嘉美餅店

Open Now

Now Closed

雖然常常經過，但今趟總算認真光顧!外面放了很多款麵包，令人眼花繚亂。裏頭看來沒有冷氣，店員真的辛苦!好可愛的砵仔糕。看到砵仔糕用上舊式的碗盛着，好感便油然而生!砵仔糕好多紅豆!砵仔糕不是粉粉的，而是有一定彈性!紅豆多，已令我十分開心。更令人開心的是，雖然砵仔糕是甜，但卻是傳統的甜味，且滲出絲絲的粘米香味!好巨型的西樵大餅!外皮頗硬，要花點氣力才可擘開。不過，咬一口後，原來頗脆口，差不多發出「卜卜」聲。隨着脆口的感覺，就是可以接受的鹼水味。嚐到鹼水味後不久，便會感到西樵大餅的結實。當麵粉溶在口中，麵粉的香甜便散發出來。吃過西樵大餅後, 麵粉的餘香仍舊不散。大提子麥包，好大啊!沒有奇怪的提子乾酸味，但提子乾數量頗多。大麥包雖然沒有現時麵包的軟綿，但好結實，空氣不多。吃一口，你會嚐到麵包的質量和舊時代麵包略帶粗糙的質地。我喜歡!

呢間嘉美喺太子同深水埗中間，因此行過我就記得呢度有間非常舊的傳統餅店，不過印象中上次好似只係買咗麵包，這次可以試埋其他傳統中式餅食因為菠蘿包就買俾小孩，頂上的菠蘿包皮都帶點香脆，不算太軟 林，都算有點功架的菠蘿包。另外這個看起來挺吸引，叫做小焦糖脆餅，但是它用香蕉的蕉，不是焦糖那個焦，不過食落又冇乜香蕉味，因此我估計佢都可能係寫咗錯別字，應該都係用焦糖的味道的脆餅，不過中間偏向軟林，不算特別香脆的。反而合桃酥質地就較為香脆，而且硬實，太大塊的合桃酥，味道又不會太甜，以這種傳統麵包店來說，也算是相當不錯的。牛脷酥酥皮多，只得黃色帶處檸檬味，沒特別，太乾

平日中午在附近吃完湖南粉面，感覺肚子仍有空間吃點小食甜品，便在網上找尋附近合眼緣的小店，畢竟難得來到太子這美食集中地🤡。搜尋期間看到這間不起眼、門面昏暗面包店的包餅照片，看起來水準不俗，便走去一探究竟。店子是一間比普通面包店更舊式的包餅鋪，行人在路上走過確實不太會注意到它，不過這正正是禾稈冚珍珠呢。店外擺放了琳瑯滿目的中式餅食，包括光酥餅、花生糖、蛋捲、鳳凰蛋捲、雞仔餅、香蕉糕、笑口棗等，還有西式曲奇、蛋糕仔，看得出每種都絕不是現成貨，而是自家製的，非常有誠意🫶。至於店內一磚一瓦都十分有歷史痕跡，放滿港式面包和蛋糕西餅，價錢彷彿回到10年前，十分便宜。最後買了鳳凰蛋捲和雞仔餅解饞，蛋捲每件都是手工製作，然後包入炒香花生碎，椰絲，砂糖，非常鬆脆香口。雞仔餅外層薄脆，咬後南乳餡及豬油交織出濃香滋味，令人一口接一口停不下來☺️。這些樸實美味的舊式包餅店已在香港漸漸消失了，取而代之就是毫無靈魂的連鎖店，或是網絡火紅的新式包餅店。希望這些沒有購買網絡流量、沒有被KOL過度吹捧，只憑實力及人情味的街坊小店，能在時間鴻流中讓一眾老顧客仍能品嚐老香港手工滋味🤎。

