Video
Above information is for reference only. Please check details with the restaurant.
晚上九時路過，很久已沒有去過，決定入去試試。坐下即叫清湯牛腩河，不用兩分鐘即送到，效率奇高。先喝湯底，仍然清甜味美，河粉很滑，牛腩份量較其地店多，味道也很好，算是滿足了。價錢是貴了點，外面賣二十多元左右，這裏賣40蚊，一點也不平，但物有所值。
continue reading
中午一個人唔知食乜好，行過見人唔多，加上「大利清湯腩」名氣大，所以入去睇下。一坐底，見到牛腩飯唔包野飲都要$50，覺得好貴，但係見到食客們都相當「士正」，於是即管一試。叫左最傳統清湯腩，好快有得食：一碟飯、一碗牛腩，一碗湯。牛腩咬落好好味，好香好焾、好juicy、沒有渣，一碗牛腩，不是只是面頭兩舊靚，而是舊舊都靚，筋同肉分配均勻，入味。湯層次都幾豐富，但就略咸，飲唔得多。一碟飯食得乾乾淨淨，再加五蚊叫杯凍豆漿。初初覺得50蚊貴，係同一般30幾蚊嘅牛腩飯比較，但係呢度，淨係牛腩嘅腩位同份量，再加上廚師手藝，就覺得其實好值：平平地食個牛扒都六七十蚊，全部都靚既牛腩位點只值單少？
continue reading
招牌清湯，最差就係個湯! 1比99 (1湯99水）好明顯用咗大量滾水溝淡晒，淡而無味，連清香味都無，飲水咁；只少天后個間溝淡完落味精去補獲，不過天后個間超䶢，食完要飲好多水。河粉外暖內凍，連煮下都懶，食得出只係用熱湯係個碗到浸暖d粉。牛腩一般。差！
continue reading
lunch 諗唔到食咩好...見到個黃色招牌咁搶眼,一於試下佢!睇睇menu...以灣仔黎講, 佢D飯都唔算平!!咁就叫左個咖哩牛腩面睇試試,30蚊一碗...有D期待牛腩到左, 面亦一齊到,牛腩係就係夠淋, 係就係合格, 但係就唔係好feel到有咩特別之處...咖哩味係就係有, 但又唔係好夠wor,如果再辣D, 就好好多,反正有湯, 有咩事就浸落去都唔怕辣過龍啦!面質同其他面檔食都既都一樣,即係少少軔咁, 其實間間都咁上下食完面, 見到佢原來凍飲都好大杯!於是追單叫返杯先!30蚊就冇野飲, +$7就有凍飲
continue reading
找到個朋友行灣仔; 今期唔知點解, 自從食了新浦岡的鹵水牛腩, 好似上左癮咁, 見倒牛腩店就食...行經大公報, 見倒個大黃色牌, 拖左個fd 入內!我知團購今期有特價, 不過今次係出真金白銀去食架~當時又唔多人噃. 係星期日兩點.就叫個招牌麵喇!真係清湯, 一D 都唔油噃.牛腩肉入口即溶, 件件都係, 冇咩筋, 唔太肥膩, 有水準.麵爽, 冇鹼味; 加D 辣油, 正.原來都要成三十幾, 好彩有朋友關照越開越多分店了, 希望水準可以 keep 住呀.
continue reading