大澳華記香脆雞旦仔

Open Now

Now Closed

講開大澳、網上評論大澳有三寶其中一個係炭燒雞蛋仔、講起這個雞蛋仔呢係超級多人排隊真係誇張到你唔信🙄屋企人為左買咗買依个雞蛋仔、你估下排咗幾耐🙄🙄🙄睇到最後先開估啦！🤭鸡旦仔每底26蚊、價錢其實一啲都唔平㗎。講番雞蛋仔嘅味道先、聞到有淡淡炭燒爐燒出嚟味道、每个蛋粒都脹卜卜好可愛👍好食唔錯。最後講番嘅等候時間、埋到檔口前見到大叔一支公一個爐一對手、他他條條喺度整雞蛋仔、話之你排隊、仲有每個客人去到擋前先決定要几多底、你叫幾多底都得🙄唔怪得要排咁耐喇！佢個安排認真差、應該學下其他檔主派飛、唔使人哋痴痴呆呆喺度傻等真係冇陰公😒😒😒😒😒各位現在開估等候時間登登登登系足足3个鐘😂😂😂所以假期去到大澳建議這個炭燒雞蛋仔千祈唔好排隊等呀！除非無乜人排隊。

炭爐燒雞蛋仔買少見少，大澳這間經常有人介紹，特地入大澳遊玩，順便試試大澳名物。這家店只有一個阿佰經營，亦只有一個炭爐，所以經常大排長龍，阿伯是每一底每一底的慢慢烤，相信每一底雞蛋仔的火侯亦略有不同。雞蛋仔的表皮不夠脆，應該是火侯未夠，如果可以烤多一回較好，吃下去的感覺是軟綿綿的，少許雞蛋味但雞蛋味不太出，跟外面不是炭燒的雞蛋仔也不相伯仲，所以有點失望。同行的友人說上一次他吃的時候表皮是非常的脆，今次水準下降了。

📍華記雞蛋仔 - #YFF大澳-🔸炭燒雞蛋仔 ($25)大澳名物‼️用炭爐燒出黎既雞蛋仔 風味十足 出面好少見🤩每次入黎大澳都見到好長既人龍排隊等買呢間 伯伯一人經營 而且得一個爐 逐底逐底咁燒 所以等既時間都比較長～呢底雞蛋仔炭香味十足‼️味道幾特別 火侯十足 好香炭燒味但略嫌蛋味真係唔重 唔係好食到雞蛋仔既原味😩😩賣相方面 唔知係咪因為炭爐比較難控制火侯 所以燒出黎有少少焦黑 搞到食落都帶少少燶味(｡ ́︿ ̀｡)不過抵讚既位係 呢隻雞蛋仔既口感唔錯～邊位非常之脆 而且每粒雞蛋仔都幾飽滿 不過應該因為吹涼既時間唔夠耐 搞到唔係粒粒都有外脆內軟既感覺(´･_･`)整體黎講 都幾推薦大家入到大澳既話可以試下 畢竟炭燒雞蛋仔係市區都比較少見 如果唔洗點排隊既話的確一試無妨！-

真.炭爐雞蛋仔第一次見到你條隊排到街尾第二次見到你大哥喱喺屋企第三次終於唔使排隊、$25 一底 無慮即決兩底，同老闆R水吹, 咁好生意點解只得一個爐 ，老闆話佢要對雞蛋仔及食客有有良心，專注就是一切，我聽完佢咁講32度高溫底下我都高潮疊起，更加滿心歡喜等呢個雞蛋仔，唔知會唔會比細個食嘅大坑炭爐雞蛋仔叔叔或者石硤尾雞蛋仔更優勝，出到嚟食第一啖即刻想唱首歲月如歌俾自己聽「天氣不似預期」 、雖然有炭味，可惜未能做到外脆內軟，雞蛋味略嫌不夠，如果唔使排隊可以試吓，如果要排隊又好想食到炭味或者可以選擇自己返屋企燒炭😭

