多多車仔麵餐廳

Open Now

Now Closed

公司搬返火炭都已成5年，呢5年真係冇啖好食，唔係d嘢唔好食咁簡單，而且仲要冇得選擇，因為我哋唔近工廠區，如果要行都要成15分鐘到。🙈🙈🙈但食飯得個一個鐘，咁又去得邊呀？所以食嚟食去都係果一“兩間食市，再唔係就公司飯堂，早排公司附近嘅街市進行大改造，開左兩間新食市，而家我就介紹吓呢一間車仔麵先。👍👍👍多多餐廳講真佢真係唔算平，味道唔算好出眾，但講真又唔差，都算中中等等啦！對於我哋係沙漠地帶返工，佢真係我哋嘅綠洲嚟嫁啦！😍😍😍二餸$30，三餸$39，四餸$48，仲有個滿漢全席，8餸$56。車仔麵係冇分午市，下午茶等，所有飲品要另外加錢。🤣🤣🤣

閒日Lunch time 唔算人多，但食物等得有點耐。米線麵質幼而硬，湯底唔好食。料除左比得唔多，墨丸一開二 有兩粒。咖哩魷魚唔入味之餘仲有奇怪的味道，咬左一啖無再繼續食。總括而言係食過最難食的米線。