大糖

Open Now

Now Closed

馬鞍山經常被譽為美食沙漠，今日就係呢個沙漠搵到一片綠洲-大糖。星期四晚上8點左右唔洗等位就可以入座，不過3個字左右已經差不多坐滿🤣今日同朋友們都叫左三個店家推介既甜品😋😋😋😋榴槤忘返 （榴槤、雲尼拿雪糕、水晶珠、亞麻籽）榴槤齒頰留香，味道非常濃郁，配上清脆爽甜既水晶珠同豐富膳食纖維既亞麻籽真係好夾🥰😋清湖映月（芒果、雪糕、紅豆、紫米露、椰果）朋友形容呢個甜品係一次過滿足晒所有願望。芒果夠甜，雪糕又有唔同口味揀芒果、抺茶、曲奇、朱古力、雲尼拿、士多啤梨，總有一款岩你口味🤗最後朋友揀左抺茶味，抺茶同紅豆果然係最佳既組合👍🏻紫米露再拼埋呢個甜品既椰汁雪花冰，有驚喜🤩最後再食一啖有𡁻口既椰果，口感相當豐富。😋熱原盅椰皇燉牛奶蛋白椰皇味濃，蛋白濃郁夠滑而且店家嚴選3.6牛乳，相當有誠意。整體黎講，店家既出餐速度非常有效率，每份甜品都好足料，價錢合理，性價比高。舔舔脷指數👉🏻7😋/10😋滿分 值得一試😋

都開左一段日子，諗住試下。叫左星空同白雪公主，同menu張圖都差幾遠下，芒果粒數量唔多同埋係酸既，d冰係糖漿芒果味，好假，地方好迫，夾硬坐多d人，即使佢有其他糖水，我都唔會再去試

聽日再嚟食呢個外賣加一碗糖食，因為太熱而且有時間 順便等吓佢嘅外賣汪汪汪小丸子食過覺得抵食 $30就一大碗，芒果係雪冰 呢個天氣一流！小丸子有口感煙靭好多粒外賣了一碗糖不甩正常發揮，我本身唔係特別鍾意食，口感軟腍腍 今次份量正常過上次好多喎！上次得一半，今次起碼都上到去七成八成不過今日食覺得甜咗啲，紅豆蓉就一定係太甜㗎啦 蛋奶香都合格不過最正係呢個有 雙丸燉椰皇仲有芋圓西米露勁實在😘🤪成為$64 外賣加兩蚊服務態度，硬係覺得嗰個男人成日都好似好惡咁 不過應該純粹佢係咁

環保政策之下外賣收費已成常理，但係呢個小小嘅甜品都要每一個加兩蚊好似太過分🥹有機會減低外賣嘅機會嘅芒芒小丸子今次新嘢幾好味，整得都快，不過買紅豆蛋白燉奶就少好多，只有一半影咗張相，但係喺個friend度椰汁紫米露OK不過不失之前都食過，好杰 足料不過如果佢細心少少，可以搞爛嗰啲一團團嘅飯😂芒芒小丸子嘅丸子硬啲，有口感！另外我哋都嗌咗糖不甩，嗰個啲軟腍腍啲 有口感好軟熟好幸福嘅感覺！芒小丸子嘅一大好處就係有沙冰！冰涼透心，如果可以冇咁甜少少就更好同埋多啲芒果果粒今次冇椰皇，冇得食，椰皇蛋白食咗一個份量好細嘅燉蛋白鮮奶，不過好似甜咗啲今次

昨晚買外賣, 一肚氣！ 已經等了很久才可落單, 職員說要排隊, 我和朋友都覺奇怪, 原來佢一直在包外賣, 有個女仔都在等緊落單！到我哋時, 其實我哋已經寫哂食什麼, 不過吾係無就是個職員入單入得耐, 到比完錢時, 廚房個男人鬧(係鬧, 吾係話）我哋話落咁多野食就寫張紙(其實都係7樣野食）, 還鬧我哋阻住哂其他人！其實我哋有寫低哂起個電話到, 只是落單落得慢！跟住我哋反駁左兩句, 我朋友走時聽到佢講粗口, 應該係鬧我哋！呢間野, 態度差, 安排混亂, 味道一般, 仲要鬧人, 以後一定吾會再幫襯！！！係吾會再幫襯！！！！