🇭🇰大澳華記香脆雞旦仔·炭燒香脆雞蛋仔$25呢間我地上次已經想試架啦 不過上次條隊實在太多人啦 所以最後好可惜食唔到🥺🥺今次排左差唔多半個鐘終於食到啦 佢個雞蛋仔真係好香炭燒味 而且佢係好完美咁一半實心一半中空 口感唔錯 不過我自己就覺得佢個調味好似淡啲啲 食落淨係得淡淡既蛋味咁🤭😂😂·📍大澳石仔埗街121號地下

呢間時開時唔開 每次都要排隊 路過點都買底食下用上炭火烘烤 雞蛋仔香氣四溢 師傳有用計時器每次都會看雞蛋仔實制情況再調節烘培時間 👍一出爐 風一吹 皮就脆 出爐三分鐘內 為最完美狀態 外脆內軟富蛋香 食到停唔到口 $25/底 抵食 😋期間師傳提及雞蛋仔名稱起源 雞蛋仔 外脆如蛋殼 內軟綿如蛋王 諗落又真係有啲似 呢間值得一試 😂

天時暑熱見到條人龍，都咪話唔驚😂，其實中途都有打過退堂鼓，但系要食到佢嘅決心大於一切，所以我哋冒住中暑嘅風險排咗30分鐘，後來聽人講原來哩間weekend閒閒地要等個幾鐘，我系未應該開心😂😂😂。用炭燒嘅雞蛋仔同平時真系！有！分！別！非常脆！雖然未話驚豔但系有蛋香，口感佳，排咗咁耐後悔冇嗌多一底😂😂😂。25蚊/底算系抵，其實山長水遠入到嚟佢個價唔離地都會食架啦😆，排多次就咪搞啦！！！

個個去到大澳都掃街 唔通你唔掃？😚呢間小店嘅炭爐雞蛋仔好出名 一去到已經有一大條人龍 但老闆得一個 手得一對 要等好耐😂因為真超出名 朋友好抵諗 為左一試 排左一個幾鐘😅炭爐雞蛋仔嘅味道 用電爐取替唔到排左一個鐘只係為左炭爐香味🤣可惜食到炭爐味同時 都有一大陣燶味😅我地太唔好彩 老闆整雞蛋仔時太忙 整燶左😂我再去大澳 會留肚食其他小食 唔會回購🤥

🔹炭燒雞蛋仔 $23星期日入到去，排隊排咗成一粒鐘多啲🥲（都明白嘅，成檔嘢得一人操作）心諗如果唔好食真係會反枱...好彩！都算叫做值得食！我真係好鍾意食脆卜卜嘅雞蛋仔用炭燒方式整出嚟嘅雞蛋仔真係特別脆仲會有陣淡淡嘅香烤味！不過呢底就燒得燶咗少少～同埋如果要我再排多一個幾鐘我就真係不了(;´༎ຶД༎ຶ`)

「大澳華記香脆雞蛋仔🧇」..炭燒雞蛋仔$23啱啱整好嘅時候真係好鬼趣好鬼香😬入邊唔係空心😌幾足料👍🏻但係過咗幾分鐘之後就唔係點脆😭識落唔係好夠煙韌🥺有少少失望😶..👀賣相 ：✨✨✨✨💰抵食 ：✨✨✨👅味道 ：✨✨✨🗺地址 ： 大澳華記香脆雞旦仔 大澳石仔埗街121號地下#hkfoodie#foodblogger#hkfoodblogger #hkfood#lunchhk#午餐#食好西 #snackhk#食食食#taiofood#泰國美食#雞蛋仔#大澳美食 #打卡#好西#掃街#香港#香港美食#美食#大澳#港式小食#炭燒雞蛋仔#香港好去處#eatwchelle#eatwchelle_taio#吃貨

