壹點甜粵點專門店

Open Now

Now Closed

某日經過土瓜灣想食點心就試試，店內大概二十幾三十個位左右茶價$5 每位點心拼盤$40有燒賣 蝦餃 粉果 菜苗餃 叉燒包 馬拉糕，味道幾好又可以一籠有幾款點心 唔使逐籠嗌鮮蝦腸粉$27蝦新鮮 適中厚肉，腸粉滑。正常發揮鳳爪排骨飯$31都幾多排骨 幾多肉 不過都多肥位 比較難咬，飯既份量足夠亦粒粒分明 唔會蒸完會一舊舊香脆韮菜角$19真的值得一試 外皮炸得夠薄而脆，餡料又好飽滿 包得好好 食落唔會散開，幾驚喜。

姊曾經係土瓜灣住過一排，尼一間細點心鋪係唯一一間搬走左之後仍然會不停為左佢專登返黎翻兜既食店，而且姊既老母食過一次就愛上添。一間家庭式經營既細點心舖，坐得唔算舒服，亦無靚裝，但經濟實惠足料好食，可以話好食過好多大酒樓。每籠點心擺上枱熱到出煙，姊必點推介有鮮蝦菜苗餃、蝦餃、魚翅餃、叉燒腸粉、咸水角，蒸飯都超多人嗌，但姊飲茶通常只嗌點心。人少既話，又想試多幾樣點心，尼度有超貼心既點心併盤，超好！話你知，姊以前唔鐘意食咸水角，但試過尼一間既咸水角之後，而家只會食尼一間既咸水角，但好可惜，噚日唔記得影咸水角🥲📍壹點甜粵點專門店 (土瓜灣)土瓜灣馬頭圍道224號地舖

又嚟幫襯小店～懷舊即整點心真係買少見少👍老實講好食過好多所謂米芝蓮🫣點心等候時間比較長，建議唔趕時間先去😌不過點心出品都比較大件，夠晒飽肚👍👍👍美中不足就係間鋪太細，淨係坐到幾枱，有時唔又好彩需要等位🙃但都值得推薦的😍一般兩條友食四至五籠點心都夠晒飽😀🏠壹點甜粵點專門店 (土瓜灣)土瓜灣馬頭圍道224號地舖#點心 #dimsum #點心時間 #土瓜灣美食 #香港探店 #香港美食 #黃怪獸 #黃怪獸覓食 #黃怪獸自家製 #香港美食 #香港好去處 #香港 #食 #食譜 #食飯 #自己整 #食飯啦 #yum #yumyum #yummy #hk #hkfoodie #hkfood #foodie #foodiehk #foodporn #hk90s #想要更多真實食評搜尋ig黃怪獸覓食

家中老人家生日, 本來想去土瓜灣北帝街食上海菜慶賀,惟那餐館原來已結業,幸好想起朋友介紹過此店,因此來試下. 店子小小的,大概得6至8張二人至四人檯. 抵達時,幾乎全部坐滿,9成9是老人家😆,相信部份乃fans 屎來的. 幸好仲剩有一張二人檯. 一名女職員負責招待,奉茶,落單和埋單但快手😅,服務要求不要太高就可以🙆‍♂️🙋‍♀️. 現在很多大酒樓服務也不外如是, 有些根本無服務却要收加一添!點心上檯快, 樣樣熱辣辣, 是日沒有糯米雞,最後點了點心拚盤 (只售$40),加一碟香脆韭菜角($19)和春風得意腸 ($25). 食物質素可媲美大酒樓, 甚至比價錢貴的大酒樓出色. 用料好, 食時感受到該店的自家製出品,實作難得. 隔鄰檯盛讚牛肉和鯪魚球好吃.原來此店不收加一, 埋單連每人$5茶,共$94, 以食物質素和價錢來說,實在沒話可說. 更何況吃得飽飽的現在小店生存也殊不容易, 何況自家製作的小店舖. 韭菜角真心推介👍, 必定會再幫趁, 下次試下咸水角,糯米雞和鯪魚球,因不吃牛肉.  相比之下,反而覺得春風得意腸沒有什麼特別😂.