之前食過幾次，甜品味道唔錯，最好食係窩夫同埋椰皇燉蛋白系列，芋圓唔好食，一啲味都冇但服務態度極差，店員自己唔寫低導致落錯單，然後屈個客講錯，仲要話：「你個腦諗住但你冇講到出嚟啊」，但我哋3個都聽得清清楚楚，仲要係完整成個名講出嚟。呢啲服務態度，真係趕客。啲店員仲要好大聲咁喺度傾偈，同埋大嗌咁叫人落單間鋪好細，啲枱枱凳凳擺到好迫，空間好狹窄，坐得好唔舒服，袋都冇位擺今次體驗好差，以後都唔會再嚟，blacklisted

夜晚9:30pm去，排隊時已問職員有咩售罄，因為我就係想食椰皇，如果無我就唔等啦，留返D位比其他人，樓面帶眼鏡姐姐話：「唔好意思呀，我都唔清楚，我已經handle唔到。」排左半小時，入座時已經好多野都無，椰皇都無曬，我叫左個熱的中式糖水。黎到唔係暖咁簡單，似係解凍唔切，中間係凍的。跟住就聽到樓面呀姐嗌熱嘅糖水無曬，得翻凍野，師傅話熱唔切（即係即食嘅，佢連微波爐叮熱都無時間） 食到臨尾，見到隔離台遲過我入座嘅食客又有翻椰皇，真係好奇妙呀！我想評論一下，如果你地做唔切咁多生意，不如檢討下係咪唔應該接堂食/ 外賣平台。 第一 ，見到廚房師傅已經做唔切。 第二，樓面呀姐都處理唔到堂食訂單+外賣+平台訂單，佢連外賣都pack錯。 第三， 兩個呀姐連堂食都handle唔到，係我自己行埋櫃檯自己攞返自己個糖水，我仲要同你地講返唔好意思，我黎食糖水係我嘅錯，打搞到你地！

外賣等超過20分鐘，店員唔係跟號碼叫，已過號5個追問情況，金色頭髮廚房工大聲夾惡叫退錢，等唔好等。原來該店號碼係亂禁，非順次序，試問不是員工邊個知？咁既鋪頭仲食？吹多下都驚俾人加料啦，仲食？

馬鞍山出咗名係美食沙漠，正餐諗食咩都有難度，有時想食碗糖水都諗唔到去邊度有得食，難得區內開咗間糖水舖，呢日的起心肝同朋友們飯後試一試！呢日係平日夜晚，但堂食竟然都要等位。我哋叫咗三個甜品，有白雪公主（芒果汁沙冰、鮮芒果、椰汁粉條、芒果雪糕）、七星伴月（椰汁沙冰、西瓜、黑珍珠、西米、自選口味雪糕）同埋紫薯綿綿冰（配芋頭味雪米糍同芋圓），甜品賣相非常精緻，份量亦都好足夠！價錢亦都合理，性價比高！遲啲天氣再凍啲嘅時候，要過嚟試吓暖笠笠啲中式糖水

下午四五點嚟買，都冇乜生意，但係店員都好似唔係好理我哋咁嘅唔緊要啦，都係純粹太想食現成糖水先嚟嗌咗個燉蛋白，原來外賣係要加一蚊，佢都冇提我哋，所以總共應該加咗三$4燉奶其實好容易整都係奶同埋蛋白同埋糖，味道應該唔會差太遠，只係佢可唔可以成功地結成一個膏狀所以呢個就正常發揮，唔會太甜咁樣囉加$8要仙草原來咁少護院紫米露又五粒芋圓仔，雖然$30但係覺得少咗啲，紫米好足料好濃嘅不會太甜仲嗌咗個椰皇燉蛋白加雪燕嘅，佢會有啲類似西米露溝雪燕，雪燕份量唔多整體不過不失嘅甜品 不過服務就麻麻啦

