嘉香汕頭魚旦粉麵家

Open Now

Now Closed

Li間魚蛋粉喺朋友OP個list擺左好耐, 黎開沙田順便行過黎瀝源邨. 見到d食客多到坐出門口都知無黎錯^^魚蛋拼牛腩米粉先來潮州魚蛋拼五香牛腩, 材料鋪滿個碗已經食指大動, 仲要係傳純粉麵檔好深個隻碗. 牛腩tender, 肥瘦適中, 名副其實大件夾抵食; 魚蛋真心彈牙, 仲好大粒添.郊外油菜我地好煩地走油, 真係無咩油, 嫩綠嘅菜心就咁點d蠔油好味, 而家好少鋪頭食一個麵就夠飽了. 加多6蚊整罐汽水, 簡單lunch正.

座落繁華沙田市中心旁, 一條天橋之隔是一個歷史悠久的屋邨- 瀝源邨. 第一個感覺是商店和住宅像融為一體, 食店隔壁就是住宅, 但入口並不易找的有趣設計. 全靠保安叔叔帶路才來到. 五香牛腩, 豬大腸米粉 (HKD37) 碰上Lunch Hour坐店外圓枱, free style叫個五香牛腩配豬大腸米粉, 大大碗. 先呷一口湯底, 好香濃牛味, 夾多種香料, 想必用了不同部位煲成. 牛腩一咬便是啖啖肉, 沒多餘肥膏, 令我意外的是豬大腸清洗得非常乾淨. 平常吃難免一點點「雜質」這裡卻沒有.米粉口感軟硬適中, 每一口都充滿湯底香濃美味. 炸魚皮 看到店內有個放了很多炸魚皮的櫃但不見menu有, 看來secret menu並不是新派餐廳專利呢. 膽粗粗一問, 還隨魚皮附送一碗熱湯點來吃, 薄薄的魚皮炸到有10個「脆」, 像吃薯片停不了口, 強烈建議買包回家慢慢嘆.

上星期六去沙田洗完牙，有點肚餓。諗着睇下有甚麼好食，咁就一路行一路諗食勿嘢好，行下行下，就去到沙田中心附近，大部份都係集團式食店，所以冇乜吸引。突然諗到瀝源邨有潮州麵食，咁就去平台呢間潮式麵舖。叫咗碗清湯牛腩麵，碗麵嘅湯底好清同好好味，而且無味精，我諗佢用足材料煲湯。食完個麵之後，都無口渴。牛腩又唔肥，仲好瘦，又唔靭仲好有口感，至於啲麵就好彈牙，又冇鹼水味。雖然間舖唔係裝修得好靚，但是呢間鋪係買食物唔係買裝修。大家如果想有多啲呢啲小舖，大家便要多啲幫襯，呢啲小舖先有生存空間。如果去到沙田，不妨一試。

以前細個住沙田，已經很喜歡來這裏食魚旦粉，之後搬了家，已很少去沙田，而這間店又易了手做車仔麵...怎知一次經過見到汕頭魚旦粉重開，就二話不說入去，叫了碗魚旦粉，食到了兒時的味道，真的很高興！之後有一次，見到一個客人叫了碗清湯腩河，正當他想落辣椒油時，老板大喝叫他住手，老板說這樣會令到湯不好喝，叫他要另外用碟放辣椒油...那次之後我就叫了一碗清湯腩河試試，那碗牛骨湯真的非常美味，一試難忘！現在我差不多每星期都要來一次，食一碗清湯腩河才滿足，誠意推薦給喜歡吃牛腩的朋友！*另一款推介食品：苟菜豬紅蘿白，可惜現正已經冇再賣了...

今日午餐時間唔太想食飯，又唔想食連鎖集團嘅米線，所以就揀咗依間食喇。午餐時段唔太多人，不過算係一個嚟一個走。今次食咗雙拼麵:墨丸魚蛋米粉雙拼的話有3粒墨丸，2粒魚蛋，米粉份量適中(對男仔可能唔夠)，魚蛋咬落去好彈牙，無平時食到嘅一陣魚腥味;墨丸唔錯，至少唔係一舊粉團，食落會有少許嘅咬口。有一點幾好嘅係食完成個米粉無乜口渴嘅感覺。好懷念午餐時可以睇住電視食，自從中學之後就好少機會喇。