「年輕人，究竟有咩動力驅使你排呢間雞蛋仔排足一個鐘呀？係『傻』呀！」話說當天見到一條長長人龍龍在排雞蛋仔，過了一小時後再去，隊依然很長。沒辦法，開始排隊吧，原來這是一個錯誤的決定。師傅只有一個爐，每組人大概買1～2底，我和大木博士中途不斷在計算還要排多久，有想過放棄，但當時在想：那麼多人排一定有他的原因！結果就排了1小時。。。炭燒香脆雞蛋仔 $23價錢雖不是貴，但連時間成本在內就真是不值得，總括而言就是普通的雞蛋仔。說是炭燒味，但完全不突出，個人覺得跟一般的沒太大分別。味道就普普通通吧，蛋味算是偏濃，口感軟綿綿，不過不失。我覺得應該不少人都像我一樣，排了一會兒「洗濕咗個頭」就不想中途放棄，所以才繼續排而已。如果只有少數人排隊，我覺得還可以一試，但15分鐘以上就不了，其驚喜度還不及附近擺擋的燒魷魚（笑）。【精靈球和大木博士一起的搵食圖鑑，比卡】

大澳華記香脆雞蛋仔🐣雞蛋仔($23)唔知幾時見啲朋友入到大澳都會買呢間雞蛋仔果日去到已經有一條長長嘅人龍一於就排隊睇下炭燒嘅雞蛋仔好唔好食先由於師傅得一個炭爐 每次只係可以整一個雞蛋仔🥚我哋果日就等咗半個鐘多啲先買到食落好有炭香味內脆外軟 好有蛋香味😋不過可能因為等咗咁耐 期望就愈高無一食覺得好驚艷嘅感覺覺得同普通原味雞蛋仔無太多分別🧐所以試一次就夠

由屯門坐船到大澳差不多要一個鐘先入到黎行行下見到有間店拉排好長龍 上網睇係雞蛋仔好出名係少見既用炭燒整既雞蛋仔🥚🥚見佢咁出名 我又山長水遠入到黎 我又去排下🤣🤣因為得1個員工一個爐所以每次淨係整一底雞蛋仔等候時間比較長😨😨差唔多等左半個鐘 終於可以食啦!!!🤣🤣因為每底都即時整🤩所以係熱辣辣既雞蛋仔😆雞蛋仔外脆內軟 但唔夠香 無蛋味 個人覺得雞蛋仔一般 普普通通 未去到要為左佢排半個鐘食😅😅

一開頭見到佢係用炭爐整嘅雞蛋仔，同埋都見到大排長龍，所以就決定去買一份雞蛋仔試吓。但係買到返嚟覺得雞蛋仔其實冇咩特別，唔係好食到有特別嘅炭香味，同埋啱啱開始食嘅時候啲雞蛋仔好脆，不過食咗一陣淋濕。喺其他地方買到嘅雞蛋仔水準仲俾佢更加好，亦都唔需要等咁耐，所以我哋覺得呢一間雞蛋仔唔值得用咁多時間去排隊。

【炭燒香脆雞蛋仔】 HKD23.假日黎到大澳🏝，多人得恐怖😱，仲好記得出番市區嗰陣等左一個鐘先上到旅遊巴😅。大澳除左大墨魚🦑、豆腐花、蝦豬餅🌮等美食之外，聽講雞蛋仔都係好多人話要試。同普遍食到嘅唔同，係以炭火燒製🔥，伯伯🧓🏻一個人加蛋漿，加炭，逐底逐底整，每底平均需要3️⃣至4️⃣分鐘至食到。想食嘅都要預留乎時間排隊。雞蛋仔攞起手熱辣辣♨️，望落金黃，食落外脆內軟，帶點蛋香。不過炭香味唔突出🤔，感覺同平時食到嘅差別唔大。整體味道不過不失，排左半個鐘多啲，自己試一次就夠，一場黎到會想試其他特色野。.📍大澳華記香脆雞旦仔大澳石仔埗街121號地下