噢吧煲煲掂

Open Now

Now Closed

天氣開始突然轉凉已急不及待去食好嘢，當然暖暖煜煜香噴噴惹味煲仔飯🍲🍲，樓下附近有一間噢吧煲煲店(太子)，店舖装潢簡潔，地方寬敞，而且店員非常和藹可親，左鄰右里感覺好親切。1.白鱔滑雞煲仔飯跟湯~溫馨提示話明卽叫卽做,嘢一定耐心等候20分鐘香噴噴熱騰騰煲仔飯出爐。白鱔豉汁醃料好入味，肥美嫩滑味道鮮甜，而且爽口無‘泥’味😋😋滑雞鮮嫩肉滑好juicy🥰🥰煲仔飯有“焦焦地”好好味。是日例湯真材實料好似媽媽靚湯回味無窮2.生滾靚湯可跟飯或米線~滑牛、魚腩、鯪魚肉跟娃娃菜一煱滿滿材料配上濃郁鮮甜湯3.燒黄倉~燒得剛剛好，肉質鮮甜嫩滑，一絲絲伴著店舖特製醬汁酸酸甜甜美味無窮。一頓豐富晚餐已非常滿足😊

食到成肚火，俾錢買難受🙄夜晚6點45去到，落左水煮魚，煲仔飯同雞翼尖，得個煲仔飯係到左，其他全部漏晒，7點15已經問過有冇漏單，佢又講得出你叫咩，等到7點50分都未到水煮魚同雞翼尖，諗住取消佢又話整緊，個女員工重好串咁講要排隊架，下次一次過落單咪快羅，真係唔好意思😅都冇句，我真係想問你漏單要個客由頭排過？自己就不停做外賣訂單同煲仔飯⋯⋯等你成個鐘你漏單都算，態度重要差到爆，我撘枱果個都食完走埋，最後我哋都俾晒成張單錢，嬲到水煮魚同雞翼尖都冇要

秋意起，”恨”左食煲仔飯好耐，前排專心減肥，都無出街覓食，成功完成14days diet，要獎勵下自己🤣🤣🤣網上見到呢間已經好吸引，一心係為左個煲仔飯而黎，果然係十分值得🥰之前去廟街食個啲完全係垃圾🥹#蒜香煲仔飯 超超超超正，真心啲飯係粒粒分明，唔會濕到一pat野咁，飯同肉既份量都啱啱好，而且仲有飯焦！係唔燶個隻，火候一流🤤 #利申我自己有研究開點煮 排骨夠冧，唔韌都好正，大推！#白鱔滑雞煲仔飯 呢個都有驚喜，要煮得好味既鱔係有難道，呢度用左豉椒既方式去整，幾惹味！雞就差少少🤏🏻仲有例湯送，呢個湯堅同阿媽煲既老火湯一樣，味道夠濃無味精🥰老闆娘話佢哋既串燒係由走鬼檔做到而家1x年，今次無食到，下次再試🥹個飯真係到而家都好回味，用上湯煮出黎既飯，好有心機🫣

心血來潮好想食煲仔飯，黎到太子呢間小店，發現都好多選擇，價錢相宜，仲有做埋串燒、羊腩煲同湯飯架！叫左2個煲仔飯，［鳳爪排骨飯］同［窩蛋牛肉飯］，送例湯，餸既份量真係幾多，呢個價錢真係抵食。重點係咩？係有超香既飯焦！🤤鳳爪排骨飯窩蛋牛肉飯仲叫左一啲串燒，雞脾皇（超厚肉，又淋）、雞腎（好有咬口）、豬大腸、雞軟骨（脆！正！）、牛舌、雜菇等等⋯叫中辣，對我黎講啱啱好！（利申譚仔食重慶小辣🤣）下次試羊腩煲！