星期一是藍色的。一個人開飯，可以吃點平時沒有人陪我吃的東西，也是一種淡淡的幸福吧。在瀝源邨行了一圈，發覺自己好想吃牛筋河，於是便進內開餐啦。店面很古舊，裡面大概有十張圓桌吧，大多都是一個人開飯，頓時覺得自己多了很多孤獨的飯腳 (笑)。點了大腸牛筋河，下落單的小姐好像有點愕然，說很少女生伯會點豬大腸呢。沒錯，我要點豬大腸呢，那是我的 comfort food。上桌的時候覺得好滿足，一圈圈肥美的豬大腸根本能治壊心情啊。大腸比外面吃的肥美一點，而且份量也不少，一般都夠吃啊。牛筋入口即化，根本不用咀嚼，是我最喜歡的狀態。要挑剔的話，大概就是河粉太少了 (其實應該是我太大食……) ，不加底不夠飽啊。

新老闆不但繼承了舊伯伯的五香切腩，還新加了不少新款食品。最為不得了的是清湯腩，湯底沒有味精，清甜的蘿蔔味加上牛肉的香味已經一絕。牛腩鬆軟入味，而且不肥膩，實為難得。必要一試。

星期日係屋企, 突然心血來潮想去呢間食個午餐, 叫左碗牛雜粉, 份量好多, 牛雜滿佈碗面排得好齊整, 有齊牛腸,膀,腩,筋,肚, "Yip"得夠晒入味而且食落唔會好韌, 米粉份量較多但個人認為質地比較嚡口, 湯底一D肥油都無而且好香腩汁味, 員工都好好禮貌, 咁耐無黎食都仲保持到水準, 讚呀！

今日又要去沙田做嘢，又實在好想食魚蛋粉，聽聞每個沙田人都會識呢間麵家，一於就嚟試試！開住個google map由地鐵行過嚟都要一段時間，行到去瀝源邨就差啲蕩失路，openrice地址話係二樓，即管行上一層睇睇，一上到上面就已經到咯！用咗好傳統嗰啲格仔地磚，好有氣氛啊！喺呢啲地方食魚蛋粉先啱㗎嘛，去茶餐廳食魚蛋粉硬係覺得格格不入咁紫菜魚蛋牛筋河粉 ($42)呢度出名魚蛋牛筋，梗係要試試！隻碗都幾大，湯底啡紅色咁，難道係辣嘅？唔食得辣㗎噃..... 弊喇魚蛋得兩粒，平時有5粒我都覺得唔夠食，兩粒邊夠食啊而且魚片呢？睇返個menu原來“魚蛋粉”同“蛋片粉”係兩樣嘢嚟㗎！下次識叫喇... 但冇咗魚片嘅魚蛋粉就好似好孤單咁，好似我而家一個人去沙田食魚蛋粉但身邊冇咗魚片陪伴一樣牛筋就有好多舊，而且好入味，每一舊都充滿骨膠原；飲吓個湯先，好彩唔係辣嘅！只不過因為腩汁湯底落咗磨豉、南乳、乾葱、五香粉及滷水料等，所以顏色先會較特別，味道唔鹹但係好入味；魚蛋頗有彈性，魚味香濃，有我細個食嗰啲嘅味道，唔似而家嗰啲得啲粉糰味；河粉係偏瘦果隻，滑不溜口；紫菜冇沙而且份量偏多，食到最尾都仲有好多服務舊店係有人情味

前日 (6-3-2016 Sun)晏晝,同老公去買餸前食個晏,老公話食河粉,我問係咪呢間?佢答係.(由搬o黎到依家都未食到)我o地o黎到唔係好多人,亦嗅到傳統麵舖o既味道.坐低後睇,我要$28.00o既魚蛋雲吞麵,老公要清湯腩河,但老閭話清湯腩賣晒,因人手唔夠,咁老公就要$28.00o既牛腩河.亞姐問我o地食唔食菜?有菜心芥蘭,要$15.00.我o地要芥蘭,要腩汁.好快,老公o既牛腩河到o黎,好靚好吸引,我想食,但奈何膽固醇高,要戒口.然後我o既魚蛋雲吞麵到o黎,魚蛋同雲吞各有兩粒,食粒魚蛋先,唔算好彈牙,味道亦一般;雲吞亦都係正常一粒.麵都算爽口,湯o既味道就比我預期中淡.而芥蘭呢,顏色翠綠,食落冇苦味,我都已經接受了.抵食係2.5分

墨魚丸魚片麵真係充滿童年嘅回憶…墨魚丸裡面淡淡都係一舊舊嘅墨魚。魚片真係好滑，好爽口。個幼麵好有蛋香味，加上清香嘅湯底同上面有小小蔥花，真係回味無窮。但係有啲細碗，食得有啲唔飽... Rate: 7/10Price: $24

