多多車仔麵

Open Now

Now Closed

每星期週末我都會食嘅車仔麵～ 聰明哥有豬扒或者雞扒揀，兩樣都好食～！呢個大家一定要試，係佢地招牌嘅餸外層很香脆，呢個味道係其他餐廳搵唔到嘅！外賣佢地係會分湯，唔洗驚個雞扒會淋晒。清湯湯底加四川辣汁係我每次都會揀嘅組合，蘿蔔清甜，係車仔麵必揀嘅餸。時菜的種類有很多選擇～ 另外，外賣也會附送一小包菜鋪，不過份量如果可以多一點會更好因為佢地嘅菜鋪好好食，但每次都覺得唔夠食咁。老闆娘人很好啊，大家可以來試一試

已經唔係第一次食多多車仔麵～水準依keep到 （今晚仲要見到勁多外賣單）掛住佢啲咸雞又心血來潮想食車仔麵於是乎叫左份咸雞小食一份 好似係$40（佢有一份、半隻、一隻賣）不錯！不錯！🤤（呢份係雞翼、腩肉米粉清湯）（聰明哥豬扒！推😻）（鳳爪、生菜、聰明再豬扒米線四川辣）三人份量！飽！滿足！#jamjameat

$25酸甜齋，只有4大件，又唔多夠味。出名豬扒一件要$40,算是好味，不過也只是大埔街「平記上海麪」的水準，就腳都可以接受。其他食物的味道也一般。街坊可以，專誠就不值得。

今日黎到大埔試下好出名既聰明哥豬扒，7點左右去到，餐廳都好滿下，但兩個人都搵到位😊車仔麵既餸都有好多款可以揀，一黎就當然係剔左個聰明哥豬扒先啦，同埋都想嗌埋吉列豬扒比較下聰明哥豬扒睇落已經好吸引，食落真係好好食，醃得好入味！真係主打！至於吉列豬扒比想像中深色，可能小小炸過龍，但食落都香口既車仔面揀左咖哩汁，正常發揮，豬腸夠哂肥美香小食揀左呢兩款，甜酸齋浸埋d湯一定好食啦，菜莆蛋角唔係到到都食到，都整得好香口，軟綿綿好有蛋香小店來講呢間餐廳員工態度都好好，大家真係要多啲幫襯☺️

📍多多車仔麵🇭🇰 大埔安泰路1號大埔廣場地下56號舖住係大埔嘅朋友推介叫我唔好淨係食雲桂香 試下啲小店🤣🤣呢間小店做街坊生意 不斷都見到有人流同埋職員好nice 有好多熟客 感覺好有人情味😋 吉列豬排、牛腩、生菜米線 $47個吉列豬排又真係超級好食喎！炸得勁脆 皮薄肉厚又嫩牛腩都唔錯 幾入味幾淋米線就一般🤣偏淋咁當然我唔會攞佢同米線舖比較 所以都ok的！揀咗腩汁小辣 都有啲辣！覺得佢可以再濃啲整體而言佢啲餸係幾好食！

想食好耐，今日終於食到。聰明哥豬扒最出名，調味很好，有肉汁。可惜不太懂欣賞，因為唔鍾意食豬，本身想轉雞扒，但下單時忘了，下次再試。菜圃蛋👍🏻好食，沒有某些店般的死鹹，蘿蔔清甜，酸甜齋賣相漂亮，但我沒有試。雞翼普通，米粉忘了叫扣抵，好大碗。辣椒油麻香夠辣。菜方面有好多選擇，芽菜係本地芽菜，條條胖胖飽滿，西洋菜也很鮮嫩。牆上有不少Error的照片，記得看訪問，老闆娘喜歡肥仔。老闆娘健談親切，很好的小店，一定會再來。

是日又是捕螢完覓食，這次多多還有開就去吃了. 店內有很多error的海報.想叫豬紅sold out, 車仔麵其實都是食餸，蘿蔔好味，夠淋沒起揸又清甜，雞翼尖ok, 雞腎爽脆，豬扒我看店內字眼都極力推介就忍不住點了，是真的好吃，炸粉剛好肉汁亦夠，朋友點的冬菇，咖喱魷魚和豬腩肉都ok.