我今日去咗太子站附近嘅嘉美餅店，佢哋喺香港嘅舊式餅店，有佢哋嘅工場，賣既都係好多懷舊美食，好似光酥餅啊、海綿蛋糕、鳳凰卷、雞仔餅、杏仁餅、砵仔糕、豆沙餅，當然仲有唔少麵包😉雖然店面有啲殘舊，但係呢啲只此一家既餅店，而家真係買少見少咧，如果你以前細細個喺呢啲地方買過餅食，而家仲見番、諗番當年，其實都係有唔少嘅人情味同回憶。佢哋買嘅價錢，真係平㗎，唔貴，大家可以睇吓：我就買咗佢哋嘅光酥餅，懷舊一番呢個就係$14大大個光酥餅，在街好放肆咁食左1/4😆😆食食下有兒時的味道，想起以前細個屋企有買過的感覺😩😩

不得了！！ 好耐冇食過咁好食既鳳凰卷！出面大牌子既唔係皮太厚，就係椰絲太少，又或者超甜。總之，好難搵到ratio 岩岩好既鳳凰卷，隨著小店同整呢d傳統餅店愈來愈少，過去幾年都真係冇再買鳳凰卷食，轉戰食蛋卷今次，朋友係深水埗買左2盒傳統小食請我食，見到鳳凰卷已經開心，食埋入口真係超驚豔，佢既皮薄餡靚 +微甜， 真係一絕。實而不華既包裝，同貼地價錢，嘩！！！！ 真係直入我pocket list.另外既花生糖，係用脆黎形容！ 唔係一般咬到牙都爛既硬！ highly recommended 呢間老店

無意中找到一間舊式的餅店，好多以前的餅和酥都可以找到，就算不是中秋節也有月餅售賣。我幫襯了買了一點光酥餅、老婆餅和曲奇餅，出乎我意料的好！而且價錢便宜，值得一讚！

約咗朋友食飯早到咗, 因為有時限關係, 諗住等埋佢哋先入座。等候期間, 見到食店旁有間舊式餅店, 勁多嘢賣, 過去8 下先! 見到門口同入面都放咗好多嘢賣, 有曲奇、旦卷、月餅、卷旦、清蛋糕、酥餅等………………. 好多嘢都想試, 但係又唔想拎住去食飯。去到COUNTER 個餅櫃, 見到有芋頭酥賣, 只係$5, 芋頭控實在忍唔住, 買咗一件返去諗住第二日做早餐啦! 第二日拎到返公司, 叮咗20 秒左右, 熱熱哋, 本來諗住隔咗晚應該冇咁好食, 點知一食落口, 酥皮依然鬆軟! 而最驚喜嘅係芋頭酥裡面嘅芋頭蓉極多! 從側面睇, 正正就係皮薄饀多, 又唔甜! 超驚喜! 下次同狗狗覆完診之後, 一定會再去買其他嘢嚟試! 

熊貓著實是位 #芋頭控，無奈自從決定踏上純素征途後，就幾乎跟香芋甜點絕緣了。主要因為坊間的店家為了令芋泥更香滑，大多會加入奶製品，更甭論有豬油成分的產品了。要吃到便宜的純素香芋甜點不容易啊～😩但深水埗有家麵包老店就可以滿足熊貓的慾望！🍡 #香芋燒餅 - $4 / 件營養估值：每件約160 Kcal 推薦指數（5分為滿）：🐼🐼🐼芋泥燒餅本來在香港就很罕見，所以非常特別。燒餅約掌心大小，個頭不大但非常厚身，一口咬下馬上就嚐到滿溢的香甜芋泥，裡面還吃到芋頭粒本人，餅皮亦非常軟糯彈牙。以防萬一，熊貓跟老闆再三確認燒餅主要是用糯米粉、芋頭、花生油及糖等製成，不含動物成分。這下我就放心了！本來只買了一件來嚐鮮的我，結果回頭又多買兩件來吃 😋 熱量爆表了！OH NO 🙈🌟 店家每天早上十時左右新鮮出爐🌟 另有一款撒上黑芝麻的聽聞是紅豆餡，同樣純素可吃🌟 他們家還有芝麻砵仔糕跟紅豆砵仔糕，下次要來試看看！📍 嘉美餅店 🇭🇰地址：深水埗白楊街19號地下 #hkig #instaf