第二次嚟呢間，上次食過白果腐竹糖水，覺得麻麻哋好小材料，水份比較多比較稀釋今次再嚟試吓佢個椰皇燉蛋白雪燕，同埋朋友好想食紅豆沙或者綠豆沙，原來呢度只係得 $20一碗都幾平！但係原來上枱係好水，第二次嚟就覺得呢度嘅印象就係平民嘢食，反而handle唔到！其實呢啲先係基本功，建議店主可以練一練！其實唔難㗎畢竟佢其他嘢都整得OK呀嘛！個椰皇燉奶極好味！ ！因為本身好鍾意呢個甜品，只要整得佢成形咁就應該唔會難食！雖然啲水酸酸地，相信係因為用咗椰青水，加熱就會變少少酸非常之好味呀，之後一齊食嗰個燉奶！放棄咗紅豆沙！朋友當水飲🤣🤣🤣做得好嘅一個位就係甜品唔會太甜有機會會再嚟試食，希望下次質素更好😁

一間屹立係馬鞍山嘅糖水店，鋪仔細細，但人客滿滿。價錢合宜，糖水份量十足🥰🥰🥰最仲意就係食大糖嘅棉棉冰❄️❄️❄️芒果味棉棉冰🥭味道清新，非常開胃。朱古力味棉棉冰🍫味道濃郁😍 😍😍😍😍😍😍再加上丸子、香蕉或红豆等配料，口感清爽、豐富，係夏日消暑的不二之選。💓💓另外芒果小丸子都係最受大家熱愛嘅甜品😍😍😍滿滿嘅丸子，口感彈牙，加上新鮮嘅芒果果肉，香甜可口😋😋😋😋😋

知道呢度新開左間糖水舖，仲食同埋新款嘅甜品都有，所以嚟試吓！今晚想食熱辣辣嘅傳統糖水，所以嚟呢度試吓鍾意呢度選擇多，而且圖文並茂選擇困難嘅我揀咗一陣決定食腐竹蛋蓮子糖水，屋企成日整㗎以前不過呢排好耐冇食火候唔錯，睇得出腐竹煲到爛晒睇水，不過我自己比較鍾意有一塊塊有得咬冇留意原來呢度係冇白過，我屋企就回家白果 白果口感俾-因為比較煙靭 本身唔太鍾意蓮子嘅感覺，不過其實佢蓮子同埋薏米俾得好少嘅啫粒蛋大大粒都幾新單，重點係唔會太甜恰到好處 最怕糖水煮得太甜朋友嗰碗紫米露丸都好好味，亦都係唔會太甜，而且好足料好濃郁唔會好水 我嗰碗比較水🤣🤣整體而言唔錯，而且佢人手喺廚房原來好粥！令到上菜到非常快

「最完美既晚上係有糖水環節」今晚一家人食完個靚飯就食新開既大糖糖水之前係大埔時食過覺得唔錯今日ENCORE馬鞍山店💜•原盅椰皇蛋白燉雙丸椰皇近期好深得我心熱辣辣椰皇有西米 仲有埋湯丸加芋圓 煙煙韌韌一個椰皇 滿足哂我既願望🫶🏻要再ENCORE

馬鞍山大部份餐廳都係早收，十點後都冇地方吹水。而家終於有地方，可以食完飯坐低食糖水，唔使咁快散場。糖水種類豐富，選擇多，有中式糖水，刨冰，窩夫，芋圓，仲有主打既芒果甜品。- 清湖映月 (芒果，雪糕，紅豆，紫米露，椰纖果) ($38)招牌甜品，好足料，成碗都係配料。 芒果好甜，紅豆，紫米露都好夾。- 椰汁紫米露芋圓 ($30)依碗係熱食，椰汁味好重，好香濃。芋圓煮得軟硬適中，有咬口。今次試咗偏中式既糖水都唔錯，下次要試下刨冰消暑。大部份糖水價錢唔貴，$40 以下有好多選擇，亦無偷工減料，可謂性價比十足。最重要係開到凌晨一點，夜晚想食糖水，或者揾地方吹水，就有個好地方。