多多車仔麵店，係大埔其中一間我成日經過好想食但食唔到嘅良心小店，咁多年嚟我只係幫襯過一次，但近來某日… 我家老闆竟然話要帶我去果度食好嘢，嘻嘻~ 老闆固然必食碗仔翅，跟住佢又好鍾意食雞所以叫咗個咸雞飯，咁我本身叫咗招牌麵吖嘛，但最後佢都係忍唔住叫多個炸豬扒，兩個人食咁多嘢，睇嚟佢真係好想介紹我食呢個好味道嘢。大名鼎鼎嘅聰明哥炸豬扒珊珊來遲，食咗其他嘢打底，正常我戰鬥力會減低，點之個炸豬扒一嚟到，嘩~~~ 外表炸得好靚，肉眼都睇得到佢炸完仍然保留到肉汁，我被佢嘅香味同Juicy攪到我胃口大開越戰越勇，其實我平時係唔食豬扒，怕佢乾爭爭甚至柴哂皮咁，勢估唔到今日竟然有豬扒令我調返轉勁食，今次老闆都唔夠我刷得呀，我差不多食哂所有豬扒，今次我終於肯認我有時真係好大食…. 補充，其實我個招牌麵本身都有跟豬扒，但老闆睇唔到所以我另外仲有份細的，我終於係食唔哂細果碟囉…..

又一間大埔既良心食店，老闆娘好友善☺️，主動同食客傾計，令我覺得除左食物既美味，仲多左一種人情味。三餸一麵 $40+$3 (甜酸齋•聰明哥豬扒•豬腩肉•米粉)湯底我揀左沙嗲汁同四川辣汁，唔好睇落顏色咁普通，食落又幾重口味，沙嗲辣味都好香濃，配上米粉非常掛湯🍜，但又唔會食到口渴。甜酸齋一分為二，方便入口，正常發揮。聰明哥豬扒🥩醃得相當入味，外皮炸到黃金香脆，豬扒保持到肉質鬆軟得黎仲有絲絲肉感，唔係外間常見既鬆肉味。而豬腩肉🐷都好淋，食落唔會好膩。枱面除左辣椒油🌶，亦有店家自製辣菜莆，配上粉麵食都好惹味。我都無諗過食車仔麵可以咁飽，好滿足😊。

妹聽朋友推介這間多多車仔麵，問我有沒有興趣試。其實我很多時都經過這店，但從未光顧過，因平時都有區內心水之選！今次妹叫到，就陪她一起去試試吧～～～這間車仔麵店是普通茶餐廳類的格局，沒特別裝潢，走街坊路線。見到點菜紙，車仔麵有好多餸可選，有部份都幾有特色，於其他車仔麵店都比較少見，例如：芝士豆腐﹑腐皮角﹑菜脯蛋角﹑吉列豬扒等等。為了要比較自己的心水店舖好吃，還是這家多多車仔麵好吃，我選的配搭跟平日一樣，而妹則選較為有特色的餸。豬紅﹑咖喱魷魚﹑甜酸齋﹑油麵配腩汁，油麵稍為稔身一點，豬紅軟滑入味，甜酸齋的酸度足夠。惟咖喱魷魚是另添咖喱汁搭救，不是本身就煮到入味，魷魚帶微微鹼水味，幸口感夠爽脆。腩汁湯底夠味，但不算十分香濃。這種質素與我喜愛的車仔麵店的質素仍有點距離。魚餅﹑豬大腸﹑菜脯蛋角﹑河粉配腩汁，河粉反而比起油麵好吃，不會煮得太稔，而且所選用的河粉有點點厚度，爽滑得來又帶點嚼勁！豬大腸不錯，香而不羶，又不油膩。魚餅彈牙有咬口。最令我印象深刻的餸是菜脯蛋角家常菜式看似平平無奇，並不吸引，但實情都有點考功夫～～蛋角大件厚實，蛋皮煎得金黃，蛋角充滿香氣又不油膩，內裡還帶點蛋汁，很好吃！！同樣是腩