好耐冇食過煲仔飯啦!!往年都會等天氣凍D先食, 一黎好多煲仔飯都係室外, 二黎個煲又熱辣辣, 太熱真係頂唔順。終於黎到1月啦, 叫到終於到左食煲仔既天氣XD呢到室內, 有晒冷氣, 唔想熱親!一坐低黎2個湯先, 今日係南瓜湯~窩蛋鮮牛肉煲仔飯 ($58)超抵食, 正常一個煲仔既量, 不過只係58蚊!牛肉都幾多, 又夠滑, 最鍾意撈埋隻蛋加煲仔飯豉油好正!!, 有少少飯焦水煮魚 (細) $118細都咁大碗, 老細仲好好, 係咁問我地要唔要飯, 不過真係食唔落啦, ~~呢個魚片會有少少骨, 大家小心食, 辣味算中小辣, 幾麻, 喜歡!

今晚開始晚市堂食要暫停😢好彩琴晚都俾我試到間正嘢🤪😍趁仲有堂食，當然要去食我最愛嘅雞煲同煲仔飯啦😻呢間餐廳就可以一次過滿足我所有願望😹白鱔臘腸煲仔飯（$88）😍 白鱔豆豉味好濃，肉質好嫩滑，可能因爲加左少少辣椒🌶️所以辣辣地，食多幾舊都唔會覺得膩😚啲飯煲得剛剛好，粒粒分明，有少少飯焦😍重點係個甜豉油都好好食😆另外臘腸唔會太肥～麻辣雞煲（$118 細份）我哋叫咗老闆整小辣，佢個麻辣係麻多於辣😆相當惹味！雞件夠入味，又嫩滑😝另外呢個雞煲有好多蔬菜，所以感覺less evil 🤣新鮮油菜（$18）新鮮爽甜，灼得剛剛好😆😍

天氣越嚟越凍食啲咩好？梗係煲仔飯啦，近排成日搵緊最好食嘅煲仔飯，朋友介紹太子有間煲仔飯，雖然顯眼，但係好好食，一於今晚凍凍地就去試吓啦😍嗌左北菇滑雞煲仔飯，煲仔飯仲送埋老火湯，熱辣辣，好足料，而煲仔飲即叫即煲，打開個蓋啲鮮味湧晒出嚟，重點係見到我最鍾意嘅飯焦喔😚 北菇滑雞保持嫩口，配埋熱辣辣嘅飯，好滿足。再黎臘腸鮮牛肉煲仔飯，呢個係店家推薦嘅，果然冇令我失望，臘腸令成煲飯更加提鮮，而牛肉即肉汁充分滲哂落啲飯度♥️♥️除咗煲仔飯，原來仲有湯飯同米線，梗係嗌多碗豬潤，滑肉片，鹹蛋，豆腐湯米線試下啦，呢個米線果然真材實料，豬潤童話肉片都有好多片，新鮮爽口彈牙，另外加咗鹹蛋連個湯底更加提鮮😙令到成個米線都好出色😄仲帶咗條好靚嘅菜心，爽口♥️♥️♥️♥️

噢吧煲煲掂（ 太子）#秋風起 ，突然間好想食煲仔飯， 老公帶咗我去一間價廉物美的店舖食煲仔飯，店舖設計以 黃色為主調。 那裏不但款式多 ，而且經濟實惠 ，還可以額外加餸，每個煲仔飯更贈送老火例湯。1）細古法羊腩煲$118：配白飯一碗，羊腩份量頗多，真材實料 ，羊腩質素高，肉質非常滑溜，美味豐腴，肉質軟腍卻沒有一點羶味，吃時點上秘製的腐乳，入口不膩，煲內配料更有生菜、枝竹、馬蹄、竹筍、竹竽、 蒜芯、芹菜和蘿蔔,全部皆吸收了湯底的精華,非常美味。 值得一提是竹芋有驅寒和減羶的作用，吃過不停口。一試難忘，吃起來口感豐富，非常滋味！2 黃鱔臘腸煲仔飯 $88 ： 一打開蓋 ，一陣香噴噴的黄蟮味撲鼻而來 ，黃鱔 肉質彈牙爽口，腌得非常入味 ，配料甚多：冬菇够厚肉， 也有薑片、杞子、紅棗等。*老闆指出木店選用特級的絲苗米去煮 煲仔飯 ，所以飯香十足， 米飯粒粒分明， 軟綿綿 !淋上 獨家秘製的自由鼓油，更提升了煲仔飯的美味👍👍 廚師把火喉控制得非常好， 煲底有飯焦，非常金香可口， 吃到不停口🙏

