Video
4-min walk from Exit B, Tai Koo MTR Station
continue reading
Introduction
此店出名的是醃製後的車仔麵配菜，如雞翼、牛丸等；喜歡車仔麵的朋友別錯過。
continue reading
Opening Hours
Today
Open 24 Hours
Mon - Sun
Open 24 Hours
Above information is for reference only. Please check details with the restaurant.
Signature Dishes
多次路過都覺得風格比較麻甩🤔今日終於一試，賣相真的麻甩😅但一試就叮咗一聲，佢嘅沙嗲好野味，牛肉薄得嚟夠滑💯凍齋啡出奇地好飲😅應該話啱我口味，因為平時茶餐廳會較苦，老闆一腳踢，好禮貌👍雖然裝修老舊，但會再幫襯🤞
continue reading
同班朋友飲啤酒，吹下水，仲有小菜點，老細招呼一流！埋單平過大排檔！車仔面份量十足，宵夜係鰂魚涌算係首選！👍🏻👍🏻👍🏻缺點係廁所麻麻地，都係去隔離麥記乾淨
continue reading
太古大業車仔麵包菜蜜 or 豆漿三餸油麵腩汁油麵煙刃不重鹼水味。牛肚好入味 夠林 有咬口。鹵水雞翼 不會太咸，肉質不錯。魚皮夠爽，咸香為主。整體偏咸，菜蜜可中和咸味。$37 太抵食了。
continue reading
師傅之前講過黎緊會寫一系列關於車仔麵嘅食評，所以繼續去搵車仔麵黎食。位於鰂魚涌太古中間，車仔麵嘅食店真係冇乜幾多間，有得食都要偷笑啦! 由於冇乜得選擇，師傅只好黎呢間食店，食個車仔麵午餐。入到去，放飯時間都幾多人，師傅一條冷當然好易搵位，坐底後二話不說就攞起張紙同支筆，好似答緊MC咁係咁劃😂。師傅一口氣劃左豬紅，豬皮，豬腸，牛筋腩，沙爹牛肉同腐皮卷，粉絲做麵底，配上辣汁同腩汁，六個餸，再揀左杯豆漿。說時遲那時快，車仔麵就放左喺師傅面前。個侍應姐姐係咁話師傅要六個餸，偏偏黎到得五個餸，咩玩法先? 左睇右睇先發現少左一個腐皮卷，同個姐姐講左兩次才還師傅一份腐皮卷，真係搞笑。一如以往，師傅第一啖當然是試下個湯底，湯底味道普通，唔香唔辣，沙爹味，牛腩味，辣味，樣樣味有少少，但就係唔算好味，到底係食店問題定師傅問題呢? 再試下豬紅，豬紅四四方方細細粒，味道就滷得一盤，入口唔滑亦冇煙煙韌韌嘅口感，一夾就碎，都幾普通下。豬皮正常嘥屎，入口零爽口加上勁腍，超冇癮，失敗。至於豬腸就炆得唔腍，有渣，係幾厚身但算韌，唔掂。反而個牛筋腩又幾好，牛筋比牛腩好，牛筋夠腍夠膠，入味，牛腩就乾身同鞋口少少，牛筋間接提高返師傅少少食慾。沙爹牛肉就正正常常，就係沙爹牛肉囉，冇特別。另一敗筆就係腐皮卷，話佢係腐皮卷倒不如話佢係魚肉卷好過，味道唔得，腥腥地，真係千萬唔好試。至於個粉絲都冇特別，係勝在多，份量撘夠。最後杯豆漿都幾好味。總括嚟講車仔麵水準絕不合格，環境普通，唔算乾淨舒服，埋單50蚊，50蚊有六個餸送埋豆漿，只要冇乜要求，都算扺食嘅。笑臉肯定比唔到，唔喊都係因為扺食撘夠，再黎機會不大。相比從前，好似仲差左。
continue reading
放工去physical 做gym最好嘅晚飯宵夜選擇。有次，誤打誤撞，吾知食咩好，知道要食d野，但又吾可以食到好飽，見到一間好本地嘅茶餐廳，梗係入去支持下。入到去，到叫做乾淨嘅，吾死得人gei, 叫我最鐘意食嘅豉油豬扒飯，一黎到，真係即叫即做，好熱好好味。份量叫做arm arm 好，不過，有時候，肚餓上黎，真心吾夠食。d豬扒好香好好食，都叫做夠食。如果一個愛好豉油豬扒飯gei 你，一定一定一定要去食，價錢適中，老闆好好人。Hahahaha hahha!!!
continue reading