嘉發麵包小食 (Closed)

今日去咗十世都唔去一次嘅元朗，行過呢間小食店比佢嘅香味同招牌吸引住，忍唔住買咗個格仔餅嚟食😍🧇加厚花生碎格仔餅 $20格仔餅外脆內軟，口感好好！裏面嘅餡料都好豐富，有煉奶、花生醬同花生碎。煉奶同花生醬比例好好，而花生碎令到成個格仔餅口感更有層次。以前食開嗰啲格仔餅都好軟淋淋，有啲食落仲好粉！但今次呢個十分出色，值得再食😋呢間小店做到4月27就結束營業，鍾意食格仔餅或者其他港式小食嘅朋友可以把握時間去支持下！

經過元朗呢間小食店，見到好多人排隊，主要賣雞蛋仔格仔餅同埋果汁，開咗13年，上網一查好評到幾多就諗住買一個試吓！薄版就係比較脆口，厚就軟熟有口感，一食真係不得了，超級好食，可能係食過最好食嘅格仔餅！🥰但係4月27號就結業，想食快啲去食呀，希望店主盡快搵到舖位開返🥹🍴加厚花生碎格仔餅 $20 (10/10)即叫即整熱辣辣！格仔餅就食得多，但加花生碎就比較少，格仔餅好厚，有成3-4吋！外脆內軟，蛋糕質感，食落唔乾係比較有濕度，好香甜有蛋味，花生醬同奶唔算多但都好夠味，花生醬嘅香煉奶嘅甜係perfect match，加埋花生碎口感好豐富，軟中帶脆，真係令格仔餅嘅口感再昇華，超級好食！可能係我食過最好食嘅格仔餅，仲要$20就有一份，又平又抵食，超高CP值又飽肚😭推薦指數: 10/10格仔餅真係冇得輸一定要食，下次去會想食雞蛋仔格仔餅各一份，想食就快啲去啦就嚟結業🥺誠心希望老闆搵到新舖位再開😭

之前同朋友去元朗 諗緊食咩🤔上網見到好多人話呢間必食 所以就試呢間買咗格仔餅🧇同雞蛋仔嚟食🍽由於係即叫即整 所以等候需時⏰ 1️⃣加厚版格仔餅 (💰$18)比一般嘅格仔餅厚🧇但食落都幾鬆軟如果可以做到外面有啲脆口嘅口感就更好😚格仔餅中間夾住花生醬🥜牛油🧈同煉奶醬料好充足👍🏼每啖都會食到啲醬料😆.2️⃣黃金雞蛋仔 (💰$22)食落外脆內軟 但咸蛋味就比較淡…同朋友都覺得呢個就麻麻地 有啲失望🙈🙈

作為一個元朗人，知道呢間嘉發臨別在即之後幫襯過兩次🙂第一次太早黎到(大約11am)，雞蛋仔只供應原味，食落口感幾脆，脆到直頭有點兒太硬，蛋味唔算濃郁，還好啦😂第二次黎試左加厚版朱古力格仔餅，食落好香脆😋連外層既格仔餅都係朱古力底，幾有誠意👍 (但要加厚版先係，薄脆版唔係)裏面餡料有朱古力醬，花生粒同煉奶，幾足料，唔會過甜🙂不過個人認為朱古力醬唔夠香，係味道有啲假果種朱古力，如果可以換做榛子醬就perfect ！😆雞蛋仔同格仔餅都係即叫即整，雖然舖頭細細但味道都幾多選擇，呢個價錢黎講性價比幾高👍 希望老闆係不久將來就另覓新舖位榮譽歸來🙌🏻

每日收工都會經過呢間小食店，間唔中會忍唔住買雞蛋仔或者格仔餅食😈*🧇加厚版格仔餅($18)加厚版嘅口感特別鬆軟，蛋香配合牛油嘅鹹味🧈+極濃嘅花生醬🥜，好好味🤤🤤🤤加厚版真係超級厚超級大份，建議要兩個人share 唔好獨食😆老闆話業主加租做唔住，嚟緊四月就結業🥺最近行過都多咗人排隊，不過老細做嘢好快手，每次都係等5分鐘左右就拎得👍🏻希望佢哋會快啲搵到新舖位開返🤘🏻🤘🏻🤘🏻

其實已經幫襯過嘉發好多次每次都只係食：格仔餅！係我響香港食過最好食既格仔餅！同埋佢就黎結業啦！（根據媒體報道，將會響2022年5月）黎元朗國，必定要食：嘉發既格仔餅！佢係即叫即整，而且非常脆同香！最鐘意食呢個格仔餅既原因係因為佢夠脆！最近多左既厚版格仔餅加花生粒既格仔餅都食過但個人認為最普通既原味已經好好食小食店都唔少街坊幫襯所以都需要等下不過即叫即整既，絕對值得花少少時間等佢新鮮滾熱辣咁整出黎食

元朗最好味嘅雞蛋仔格仔餅，嘉發小食，續約失敗，即將結業今次食呢個係朱古力花生格仔餅，咩餡都唔重要，餅底極鬆脆，但係又唔會太多空氣感，即係外脆內軟，實實在在朱古力醬係比較搶味，所以唔會點食到蛋香，花生碎增加層次感，咬落卜卜脆據聞係業主租左比集團，無可口非。希望老闆快啲搵到合適舖位

