大公雞 (Closed)

葵興餐廳慢慢越開越多，KCC作為葵興嘅新地標，裏面都有各式各樣菜式嘅餐廳其他餐廳都有好多人，而懶等位的朋友，選擇了大公雞-台灣餐廳這裡的餐牌沒有小食，只有套餐所以點了鹽酥雞肉醬，自行加錢轉了手工麵鹽酥雞炸粉很厚，而且炸的時間過長，表面都炸到濃。雞肉比較細，炸耐左後，肉質變得太乾，好似煲湯的瘦肉一樣的又乾又’鞋’手工麵湯底是不錯，清甜，唔會太咸不過，手工麵煮得太太太諗，又發脹曬，根本唔洗用牙咬都可以吞得。不會有下次🤦🏻‍♀️朱古力奶蓋：味道淡，奶蓋是椰奶，never choose again

其實本身就只係返工黎食個飯，都係普通入左一間餐廳，無做資料搜集，無太大期望，又無打算寫食評。但係，有頭髮，我就不得不寫一寫食評黎話下佢。其實出去出邊餐廳食飯，我都好少食佢比嘅配住既菜，因為覺得餐廳通常會煮得唔好食。但係今次呢碗飯一拎上黎就發現，有一條頭髮，連住咗喺條菜入邊。雖然我同職員講咗之後，佢都話會換一碗俾我。但係好老實講，佢亦都可能只係拎走左條頭髮，就俾返碗飯我，所以我本着費事麻煩嘅諗法，拎開左條菜就繼續食。不過，我一齊食嘅朋友亦都話，佢條菜亦都好污糟，入面一層一層無咩點洗既樣。而且其實撇開條菜，佢碗飯都一般般。我點嘅係鹽酥雞滷肉飯。佢嘅鹽酥雞，粉多個雞，食起嚟個口感好一般，就係好多粉既感覺，差評。

當你食咗一排劣食，就會發現，突然食到啲正常少少嘅嘢食都算係幾好食，要感恩了。😂😂就好似呢間，有人話唔好食，但我又覺得ok, 唔太差，下午茶份量算係咁，因為我都幾full, 所以食呢個份量就啱啱好，當然佢都係屬於飯多過餸系列，魯肉份量少之有少，我係用啲魯肉汁去餸哂啲飯嘅。食落都ok 啦，正正常常，如果港島嘅話我就會不滿個味，但呢度嘅話，都無咩選擇可言，算係咁啦。杯柚子蜜都係正正常常，無咩特別。😌😌

今日去開葵興做野 就試下係life@kcc 既大公雞Lunch time 都幾多上班族係大公雞食晏我叫左個紅燒牛肉麵 配熱柚子茶 （$58）牛肉好淋 好入味值得推介！😋😋😋

葵興KCC並非只是商業大廈，樓下早年前經過大裝修後，有很多美味的餐廳，但很多都很早關門，相信主要為寫字樓經營。餐廳內部裝修舒適，座位寬敞。台灣紅燒牛肉麵 $58賣相很好，厚切牛肉份量很多，面質彈口，配熱柚子蜜，很不錯。鹽酥雞滷肉飯 $62鹽酥雞味道不是太濃味，如果雞件可以大塊些會更好口感，滷肉味道很好，蓋上全個白飯，很足料，加錢可另配凍珍珠奶茶。蠔油油麥菜 $15菜很像沒有用油煮般，較乾身，但有蠔油另上， 非常適合 女士食用。炸餃子 $15餃子外皮香脆，內裡肉質亦多汁。如果晚上在這餐廳吃飯也不錯，因為沒有太多人流，又可以靜靜地吃飯及和朋友談天。

初初開業嘅時候，已經覺得呢度嘅牛肉麵好好食，湯底好清甜， 只係牛肉燉湯，係真係可以當湯飲嗰種， 開業已經一段時間，但味道依然keep到，抵讚！今次試咗佢個麻辣三寶，初時仲以為會係魚旦之類，原來係有牛肉牛筋豬腸， 牛筋炆得好林， 而且唔會有 sticky感覺， 個人非常之怕嗰種口感， 所以呢度嘅牛筋絕對可以encore！ 但要提提大家，食牛肉麵一定要飲埋個湯底，食飽之後先叫佢嘅餐飲！今次係第二次食佢嘅炸豬扒， 上次食熱辣辣，今次食就有啲失色，只係暖笠笠， 可能因為飯市太多人，預先預備嘅關係掛！但整體嚟講，食物嘅質素非常唔錯，而且性價比高， 喺附近返工嘅人嘅首選！

又係一個人上完瑜珈堂要填肚～～附近最近商場就係KCC了，熟悉呢度的朋友就會知呢邊商業區，好多餐廳星期六日都唔開，原本諗住是但食吉野家算，但見呢間台灣菜都幾平，又有下午茶餐就改食呢間了！人流不多不用等位，而呢間餐廳原本坐位就好寬敞，而且幾光猛幾舒服我叫左下午茶餐紅燒牛肉麵配飲品，碗麵賣相都ok但份量好細...麵質係闊條手工麵幾好食，但牛肉厚而偏韌，不過湯汁味道算係滲入牛肉入面都合格的,而且湯底唔會太咸，加分！我見佢午市套餐食約五六十蚊，食評就話份量足d～不過就算唔夠飽，加12蚊可以追加小食，選擇都幾多有小香腸、炸餃子等等各式台灣小食。飲品方面點左熱柚子茶，正常不過不失啦～

