垣記雞蛋卷

Open Now

Now Closed

來到土瓜灣兩次,才發現這家炭烤蛋卷就在8度酒店對面,一不留神會以為是普通小店,招牌中雖稱為士多,但格局卻跟一般開放形式士多不同,反而有點像地產公司。決定各買半磅才推門而入,原來這蛋卷店小得離奇,一推門幾乎撞到那防止小狗外出的欄柵,三頭狗狗大小不一地望著月巴客人,體積最小的反而最會吠,體型最大的唐狗最為乖巧,請問這裡有拉布拉多嗎??只以密實膠袋盛載的半磅蛋卷($24)及鳳凰卷($26)排得整齊,蛋香不時從膠袋裡透出,幸好飲茶時先為他們拍下未碎前完好照片,只因回家後已有一部份變了碎片, 可想而知其香脆程度真的高。以多層薄如蟬翼的蛋漿薄片重覆卷成的原味蛋卷質感鬆化,烘焙時間有別以至顏色深淺不同的蛋卷外表看似死實,其實輕輕一咬已應聲斷開,鬆化香脆絕不硬實,香脆蛋卷散發著牛油濃香中也滲出陣陣椰汁香,隱約還有點炭香味,這條沒包裝的蛋卷真的相當好吃,讚。另一款鳳凰卷層數沒蛋卷那麼多,只有幾層的吃來更為香脆,扁平鳳凰卷中間加入砂糖、芝麻及椰絲作餡,甜度會較蛋卷稍高,比蛋卷多了一重椰絲香及芝麻香,口感上也更多變化,兩者味道各有擅長,個人建議要先吃蛋卷才吃鳳凰卷,這才能品嚐出它們個別的食味。看似平凡的小店

諗番起對上一次食佢整既蛋卷起碼都十年前有多去親九龍城經過聖三一果邊既球場都會見到既木頭車自從十多年前失蹤後, 今次終於可以再嚐滋味問過店主, 原來早響7年前已經搬左入舖, (肯傾下計服務態度算唔錯)可能基於當時資訊冇無咁發達...我都係近呢一兩年先響網上同電視上得悉萬千感慨呢個滄海桑田呀 不過最可惜既係鳳凰卷已經賣晒 惟有下次早d去買!!依家舖面定名做士多, 亦都張貼左香煙同樽裝水, 啤酒既價錢一踏進店內就有一圍欄, 店主等四人當時正響度打緊麻雀亦有一中型狗響圍欄之內, 估都估唔到咁細間舖都擺到麻雀枱衛生方面所有雞卷均以密實袋獨立包裝, 以保持其新鮮及不受污染, 唔錯事後同朋友行到九龍城廣場忍唔住開黎食, 好鬆厚, 好脆口, 陣濃濃既牛油香的確十年如一日, 絕對值得"特登"經開去買

之前上黎睇到就想話試下原來都幾就腳;P$24 半磅鳳凰卷(有18件)一開始覺得有少少貴(士瓜灣Ｄ野好多好平)但買到番屋企真係好好味好味到我申請左咁耐終於要寫第一評食評真係好鬆化又好香平凡但不簡單下次要試下佢Ｄ蛋卷先得!

晚上六時三十分左右去到想不到在一眾車房附近，竟然有蛋卷賣早我一步的一位女士，一口氣掃走了十多二十包蛋卷還以為會白走一趟，幸好還剩下一包我和朋友看見那麼受歡迎，便即時拆開來試試味道不錯，雖然不是我喜愛的蜂巢蛋卷但這裏的蛋卷也充滿蛋香，而且十分鬆脆有機會的話，也要試試鳳凰卷（當晚已沽清）

個土瓜灣食完中午仲見早, 就去左後面街搵好野食~係openrice見到呢度有間老舖, 話係炭燒蛋卷黎架喎, 仲要一個差既食評都無, 咁就要試下喇~!佢既厚度絶對唔係街一般見既薄yup yup, 同個d罐裝泡打粉/梳打粉蛋卷又或者澳門個d薄皮風吹蛋卷係2回事黎!雖然顏色唔似平日既咁鮮黃, 但由始可見佢係用雞蛋既自然色絶無添加劑~~~食入口除左脆仲有有陣陣既雞蛋香味, 好食!!

其實都想食左好耐, 今日啱去開果頭, 即走去買黎試啦, 買了一包蛋卷, 一包鳯凰卷, 蛋卷好脆好好味, 我覺得比精x蛋卷更好味, 而鳯凰卷其實都做得好好, 但我不太喜歡食椰絲芝麻, 如果有肉鬆味, 咁就Very Perfect啦, 其實呢間鋪現在已比上面幅圖更光鮮, 現在是玻璃門, 感覺較骨子及整齊, 店內除一個男店員, 還有一隻可愛肥八哥助理, 希望遲啲有肉鬆鳯凰卷就好了, 我必定會定時幫趁呢 !!!!!!!

由細食到大的蛋卷，之前係聖三一堂同真善美村中間既行人路 (起碼都有20幾年前)，幾年前就入咗木廠街舖頭做。蛋卷沒有坊間那麼鬆，但好香蛋味，食落都鬆脆，好新鮮。 真不明白很多人為何要去澳門買雞蛋卷回來做手信， 這間好食得多。 不多選擇，亦沒有包裝，但充滿人情味。 這是我的集體回憶~~~~

呢間野係我屋企附近既,不過一路都冇幫襯過,之前見到d食評講到咁good今日一於落去買黎食!間鋪頭只係得蛋卷同鳳凰卷賣,我就買左蛋卷$20一包,真係估佢唔到咁脆~入口超鬆化,又勁香椰汁味~good!!!!下次要試埋鳳凰卷先得呀!

