩滑，醃得剛剛好，不會太重口味，雞味十足，配以蟲草花木耳提升其風味。是健康之選！整體來説，服務好，食品份量足夠、有水準……還有私房菜，難怪座位爆滿是有原因的。