Video
Good For
Group Dining
Additional Information
消費滿$150才可用信用卡付款
Opening Hours
Mon - Sun
06:00 - 23:00
Above information is for reference only. Please check details with the restaurant.
其實.....食海鮮去過好多地方，三聖都係第一次去食，上openrice睇下，都唔知邊間好，由於一大班人去食海鮮，唔想有咩差錯，所以保險d，都係去酒樓穩陣d好。嘉彩絕對唔係富麗堂皇，感覺有d舊舊地添，哩點其實我唔多介意同理會，反而我最擔心冷氣不足嘅問題亦無發生，佢地冷氣好足夠。拉大隊去買海鮮，多得其中一位係其他餐廳嘅大廚，由佢發辦就啱哂！辛苦哂！其中有兩道海鮮特別要提吓，第一道係蒸果兩條班，查實自己唔多好食魚，細個試過被魚骨卡過喉嚨囉，唔多唔少有D 童年陰影，所以除非好吸引同貴價魚，否則有陰影唔食，蒸哩兩條班，廚房時間掌握得好好，蒸到啱啱好熟，肉質好滑，相信功多藝熟，讚！更加要大讚係清蒸鮑魚，都唔知食過幾多次蒸過哂籠嘅鮑魚，但今次食嘅蒸鮑魚一d都唔靭，大喜！最后埋單連料前后加埋十幾個人每人三百幾，又飽又好味，抵！絕對無黎錯！
continue reading
今日慶祝壽星仔生日嚟到屯門三聖邨食海鮮餐，我哋冇揀充滿風味嘅大排檔，揀咗喺商場入面嘅酒樓加工。酒樓就係普通屋邨商場嘅舊式酒樓，上到去攞咗位後，就落咗海鮮街嘅海鮮檔揀海鮮。兩個人咩都想試啲，每樣要少少，我哋揀咗半斤蝦，較細嘅象拔蚌，扇貝兩隻，一份龍躉，而雞，乳豬拼海蜇，壽包就係酒樓嘅菜。白灼蝦幾好，無灼得太耐。象拔蚌切得好薄，刀功好。味夠，但有少少過火。呢個整得唔錯，無搶咗魚嘅鮮味。雞係唔夠飽再加，普普通通，中規中矩。乳豬脆卜卜，海蜇爽口。有人生日梗係要食大大個壽包啦。送水果盤。
continue reading
今日有長輩生日，特登去到三聖食餐好嘅中午大約12點去到，海鮮檔已經好多海鮮，價錢例牌唔平，不過質素取勝。在海鮮檔揀咗彬班 （呀叔話又滑又有魚味）、聖子、大大隻嘅蝦、扇貝同埋象拔蚌就去咗酒樓。Book咗間房，可以靜靜地食，仲要免開瓶費，免切餅費中午時分嚟到酒樓，仲有點心食！呢度仲有明檔，可以見到姐姐喺度煎糕、煎薄撐等，仲有點心車可以攞蛋撻仔、鹹水角等等，成個感覺好懷舊，畢竟今時今日好少酒樓有咁樣了。我哋叫咗煎甜薄撐、豆沙餅、沙翁、滷水豬仔腳，賣相雖然一般，但味道真係幾好。講返重頭戲海鮮，師傅建議豉椒聖子加煎米粉底。今日啲聖子唔算大隻，但新鮮飽滿又冇沙，豉淑汁好夠味，加埋個煎米粉真係好正跟住就到象拔蚌刺身！大大碟！非常新鮮爽口仲拎咗個煲俾我地堂灼，不過大家都話刺身好味d, 淨係灼左個膽既位置。再來就係煎大蝦大蝦煎到金黃色，啖啖肉，小小辣，非常香口惹味！跟住有蒜蓉粉絲蒸扇貝呢個蒸得耐左少少，如果唔係就更好啦！之後仲有蒸魚，條魚蒸得啱啱好，老人家食到停唔到口仲有燒鵝，都燒得唔錯，可惜太飽食到淨哂 （有打包的，無做大嘥鬼）。呢間酒樓裝修一般，但侍應服務周到，頻頻換碟同俾熱毛巾，最後仲送一盤飯後水果，絕對係經濟實惠之選唯一美中不足的地方，就係酒樓一定要行樓梯，對長輩來講有少少唔方便啦～
continue reading
三聖一向是吃海鮮勝地，這次約了一班朋友來食好西。大家都不懂選海鮮，隨便找了一檔，又隨便買了大蝦、蟶子、龍蝦、桶蠔、扇貝和響螺，每人才$135。馬路旁泊了很多紅色的士，由此得知很多人特地從九龍乘的士過來吃海鮮。今晚來到較平民的嘉彩酒樓，環境沒其餘兩間那麼堂皇。我們放下海鮮點了菜，蒸煮炒焗都齊了。先點了一支天地壹號蘋果醋開開胃，不用很久便上菜了～燒鵝海鮮製作期間，先吃一隻店員推介招牌燒鵝，，但味道沒特別，燒鵝也偏瘦，不夠啖啖肉。豉椒炒蟶子一開始店員讓我們選蒜蓉焗或豉椒炒兩種煮法，她說焗會連殼焗，看起來多一點，炒則會縮小變彎。還好我們還選了後者，因為豉椒很香很惹味！蟶子亦炒得爽口。誰管看起來多與少呢，吃起來還不是一樣。芝士焗龍蝦配伊麵煮法除了芝士焗還有嘉彩招牌芝士炸龍蝦，不過後者需要多點龍蝦來製作，所以選了傳統的焗烤。龍蝦肉質鮮嫩，以伊麵襯底，味道不俗，但沒啥芝士味，只有牛油味。豉油皇大蝦中規中蚷，炒得不夠鹹香，蝦肉倒是頗嫩滑。蒜蓉粉絲蒸扇貝蒜蓉粉絲和扇貝永遠是不敗的組合，也是我的最愛！實在很難煮得不好吃，如果多點蒜蓉汁會更香。薑蔥桶蠔不愛吃蠔的我嘗了一隻，薑蔥炒得蠻香，桶蠔亦香滑多汁。鹽焗響螺回歸平凡用鹽焗更能突顯響螺的鮮美，而且非常耐吃，一碟可以吃很久。日本豆豉唐生菜 店員又說這是招牌，但味道有點淡，可能是日本豆豉的特色，用來清一清腸胃也好。吃完主菜輪到飯後小食～店員先送了個果盤，我們再另點了一打馬拉糕和一客黃金大餅。馬拉糕 又是另一個不敗之選，馬拉糕非常鬆軟，香味四溢，每人只分到一件實在不夠，差點想多叫一籠。黃金大餅傳說中的黃金大餅原來是芝麻大餅，像炸鰻頭般，口感紮實，蘸煉奶來吃很配。結帳時發現每人只需$130海鮮加工費！連同買海鮮的$135，合共才$265！比想像中便宜很多很多，但已經吃得舔嘴咂舌，心滿意足。嘉彩跟旁邊兩間海鮮酒家相比，環境略顯陳舊，但味道和價錢更勝一籌，絕對會再來！
continue reading
8月29日自帶花錦鱔15斤，做出來蒸的凍，炆的只有吃到炸粉漿，帶來花竹蝦變細了，肉質變硬，賴尿蝦未炸熟沒有味道，薑蔥炒蟹太沒水準無味的，炒菜是做好的，送出來是凍的，絕對超失望，以後咪搞我，重要山長水遠入去，還比深水埗大排檔差
continue reading