沙田友的回憶瀝源友的回憶非汕頭魚蛋粉面家莫屬也。依間野 我由細食到大 食左十幾年真係好好食 特別係佢既牛腩面 當中既腩汁真係令人食過番尋味 好正呀 仲有 價錢方面真係算平 而佢地既食店裝修 真係好經典 我諗依家喺香港黎講 佢算係一間碩果僅存既經典食店。

喜歡到處尋食的我，喜歡把隱世的食店尋找出來的我，舊公共屋邨永遠是我喜歡尋覓的地點，因為，夠舊，夠本地，也夠人情味。這一天，看完醫生後順道去瀝源邨旁的娛樂城取證件，也是順道的，我進入了瀝源邨尋找舊世界的食肆。不過，這一次入來，其實中有目標，而我的目的地就不是什麼老冰室，老酒樓，而是一間默默地經營的麵食處，叫做《汕頭魚蛋粉麵家》。幾個老人，半滿的麵食店，價錢依然是平民化，相信，若不是我來的時候，暑假還未結束，這一個小店，應該是學生的午飯天堂。一個人，只有胃口去吃一碗麵，多出的，就是 side order，而效外油菜，永遠是同麵相對應出現的。而平日的我們，很少會買通菜回家食，因為好多時都沒有心機去整那一個其實不用太多功夫去做的腐乳醬。一份好的腐乳醬，是要用油去爆香的，而我面前的醬，充滿了豆香，油香，炒過之後，腐乳的味完全地散發出來，用來點菜食，不能不說一流。主角，就是麵。店名雖然是魚蛋，但我並不太好食魚蛋，反而喜歡味道濃濃的，所以，牛腩，魚皮餃，濃濃濃，這一種麵才合我心意。牛腩，同牛腩汁，是整碗麵的精華所在，而牛腩本身，雖不是的吃過最好的，但汁濃味香肉腍，單是這三種原素已經可以教人叫好，另魚

對這家魚旦粉我確有很多回憶，無他，皆因我以前就正正住在這家麵舖的樓上，做了十多年的隔籬鄰舍，見到它多年來保持一貫風味，確實可喜。 老實說，以往我們很多鄰居都不是太喜歡這家麵舖，皆因老闆一家待客並不友善，可能是潮汕人的性格吧。我記得以往有一位女仕，應是老闆的家姐，偶有得罪食客，住在樓上時有聽到她跟食客口角。當時大家都不了解甚麼是待客之道，我們都見怪不怪。 搬離屋邨後發現麵舖易了手，轉為做車仔麵，深感可惜，又失去了一種懷舊的風味。但兩年前，偶然經過，嚇然發現老闆一家回歸，重操固技。二話不說便走進去懷愐一番。 我的選擇較為單一，多為牛腩河。我不太記得以往的味道，只覺現時的腩汁確實較鹹，但我可肯鹵汁的香濃、碗具及舖內陳列、以及把牛腩切得整整齊齊放在麵上的風味及習慣，多年（可能有廿年多）不變。 自此之後，每逢路經附近又近醫肚之時都必先考慮此家麵舖。論味道它並非卓越，但都比很多所謂牛腩舖好。但論風味，則少有麵舖能及。香港哪一家麵舖經歷多年加租、集團經營、食客口味改變等風浪後仍能保持一已風格？恕我孤陋寡聞，在香港我找不到另一家。

以前都有經過但這店的門面好像彷彿從70、80午代穿越到未來的今時今日。但見店周圍附近舖頭都可能因為領滙的步步進迫而關門／改頭換面。聽到老闆／家人員工上下都用潮州話交談，都應該是正宗潮汕魚蛋風味。不過我覺得這裡最出色的是五香牛腩，走入店都總可以見到那盤非常深色丶黑漆漆滷水牛根腩，來一個牛腩河加支細樽裝可樂，牛腩的香濃肉味，帶有丁點有與無之間的水果香氣食味，是陳皮丶新鮮蔬果或是其他醬料味道不得知，牛腩肉質肥廋丶軟硬都好適當。之後喝一大口可樂，將之前的濃郁味道沖淡一下，再來幾個牛腩／河粉／可樂的濃淡循環。可以將自己所在的時空都差點忘記。29蚊的套餐，比之前在元朗的所謂名店，這家坐落在老舊屋邨一角小店物值好太多了。