去太子食完午飯，食完餃子，行過這間餅店，見有好多不同種類的老式餅類，有香蕉糕，五仁月餅，光酥餅，雞仔餅等等，對我這個愛食老餅的人，極吸引！入埋餅店，除老餅外，更有做麵包，各種麵包都好大個，睇落都好有質感，唔係空氣包，但種類太多，花多眼亂，睇左好耐，最後決定買香蕉糕俾阿仔食！十蚊三大條，好重手！放一晚，早餐食，仲好淋，好軟熟！食一條飽成朝！另外，仲買佐十字餅，咸切餅，五仁餅，綠豆餅，芝麻餅全是老式餅！同老闆傾左幾句，他是潮州阿叔，架己冷！做餅做左好多年！下次再行過，再試下其他！

之前都經常經過，但是到了這一天才第一次內進。看到這間麵包店，門面永遠都堆滿很多東西，而內進後，發覺內裏亦都有很多麵包，款式非常多，而且每一款的數量都不少，堆積如山，場面很壯觀。其實有一款太陽蛋餐包挺吸引，上邊一隻太陽蛋，有番茄，還有一塊餐肉，但這次不是即食，因此沒有試。試一試熱狗，體積非常大，麵包又是舊式非常結實的那款麵包，吃完會覺得非常飽肚，麵包質地又輕微乾。中間的腸屬於正正常常，亦有一片蕃茄以及青瓜。

食飯經過見到間似係老舖餅店，諗住買個童年回憶～ 試下中間有一督朱古力既曲奇餅！點知⋯⋯ 曲奇完全沒有牛油味，亦無蛋香味！本來想買埋棋子餠，好彩最後無！中伏中到伏伏聲！

很喜歡舊式餅店, 前鋪後餅房, 新鮮出爐, 香氣四溢 . 首次路過此餅店是黃昏時候, 店面不起眼, 沒有華麗裝飾,但有傳統餅店的獅子山精神.本來已路過, 是門口擺放的合桃蛋糕把我視線吸引回來. 入了店內逛一會, 共買了合桃蛋糕,蝴蝶酥,燒餅和砵仔糕. 最有驚喜的是蝴蝶酥, 超合口味, 吃出傳統口味, 沒有多餘的添加劑, 很後悔買得少. 下次可自備食物盒, 買多些回公司了.

簡中會經過太子，但從來未經過餅店附近。尋日第一次發現呢間舊式餅店，立即被放滿店外的餅點吸引！有香蕉糕，芝麻卷，又有蛋卷，鳳凰卷，仲有雞蛋糕，乜都想試。睇完一大輪，最後超愛食鳳凰卷嘅我，買了一盒來試食。價錢唔平，要$30得12定14舊。食開的中國貨則是$12有8舊。但Made in HK呢個絕對係賣點，值回票價。鳳凰卷好脆，用料好足。好多芝麻沙糖，食下一舊食下又一舊，一日KO晒一盒。會再返去Encore！下次一定要試埋芝麻餅香蛋卷！

今日路過見到呢家老店就入去睇下 留意下有無燒餅賣 (本人好鍾意食) 見到分別有芝麻味同香芋味 見香芋味幾特別就試下啦無諗到個糯米粉係好軟熟 比我想像中好食同比其他老店更出色 同埋比較厚身 約1.5cm厚 所以口感非常好 而香芋有香芋味 同味道不算太甜我會再食！推薦比鍾意食燒餅既你

自從周圍收樓收地，周圍不停加租，小店就多左人留意。 呢間係舊式餅店， 有現製花生糖，不同款式蛋糕，砵仔糕，蛋卷，蛋撻，雞仔餅等。 我就買左清蛋糕同砵仔糕。 砵仔糕五元一個，有很多紅豆，喜歡佢啲紅豆唔係全熟，有咬口。 砵仔糕唔係屬於Q彈型， 但都好結實，偏甜，有啲清，唔會好漏。 另外清蛋糕都幾飽滿，唔會太dry,當然。。。。 平時有啲忌廉層的會更好啦。 唔太甜，可能我有啲鼻塞，唔覺得有咩蛋香味，下次要試真啲。 呢啲老店真係買少見少，希望得到大家愛護這些小店而令他們能屹立不倒啦！