喺土瓜灣經過呢間小店，門面都唔算太靚，不過入到去估唔到都有驚喜😍佢的點心都算幾大件，價錢都算公道，性價比都唔錯👍👍見到佢啲嘢喺廚房都係自己做，隱約見到佢包緊叉燒包，我都見到佢釀茄子，相信佢入邊嘅嘢都係自己做！由於應該係即整嘅關係，如果入去食有啲心理準備要等一陣！兩個人食建議食5籠左右都夠晒，我哋今次分咗兩次食，兩次嘅體驗都唔錯！可惜個場地太細，有機會要搭枱😼1.鵪鶉蛋燒賣燒賣入面的肥瘦均勻，味道都算可以！而且都幾大粒2.鮮蝦菜苗角外表係粉果皮，個人唔太鍾意，入面就係有蝦同埋菜苗，餡料嘅味道都OK！3.燒汁炸茄子呢個有啲似煎釀三寶，表面放咗魚肉，再炸！可惜個皮炸到太硬，而且入邊吸咗好多油，呢個唔太推薦4.鳳爪排骨飯都可以，不過不失！鳳爪同排骨味道都唔錯，不過啲飯偏淋5.蟹籽鮮蝦燒賣份量好足，而且都幾大粒！唔錯唔錯😬6.醬皇蒸鳳爪呢個又係幾Juice，味道唔錯7.豉汁蒸排骨份量都幾多，小店一啲都唔孤寒！呢個真係幾抵食！8. 蟹柳棉花雞呢個又係超超超大份！棉花雞嘅味道都唔錯，有棉花雞嘅清淡，又帶啲鮮甜9.香脆韭菜角呢個真係好有驚喜，表面有啲似鹹水角，咬落去入邊係釀韭菜同魚肉，而且個皮好薄，呢

以前住土瓜灣，食過呢間小店之後，講真無論搬幾遠，都會返返黎呢度食！呢度係每樣點心都值得俾5粒星星嘅人情味點心店！在大酒店可以食到環境，但呢度係食到好味道同人情味！老闆娘個記得你飲開咩茶，食開咩點心，知你鐘意食辣仲會主動拿來佢自家製嘅辣椒醬，個辣椒醬有佢家鄉獨特嘅風味，辣得來好好味！點心都比一般酒樓大！我最鍾意食佢嘅菜苗餃同埋牛肉，大粒得來真材實料，令人有滿足嘅感覺！另外佢嘅炸物都係超級出色，春卷、腐皮卷、明蝦角都係即叫即炸，又香脆又香口！壓軸登場嘅係不得不提嘅鹹水角，呢度嘅鹹水角可能係我食過全香港最好味嘅鹹水角，香港任何一個地方都搵唔到呢一個質感，口感非常之軟糯！每次嚟到我哋都會叫！我成日好擔心會食唔返呢啲咁好味嘅嘢食，好希望呢間小店可以繼續生意興隆！

壹點甜，唔係第一次幫襯啦，大家街坊食到老板娘都認得我，已經成為我食中式點心不二之選!今次介紹，係第一次食嘅桂花椰汁糕.以前唔多覺壹點甜有甜品提供，點都好，有多D選擇係好事，希望將來有芝麻卷啦，紅豆沙啦，花生糊啦..... 等等.我都知無咩可能，面積太細.椰汁糕甜度適中唔會太濃或太淡，椰汁香比較重，入口嫩滑，如果一碟四件更好.

記得以前食過呢間點心舖一次，今日一個人路過，所以諗住買外賣，叫咗三樣點心：1）蝦餃皇（$29）：都好精緻，有鮮蝦，足料嘅，皮係厚咗少少，味道可以2）鳳爪（$23）：絕不欺場，食極都有，味道拍得住茶樓3）香茜叉燒腸（$22）：皮厚咗少少，但勝叉燒足料，味道正正常常總括而言，呢間係街坊小店，價錢未算好平，但係份量同材料都冇欺埸，叫咗三樣嘢我等咗差唔多30分鐘，我絕對相信佢真係即叫即蒸。入到去舖頭，其實七張枱五張都有人坐，所以佢一定有佢吸引街坊嘅原因，我相信係人情味。

今日第一次黎食點心舖頭細細，都好多人叫外賣同堂食食物質素唔錯！三個人食咗九個點心！最推介係炸兩入面整得好脆😋😋😍😍😍仲有蝦！忍唔住，食咗好多舊😋其他點心都正常發揮，有啲我覺得仲好食過連鎖嘅酒樓😋😋下次又可以再過嚟食吓！

「壹點甜粵點專門店」雖然簡陋吵雜，但食物有茶樓水準。🦐水晶蝦餃皇 $²⁷皮薄彈牙，餡靚多汁，推薦。🦐原隻海蝦腸 $²³皮厚，彈牙黏口，每條腸粉兩隻蝦，算大隻。🖕🏾醬皇蒸鳳爪 $²¹醬汁不算稠，味道不夠濃。🦐蟹籽鮮蝦燒賣 $²⁶豬肉偏多，有點膩，不是我的喜好。

咪就係加價囉....不過..... 正常嘅.....質素高過D大酒樓，無奶油唔加價嘅.....合理合理！好似今次點嘅點心，蝦餃，炸春卷，鳳爪熱到辣咀，每款點心份量足，蝦餃裡嘅蝦新鮮彈牙，滿意！我唔中意用雞翼，燒肉做糯米雞配料，壹點甜落冬菇同臘腸，都係我中意嘅配料，而且散發淡淡荷葉味，滿意.加價唔緊要，最怕加價之餘但水準變差，今次幫襯仍然保持水準，感恩！