💛呢間良心小店仲要咁高質緊係要支持下啦！三個餸都只係$38，仲要分量十足，一定食得飽你呢度最出名就係佢嘅聰明哥豬扒，另外吉列豬扒都好推介，成大塊咁上，10分之足料嗰人都幾推介佢哋嘅牛腩同埋豬腩肉，其實好多餸都好推介，住大埔嘅朋友仔可以試吓我多數都會揀米線或者河粉底，河粉更加索湯，最推薦！同埋真係好大碗加腩汁同埋蒜辣汁係佢哋本身個湯底上面，真係好味到想飲曬成碗湯呀！佢哋另外都會送啲辣菜脯，非常開胃，單買成罐返屋企送飯都得添我都忍唔住手買咗罐

係大埔友Fb見到，有人post 同哩間店老闆娘生日快樂，下面有幾個留言都讚好好食 ，再睇一睇 😳 除咗車仔麵仲有乳鴿!!! 今晚叫咗一隻金牌乳鴿外賣做宵夜$50 ，一返到打開已經係超級香 !!! 色澤炸得非常靚，隔咗陣食一撕開非常多汁，咸味醃得適中，食完係超級回味 好食到要即刻上嚟讚 以後可以成為我嘅宵夜良伴

唔知道大家有無去過一些店舖，其配菜反而比主菜更出名，更成為全場焦點？今日嚟到大埔一間車仔麵店，品嚐店舖熱門名菜「聰哥炸豬排」；另外點了大蟹棒、菜心和咖哩魷魚，配腩汁同米線。炸豬扒🥩：咁餐最好食嘅唯一美食，豬扒即叫即製，放落油炸，香脆多汁，回味無窮。如果配蔥油飯或炒粉麵，應該會更香口美味。大蟹棒🦀：店舖嘅另一個招牌菜，但佢只係一條好長嘅蟹棒，冇其他可取之處。咖哩魷魚🦑：魷魚有鹼水味，而且食得出係浸兩浸咖喱汁就放上枱比客人，完全唔入味。今餐完全係炸豬扒挽救左成個餐，我覺得舖頭做炸豬扒比做車仔麵更出色👍🏼👍🏼不過既然掛住車仔麵嘅排頭，建議可以再做好啲🐵環境方面，店舖座位數目適中，環境乾淨舒適，交通方便，令人繼續支持該店💪🏻💪🏻——————————————————————————————餐廳評分（5分為最高）美味：🐤🐤🐤環境：🐤🐤🐤🐤🐤服務：🐤🐤🐤🐤抵食：🐤🐤🐤🐤可達度：🐤🐤🐤🐤🐤

必食‘聰明哥豬扒’。唔使怕肥膩，唔使怕好乾，因為食過好多次都唔會出現呢啲情況。我自己就每次都叫‘腐皮角’，同鮮竹卷有啲似嘅。仲有‘甜酸齋‘，有時會買一份外賣當小食，正㗎！

呢個豬扒享負盛名，好多客人落單，見到幾乎每枱都有佢嘅身影。今日我的車仔麵選項，就預埋佢👌聰明哥豬扒、豬紅、咖喱魷魚粗麵四川辣汁🍜$51聰明哥豬扒，店家將豬扒另上，唔會放落碗湯麵俾湯浸住，影響成品質素👍豬扒炸至金黄色，咬一口，外脆肉嫩，唔會朝爭爭又無滿口油😋😋真好食。咖喱魷魚，爽口，食唔到有梘水味👍咖喱味適中唔會辣。呢度嘅豬紅冇腥臭味，good！粗麵唔係間間都煮得好食，呢度唔錯，麵身煮得透，但又唔會過淋😘仲有佢嘅四川辣汁，帶點辣勁，今次叫小辣，下次可以向中辣挑戰💪