呢排天氣時暖時凍，今日又有少少涼，於是去咗食雞煲同煲仔飯，食完暖笠笠~一向鍾意食雞，每次食煲仔飯都會揀有雞肉既😋 個飯加咗紅棗同杞子，感覺養生~ 臘腸肥瘦適中，而雞肉嫩滑，落埋鼓油更加惹味。食煲仔飯最期待係食飯焦，香脆得嚟有咬口。雞煲配一碗飯，我地揀咗唔辣既，雖然點咗細煲，但份量比想像中大，配料有洋蔥、芫荽、燈籠椒等，仲有雞翼同雞脾肉，兩個人share食啱啱好~碟油菜翠綠新鮮，蘸少少雞煲醬汁嚟食好好味。餐跟一人一碗蓮藕湯，湯底清甜，飲得出係冇落味精，而且蓮藕都好多，啱哂呢個季節飲~煲仔飯有好多選擇，下次試下其他先~

「凍冰冰食呢啲就啱系列」屋企附近開咗間煲仔飯店，裝修簡單但有sharp醒嘅招牌，天氣涼涼地最啱就食煲仔飯，我哋嗌咗：🥢豉汁白鱔臘腸煲仔飯$88絕對唔會令你失望嘅煲仔飯😍白鱔鮮嫩、爽口彈牙，豉汁調味剛剛好，入曬味，加埋臘腸令到個飯更加香，臘腸咬開會爆汁，呢個飯值100分🤤🤤🥢臘腸滑雞煲仔飯$58正常發揮，未打開蓋已經聞到焦香味，林完豉油仲有「炸炸聲」，雞肉嫩滑，不過比較肥，飯粒粒分明，煲底仲有少少飯焦，唔錯！🥢嗌煲仔飯仲送老火靚湯，個湯熱辣辣，要小心辣嘴。另外加$18有油菜，今日嘅菜心爽甜鮮嫩👍🏻總括嚟講係一間CP值幾高嘅小店，價錢相宜，食品高質，除咗煲仔飯，呢度仲有麻辣雞煲、水煮魚、羊腩煲等等…..我會再返嚟架😋📍噢吧煲煲掂太子白楊街17號地舖

天氣一凍就好想食啲熱辣辣嘅嘢，煲仔飯就最適合不過喇！今晚嚟到呢間位於太子嘅噢吧煲煲掂，招牌用上橙色好搶眼，驟眼睇餐廳都唔算裝修得好靚，但平日夜晚都坐滿晒人，食物水準應該有返咁上下~~所以一於入去試試佢！每個煲仔飯都會送一個例湯，今晚呢個係冬瓜豬骨湯，都幾足料！我叫咗個蝦醬腩肉煲仔飯，啲蝦醬味好濃，食落超級惹味！ 呢個飯只係 $58 ，勁抵食！撈咗之後嘅飯粒粒分明，夠Q彈！朋友叫咗個豉汁白鱔煲仔飯，白鱔數量都夠食，有成六七件食煲仔飯最緊要有飯焦🤣🤣 夠晒脆總括嚟講，呢間餐廳雖然有少少其貌不揚，但食物水準同價錢性價比真係算高，可以一試！