心血來潮想吃點心 上網找了這間 評論好像不錯乾巴巴的跑了15分鐘去 可惜沒有開門 隔天起床深深不忿再是摸上門，終於成功了十一點多也只有三四個食客 全都是街坊 和老闆娘很熟的樣子 店面很小 這樣也算是半滿了 看了點心紙很多都想試叫了一整桌子。 這裏是即叫即蒸所以全都要等一會開始上菜就馬上後悔了， 因為全部都很大件 鹹水角潮州粉果 菜苗餃都比平常大一倍。像叉燒包的size 😥😥😥這裏的蒸點行不錯 皮薄餡靚 可是略嫌有點太足料了 吃著有點膩😑 犯賤哦 😁😁馬拉糕超水準 十分鬆軟， 流沙包也不錯 流沙程度好 有蛋黃香 略嫌有點不夠甜 糯米雞超級足料 內面還有臘腸 老闆娘下重本 🤗唯一不好吃的是雙拼糕 即是蘿蔔糕拼芋頭糕 粉調得不好 又乾又硬

現在高山劇場增建咗新翼，就多咗節目選擇！今日又來高山劇場，當然又要搵食啦！上次去咗食好正餃子，今次搵到一家點心專門店，店名叫 “壹點 X", 第三個字被紙蓋上，但原來叫 “壹點甜” , 無所謂啦！食點心，都唔係一定要去米芝連，呢間街坊小店，即叫即蒸，食品 quality 幾好架 ！茶錢簡直平到你唔信，$2, 無錯，係兩蚊一位，茶葉又唔係差，無澀味, 飲得落 ！係良心小店 ！店面唔大，只有大約 20個座位，裝修簡單！叫咗 5 款點心：蝦餃、鳳爪、排骨、雞扎、馬拉糕。連茶錢盛惠 $104 ！真係街坊價錢 ！雖然即叫即蒸，都唔係等好耐！送到來熱喇喇！咗排骨有D味精，其他味道恰到好處 ！蝦餃一流，蝦新鮮彈牙！鳳爪沒有染色，花生醬汁味道適中！雞扎嫩滑，最贊那件芋頭，又粉又香！馬拉糕好大件，有蛋味，甜度剛剛好！排骨味道有進步空間！有小小意見，希望老闆娘唔好介意！樓面那位女士應該係老闆娘，客人用過既“紙枱墊”，唔好呢用布抹下就再用，慳儉係好，但衣家流感高峰時段，注意衛生很重要哦！咁既食物質素，咁既價錢，點可以唔支持 ？

坐巴士常經過這間點心專門店，上星期六與朋友往高山劇場看表演，順便去試吃點心。店舖面積細小，只有廿多個座位，食客大部分都是附近的街坊。由於過了繁忙時間，故食客不多。我們點了幾款點心，都是即叫即做的，十分新鮮。現簡述如下：1, 蟹籽鮮蝦燒賣（$24）：燒賣的外型飽滿，肥瘦肉的比例均勻，每粒也見到有蝦仁。咬下去，肉汁豐富，甚為惹味，是中上水準。2. 蟹柳棉花雞（$19）：以這個價錢來說，份量頗足。雞肉十分香滑，少見地放了薑絲，增加了香氣。稍嫌魚肚較薄，影響了口感，但以$19一碟來說，還想怎樣呢？！3. 鮮蝦菜苗餃（$20）：菜苗餃的賣相晶瑩剔透，味道鮮甜清新。可惜餃皮過份諗軟，一夾便散開，因此吃得較為狼狽。4. 香脆韮菜角（$17）：這款是我較喜愛的炸物，上檯時三大件炸得熱辣辣。咬開後原來滿是韮菜，味道濃厚之餘，亦減少了油膩口感。由於只是作為下午茶，午餐仍未消化完，故還有很多款點心想試，也無「腹」消受了，惟有下次再來試吧。順帶一提，這裏的茶費只收$2，較其他點心專門店便宜。但一分錢一分貨，茶葉的質素就一般了。

想知道餐廳質素好唔好，最簡單嘅方法，就係比較.早排落深水場，食完又貴質素又差不知所謂嘅什麼"周師傅"點心，心有不甘，想食番有質素嘅點心，等到星期六得閒，即刻落去幫襯臺點甜！今次又試下新點心，素餃！素餃皮薄晶瑩通透，入面餡料份量足夠，無偷工減料，滿意！蝦餃，叉燒腸，每款點心，論質素論價值，周師傅輸9條街啦！幫襯到今時今日，好想同老闆娘講，咪收檔呀！一間又平質素又高嘅點心店，如果無咗我搵唔番架！唯有多d黎幫襯！