放假去了葵興的outlet 行街，shopping 前去了搵食😋 到了附近新開的KCC商場吃個午餐！剛巧去完台北旅行餘溫未了，就去了這家新開的有趣台式料理餐廳「大公雞🐓」！週日中午時份，人流不多不用等位，餐廳點餐很台式是用點餐紙的！我們order了二份紅燒牛肉麵套餐配飲品！ 這個紅燒牛肉麵很有驚喜，牛肉麵的湯底是清香的紅燒牛肉味不咸味道適中配了酸菜，牛肉厚而稔身，非常有口感咬落是啖啖肉的而且很入味！飲品方面點選了熱柚子茶，可以潤喉！整體都很滿意喔！

看了食評說不錯，所以來了試下.下午荼吃了個牛肉面+ 杯奶蓋.，下午茶人不多，所以坐得不會迫講重點1. 面不太好吃2.湯頭正常不過不失3.牛肉好淋，但不夠入味.未至於完全冇味，但唔係好味4. 奶蓋一般，始於不是專做荼，不能同喜荼那些直接比較感覺上台灣面的牛肉面比較好吃D。除非好喜歡飲珍珠奶荼之類，否則不用加$12 換

在密度高的工廈附近，找到了台式餐店。坐位寬敞，有一扇大窗，讓光照進，讓人感覺舒服。下午茶時間有不同的茶餐，飽足的有魯肉飯，沒有太肚餓，點了肉鬆手抓餅拼肉燥米線，不太多之餘又可嚐到兩款平時少吃到的食物。手抓餅香口，肉燥米線帶有古早味，配上熱柚子茶，不錯。加上座位空間充足，是忙碌日子中一個很好的歇腳處。

當日要去葵涌工廠睇D貨,睇完都係10點45,早餐又未食,周圍覓食,見無咩點行過KCC商場,一於去八下,點知搵到一間高分的台灣菜。雖然佢地十一點正先開始營業,但我地到左,店員好有禮貌比我地入去住等到夠鐘,環境舒適。佢唔似得好多台灣菜裝潢刻意妨懷舊,呢一到夠光明,令我感到好舒適,對面就係地鐵站啦~我: $58夜市蕃茄牛肉麵+ $0熱柚子茶。牛肉炆得夠腍,湯汁味道滲入牛肉內,牛肉亦比得大方,湯底不咸味道恰到好處。麵條浸好耐都唔見有發脹(因為最後我打包左返公司繼續食),麵條有嚼口。更欣賞係個蕃茄,超級鮮甜,凍凍地,真係好想知佢點整! 酸菜亦難忘,不太重味道夠爽口。同事:$50鹽酥雞魯肉飯+$12珍珠奶茶 。鹽酥雞係即炸,見得到有9層塔,每件大小相約,香脆而炸粉不厚。魯肉飯材料充足,香口滿足。大公雞地址 :葵涌葵昌路72至76號Life@KCC1樓101和103號舖電話號碼:26186882

開左Life@KCC, 食野多左好多選擇。 第二次來大公雞，依然足料。紅燒牛肉麵($58) 有4件牛肉， 每舊牛肉都好大好厚，性價比高。另外，叫左個2人套餐，口水雞份量好足，魯肉飯份量唔少，但略嫌普通，米飯口感不足。價錢相宜，所以整體黎講唔錯。

對我地來講這間都叫新商場，餐廳選擇都不少但好多都偏早收，難得找到間比較夜而且見坐得舒服就來試試。看到一個二人餐都是百多元好抵食，我地兩個當然試一試先啦，不過收得比較早，要食快少少，食到一半已經開始收碟和付款，如果時間長點就比較好。份量有半隻口水雞，看到都有點驚訝，肉都不少但雞味偏少，辣味夠又香，都叫不錯。肉燥面和飯各一個，肉燥味濃而份量多，好飽肚。煎餃子多料好味，如果熱點會更好味。菜有幾款選擇，正常不錯。豬扒就有失望，當初見人地的好吸引，但來到好乾身又冇味，食左少少就冇再食了。最後仲有飲品，淡左少少但可接受，食品如熱些會加分不少，可能因為差不多收工吧。

自從Life@KCC開業後，午飯食點範圍又增加了。今天便到了1樓的「大公雞」用膳。同事曾溫馨提示筆者有心理準備需要等位，但今天幸運地可以即時入座。原來「大公雞」是主售台灣美食的。午巿的餐牌上提供十多款選擇，飯類食品又可轉為麵食，總會選到合心水的一款。盛載泡飯的大碗和夾著收據單的便條座也是有公雞圖案造型，整間餐廳就是「雞，全部都是雞」的感覺。泡飯份量頗多，伴隨著咸咸的湯頭，兩者配合得不錯。飯粒配以蚵仔、肉碎和西芹粒，口感蠻豐富的。不過筆者事後上網查找何為蚵爹，得出的答案是煎的蚵仔。但觀乎碗內的蚵仔都是普通弄熟而已，所以都是不明白蚵仔和蚵爹的分別。隨餐可用12元的優惠價配上特飲。筆者點了一杯朱古力奶茶，點了少冰但還是覺得冰量有點多。朱古力味很重，完全蓋過了奶味跟茶味。不過以12元的價錢來說，就無謂有太多的要求了。

自從公司搬左去kcc之後，樓下勁多餐廳🍴，之前都聽同事話樓下有間大公雞🐓台式料理餐廳🍴幾好食，但每次lunch時經過都勁多人等位，今日等左一陣好快就有位，我就叫左台式鹽酥雞扒拼腸仔飯，而同事就叫左果紅燒牛肉麵，果雞扒外脆內軟勁juicy，而同事果紅燒牛內大件又軟熟，重要勁大件，食到食唔晒，係牛肉多過麵，價錢約40-60元連飲品，都算抵食😃