人，總愛忽略自已所擁有的。當大家都一窩蜂地，沉醉於澳門的手信 - 雞蛋卷、杏仁餅，人人去澳門都愛買一大堆手信回港，但有誰肯花心機在香港做得更出色的？太公非要炫耀自己有多"花心機", 而是真心地想為本土飲食文化抱不平 - 對，香江的確愈來愈多為了賺錢而忘了作好原本味道的食店，但仍有少數，堅持將老味道帶給街坊、香港人的店家；但這些店子，不是全部都有被我們珍而重之。垣記，許是其中之一；一家小小的士多，瑟縮在炮仗街的角落裏，週圍都是車房，有點髒，妙齡女子孤身走過，還得帶點勇氣，猶幸是有有好有相伴；進店家，陳設簡陋，只有一個簡單的架，裝了幾袋蛋卷，零零落落的。一大一小的狗還會對著我們吠 - 但沒多久都懶得動了，大抵是因為天氣實在太悶熱的關係，還是見其主人 - 看店的老伯伯，對我們是笑容可掬，也不好意思「惡吠相向」呢？反正土瓜灣是常來的地方，先買半磅雞蛋卷嘗嘗；坐車回公司的途中，忍不住張望了一下 - 哇，還未打開盛著蛋卷的密實袋，那香氣已是除除飄出！在車上不便吃蛋卷，還是貪婪地打開袋子聞了很多遍到公司，終於可以開動！垣記的蛋卷和其他地方售的不同，蛋卷本身沒那麼鬆，屬較為實淨，不過香脆度絕對是有過之

垣記雞蛋卷 係3年前左右tvb d 飲食節目有介紹過, 所以就特登去呢到試下第一次去買係農曆新年前去, 去到竟然話冇晒, 要定先有, 原來好多人定蛋卷做新年禮物, 第二次再去就試到真正味道!!! 正!!! 就係我細個最愛個隻蛋卷, 鬆, 脆,香, 肥肥短短, 越燶越好食, 香港找過好多唔同蛋卷, 去北角啦,西環, 澳門啦, 個d 大牌恆x更加唔好講, 都食唔到呢一隻蛋卷, 重點係香同脆仲有一樣特別, 就係佢地只有短短地, 兩邊蛋卷皮係反入中間, 所以唔會同一般蛋卷兩邊會碎, 同可以脆d第三次去買係2年前結婚後, 同老婆買兩盒俾佢個姐妹, 當日同個老細講多幾句, 原來發現佢爸爸十幾年之前, 係系馬頭圍,聖三一堂後面開推車仔檔賣雞蛋卷,因婆婆住馬頭圍, 細個逢星期日會去婆度, 夜晚走經聖三一堂, 就見到呢檔雞蛋卷, 當時一包得幾條, 賣好貴, 但真係好好食, 食個時仲一條條插入手指度又玩又食!! 好開心!!食返真係好回味!!! 不過位置真係有d僻, 所以唔可能成日去買啦!! 大家可以一試!! 我自己就鍾意食蛋卷多過鳳凰卷

從小酷愛吃蛋卷,每次都食到唔停得口,記得連罐內的碎屑也不會放過的.....除了一向支持恆香鋒蜜蛋卷外....今日終於有另一選擇喇就是"垣記雞蛋卷"第一次是由家姐買來給我家的,蛋卷雖然顏色不太美麗外形肥肥短短但甚有 hand made feel.....入口鬆脆.,散發著香濃椰子及雞蛋味....十分鬆脆Yummy!!!果然沒有介紹錯!!!據她說這是土瓜灣十分出名蛋卷,我們幾姊弟經一吃之後便愛上了呢~不足3日我們吃了半磅呢~至於鳳凰卷.....不過一向被澳門那些款式新穎口味多多的寵壞了呢,所以這原味只覺一般不及蛋卷好味,但都十分薄身脆口~地址在土瓜灣傲雲峰對面家姐更說老闆是一位伯伯來的, 十分好人....不過門口就有2隻狗狗會吠人的......所以怕狗的就要有心理準備啦~

這的確是一間非常隱閉的小店。只有蛋卷和鳳凰卷可供選擇。蛋卷半磅$20, 一磅$40(密實袋包裝)/$42(禮盒裝)。蛋香不算濃郁，但入口鬆化。貨架上的蛋卷有些烘得較「燶」，有些烘得較淺色，甚有自家製的風味，喜歡香口的大可選前者。蛋卷的長度是一般的一半，吃的時候比較方便。老板是一位老伯伯，人很好，除了很細心介紹有什麼貨品，找錢的時候也會叮囑「不用急，收好錢才慢慢走。」

年紀"有番咁上下"的食客，應該對馬頭圍那一間炭燒鳳凰卷小店略有所聞。老師傳從前在特定的一天，都會帶同漆油到路邊的石柱把多年在石柱上寫下的廣告重新掃上新的漆油，風雨不改。此店原址是在一間鞋店之內，到後來自己獨立出來，在每天的早上都會製作一些雞蛋卷和鳳凰卷。這小店的雞蛋卷和鳳凰卷特別之處，是蛋漿加入了頗重份量的椰漿(?)，除了入口鬆化之外，陣陣的椰子香味增添了風味。雖然現在使用了普通的密實袋用來包裝，但是沒有損害到本身的味道。此店有接受預訂服務，街客以最少半磅一包來作單位。