腸粉套餐 $26 腸粉新鮮蒸好，熱辣辣又夠大條，仲要夠好滑溜，可以配埋兩款小食，我就揀咗豬皮同蘿蔔，豬皮夠爽口彈牙，但蘿蔔就唔夠腍又無味，唯有蘸多啲醬食中和返。至於魚蛋燒賣就係送嘅，而家小店做緊優惠每買$50就會送一款小食😇，佢用嘅係陳皮魚蛋🤤燒賣又一啲都唔粉好彈牙👍🏻格仔餅 $15新鮮整好夠熱之餘外皮好脆☺️，食到啖啖花生醬同砂糖，好邪惡呀🤤特盛鯪魚肉碗仔翅（大） $23十分足料嘅碗仔翅，有好多冬菇，木耳，粉絲同鯪魚肉，啖啖都有料👍🏻再加上麻油同胡椒粉調味，食到唔停口☺️腸粉餐可以加$18要杯鮮果汁，我就揀咗益力多雪梨，另外再加多支甘荀雪梨汁（$33)，清甜又消暑，好適合依家嘅天氣飲😇💛低調小店要低調支持

係唔係香港最好食嘅雞蛋仔我就唔知，我只知嘉發係最令我滿意嘅雞蛋仔，格仔餅都係每次食，拎上手都一定熱，一上手就知有幾鬆脆，因為大力少少，就已經會整散，果種脆弱不堪嘅質感，更得人憐惜外脆內軟係基本，脆之中，千祈唔好硬，一硬就界口，味道微甜，少少蛋香，少少麵粉香，中間3成空心，7成滿餡，出面標準好似係一半半，我就貪心啲，鍾意7成，餡嘅部分仍然有濕潤感，有啲出爐蒸蛋糕feel，其實嘉發喺元朗人心目中都有啲地位

講到元朗嘅雞蛋仔同夾餅，依家叫做比較多人食嘅都係元朗廣場側嘅多寶，康景街附近嘅車仔檔，同埋今日初嘗嘅嘉發。事關今日突然想飲夏茶，就決定試埋隔離鋪呢間嘉發小食，估唔到有驚喜！先講價錢，雞蛋仔$13，夾餅$15，合理啦唔算好貴，始終依家出街食嘢有一半係用黎幫手俾貴租！雞蛋仔皮脆，食落煙韌，絕對唔會好似食空氣咁。至於夾餅，應該係花生醬加煉奶，唔肯定有無落砂糖，食落好似有。夾餅（或者有人叫格仔餅）有啲小食店就會係軟身，食落似pancake，但係嘉發嘅夾餅皮係比較脆，料又夠！好邪惡，好想食多件！

行經教育路，路過此店，見D雞旦仔好吸引，買左一底試下D雞旦仔脹卜卜，雖然唔係即整，係個食物架上取出入袋，食個陣已經唔太熱，但D邊仲好脆，都好有旦味。$13作為下午茶小食，超级抵

早餐？腸粉魚旦？兩個字，最緊要{好味}，這間簡直是色香味俱全，最愛就是食腸粉和魚蛋，腸粉($10/5條)魚旦($8/8粒.$10/11粒)平價之選！腸粉很滑身，不會很油膩，也不會太粉！魚蛋也沒有腥味，也不是用粉狀做的，每啖都有魚肉的味道。至於醬汁也不會過鹹過甜，而且辣椒醬和辣椒油加上也很有辣辣的味道！簡直是窮人之選！

是日屈小姐黎到元朗陪賴生買餸(等賴生番去）煮飯仔（比佢食），碰巧經過近期被報導既格仔餅店 - 《嘉發》，就豁出去試一試啦（格仔餅對長期話減肥人士尼講真係太邪惡啦）每個格仔餅都你落Order之後先做，所以新鮮熱辣辣嫁！只要交低$13，就可以親眼睇住佢整屬於你既1份，整好之後，佢仲會問你要唔要晒全部料：砂糖、鍊奶，花生醬同牛油，落得都幾重手下嫁！賴生同屈小姐今次試左冇砂糖版（有D後悔冇走牛油⋯太邪惡啦太肥啦）格仔餅：⭐️⭐️⭐️⭐️⭐️認真，呢個格仔餅真係賴生同屈小姐食過最好食既！事關佢每格都脆邊，而內心係軟綿綿而唔空心嫁！！ 再者，佢味道都唔錯，有蛋香同蛋味，加上超足料牛油，花生醬同鍊奶，食完真係好難企得穩⋯！賴生同屈小姐你一啖我一啖好快就食晒同場加映：賴生咬左一啖係口後，手持格仔餅對住鏡頭說：太性感啦！謎之聲：Epic Fail ⋯#超脆格格脆#好邪惡但值得食#可愛既女朋友#食完覺得好食又後悔太肥#多謝你等左我咁耐#好彩晚餐係愛心健康餐

元朗出晒名多好野食,雞煲,日本菜,涼粉,甜品就街知巷聞。但原來元朗都有水準唔錯既街頭小吃。嘉發麵包小食鋪面不起眼，縮在一角，店旁邊有數張膠櫈提供給客人坐。格仔餅，餅面顏色比較淡，餅底不太脆口，但勝在夠鬆軟。餡料方面，店家選用幼滑花生醬，而不是粗粒花生醬,令整塊格仔餅既口感更柔軟細滑不太甜加上鬆軟餅底，令整體感覺不太膩口，是少有一人都可以食哂而仲可以食到其他小食嘅格仔餅

近排見網上推介依間小食店既雞蛋仔,所以一於試試佢。一共叫左3樣野 雞蛋仔,蘋果汁同埋咖哩魚蛋。先話第一樣原味雞蛋仔，外脆內軟 !　又好香蛋味　～　幾好食次樣野就係蘋果汁，新鮮即榨～　甜甜地又唔會酸，加上依家咁熱買返杯幾爽皮最後就係咖哩魚蛋，爽口彈牙入味，微辣咖喱帶淡淡椰香，‘都幾大粒架　間野細細地不過真係好食!! 下次試下野先!!