冬天就係時候食煲仔飯，雖然今晚回暖返好多，但都無損雅興嘅，是晚就同朋友黎左噢吧煲煲掂度食煲仔飯。七點多黎到，全店滿座，未到排隊等位，但都要等一張枱呀，煲仔飯製作需時，諗緊等唔等好個陣咁啱有人走，lucky喎坐低就即刻落單，點左一人一個煲仔飯，有例湯送，係紅蘿蔔豬骨湯，幾甜幾好飲呀。仲架左碟油菜，哈哈，食返啲菜嘛，煲仔飯全部係肉黎。等左大概三十分鐘就有得食，期待呀～自己點左窩蛋鮮牛肉煲仔飯，賣相不錯嘛。牛肉好多，厚切㗎，切得好大塊有少少韌，佢仲加左紅棗同杞子，感覺好養生隻蛋望落熟晒咁樣，切開都仲有蛋汁，唔錯啦，整體黎講係好味嘅，建議啲牛肉可以切細返啲。朋友嘅黃鱔臘腸煲仔飯，好多料喎。有啲臘腸油果然係香好多，正呀，黃鱔肥美，仲有啲厚花菇添，好味加左豉油焗一焗，啲飯焦就出黎，脆卜卜好正。好多款都好好味咁，再黎食先。

天氣凍🌬又係食🐑羊腩煲同🍲煲仔飯嘅時候喇🤤，聽講太子開咗間幾🥰旺埸嘅煲仔飯店，今日一於就黎試吓！細古法🐑羊腩煲$118，佢有細、中同埋大可以揀🤤所以人多人少嚟食都OK👌。呢個細嘅🍲其實份量都好足👍，有跟例湯🥣同埋白飯🍚。羊腩肥瘦雙間好靚仔😍，啲羊肉🐑同埋支竹煮得好嫩好入味🤤，薑味幾香濃🥰但又唔會係辛辣嗰種味，😋入口好順感覺好驅寒！豉汁白鱔臘腸🍲煲仔飯$88，一開蓋即時香氣四溢🤤。佢有好多件白鱔🐟，好足料👍，而且大件😍又肥美鮮甜😋！煲底嘅飯有飯焦🥰，好甘香脆口👍，質素幾好💰價錢又幾抵。

太子這間噢吧煲煲掂，之前經過見到已經留上了心，這個羊腩煲很吸引，今日來到太子，就決定食返個羊腩煲。我們要了個古法羊腩煲、滑雞煲仔飯。餐廳送上個牛肉湯海帶湯，湯底頗清甜。古法羊腩煲 細煲$118 現在物價飛脹，這是我見過價錢最貼地平民的價錢了。羊腩煲跟爐上，而且配有一個飯。裡面有紅蘿蔔、蒜、香芹菜、枝竹、生菜……等，主角羊肉切得夠大件，炆得夠腍，羊腩又好入味，其實在鍋內夾起食經已夠味，點上跟配的腐乳就更惹味。面的羊腩汁很惹味，所以配菜也特別美味，尤其是枝竹，所以叫多了一份枝竹$20。滑雞煲仔飯 加窩蛋$48煲仔飯中我們要了滑雞煲仔飯，加窩蛋，上枱後，煲仔飯揭開蓋熱辣辣的，見到窩蛋雞肉滿滿地鋪在飯面上， 雞肉帶有酒香比較嫩滑，不過味道稍為淡少少，飯伴著窩蛋及再加上雞汁，好美味。

見呢段開始轉季 所以就同左屋企人去食下煲仔飯 暖下個🥰🥰臘腸排骨煲仔飯 $58臘腸有半條都可以接受～🥰個味道都唔錯🤓 但一個女仔食我覺得份量有啲大😂 煲仔飯最緊要有飯焦 而呢間既煲仔飯都做到！ 排骨正常 所以我覺得對得住個價錢！☺️羊腩煲 $118（細煲）我地有啲心思思想食 但怕兩個人會食唔曬 好彩呢間有得比客人揀細、中、大煲。羊腩份量都ok ， 唔會太肥 配埋腐乳真係好正😍腐竹 $20食羊腩煲 識加一定係加腐竹🥰